Teuh lo mai.
MSU chuan April ni 2-a RTI Act hmanga School Education-a zawhna a zawh chu, department lam hian private school te khuahkhirhna dân a awm an hriat loh thuin an lo chhang a. Amaherawhchu, Mizoram-a Private School hrang hrangte zawm tur dân, ‘The Mizoram Recognised Private Schools (Regulation) Rules, 2006’ kan nei reng si a!
He dân No. 17(1) & (2)-in a sawiah phei chuan, Mizoram-a Private School recognition neite hian sawrkar remtihna lo chuan fee chi hrang hrang hi an duh duhin an khawnin an tidanglam ngawt thei lo va. Zirlai emaw, zirlai nu leh pa emaw, khawtlang atangin sawrkar thu lo chuan sum an khawn thiang lo bawk tiin chiang takin a inziak nghe nghe a.
Private School leh Sorkar School he admission fee leh fee dang khawn chungchangah khuahkhirhna dân a awm a, he dân kalhna school tam tak awm mah se, dân anga action lak a awm loh thu chhànna a awm bawk.
Tin, April ni 3 khan Vanbawng Students’ Union chuan thu chhuahin, Vanbawng-a sawrkar sikul awm zawng zawng, Primary School pahnih, Middle School pahnih leh High School pakhata Headmaster an neih loh thu leh, dah tura sawrkar an ngen thu an chhuah a. Hei phei hi chu awih harsa khawpa MAK DANGLAM a ni!
Tun hnaiah Lunglei-a Govt. J. Buana College-a Public Administration lecturer pakhat chu a post chawpin Govt. Hrangbana College-ah sawn a ni a, hei hi an SU hruaitute leh Lunglei MZP hmalakna avangin, an rawn sawn let leh ta hram chauh va! Thin a tiur pawh a ni mai lo va, nuih a tiza a ni!
Hmanni lawkah Govt. Aizawl North College-a Principal, hmana duh lova an lo hnawl tawh chu sawrkarin dah leh a’n tum ringawt a! Zirlai naupangte hi bum mai mai theih an ni lo va, kum tam liama rilru thlak zung zung chi an ni hek lo!
March thla lawka North Vanlaiphai High School-a Science zirtirtu hun rei tak chhung a awm tawh loh avanga an lo buai chiamna te pawh kha kan la hre reng awm e. Kha’ng te pawh kha zirlai pawlin hma lain, practical exam boycott tuma hma lain na taka sawrkar a nawr hnuah an hlawhtling ta chauh a nih kha.
Engati nge Mizoram sawrkar hi harsa taka nawrkal chawp zel a ngaih mai le? Education Minister hi Education Minister a nihnaah a FAIL em? World Class Education chu eng chiah hi nge?
Similar Posts:
- Mastermind 2009-a College Tel Turte
- Building an hlan
- Zirlai pawl pahnihin Saikhumphai kâng tuarte tanpui dawn
- Enge in ngaih ve dan le?
- Mizoram College NAAC Grade thar
April 6th, 2013 at 6:41 pm
1st an la ti ngai em le eh!
Report this comment
April 6th, 2013 at 8:05 pm
Quality education nei turin sorkar lam atang pawhin tan la teh se, Duke of Wellington-an “Napoleon ka hneh theihna chu Eton school” tia a sawi angin kan education hian thui takin a hril ve tlat a ni.
Report this comment
April 6th, 2013 at 8:57 pm
Tunah chuan World Class aiin National class education tal nei tura hma kan lak ala ngai mah zawk. thingtlang khaw tinah primary, middle leh high school/higher tal a awm vek hi a tha ka ti a, mihring cheng zat azirin. Mahse khawpuia private sikul tam ta lutuk hi chu a ngaihmawhawm deuh a ni. Ka thian thawk ve tawhte atanga ka hriat danin facilities an nei chhe tlangpuia, an teaching system hrim hrim pawh a thalo, thiamna tak tak aiin Exam Pass ah chiah an in focus tlangpui.
Chuan Lunglei bikah hian college kan nei pachhe khawp mai, zirlai an thatchhe si; pakhat tha ve tawk tak dang hi dinbelh se competition te pawh a san ve phah deuh mahna, engtia hmalak chi nge mawni.
Report this comment
April 6th, 2013 at 9:07 pm
World Class Education hi a hming chu a ropui, Minister hian ram changkang tawhte Education kalpui dan a hmu a, chu chu keini pawhin kan tive theiin a hria a. Tih ve a duh a, a thawktu lamin an peih ngang lovah ka ngai. A chianna em em chu Govt. School ah Zirlai an tlem tual tual a, School naupang nei lo Sorkar Sikul an pung tulh tulh a, private sikul ah zirtirtu qualified lem lo leh train pawh train lo in naupang an ngah tulh tulh atang hian. Mahni thawhna sikul a fate dah duh lo sorkar sikul zirtirtu hlawh tam pui pui an thu khup a nih hi !
Report this comment
April 6th, 2013 at 9:16 pm
Sawi tawh ang khian , step-by-step in thil reng reng chu kalpui tur. Vawilehkhatah ram ropui a thlen theih loh. Education Reform Committee te in din sela,school tinah Inspection mumal tak neiin, Report kimchang tak te siam phawt sela. chuan hmalak zui dan tur chu a hriat mai ang.
