Bawhchhiatna avanga vawiin thlenga mihring chhunga lo awm, kan pianken ze ril ber leh thuk ber anga ngaih theih pakhat chu ‘SEX’ hi a ni. A thuk a, a zau a, a ril em em bawk. Dik taka sawi chuan he sex hi Pathianin mihring a siam khan anmahniah chi thlah a, lo punga, leilung hi luah khat tura tih an ni a, a nihna takah chuan sex kha siama kan awm tirh atanga kan thih ni thlenga kan chhunga awm tura tih a ni. Mahse, vawiina kan sawi tur erawh chu kha Sex nen khan a inang lo em em thung. Chu chu ‘HUR HERHNA’ a ni.
Kan sawi tawh angin Bawhchhiatna khan mihring sex awm kha a tibawrhbang ta a, a loa luakchhuak khawpin mihringah hna a thawhtir a, Nova hun lai khan chu hurherhna chu a nasa em em a, chu chuan LALPA Pathian thin a tiur em em a, tuileta tihboralin an lo awm phah ta a ni. Hun a kal leh deuh a, Abrahama hun laiin Sodom leh Gommorra vanglai khan chu hurherhna chuan mihring a fan chhuak a, Lota mikhual pahnih, vantirhkohte takngial pawh kha tenawm taka tih an tum a nih kha. Chu hurherhna avang chuan Sodom leh Gommorra khua chu mei leh kata hremin an awm a, a mihring leh a khua chawpin an boral ta vek a ni.
Tunlai khawvel hi han en teh le, Lesbianism, mawngkawhur (gay) etc.etc, pa leh fa inpawlna, nu leh fa inpawlna, ramsa/rannung laka inhrikthlakna, naupang laka inhrikthlakna, pitar/putar laka inhrikthlakna, mahni ngaihtuahna hmanga inhrikthlakna, a va tam tawh tak em!! Nova hun hma record kha kan khum a, Sodom leh Gommorra record pawh tunlaiah chuan zero (0) a ni tawh. Eng hremna kan tawrh ve dawn le? Tute nge him thei tur list-ah awm ang le?
Genesis 18:16-33 kha han en la, Abrahaman LALPA hnenah Sodom khua leh a chhunga mi fel awmte tan a dil a. Mi fel 50 lo awm ta se hrem lohvin an awm ang: chutiang zelin 45, 40, 30, 20, 10 chauh pawh awm se an him ang. Mahse an awm lo!! Karei le(h)!!! Lota leh a fanute 2 chauh kha zu han hima mawle!!
Vawiinah hian mei leh kat rawn sur dawn ta se, i him ang em? Vawiinah hian a sur lo a nih pawhin nakinah chuan he khawvel, lei leh van hi a la boral ngei dawn a. Chutih hunah chuan i him zo ang em le? A boral i ring lo maw? Dak la, han hawi vel teh; khua chuan la, thlir vel teh, khawvel ram ropui zawkten ralthuam lam an buaipui nasat zia hi i hre thei em? Silai, bomb etc.etc, engatan nge an tiha i rin? Boruak kah nan maw? Ramsa kah nan maw? Nge tarmawi atan?
Ni lo, mihring thah nan a ni. A ni, mahni mihring pui leh khawvel tihchhiat vek nan a ni lo vem ni? A nih chuan kan khawvel chuan boral a hmabak mek tih hi lo hre tawh ang che. Lalpa Isua hi lo kal leh dawn lo pawh ni se (a lo kal leh ngei ngei dawn a ni), tuna a landan atang ringawt pawh hian leilung hian chhiat rupna a hmabak tih hi haider rual lohvin a langsar em em a, khawvel insingsak dan en hian thlamuang taka hurherh/sual hman a ni tawh lo, mit khap kar ang maiin chawp leh chilhin a lo thleng thut dawn a ni. A lo thlen hunah chuan kan inring hman hauh lo vang le!
Aw le, kan thupuiah let leh tawh ang aw. Tunah hian hurna/suakna laka fihlim hi 10% an awm ka ring lo.
