«
»

Hmeltha-i Kha

March 14th, 2013 11:06 pm by Dr Mahminga Sailo

(Ziah tur dang hre hek lo i, tawn chhun chhun sawi leh zuah zuah mai ang hmiang. A peih peihin chhiarah… ;-) )

High sikul
Lunglei Rahsiveng tlangvalin fiamthua an sawichhuah fo leh midang paw’n an hriatlar chu, ‘Rahsiveng tlangval ka ni tlat’ tih hi a ni. Chu vengah ngei chuan high sikul ka lut ve a. Mahse, Rahsiveng high sikula kal erawhin, ‘Rahsiveng high sikula kal ka ni tlat’ tia inchhuanna tling kan nei lem lo. Tu tawng huat thu ni lo se, Rahsiveng high sikula kalho kha chu thingtlang atanga lehkhazir leh khawpui chhunga lehkha zir tha peih vak lo luh khawmna a ni. MZP football tournament-ah erawh kan champion zing viau!

Aw hmeltha!
Chu high sikulah chuan ka u chiah hi an class-ah pakhatna a nih thin avangin mahni tawkah mikhual lutuk lovin ka lawi tan ve a. Thingtlang atanga pem nafam chuan khawpui nula zingah hmeltha tih tawk ka nei ru ve nasa thin, ngaihzawng erawh ka ngaihtuah ngai lem lo (tun thleng pawhin ngaihzawng erawh ka la hmu zo chuang lo va!)

Ngai teh, kum kan tan hnu thla hnih velah chuan nula hmeltha tak mai hian pawl sawm a rawn zawm thar a. Pawl riat zirlai tan chuan pawl sawm zirlai, chutah kan sikula nula hmeltha ber (midang paw’n hmeltha an ti tlat a) mai kha chu biak pawh ka be ngam nang. Amarawhchu, sikul a lo kal leh a haw lam erawh ka hmuh hmaih ngailo. A hmel a va’n tha chiang tak em ti ila ka sawi thiam theih tawp a ni awm e! Ani erawh chuan a sikul kalnaah hian ka lut ve tih pawh a hre lovang. Mahse, a hmelthatna leh duhawmna chuan inthlahrunna nei miah lovin ka thinlungah a luah khat lawi si.

A mak!
Hun a kal zel a. First term exam kan bei mek a. Sikul thlen paw’n lehkha zirin kan buai em em hlawm vek mai. Tin heti hi a lo ni a. Chawhnua exam tan dar ri nghakin veranda-ah kan ding khawm thup a. Ka la theihnghilh mai lo va, ka mitthlaa’n a la fiah reng thin. Ruah sur tura khaw intham vel vangin thli a thaw vuk vuk a.

Ngai teh, hmeltha-i chu a zirpui nena rawn inzuiin kan dinna lamah chuan a rawn phei a. A gaitein naupang zakzum tih takah, a ruktein ka lo lai leh em em ngawt pek a nih chu! Pathianin hmeihhia a duan fuhzizia tak hi aww..

Ka zawn a lo thlen chuan hmeltha-i chu a ding chawt a. Engdang sawi lovin, min hmachhawn setin a ding a. A kut no taka ka koki pahnih vuan meuhin, ‘awi he naupang hi, I va’n hmeltha em em ve; Awi ka duh tawp che, tunge i hming?, min ti ta a nih chu! Chutia sikul khata kal, a ruka ka hriat em emin min lo la hmu ngailo chu kei chauhin mak ka ti lo. A lo kalpui a thianpa ngei pawh chuan mak a ti. Kei erawh chuan sawi tur reng ka hre lo, tawngchhuak turin chakna reng ka nei lo, a mak a ni tawp. Ka bula mite chuan min fiam zui sap sap a.

Lenlai a rual lo
Mahse hun a ral zel a, ani chuan kum tawp exam hmain sikul a bang a. Tin, khatia min hmachhawn hnu bak kha chuan pawl a inan loh bakah kan kum a intam hleih bawk a. Kan inbiak chhunzawm ta lem lo. Kha nula hmeltha-i kha khiang a awi tawh ngei awm si. A hmel erawh a that ngaiin a la that reng ka ring. Enngtikah tak a sakhmel tawng leh ang I maw? Ka pian a tlai deuh a ni.

