Leng ila vangkhaw zaua’n,
Fang ila khuavel hmuntin;
Chuan ila tlantin, mualtin,
Tawng ang maw chulhnu kan nun.
Hun leh ni herliam zel hian,
Kan nun hmanlai chantir e;
Sikni ang kir zai rel lo hian,
Tahkhua i ti sei thlawn e.
A liam ve ngaihlai zuapa,
Hawktui iang kir a rel lo;
Riang hluan ar ang ka vaia,
Nau ang tahlai ka bang lo.
Ka ngah i rauthla leng kha,
Thawnni awm lo, khuarei pawn;
Khuarei lungdam ka nghaka,
A her chhuak lo lungdam hun.
April 30th, 2013 at 7:33 am
A tha e.
Critics:
1st verse: ‘hmuntin’ ‘tlangtin’ ‘mualtin’ tiha ‘tin’ tih khi zawm loh vek tur.
2nd verse:
“Sikni ang kir zai rel lo hian” tih hi “Sikni eng” tih hla phuahtu KC Lalvunga (Zikpuii pa) chuan “Sikni eng mawi a rawn thlen leh ta” a ti. Sikni hi a rawn inher chhuak leh thin. Heta simile i hman hi a fuh chiah lo awm mang e ka ti.
Report this comment
April 30th, 2013 at 3:56 pm
Nia..I phuah tha e…I rilru tur ka hriatthiampui hle mai che. Eng teh-ual ni biklo mah ila, Sikni chu a lo herchhuak leh thin a lawm..
Report this comment
May 1st, 2013 at 9:30 am
Report this comment