Thianpa dawrah bawk chuan nikhat chu mi kawngkal thlir turin ka va leng leh a, ka hman em a ni.
Eng eng emaw kan sawi lai chuan nula pakhat kawngpuia kal mek chu min kawhhmuh pahin, “saw nula saw ka ‘englo’ tawh” ati nulh a, kei mifel thianghlim uchuak leh invawng fel uchuak tak ngial paw’n a thusawi awmzia chu manin ka inhria. Chu nula chu ka va en leh a, alo kal liam tep a, a back light ringawt paw’n min ti luhai thelh mai. Ka thianpa chuan min lo en reng chu niin, kan nui ta ringawt a.
Ka rilru chuan ka thianpa chu ka awt nge ka thik pawh ka hre lo, a nun chu nawmhmel bik riau hian ka hria a; mahse ka ngaihtuah chiang a, tisa hlimna ringawtin chhungril hlimna a thlen phak lo tih ka hrechhuak a, ka nunah chuan ka lawm tawk leh viau tho mai.
Thawk ka la a, aw then pahin, sin deuh rutin “engtin maw nichin nula chu?”
“Hmm, nangni mi fel-ho zawng kawm tlak lohna chin hi in nei thin, khawvel kalphung in man lo leh tlat thin” mi ti ta erh a. Ka lawm lo, “thlirdan a inang thin lo a ni mai a eng nge maw ka man loh bikna le?” ka ti let ve a. A ni chuan “kha3, i thinrim leh der emaw ni, fiam te hi in dawl lo, in fel lutuka tuma fiam phak lohah in inngai emaw ni” a ti ta deuh deuh a, ka dang duh bik lo, “chuti em mawni le, i sual vangin min hmu dik lo zawk aniang” ka la ti ve hram a. Han inhnial bawrh2 mah ila unau ang hiala in en inkawm ngeih kan nih vangin kan inhaw tak2 ngai lo, thiantha neih hi chu ava nuam thin tak.
Rei vak lo kan ngawih hnu chuan “lu hai chiai chiai, khawvel danga cheng anga inhriat ang hi i tawng ve tawh reng reng em?” a rawn ti chhuak hlawl a, ka vai tawng thiam ve chhunin hawi lah chungin “matlab” ka lo ti nghal a. A ni chuan “Enge matlab? Matlab lam pawh a ni lo ang, a vawikhatnaah phei chuan awmdan thiam a har, nuam tak a ni. I hmuiin a chuktuah hnu lawkah khawvel danga cheng angin lu a hai chiai2 a, thisen zunzam zawng2 fan chhuakin, mi insum thei lo ho chuan sual rapthlak tak an tih phah ta thin a ni” a ti a.
“hmmm..zu bawk maw ni leh pek, an khap reng alawm” nin hmel takin ka lo ti mai a. Ka tawng hria paw’n a lang lo, a sawi chhunzawm a, “nula/tlangval mai ni lo, mi nu/mi pa thlengin an hrat a” a ti a.
Kei chuan, “nia, khapna dan lah hi” ka ti dek2 a.
“An khap em ni?”
“Khap lo’m ni?? Enge kan sawi??”
“Enge kan sawi a i hriat a?”
“E le, ZU”
“A ni leuh, in kiss hi alawm ka tih” a ti ta daih a.
“Awwwww anih chuan kha nula kha i kiss tawh tihna..chuan…”awmze nei takin ka ti a. A ni chuan “kiss ringawt, a bak engmah a awm lo, ka insum thei alawm” thutak tih hriat deuh hian a ti a.
Kei mifel lutuk, mi thilsual ti lai hmuh fuh a vuakhlum mai hreh lo khawpa fel hian chutia in kiss atanga sual rapthlak tak mai alo chhuak tan thin anih si chuan, in kiss chu khap leh ngei2 chi ni hian ka hre ta tlat a.
Similar Posts:
- Khap Panchayat illegal, Supreme Court in a ti tlat
- In kiss hi sual a ni thei em?
- Zei Book – Part 3
- ‘D’ Zunzam
- Vanapa Hall hi
March 16th, 2013 at 3:18 pm
Khap na ramah hian in kiss te pawh hi kan la khap lo ang tih ti nge sawi thei
Report this comment
March 16th, 2013 at 3:45 pm
Post awmze nei tak a ni
Report this comment
March 16th, 2013 at 4:50 pm
KHAP CIAH SE LA
Report this comment
March 16th, 2013 at 5:30 pm
A va tha reuh e.
tren tren
Report this comment
March 16th, 2013 at 6:14 pm
Comments ‘like’ vek e
Report this comment
March 16th, 2013 at 9:16 pm
An khap lo chung pawh a, kiss tur hmu zo lo kan tam hi a, chu em chu khap lo teh u.
Report this comment
March 16th, 2013 at 10:53 pm
Tha reuh ve. Tunlai post thar han chhuah khat theih dan hi a……..
Report this comment
March 17th, 2013 at 8:37 am
hey……
In lo khap leh ngawt tak tak ange aw….!! haha..
Report this comment
March 17th, 2013 at 11:17 am
Haha khap chi nang le, thenkhat an hrilhhai lutuk palh ang :)ziak thiam e..