A thlalak ka nei si lo va, ka * pakhat zawk Song Hye Kyo (Han Ji Eun) hi ka tarlang ta mai. :-)
Source: ajilbab.com

Similar Posts:

Recent Posts:

This entry was posted on Thursday, March 14th, 2013 at 11:06 pm and is filed under Luangliam, More than words.

37 Responses to “Hmeltha-i Kha”

  1. 1
    VaiVa Says:
    March 15th, 2013 at 12:28 am

    First ang aw… :-$

  2. 2
    Mx Says:
    March 15th, 2013 at 12:28 am

    Ka first loh na a rei tawh hle mai a :-D

  3. 3
    Mx Says:
    March 15th, 2013 at 12:35 am

    Lolz. Min lo 1st khalh chu le :-P

  4. 4
    VaiVa Says:
    March 15th, 2013 at 12:39 am

    Ka lo first tir mai dawn che em ni? :P

  5. 5
    Mx Says:
    March 15th, 2013 at 12:40 am

    Ka chhiar zo ta.. Chhiar a nuam khawp mai.. (Y) lenlai ruallo hi a lo pawi thin..:-D

  6. 6
    Mx Says:
    March 15th, 2013 at 12:41 am

    #4 Hahaha :-P

  7. 7
    hlatekhua Says:
    March 15th, 2013 at 1:34 am

    Hmeichhe thenkhat chu an nulat lai aiin nu an nih hnu hian an la hmeltha tawlh tawlh thei lehnghal a nia, tunah chuan a hmeltha lehzual tawh viau mai thei asin…zawng chhuak leh rawh!

  8. 8
    SinlungSuok Says:
    March 15th, 2013 at 1:43 am

    Chiar anuam hle mai mase a tawi deuh ka ti, rawn ti zel raw u, a ngaihnawm asin tiang ang story hi.he2

  9. 9
    littlerascal Says:
    March 15th, 2013 at 6:40 am

    A va tawi ve

  10. 10
    sheldon Says:
    March 15th, 2013 at 7:33 am

    Tukchhuah nuam vek u le (L)

  11. 11
    ruatruatapa Says:
    March 15th, 2013 at 8:46 am

    I sawi nu khian pasal a nei tawh a, a pasal chu PWD EE a nia. Theiriat khua anih kha… Tunah chuan khawiah nge an awm ka hre tawh miah lo :)

  12. 12
    Kawnga Says:
    March 15th, 2013 at 8:56 am

    Ka chhiar chhung hian i hmeltha-i hmel atan hian lo mitthla ka nei hranpa ve. Ka hmeltha-i chu a tha zawk fe ang.

  13. 13
    Dr Mahminga Sailo Says:
    March 15th, 2013 at 9:15 am

    Tun kar chhung khan, mi(sual) a reh lutuk a, chawpchilh tawkin ka rawn inpuang ta ngawt mai a nih khi.. :-)

    @ hlatekhua.. I’n sawi dan velah chuan, sawi chhan i nei chiang.. ;-)

    @ SinlungSuok & littlerascal.. Chuti zawk maw? Ka lawm e. A inthlahrunawm zawk thin a.

    @ ruatruatapa… A lo ni tak tak ang a.. :-O Chuti, chance a va bo ta ve… :-D

    @ Kawnga… Pathianin mihring min duan dan hi a thukin a ril ngawt mai ti raw. Hmeltha tih inang ta thum se, sir sandman te hi kan ngam awm der si lo. A hrehawm dan tur chu e. Ani lah a intithu phian bawk si ang a.. :-P

  14. 14
    Pakak Says:
    March 15th, 2013 at 10:36 am

    hmeltha hmuh hi chu a nuam thlawt a ni…

  15. 15
    delis Says:
    March 15th, 2013 at 11:28 am

    Hmeltha an hmuhnawm ber a, a dawt ah sipai lam an tih thin bawk kha.

  16. 16
    delis Says:
    March 15th, 2013 at 11:29 am

    Post a khat lutuk a ka log in peih vel lova. Admin ho kha lo tang deuh teh u.

