Hei hi Fb lama group pakhat a post a ni a, a post tu phalna in helam ah hian ka rawn suan lut ta mai.
YMA CHANGREL FUH TAK MAW ? V.Lalchhawna,Ex-MDC,Saiha
Source – Moonlight Daily Newspaper, 4th April 2013 (opinion)
Mizoram NGOs te zingah hian YMA te hi pawl lian ber leh zahawm ber an ni tih kan haiin ka ring lo. Mizo hnam tlawmngaihna vawng nungtu an ni a, chhiatni thatni ah kan inthlamuanna leh innghahna ber an ni thin. Nikum kumtirah khan Saiha Bazar ah In 27 tehmeuh kangin chhungkaw 40 dawnin an tuar a. Hemi tuma sawrkar atanga sum tanpuina hmuh chu nuai 27 zet a nih laiin, YMA General Headquaters tanpuina chu nuai 32 chuang a ni hem mai! YMA tanpuina tling khawm hi nuai 40 chuang a ni a, YMA nge nge an fakawm takzet a ni. Hei chang a la ni lo, Dt.27.11.2012 ah Tuipang Bazar ah In 4 kang leh in chhungkaw 6 in an tuar a, Lunglei YMA Sub-Headquarters chuan rang mangkhengin INR.10,000/- theuhin tanpuina an rawn hlan bawk a ni. Kan Bible-in, “Tualkhat leh Pathian chhungte in ni” a tih ang deuhvin Marafa hi Zo hnam peng khat,unau chhulkhat chhuak kan nih zia YMA te hian a takin an rawn lantir a ni a, a lawmawmin a ropuia, fak tlak leh chhuan tlakin YMA te hian hna an thawk a, kan chhuang tak meuh a ni. YMA dam reng rawh se.
Heti taka YMA te fakna hla kan sak mek laiin, thu thinthawng leh dengkhawng tak, YMA hotuten an chhakchhuak ji erawh chu a mak a, a lungchhhiattlak bawk a ni. Engthu nge ni ta ngai? E le, Gupta Commission-ah RED CARD min pe a nih tak kha. He thu hi hriat a nih veleh YLA MTP leh CYA te chu Joint meeting neiin New Delhi-ah palai an in tir chuk chuk ta zawk a, YMA hotute hian kan NGO te muhil an rawn beng harh a ni ah zawk awm a sin. Kan YMA hruaitute hian YMA kum puan thupui mawi leh tha tak, ‘Ram leh hnam humhalh’ tih hmachhuanin Gupta Commission in Autonomous District Council pathum te Territorial Council-a hlankai a rawt chu an dodal thu an puang a, a chhan niber a lang chu Zoram thendarhna a nih an hlau a ni awm e. Mara leh Lai te hian Zoram atanga chhuah thu hi kan la sawi ri ngai lo a sin. Ram leh hnam inpumkhatna kawngah Lawngtlai leh Saiha ah te, Lunglei lam Academy of Letter te nen seminar huaihawtin vawi duailo kan nei thin zaw a ni.
Kan ram hruaitute hian Development chungchungah thuah Mizoram sawrkar min enkawl dan hi an duhkhawp lo va, Central ah vawi duailo an zualko tawh a, kan CM zahawm tak, Pu Lalthanhawla leh Pu CL Ruala,MP ten duhsak taka an recomment na zar ah Gupta Commission hi a lo piang ta zawk niin a lang a. Beiseina sang tak kan neih ve lai a, YMA ber in RED CARD min pe ta mai hi a vanduaithlak takkzet a ni. Territorial Council hi zoram thendarh tumna ni lovin Lai Mara leh Chakma te Development lama ke penna tur a ni zawk.
Lunglei lam hi Development thu ah chuan an vuivai nasa thin a, a tawp ah Lunglei High Power Committee, Mizoram Sawrkar in a dah ta hial a, Development hna an thawk a, a tha em em a ni. Ka hriatsual loh chuan CM Chairman na hnuaiah Lunglei lam hruaitute chuan duh tinreng an sam ta mai chu a nih hi, a lawmawm takzet a ni. Zoram hmasawnna hna an thawk a ni.