Report this comment
April 6th, 2013 at 10:18 pm
Zirtirtu tha neih hmasak a ngai…..
Report this comment
April 6th, 2013 at 10:25 pm
Kan hotute hian thupuan ropui tak tak hi an han puang ve leh ngawt zel chu a nia…
entirna : Smoke Free Mizoram, World Class Education, Switzerland of the East, etc etc…
hmm hm
Report this comment
April 7th, 2013 at 12:37 am
Sex education hi a pawimawh ka ti.
Report this comment
April 7th, 2013 at 1:30 am
ka ngaih ve dan chuan khua zawng zawng ah hian primary school leh middle hi awm vek sela. High School chin hi BDO pakhat awmna ah hian awm leh ta se. Higher hi chu a lo ber ah pawh district capital ah awm se. College phei hi chu Lunglei leh Aizawl ah chauh hian awm se, kan that phah zawk a rinawm tlat. Kan sorkar hian hetiang anih chuan thingtlang lam tan hian hostel emaw siam tam deuh mai se. A chhan chu education ah chuan surroundings a pawimawh lutuk study environment nen. Chuvang chuan world class tur chuan, chutiang a kan tih a ngai a ni..
Report this comment
April 7th, 2013 at 4:33 am
#5,#9.(Y)Zirna vei tak tak, siamthat duhna rilru pu tak takin enkawl sela, laina hnai induhsak nana hmang lovin a thiam leh thain hmun chang se kan zia chhovin a rinawm.
Report this comment
April 7th, 2013 at 6:31 am
World class zirna chu khawvel twp hnu ah pawh kan nei leuh ang… World class pawh lo nei ila, Phaia lehkha zir tur in kan intir liam leh tho ang
Report this comment
April 7th, 2013 at 8:15 am
Duh chuan kan nei ve thei ang chu. Mahse… a har ngawt ang.
Report this comment
April 7th, 2013 at 10:27 am
@4 hotunu_pasal ron soi khi ka thlop e….chu mai bakah sawrkar hi nawr reng ngai ,an hloh a tam si, nitin uluk tak leh rinawm takin mahni hna threuh thokin phe suau2 ta se, chu bakah hna sem zai thiam tu chu a hnuaia thokte pon nuam an ti bok thrin….chuvangin hotu lu ho te hian in hnaah rilru in pe tok lo tihna ni mai…te ka ron t duah
Report this comment
April 7th, 2013 at 1:16 pm
Zir tir tu hna lak hi, thil buai thlak tak
a nih ka ring. Interview na a ti tha ho lah hian, an awm na post a awm
loh theih dan hi, an ngaih tuah chhuak thiam viau mai bawk si a,
a buai thlak khawp mai. Rei lo te an han awm ve zawk a, zir tir dan pawh an thiam na rawh e. Mah se kum rei lo te ah, mi thiam an nih na a lo lang leh thin. Mi thiam ni na fam chuan,
khaw pui a, in sawn tir dan an thiam zel mai si a, kan he ti luai luai a nih hi.
Report this comment
April 7th, 2013 at 1:51 pm
World class education hi chu poilitician tawngkam ni turah ngai phawt mai ila. Zirna quality tihthat nana awlsam ber ni a ka hriat ve chu (tun dinhmunah) Question set ah hian understanding ngai ngei ngeiin set mai se la, answer paper check ah zirtirtu thiam bik select mai se la.A step hmasa ber tur hi ngaipawimawh mai teh se.
Zirtirtu nei lo, private sikul etc.. automatikin kan education system hi a inchher tha mai law’ng maw
Report this comment
April 7th, 2013 at 1:51 pm
World class education hi chu politician tawngkam ni turah ngai phawt mai ila. Zirna quality tihthat nana awlsam ber ni a ka hriat ve chu (tun dinhmunah) Question set ah hian understanding ngai ngei ngeiin set mai se la, answer paper check ah zirtirtu thiam bik select mai se la.A step hmasa ber tur hi ngaipawimawh mai teh se.
Zirtirtu nei lo, private sikul etc.. automatikin kan education system hi a inchher tha mai law’ng maw
Report this comment
April 7th, 2013 at 2:15 pm
Mak thei ngai ve…
Report this comment
April 9th, 2013 at 12:28 pm
Mizoram in a neih loh Politician lehkhathiam leh vision nei tha neih phawt a ngai
Report this comment
April 9th, 2013 at 12:47 pm
World Class Education
Supermodel
Switzerland Of The East
Mizoram Olympic
Aizawl City (where VILLAGE Councils rule)
Hetianga inngaitlawm tak ho tawng hi ka ning ta deuh.
Report this comment
April 10th, 2013 at 9:16 am
Mak ka tih ve mai mai chu Mizorama School kan kal dan hi Sawkar kum ang deuh March-April ang a ni a, hei hi a bikin phailama zir chhunzawm turte tan a tha tihvang kha a ni pakhatin ka hria a, kan sakhuana (abikin december thlate hi chu naupang tan lehkha a zir tak2 theihloh) avang pawhin a rem chang chiahlo a ni. Mahse Phai ram zawk Assam leh Tripura te chuan Jan-December tho anla hmang si a, an ni tan hian zirzawm aharlo emawni chu aw ka ti deuh…
Report this comment