Mahse, Pathian khawngaihna avanga hurna leh sual laka chhandamte chu an him ngei ngei ang tih ka sawi ngam e.
Duhsakna ka hlan a che.
Similar Posts:
- Khawvel hneh rawh!
- Lalpa I hmangaih ang chiah khan Lalpa’n hmangaih ta che se la!
- THAWHLEHNAA TIHNUN KA LO NI TA
- Engah nge i innghah?
- Ka Tan a Tha Pathian Hnaih Chu, Sam 73:28
March 25th, 2013 at 6:20 pm
Pessimist. Sex aia pawi, corruption, nepotism, hypocrisy leh incompetence hi kan ram leh hnam hmelma zawk anni. Zu leh sex mal thlur ringawt tur ani lo.
Report this comment
March 25th, 2013 at 7:08 pm
“…..SEX’ hi a ni. A thuk a, a zau a, a ril em em bawk.”
Financial Year tawp dawn buai lai laia Sex thuk zia, zau zia, leh ril em em bawk zia lo thupui hlapui ngawt pawh chu 
Mizo tawng diktak ‘Mipat Hmeichhiatna’ te tih awm tak 
Report this comment
March 25th, 2013 at 9:00 pm
A duh duh tan a helh theih a, a object theih a, a sel theih bawk.. Dan kalh a ni chuang nem le.. Sex chu atirah chauh a langa a hnuah erawh hurna, hurherhna tia ka ziah hi in hmuh kan lui ve hrim hrim chu a nih ka ring lem lo ve.. Thanks.
Report this comment
March 26th, 2013 at 1:51 am
Borat….corruption te, nepotism te hypocrisy leh incompetence te hi sexual immoralities ai hian an pawi bik lo.
Ngun takin han chhiar tha leh la he article hian i sawiho khi a fak mawi miah lo…mahse he thu tum ber chu sexual immorality pawi zia a ni. Thil tha lo zawng zawng a ziak seng bik nang.
Sexual immorality hi Pathian huat berte zinga mi a ni a, immediate cause of God’s punishment an ti hial.
Corruption leh sexual immorality hi khaikhin loh tur tha lo ve ve an ni. Tha lo ve ve khaikhin chuan pakhat chhuah that a awl.
Report this comment
March 26th, 2013 at 8:03 am
Sex(mipat-hmeichhiatna) hi Pathianin a khap bur lo, chi inthlah pun nan leh nupa inpumkhatna kaihnghettu atana Pathian duan a ni. Hmansual erawh a haw leh em em si. Hmansual ai chuan, nupui/pasal neih mai kha Paula pawhin tha a ti.
Report this comment
March 26th, 2013 at 11:25 am
vakul: “Tha lo ve ve khaikhin chuan pakhat chhuah that a awl.” A va ril ve le.
Report this comment
March 26th, 2013 at 3:47 pm
Pk Fanay, good.. Mahse, atir lam leh a lai hawl leh a tawp lam khi i chhiar chiang turah ka ngai…sex ka sel lo, hurherhna leh sual a ni ka sawi chu..ustd
Report this comment
March 28th, 2013 at 11:57 am
Nia.
Isua lokal lehna a inring hman hlawm tur atan heta hi fapa hektanuamchen a awm e.
Harhna ni chu keimahah a thleng ang. Chumi ni chu thinlung in hawngin in lo thlir reng dawn nia, chhandam in nih theih nan.
Report this comment
March 28th, 2013 at 1:11 pm
#4. Vakul, corruption hi dan bawhchhiat sualna (crime) ani a, sexual immorality chu midang pawi khawih lo sual (sin) ani, rape, incest leh dan phalloh zawnga sex anih loh chuan.
Mizoram kan atna ber chu sin leh crime kan thlair hrang thiam lo hi ani. Drug addict leh zu tlem te zuar lunga den hlum an tum laiin cheng vaibelcche tela hlepru an tlawn leh hurh hi hetiang attitute kan neih vang hi ani.
Report this comment