Tunlai i tunlai em? Tunlai tunlaina hian i tunlai nun a tibuai em? I tunlai nun tunlaina hian i nun ah harsatna a thlen em? Zawhna tamtak a awm thei awm e. Tunlai a kan buaipui ber pakhat chu tunlaina hi ani awm e.
Nunphungah tunlai kan tum a, incheina ah tunlai kan tum a, inchhung khawsak ah tunlai kan tum a, thian kawm ah te, tawngkam ah te, hawiher ah te, bungraw neih ah te leh thil engkim mai ah hian tunlai hi kan tum nasa em em mai a, chu kan tunlai tumna chuan kan Pathian biak dan thlengin nghawng a nei zo ta a. Kan culture ah nghawng a nei a, kan chhungkaw nun ah nghawng a nei a, kan mimal nunah nghawng a nei a tin kan khawtlang nunah nghawng a nei bawk a.
He kan tunlai na hian rualawhna nasa tak min siam sak a, chu chuan nunkawng thalo ah a pui a pang a lian a te in min khalh kual ta a lo ni.Tunlai nun a rual awhna avangin nu leh pa tamtak in an tih duhloh tha tha an tih phah a, thalai tamtak lah chuti bawk. Tunlai lo bik nih hi kan hlau theuh tawh mai si a chuchuan kawng diklo ah min hruai nasa ta em em mai a lo ni.
A hmasa in Chhungkaw nun ah han en ta ila. Tunlai kan tum lutuk na lam ah chhungkua kan in ngaihsak tha hman tawh lo a, keimahni buai buaiin kan buai a, chhungkaw inpawhna tak tak pawh a awm hleithei tawh lo. Nu leh pa te an fa te tunlai nun an phak loh hlauvin an phe buai a, sum leh pai ngaihtuah reng rengin an buai a an fa te duh zawng tih sak theihna tur anih chuan nu leh pa tamtak hian zahpah leh tih hreh vak pawh an nei tawh lo, chu chuan chhungkua ah rah thalo tak a chhuah chho mek zel a ni.
Thalai lam lah bang lo. Tunlai thil chhuak thar apiang neih ve duhna thinlung in mi a luah khat tawh a, chu chuan a hmei a pa in rilru diklo min put tir ta hlawm anih hi. Hmeichhe tleirawl te te phone chhuak thar, thawmhnaw chhuak thar duh vang leh tunlai lo nih hlauh vanga milian leh neinung zawk te, pawmlai nei mi pa te laka inphalrai ta mai mai tawk lah bo lo, top up thun sak a an mahni pawh top up theih te pawh ka hre nual mai. Kohhran, thalai a mi inhmang tak tak, mahse a langlo lam a tunlai tak tak hi sawi tur an tam mai le. Mi nu in mi nu ka ni e tih tum suh, mi pa lah in mi pa ka ni e tih tum bik bawk si lo…hei hi kan tunlai nun chu a lo ni ta.
Khawtlangah han en ila, tunlai nun changkang a nung te leh nung ve phalo te kan inkar a hla ta vang vang hle mai a. Tunhma a thian kawm a kan kawm thin te pawh khawsakna in tunlai hleih lutuk avangin kan be tha ngam ta lo. Khawtlang thil tih, chhiat ni-that niah pawh mihring kan inthlau ta hle mai..Hei hi a ni kan tunlaina in a hrin chhuah chu. Kohhran lamah thleng pawh hian kan tunlai tawh lutuk a, chu tunlai nun, incheina ah te leh khawsak ah te pha ve lo chu kohhran ah pawh an(kan) inkiltawih tan ta. Chutiang chiah chuan khawtlang ah pawn a ni tan tawh tho mai. Sunday chawhma inkhawm tur kal te hi ka lo thlir ve mai mai thin a, keini veng Aizawl khaw tawp a awm, veng mawng lam ah pawh FASHION SHOW an nei dawn emaw tih mai tur alawm mawle.