Territorial Council hi kan nei a nih pawhin Development sum kan kut ah a awm em loh pawh in State Finance Commission-ah development sum tam zawk Centre atanga hmuhna kawng a inhawn kan beisei a ni, chu chu kan Mara ram leh Lai ram tan hmasawnna tur a ni e. Kan YMA hotute hian kan ram hi Zoramah min chhiar ve takzet si a nih chuan kan ram hmasawnna chu Zoram hmasawnna tho a ni ve lovem ni, engah nge min dan bik mai le? kan vuivaina aw hi kan YMA Hotute hriatah tlem ka han tarlang teh ang. Centre ah BJP an sawrkar lai khan Prime Minister zahawm tak Chandra Shekhar khan “Autonomous District Council 3 te hi Tribal Backward class an ni a,Mizoram Plan sum 20% an chang tur a ni” a ti a. He thu hi tu Chief Minister mahin an zawm lo. PC Ministry-in Vanapa Hall ropui tak an sa a, a lawmna hawnna inkhawm ah Chair lam atangin ” Saiha ho khan lawmthu in sawi ve dawn lawmni?” an rawn ti kher a, ka ding chhuak ta a, ” Aizawl khawpuiin Hall ropui tak kan pasaltha hming chawia kan nei hi a lawmawm tih loh rual a ni lo, mahse kei chu ka lung a chhe tlat. A chhan chu he Hall hi cheng nuai 65 senga sak a ni a, he sum hi Mara leh Lai District Council pahnih sum belhkhawmin a zat tlat lo” ka ti a, kut beng thei tumah kan awm lo.
Nikum 2012 ah khan Pi Lalhuthangi, Local Council Member chuan veng pali ah Development hna nuai 140 teh meuh a sem a, hei hi MADC Department pawimawh tak, kan Council innghahna leh lungphum pawimawh ber Art & Culture plan sum 60.99 lakhs let hnih aia tam a ni. Mizoram Plan sum 2300 crores a nih laiin kan MADC Plan sum chu 39 crores chauh zuk ni a, te tak kan ni, te tak, itsik tham kan awm mawlh lo. Kum 1971-a NE Re-organisation ah khan Assam CM Sinha chuan Bodo ho leh North Cachar te chu “Nangni chu chhuak ve suh u,99% thuneihna ka pe ang che u a, Development -Department sum zawng zawng nen lam in kut ah ka dah ang” tiin a uibet hlawm a,A thutiam ang hian a ti ngei bawk a ni. He thu hi PC Party hruaitute kan biak laiin, Rev.Sakhawliana(L) in a rawn sawi chhuak a, chuta Pu Lalhmingthanga,Vice President thusawi chu tun thleng hian ka beng ah mawi takin a la ri reng mai, “Assam Sawrkar,phai vai ho mahin a tlang mite chuti taka a duhsak chuan,keini chu unau pianghmun,thlahkhat,chhulkhat kual kan ni alawm,thih leh rual khat ah,dam leh tlang khat ah kan ti ang chu le,in itsikna a awm lovang” tiin min thlah a ni. He thu hi kan YMA hruaitute thu nise an va inhmeh dawn em.
Development Transfer thu ahCongress Ministry in 1975 ah Primary Education chu MADC kut ah a hlan na a, sum erawh a hlan tel lo, 1994 ah Middle School zawng zawng hlan leh kan ni a, sum a tel lo leh bawk. Hei vang hian MADC hian sum lamah harsatna namen lo a tawk a,Zirtirtute Pension pawh chinfel theih lovin a la awm a ni. Assam Sawrkar nena khahin ralah chuan upaten ‘Sa tah chhuak pek’ an tih te pawh hi kan angin ka hre thin. Sum tel lovin Department 10 aia tam transfer a ni tawh.
A tawp ber ah chuan kan YMA hotute hian hei hi hria se tih ka duh hle, Autonomous District Council hi Tribal te Constitutional Right a ni a, chiti maia pawngnek chi a ni lo ang bawk in, Territorial ah pawh Autonomy humhim zel a ni dawn a,NGO chu sawi loh Remna thuthlung MNF leh India in an sawi lai pawh khan nuai bo rawtna a awm tawh. Pu Zoramthanga CM a nih khan Chakma Council thiah a tum thu a thang bawk. YMA General Asembly ah pawh mithiam pakhat paper present chuan ADC thiah rawtna a awm tah,awmzia an nei lo vek. Tunah YMA ber in Development tha zawk kan neih vena tura kan ngaih Territorial Council ah Red Card an phawrh ta mai hian Centre India Policy ah awmzia a nei ngut ang em? YMA te hmalakna hian inpumkhatna nge a hrin ang, inthendarhna zawk tih pawh hriatthiam a har ta, chuvangin ka thupuiah “YMA changrel fuh tak maw?” ka han ti a ni e. YMA dam reng rawh se.
