Kum engemaw chen ringlo mi kan tih te bulah ka cheng ve tawh a. Hengmite bakah hian kan Pathian awm ringlo mi te hi internet khawvel hmangin ka lo kawm ve fo tawh bawk a. Engvang a Pathian awm hi ring em em nge i nih? tih zawhna ka dawn fo na chhan hi keimah ah hian Pathian thu ka pai hnem loh vang ni awm tak a ni a. Heti zawng hian a chhan ni awm a ka rin ka ngaihtuah ta a.
Isua kha ‘Zirtirtu’ tiin a zirtir ten an ko thin a. Bible a kan hmuh angin Nu leh pa te hi leia kan hmuh theih Pathian an ni tih min hrilh leh bawk a. Ka tet lai atanga ka lei hmuh theih Pathian te, min zirtirtu ka nu leh pa te hian kawng min kawhhmuhah hian diklo, fello leh tha lo kawng hi min la zirtir ngai hauh lo hi a lo ni a.
Chutiang bawkin ka nu leh pa te hian min ring em em mai a. Kei min rinna aia nasa erawh Pathian chungah an nei a. Unau lo hnih khat chuan an duhdan vek a nun te a lo harsa a, manganna tam tak an paltlang thin tih pawh ka hria a. Mahse, hetiang harsatna pawhin a a pawhthluk zawh loh khawp a nasa rinna an nghahna, “Kan tawngtaina a la chhang em em ang” tih an sawi ri hi ka bengah a cham reng thin.
Conspiracy theory te, Pagan rin dan te, Mahabharat/ Bhagvad Gita thlengin ka chhiar ve in ka hre ve deuh riai ruai thin a. Heng rinna nen a a danglamna em em chu ka nu leh pa ten an rinna kha a taka chantir a kawng engkim a thu tha min lo zirtir a min lo kawhmuh fo vang kha niin ka hria a. Ka lei hmuh theih Pathian ten ka mithmuhah thil sual, tihawm loh, thil tha an tih loh chu sawi loh ka nunkawng a hetiang lak a ta fihlim tura min fuihna thin hi ka hmuh theih te hnen a tang a ka dawn a nih avangin an rin a chu ka ring nghet em em tawp mai a ni.
Tun dinhmun a ka nihna ang ang a min chawisangtu, ka chunga rinna nghat a kawng engkima min hmangaihtu NU leh PA te rinna hi ka pawm thlap mai a ni. Khawvel thiamna leh finna hmang a kan chhiar hriat ve te hi chu rin dan leh ngaihdan, tawngkam har pui pui nen min chhawp chhuah a nih laiin kan nu leh pa te chuan tawngkam mawlmang thei ang berin an tawn hriat atangin a mawlmang thei ang berin min hrilh a, an nunah hmuh tur a awm thin bawk avangin an rinna chu finna pe tu ah ka pawm thlap bawk.
Sunday thought: Plato, Tolstoy, Locke, Confucius leh Arostotle a ten thu min zirtir ang hi chhiar ve miah lo kan nu leh pa te hian nitin min fah thin, saptawng anih tak loh avangin kan sawi chhawng thiam lo mai emaw ril ta lo riau in kan hria a ni lo maw?
Tumkau Ni hman nuam vek u le 
March 24th, 2013 at 1:50 pm
A tha hle mai.
Report this comment
March 24th, 2013 at 2:14 pm
Sap pa chal chu mi kha mi in a ti
an tih hi chu, kei ni mizo te hi chuan
kan awih thluam mai.
Mi, sap tawng thiam lo ten a, an tawn hriat an sawi, thu fing leh thu ril
an han sawi ve hi chu maw, a thing
kan ti a. Thu fing leh thu ril ah kan pawm sak duh meuh lo.
Report this comment
March 24th, 2013 at 2:17 pm
Tha khawp mai. English nalh deuhin dah la kan sawi chhawng sup sup mai ang.
Report this comment
March 24th, 2013 at 10:30 pm
ril khawp mai
Report this comment
March 25th, 2013 at 12:39 am
a ni thei khawp ang
Report this comment
March 25th, 2013 at 7:52 am
Tukchhuah nuam vek u le
Report this comment
March 25th, 2013 at 8:10 am
Tha lutuk
Good morning vek u le
Report this comment
March 25th, 2013 at 1:18 pm
A tha hle mai
Report this comment
March 25th, 2013 at 1:29 pm
Report this comment
March 25th, 2013 at 1:41 pm
Amen! Misual loh chhungin members thar active tak2 an lo tam ta hle mai….
Report this comment
March 25th, 2013 at 1:57 pm
A dik khawp mai. Ka nungchang zepui hi chu ka nu leh pa te zirtirna atanga ka neih ani chiang mai. Ka Piantharna erawhchu, Bible chang(Johana 1:16 leh Galatia 2:20) atanga ka Varpawh a ni.
Report this comment
March 25th, 2013 at 2:38 pm
Report this comment
March 26th, 2013 at 1:54 am
Ka rilrua lo awm ta chu a thupui lehling chiah engvanga Pathian ring lo ve ringawt nge an nih….tih a ni.
Report this comment