Mtitin te kawmthlang ami, vaihlenhlo nena inthenawm, eng em em an thawh pawh kan hriat lemloh, an nu leh pa te lah kawla-nichhuak-chhiara inhlawhfa chawp ve thin te, pianphungah pawh vawi thum pawh piang nawn leh mahse eng super model mah an ni dawn lo tih hriat ve ngawih ngawih te, tunlai pheikhawk sang man to ber chi nen, thawmhnaw FTV velami changkang ber mai ang nen an rawn in kam-ki a an han kal tlawih tlawih mai han hmuh hi chuan mit te hi a tlai thin teh ania. A nei ve lo tan chuan an tunlai hlawm lutuk a han inkhawm ve ngam na chi pawh a ni tawh hleinem. Kan Pathian biak nge kan ngaih pawimawh a kan incheina tih pawh hi ngaihtuah tham tak chu ni tawh in ka hria. Kan biakin te pawh hi a tunlai tawh hlawm lutuk a, tunlai ve vaklo tan phei chuan han inkhawm pawh hian kan ti duk tawh mai chu anih hi.
Heng kan han sawi te hi chu a ve nial nual chauh ang ala ni zawk. Tunlai nun tunlaina hian kan mimal, chhungkua, khawtlang leh kohhran nunah hian nghawng a nei nasa em em mai tih chu kan hre tlang vek awm e, sawi sen pawh a nilo ang. Chutih rual erawh chuan tunlai khawvel inher danglam zel ina a ken tel anih miau avangin tunlai nun mil a kan nun chu a ngai bawk si, sawisel sawisel mah ila thil awmze nei miahlo a ni tlat..khawvel thang zel ina a ken tel a ni tlat.
CHUVANGIN enngtinnge keini ringtu te hian kan tih tak ang? Khawvel inher in a a rawn her chhuah pui a ni miau mai bawk si…….Kan Pathianthu bawk hian a lo sawi chiang alawm mawle..heng kan sawi tak ang zawng zawng a harsatna kan tawh thin te hi a uar loh tur lam kan uar thin vang mai mai a lo ni a. Kan Bible in Philippi 4:8 a min lo hrilh angin..“A dik apiang te, a zahawm apiang te, a fel apiang te, a thianghlin apiang te , a duhawm apiang te , a thang mawi apiang te, thatna reng a awm a fakna reng a awm chuan chung chu ngaihtuah rawh u,” a lo tih hi zawm tlang mai ila, tunlai nun avanga harsatna kan tawh thin hi chu kan tawk hauh lo ang le…
BigDaddy Hmahmatea
(R.Lalhmangaiha)
Kulikawn
Similar Posts:
- Tunlai Boruak hi!
- TUNLAI TECHNOLOGY LEH THALAITE
- Tunlai thalaite incheina leh Kohhran
- TUNLAI TECHNOLOGY LEH ṬHALAITE
- Inkhawm ti tlem ila!
April 25th, 2013 at 2:05 pm
Nun hlui ngaiin kan her hmanlai kan ti vawng vawng…..!!!
Report this comment
April 25th, 2013 at 2:28 pm
Tunlaina hri thalovin min lempil loh nan PREVENTION lam ka uar a; Hand set pawh Mobile a a tlawm ber pawl cheng 1000/- man lawi ka hum ve ran a; parawl nen a changkang deuh ka neih chuan khawhar hnemah (nupui te hmanglovin) tu tu te emaw zankhaw tai rek2 thlengin ka CK pui ang a..lo haw ve tumin eng eng emaw chhuanlam siamin chung mite hmuh tum reng reng chuan ka hmanhlel ang tih te ka hlau pek a nih kei mi dawihzep hian. Ka fanu pawl IX passed pawhin handset a ngen a, ka ta ang hi i duh chuan ka lei sak ang che ka tia ..a duh bik si lo va..vawi tam a hkauhawmna te, min tih khawloh thieh zia te, zirna a thalo zawnga a nghawng nasat theih zia leh kan ram pawh kan tluk ruih ruih dan te kan inhrilh hnu chuan kan hmangaih vang ani tih a hre thiam a; atir lama tap tiau thin kha lungawi takin cl X a kal ve mek a sin..a nulah nise ka neih aia talwm mah…music tak ngial pawh play theih lohna a hum a….hmangaihna thu lah chu kan in fah thlum em em lawi a….Biak In inkhawm thuam hnaw te hi: kan han ti chiam thin a, simple mar leh fai taka Pathian tihna leh fakna thinlung pu tak chung a kan kal chuan tunlai mi kan nih tlat avangin a lo thing thie tak tak chuang hauh lo nia..TUNLAI ni a kan hriat hi..thil man to leh design mawi hi a lo ni ber lo tih te hre thar keh thin ila..
