Mizoram hmasawnna atana thil pawimawh tak pakhat chu Autonomous District Council tamtak neih hi a ni. A chhan chu Mizoram atanga kan thil thar chhuah hi eng tham mah a ni lo. Ka tawng tu huat thu suh ah vai chawm hlawm kan ni. Sawrkar sum a in nghat kan nih avangin hmasawnna a om theihna tur chuan sawrkar sum tamtak kan ram chhungah a luh a ngai a ni. District Council guideline hi hnam hnufual te hma khaw ngaihtuah chunga duan a ni. A tum ber pawh hmasawnna a ni ti ila kan sawi sual awm love. Mizoram kil tin in hma kan sawn theihna tur chuan Autonomous District Council hi a pawimawh takzet a ni.
Kan hriat theuh angin Mizoramah district pariat kan nei a. zchung zinga district pahnih chauh hian Autonomous District Council an nei. District dang paruk te hian autonomous body an la nei lo. Heng district dang parukah autonomous district Council a awm thuai theih nan Zoram mipuite kan tanrual a ngai a ni. Aizawl hian hmundang aiin hma a sawn tawh avangin ADC hi hmundang a dah a tha zawk dawn a ni. Chhim lamah chuan ADC a awm tawh a. Hmar lamah ADC awm thei sela Mizoram hmar lam pawh in hmasawnna a hmu pha ve ang a. Mizoram khawthlang lam pawh in hma a la sawn loh em avangin ADC siam bawk nise. Mizoram hmar chhak lam Paite area ah hmasawnna a thlen phakloh avangin helam tihhmasawn nan ADC a pawimawh hle bawk. Mizoram in hma a sawn tak tak theihna tur chuan development in kiltin a thlen phak a ngai a ni. Tun dinhmun ah chuan hmun then khat in hma an sawn viau lain keini border area lamah chuan hmasawnna a la rawn thleng pha lo a ni. Aizawl chauh tihchangkan hi Mizoram hmasawnna kan ti thei lo. A chhan chu Aizawl chauh Mizoram a ni si lova.
Mizo hnam in hma kan sawn theihna tur chuan Lusei chauh ni lo hnam peng dang Hmar, Paite, Lai, Mara etc. ten hma kan sawn a ngai a ni. Heng development in a thlen phak lohna region ah te hian ADC siam a nih chuan mizo hnam peng hrang hrang ten hma kan sawn ve thei tawh dawn a ni. Hmasawnna a rualkhai tawh ang a, tumah in hmuhsit leh in en hniam a awm lo bawk ang. Zo hnahthlak hnam hrang hrangte kan lo inpumkhat tawh zawk bawk dawn a ni. Mi thenkhat in ADC hi mizo hnam inpumkhatna atan a tha lo an tia hei hi thil diklo a ni. Mizo hnam kan inpumkhat theihlohna chhan zawk chu hmasawnna a in khai rual loh vang zawk a ni. Kan hmasawn dan hi inchen thei sela tumah in hmusit leh in-en hniam kan awm lo ang. Tichuan Mizoram chhungah zo hnahthlak hnam hrang hrang te kan lengza tawh dawn a ni.
Mizoram kan hmangaih tak tak anih chuan Autonomous District Council a awm belh theih nan i tangrual ang u. State sawrkar tum tur a ni chuang si lova. State sawrkar hian rem a tih phawt chuan thil harsa tak a nih a rinawm loh. Central sawrkar tum tur anih avangin an sum engtin nge kan eisak ang tih ngaihtuah hi a finthlak zawk. Vaiho hian Mizo ang a kan in zawmkhawm hi an hlau a. Chuvang chuan development hmatheh in kan thinlung lam min thendarhsak an tum a ni. Tun atang chuan ngaihtuahna thar tha i nei tawh ang u. Kan ram leh hnam in hma a sawn theihna tur chuan central sawrkar pawisa a tam thei ang ber ei theihna tur ruahmanna kan siam thiam a pawimawh a ni.
Similar Posts:
- LADC Budget Session tan ani
- District Council for Paite
- Mizoram sorkar bithliahah lawmlo
- MADC in Zawlaidi zawrh a khap
- LADC new CEM Sworn-in
March 18th, 2013 at 3:46 pm
1 a tawk lo a ni maw.
Report this comment
March 18th, 2013 at 4:41 pm
2 aia tam a awm tawh a, chu chu a la tawklo i tihna a mi? (FTH)
Report this comment
March 18th, 2013 at 5:01 pm
Tuna Mizoram dinhmun thlir chuan tuna mi 3 pawh hi ṭhiah a nia ka duh ni…
Report this comment
March 18th, 2013 at 5:49 pm
ADC hi lo tha viau a nih pawhin a “Hmar, Paite, Lai, Mara” zawnga kalpui chu a chi dawn emawni. Aizawl hi Lusei chauh awmna pawh a ni bik chuang hleinem. A “Kolasib, Champhai, Lunglei, Mamit” ang zawngin ni ta mai zawk se awmzia a nei zawk lo mo?
Ka hrethiam ve chiahlo na a
Report this comment
March 18th, 2013 at 6:49 pm
Vai hoin mizo anga kan inzawmkhawm an hlau a?? teuh nang aw…vaiho hian Mizote hi el thamah min ngailo hrim hrim, hnam peng hrang hrangah kan inthendarh tih pawh an hrelo. Kan tlem em ema, kan State a te hlea, kan ralmuanga, ziak leh chhiarah kan sanga, kan intodelh lo tih zawng hi an hria. ADC, hnam chekhnawk humhalh nana danin a siam lo sawimawi viau mai hi a finthlak viau lo. Inpumkhat nan pawh kan mamawh hek lo.
Hmasawnna (development) leh 6th schedule hi lo hriatpawlh tawh suh, post tupa, a nuihzatthlak vak lo.
Report this comment
March 18th, 2013 at 8:42 pm
‘Ka unaute an lawm chuan ka lawm, an hlim chuan ka hlim,’ chutilo zawng buaina ani.
Post chu ka duhzawng ani e, mahse a tam thei angber ni kher lovin a duh duh in nei sela.
Israel te mah, mahni hnamtin ram an nei asin. An Lalpa Pathian a Fin vang ani e, ka Pa chu.
Report this comment
March 18th, 2013 at 11:45 pm
Autonomous DC hi hnam zawnga neih chi a ni a, a district zawnga neih chi a ni chiah lo maithei ani.
Chuan, tuna ADC awm tha lai thiah duh tlat na rilru hi ka hrethiam lova, Tawngkam mawi tak Hnam Inpumkhatna ti chhe tu/thei tih hmanga tuna ADC nei hnam tlem zawkte hmasawnna leh an chanvo kan chan ve phak loh vanga thikna, leh khawvel hmasawn rual a hma an sawn chak ve zel tur thikna ni mai ah ka ngai.
Report this comment
March 19th, 2013 at 2:48 pm
Eng hmasawnna ropui nge hmuh tur awm vak chuang le. Sum a tam a thatchhiatna mai mai ani zawk lo’ng maw…hnam min khaikhawm em? a awm sa te hi thlir keuh ila..pichiuu!
Report this comment