Similar Posts:
- ADC pathumin President hnenah MP seat 1 dil tum
- Mizoram sorkar bithliahah lawmlo
- LADC Budget Session tan ani
- Autonomous District Council tamtak kan mamawh
- Kum 2003 atangin Mizoram PSU 5 te hloh hlirin la kal
April 7th, 2013 at 10:15 pm
Report this comment
April 7th, 2013 at 10:57 pm
Hm
Report this comment
April 8th, 2013 at 12:52 am
Bucks chu I tàwng upat puat ni mai in ka lo hre pek a. Zawk muang in ka han comment teh ang. 1. YMA hi pawl (NGO) lian ber phei chu ani mai thei. Mahse “zahawm ber” han tih chi em ani lo. An kuta tuar ho tàwng kam lo ngai thla ve teh.
2. He website ah ngei hian ethnic based politics, Shiv Sena leh CYMA te angin an khelh hi politics hlauhawm deuh mai ani kan sawi hrep tawh.
3. Mizoram ah hian sorkar tha kan la nei ngai reng reng lo va. Leiba rulhna na leh sorkar hna thawkho thawh vulh lenna bakah hian chuangbang a awm bar lo ni a lang. MADC chu sawi loh Champhai, Kolasib, Thenzawl, Serchhip tan pawh chan alawi a awm lo. 4. YMA in nuaih 40 an pe, I tih mai hi midang sum an khawn khawm an pe chhawng mai ania. An mahni sum deuh chhuah ani lo 5. Central YMA hi sorkar han thawk, office lama thawk rim lem lo ho hruai
ani a, beisei San vak chi ani lo. Mizoram Synod leh politician ho ten an ngaihsan ang he hu in Mizo tam takin kan ngai sang ve lo.
Report this comment
April 8th, 2013 at 1:02 am
IPad hmangin comment ka ziak a, spelling mistake a tam phian mai. Ka ziah tum tak chu:
Bucko chu I tàwng puat puat ni mai in ka lo hre pek a. Zawi muang in ka han comment teh ang.
1. YMA hi pawl (NGO) lian ber phei chu ani mai thei. Mahse “zahawm ber” han tih chi em ani lo. An kuta tuar ho tàwngkam lo ngai thla ve teh.
2. He website ah ngei hian ethnic based politics, Shiv Sena leh CYMA te angin an khelh hi politics hlauhawm deuh mai ani kan sawi hrep tawh.
3. Mizoram ah hian sorkar tha kan la nei ngai reng reng lo va. Leiba rulhna na leh sorkar hna thawkho thawh vulh lenna bakah hian chuangbang a awm bar lo niin a lang. MADC chu sawi loh Champhai, Kolasib, Thenzawl, Serchhip tan pawh chan tur alawi a awm lo.
4. YMA in nuaih 40 an pe, I tih mai hi midang sum an khawn khawm an pe chhawng mai ania. An mahni sum deh chhuah ani lo
5. Central YMA hi sorkar han thawk, office lama thawk rim lem lo ho hruai ani a, beisei san vak chi ani lo. Mizoram Synod leh politician ho ten an ngaihsan ang he hu in Mizo tam takin kan ngai sang ve lo.
Report this comment
April 8th, 2013 at 11:56 am
Mara leh laite hi an tawnga an tawng hma loh chu mara/lai an ni tih ka hre thei ngai lo. Chutiang tak hmel, rilru leh pian hmang inang chu kan nia enge midang te aia an hniam bik na? Duhsak bik an ngaihna ka hre lo reng reng, midangte aia hnuaihnung zawk tlata inhriatna nei lovin mizo mipui nawlpui huangah inti hrang lovin lut ve ngam se mizoram hian hma kan sawn zawk tur!