Report this comment
April 25th, 2013 at 2:57 pm
BigDaddy nge nge,i ngaihtuah kimin,thuziak hi i van thiam thin tak em!!
A tawp i rawn kharna khi a tha kher mai, ringtute tihtur dik tak anih khi..
Report this comment
April 25th, 2013 at 3:33 pm
Kei, kum sawmthum kan pel awrh tih ah hian ka tunlai lo ta mah mah in ka lo inhre zawk a.
Report this comment
April 25th, 2013 at 3:34 pm
Biakin fashion pawh a changkang tawh viau.
https://www.youtube.com/watch?v=Fw2VazCrhKM
Gospel hla sa thenkhat phei chu KS niawm ziazanga in hnawihtai an tam mai.
https://www.youtube.com/watch?v=KA07QMCptIU
Report this comment
April 25th, 2013 at 4:09 pm
Prefix leh suffix lamah, paragraph tan tirh lam chu an talbuai ve deuh a ni maw?
Report this comment
April 25th, 2013 at 4:23 pm
Hetiang em em hi chuan tunlai kher lo i la, tunlai chu a tha. https://i.imgur.com/h9a9G6G.jpg
Report this comment
April 25th, 2013 at 4:34 pm
Tha hle mai.
Report this comment
April 25th, 2013 at 5:04 pm
Report this comment
April 25th, 2013 at 6:59 pm
Report this comment
April 25th, 2013 at 10:23 pm
tunlai lo e mai ti2 ho chu close chi vak ni lo ni maw. Nia enga tinge Mizo ho hian tunlai loh hi kan hlauh em2 ni le ka ti thin. incheina/materialistic lam chauh ah leh nghal. Profession lam ah tunlai tum mang hlawm si lo. Chawm hlawm state..nu leh pa ten fate an la chawm hlawm zui leh zel bawk nen. hui hams hruaitu thalai te sukthlek tidang dawrh tur( idol/icon) kan mamawh hle in ka hria. Chuti a nih loh chuan kan thalai ho an thangharh zo tawh lo a nih ber hi.
Report this comment
April 25th, 2013 at 11:41 pm
Post
Thil reng rengah a lutuk a awm vek. Tunlai ve a tulna chen a awm. Mahni dinhmun a zir a khawsak thiam a tha ber mai.
Report this comment
April 25th, 2013 at 11:41 pm
Big Daddy Hmahmate..ka kawmen ve a nia aw..Tran hrim hrim che.
Report this comment
April 26th, 2013 at 1:21 pm
Report this comment
April 27th, 2013 at 11:07 am
Post tha tak a ni a sei viau nangin ka chhiarchhuak veks…
Thu dang: Big Daddy hi thu i ziah tam ve tawh tehreng nen thuziak zawm leh zawm loh hi i uluk lo thin ka ti.. NOI
Report this comment
April 27th, 2013 at 3:40 pm
paws tunlai tak a ni
Report this comment
April 29th, 2013 at 10:27 am
Thu ziak zawm leh zwm loh tur hi hrilh chawp zel ka ngai. A hria ten sawisel ngawt lo a chulai khailai chu a dik lo e heti zawk tur hi a ni e tih min hrilh zel loh chuan kei tehlul hi chuan ka hrelo ve khawp mai.
Report this comment
April 29th, 2013 at 11:07 am
post tunlai tana pawimawh tak a ni
Report this comment