  17. 17
    mama Says:
    March 15th, 2013 at 11:36 am

    Star deuh ten min biak chu sawi loh, min lo melh ve zeuh pawh hian khawvel hi a nuam veng veng thrin.

  18. 18
    century child Says:
    March 15th, 2013 at 12:46 pm

    Star te zirtirtu-ten an lo star ve hian a buaithlak duh khawp mai :-P

  19. 19
    Dr John Says:
    March 15th, 2013 at 1:08 pm

    (Y) Ngaihnawm hle mai.

    Students ten Teacher an Star rawn hian a buaithlak ka ti bawk :-P

  20. 20
    Jacka Pi Says:
    March 15th, 2013 at 1:25 pm

    Ngaihnawm thin e :-D

  21. 21
    lr hlonchhing Says:
    March 15th, 2013 at 2:39 pm

    Luangliam nalh thlarh thlarh hle mai (Y)

  22. 22
    hlatekhua Says:
    March 15th, 2013 at 3:33 pm

    Pawl 1 ka zir laia hmelṭha ka tih ṭhin em em pawh ka la hria, a la hmelṭha reng!

  23. 23
    Dr Mahminga Sailo Says:
    March 15th, 2013 at 11:11 pm

    @ hlatekhua… (Y)

  24. 24
    Ruata 4 Cabin Says:
    March 15th, 2013 at 11:20 pm

    (Y)

  25. 25
    Maisek Says:
    March 15th, 2013 at 11:43 pm

    ka nih loh tawp chu! :P

  26. 26
    Dr Mahminga Sailo Says:
    March 16th, 2013 at 12:26 am

    @ Maisek… Ni lo anga i inhriatna kha e ka unau, sual hnathawh a ni a sin… :-D :-P

  27. 27
    Mama_B Says:
    March 16th, 2013 at 6:42 am

    Hmeltha lo tih ruk deuh te bula han intih pa em em lai stage te kha a awm ve a…… In inla pa thei ngawtin ka ring! Hahaha

  28. 28
    PKfanai Says:
    March 16th, 2013 at 7:35 am

    Hahaha.Ruatruatapa chu leh. Ka cousin kha ava nih hmel ta ve. A nulat lai kha chuan a tha ve thawkhat bawk a ni. :-) i pic dah nen pawh hian inanna tak an nei. :-)

  29. 29
    caribou Says:
    March 16th, 2013 at 12:18 pm

    A lo la nghak reng che asin. Nang aiin pawl 2 lekin a sang a, in inthlau miah lo.

  30. 30
    virginia Says:
    March 16th, 2013 at 2:17 pm

    Khawngaihin emotion hman dan mi lo hrilh ve teh u..

  31. 31
    mama Says:
    March 16th, 2013 at 2:28 pm

    @ Virginia, a hnuaia mi khu coma aiah space dah la han ti chhin teh

    :-D,:-),(Y)

  32. 32
    SHauzelSailo Says:
    March 17th, 2013 at 4:18 pm

    Hmelthra hi chuan min dek zar hlawm ani.
    Ka duh tuk, kei mipa hian, hmelthra’i ;)

  33. 33
    zualbonez Says:
    March 17th, 2013 at 7:24 pm

    hahaha v hmeltha awm ve

  34. 34
    dolly dollz Says:
    March 17th, 2013 at 8:30 pm

    Keipawh a ruka star, a ruka bansan leh ka nei!

  35. 35
    triplestar Says:
    March 18th, 2013 at 8:52 am

    Ngaihnawm reuh, mahse a tawi hret ka ti. Primary sikula ka kal laia ka star min tihrechhuak zawk mai ;-)

  36. 36
    Lersia Says:
    March 19th, 2013 at 9:57 pm

    Van han ngaihnawm rem rem em……

  37. 37
    Dr Mahminga Sailo Says:
    March 20th, 2013 at 8:03 pm

    In tilawmawm thin e… (Y) Kha hei hi tlai khaw hnuah ka rawn chhawp che u.. (D) (D)

    Hnathawh pahin ka mi(sual) thei ta lo va, nilengin ka lung a leng thin.. ;-( Zan lamah ka kulcho tawh thin si a.. :-)

Comments are closed

This is an archived copy of mi(sual).com — new comments can no longer be posted.