Midangte tih theih ang chu inti thei vek, ka hmelhriat ka duh duh a ka fiam ngam te pawh hi ka sawi pui zeuh2 thin a mahse chuti vaka inla hrang a inhmu hiam bik hi an awm lo han sawi pui tak tak chuan, a hruaitute ho hi aniang hetiang rilru pu tlat ho hi chu!
Report this comment
April 8th, 2013 at 11:01 pm
Kan YMA hian hei hi chu a in RED CARD sual deuh niin ka hria a, heng Lai, mara leh Chakma Autonomouse District council hian mizoram atang in insahthlak kan tum a ni lo va, aruhlang rawt sawi chuan kan District council ho budget hi a tlem lua a ni hmasawnna atan chuan. Territorial Council ah hlankai kan nih hian Mizoram budget ah buaina chhete mah a awm dawn lo tih chu kan YMA hruaitute pawh hian an hriat ka ring chuti chung chuan chhuanlam fahrah te te an siam leh a Red Card pek kan ni a. Mizo rilrutakin ngaihtuah ila. lawmpui tur kan ni zawk dawn lawm ni ?
Report this comment
April 9th, 2013 at 10:32 pm
he post hi ka copy the ang……,…tha e mai,,kiri
Report this comment
April 10th, 2013 at 9:06 am
He thupui rawn post chanchin hi ka hrechiang lemlo va, mahse a hemi zara ka sawi duh tlem kan sawi lawks..ka OT lemlovang chu maw.
Mizoram chhimlam leh hmarlama cheng (Lai,Mara, Hmar etc.) te hian mizo nawlpui dangte anga ngaihsaklo ni a inhriatna nasa tak an nei niin a lang a.A dik thawkhat maithei a ni. Chutih rual chuan ka fuih duh che u chu heihi dinchhuahnana inhman theih a rinawm tlat bawk. Tunah hian inbeisei angin sum leh pai leh direct funding te hmu ta mawlh2 ula, Mizoram UT hunlaia sum tamtak kan hmuh mahse tuna kan chhiatpui zia kan hriat tlan theuh hi, hetiang ang hi inni mai ang tih a hlawhawm zawk lo maw? Tunah hian Mara,Lai thalai tamtak chuan UPSC/MCS leh gazetted 1st, 2nd officer-ah hian tun hma aiin an tling tam tawh tih inchhut ngai em? Manipura Mizo hnahthlak te pawh hi India ram hmun hrang2 ah sorkar hnalian tak2 thawk an tam khawp mai. Mizoten kan tluk lo. Chuvang chuan Aizawl milian fate inhnuaia indah theihna chance thatak chu tuarchhel a ni. Hemi avang hian ngaihthahin in awmin awm reng rawh ru ka tilo, mahse dinchhuahna remchangah la rawh u ka tizawk a ni.
Report this comment
April 10th, 2013 at 4:13 pm
Post a ka sawi ang khian he thu hi ka kamchhuak a ni lova, Moonlight chanchinbu a chhuak, fb group pakhat atanga ka rawn suan phei a ni ka tih tawh khi.
Ka ngaihdan dik tak chuan, tuna kan dinhmun ah hi chuan territorial council emaw direct funding emaw hi hmu ta ila, kan chhiat pui ka ring zawk.
Sum chu a tam zawk maithei mahse sum enkawltute hian kan la zir lo deuh,. kan hruaitute pawhin an la tlin lo. ADC ho ah hian Secretary emaw Finance lam enkawl tur hian Central service chu sawi loh State service pakhat pawh kan la nei lo a nia… ADC Office a kan officer te pawh MCS an tlin chuan State sorkar lam ah an insawn duh zawk zel rih a nih hi maw. A mipui lam hi in peih hmasa ila, chuan Direct Funding emaw Territorial council emaw hi chu nei chauh ila tha in ka hria.
Engpawhnise a engamah hma a helam ADC area mite thawm chhete an han neih hlek a, CYMA a lo chiau vak vak a ching erawh ka dem hle…..
Report this comment
April 10th, 2013 at 5:49 pm
N.Korea leh S Korea an indo palh vaih chuan YMA, MChP, MTP, YLA ten korea serial en tur an vai awm
Report this comment
May 31st, 2014 at 1:08 pm
trikes for sale
YMA CHANGREL FUH TAK MAW ? | mi(sual).com
Report this comment