Report this comment
March 17th, 2013 at 5:30 pm
I ziak thiam hle mai. Ziahhlawm tawpna erawh mifel trawngkam ani lo.
Sualna chi hrang hrang hi a awm a tih erawh hriat tur.
Mi vuakhlum chaknate hi ‘tualthat’ ani Lal Isua danah chuan. Vuakhlum hrehlo phei phei sualna turu tak ani asin.
Mipa leh hmeichhia inti awn awn mai ai chuan a sual zawk.
Misual nih inhriate hi tihharhna niah chuan mifel a inngaite aiin an harh duh zawk asin!
Report this comment
March 17th, 2013 at 6:29 pm
#10 pu Shauzel, thenkhatin ‘nupui/pasal-a insiam hmaa in kreinchh hi siamtu huat ber a ni’ te an ti bawk sia, ratings hi kan lo siam ve leh tawp zel zawk em ni dawn?
e.
Tin, i thlirdan atang chuan mifel tawngkam a ang lo mai thei, mahse mi fel famkim tawngkam a ni ve thei tho in ka hre deuh a..
I comment hi ka
Report this comment
March 18th, 2013 at 1:00 pm
11 @Centur… In tih (pawk pawk ti kher ila, haha) hi inneihna atan a siam leh serh ani a, chuvang chuan inneih hma emaw nupui/pasal a insiam hmaa intih tih hi a awm thei lo.
Innei a inti mai nilo, inti te chu an inti hlen – innei hlen tur ani, an inti – innei ta si a.
Isuan, thinlunga uire pawh uire ani atih kha le. Isua zirtirna I la mamawh hle nih hi, anihloh leh hriatthiama, pawm a thinlunga vawn reng tal.
Report this comment
March 18th, 2013 at 1:57 pm
#12, i sawi awmzia ka man pha chiah lo
Report this comment
March 18th, 2013 at 2:10 pm
Intih is ekual tu mutduna a hnuailam insoh tir
Rating hi kan siam tur ani lo.
Thinlunga mithat pawh tualthat ani. Chuvang chuan tualthat hi mutdun aiin a sualna a sang zawk Lalpaah chuan.
Hrethiam tawh em.
Report this comment
March 18th, 2013 at 3:04 pm
Thinlunga tual thah ringawt chu sual ni tho mah se a taka hnuailam insawhtir chu a sualna a sang zawk lo’ng maw.
Sual san lam rating list a awm em ni? Sang zawk te itih? Ratings i siam chiah zawk a ni lo maw? NOI
Report this comment
March 18th, 2013 at 8:18 pm
NOI tih ngai hlei nem,
discussion to find the true teaching ah ngai sin. I open avangin ka lawm zawk e.
Kan sawi ka sa sa, True Teaching chu kan sawi vek mai ange.
Pathian Thu hi tihtak zet a zawnloh chuan hriat a har reng ani.
A san leh san loh te a awm loh chuan, naupang mai mai te leh sual thil ti vak lo te pawh Satan’a leh Sakawlh’a angin kumkhua in Meidil ah an kang ve mai tur asin.
A list te te in kan saw ang aw:
Thupek Ropuiber chu enge?
‘Lalpa I Pathian chu I thinlung zawng zawngin, I thlarau zawng zawng leh I rilru/ngaihtuahna zawng zawngin I hmangaih tur ani,’ by Isua https://www.biblegateway.com/pa.....ersion=KJV
Pathian kan hmangaih dan tur, A hnen kan tih tur, Amah kan hmangaihna thiltih a kan lantir dan tur:
1. Keimah lo chu Pathian dang nei suh.
2. Milem be suh.
3. Lalpa I Pathian Hming lam mai mai suh.
4. Chawlhni Sabbath thianghlim takin serh tur ani tih rawh. Ni ruk chhungin Lalpan lei leh van a siam a, a ni Sarih ni chuan a chawl a, a tithianghlimin a serh si a.
Thupek Ropuiber dawttu chu:
‘Nangmah I in hmangaih angin I vengte I hmangaih tur ani,’ Isua. Heng Thupek pahnihah hian Dan leh Zawlnei te zawng zawng a tel vek. https://www.biblegateway.com/pa.....ersion=KJV
Mihringte kan anpuite, kan vengte kan hmangaih dan tur, an hnena kan tih tur, an hnena kan hmangaihna – thiltih a kan lantir dan turur:
5. I nu leh pa chawimawi rawh, tichuan he leiah hian I dam rei ang.
6. Tualthat suh.
7. Uire suh.
8. Ru suh.
9. I vengte hek/hretu derah awm suh.
10. I vengte ta awt suh.
https://www.biblegateway.com/pa.....ersion=KJV
An rilru leh an thinlungah Ka Thupek te Ka ziak ang,’ Atih kha, ‘an Pathian Ka ni anga, Ka mite an ni bawk ang. https://bible.cc/jeremiah/31-33.htm
Ti kha chuan I hrekim ta anih loh leh I hrekim thei I duh chuan, Sual indawt dan leh Dan thu.
I in open avangin, I in open zel chuan I hmu zel ang, ka lawm em em e.
Report this comment