Pathianni ani a, Sande sikul kan bang a, hman hmawh baklengin kan tlan a, Tv nei te inah kan lut ṭhap a, ṭhutna chanloh hlau reng rengin kan hmanhlel ṭhin. Ṭhiante kan ṭhutna ṭhina anlo ṭhut chuan intihbuai kan hmabak hi ani ringawt ṭhin. He thil hi entur chuan Nimin lam (inrinni) khan hah pawh sawilovin kan lo thawk a, Tv neitu te kan lo pui lawp lawp ṭhin.Tv nei awmchhun annih a vangin kan duh emaw, duhlo emaw kan tih angai tlat zel.
He thil avang hian retheihna hi ka haw em em ṭhin, han neih ve theih hi ka chak em em ṭhin, mi tui chawi emaw, Thing eh sak reng mai hi ka ning ve ṭhin, ning the mahila, ka neih in tlin heklo le, ka tih leh nge nge chu a ngai ṭhin si a, a chhan chu ka duh annei tlat atin ani. Kan thawh hnem deuh leh ṭhutna ṭha kan chang kha ani mai a, Tv hnaiha awm theihna anih phawt chuan Tv neitute malis chung pawhin kan duh tho zel zawng alo nih kha maw.
Inchhunga leng zawng kan inhnawh khawm a, a chang chuan rem kan ngai hial ṭhin. Chutah, in chhunga lenglote chuan pawnlam ah Tukverh a ṭangin an rawn en ṭhin. Kan han inrem felt a a le, Tv chu an han hmet a, Tv neitu chuan a hmet duhlo, midang a hmehtir kher zel bawk a, a hmet thei nih pawh kha intih theihna ah kan la hmang ṭhin zui maw le.
Tv a rawn pawl phût a, a mur chem chem a, a rawn éng ta pup mai le, chutah, kan phusa tuau tuau tawh mai le, hmanhmawh tawh nen, pawnlam a a entu te khan anlo khawihche chu niin, kan han herh leh te te a, a fiah, fiahlo, chhaklamah, thlanglam ah, tih te kha chu ka hre bel han tawh mai, sande sikul kum tawp ekzam ah chhuak se chu Pi zailehlo-I medal thlengin ka dawng thei tawh ang.
Kan han siamṭha ta ngei a le, kan han en ta vang vang a, kan nghakhlel lutuk kha kan chil hi kan lem tlawk tlawk ani ber e, ṭawng an han phallo ngei a, kan ngawiṭhap tawh mai, rim in anglo tak tak kan han ṭhu khawm chu a boruak a dangdai thei khawp mai, nghapih bai a, dangpuithu pawl leh rim te pawh a rawn chhuak lek lek in ka hre ṭhin. A ṭhen nghawng a Ṭaibal ṭhi lo awrh tawk te, a ṭhen kekawr kap ṭet te, a ṭhen kawrzak ṭet ten en, a ṭhen hnap tawlh phung in kan ṭhu ṭhap a.
Tlem a changkang deuh leh Thluak hmang deuh chuan Thei eitur an rawn keng a, a neitu te an han pe a, a chang chuan keini a thawkrim te ai khan ṭhuthmun ṭha zawk anchang leh ṭhin. A ṭhenin chithak an rawn keng bawk a, Chithak leh Theihai kan han ei a, kut lehlam ah chi, lehlamah Theihai kan hank eng a, khua alo lum bawk nan a tui pur mai a, Hnaptui nen, Thalntui nen, chilthli nen kan awmho nuaih tawh mai ṭhin a, a chhangchhiat thlak aiin a hunlai chuan nuam ah a kal a, tunhnu a nuih tiza tur ani ang tih ngaihna reng reng kan hre lo.
Le,.. ṭen ṭen a inṭan tawh dawn e, meialh a rawn thlawk phei fuaih a,chutah vai pathian om lem leh mihring lem a rawn lang leh a, a hnuaiah chiang kelh kawlh in BHEESHM INTERNATIONAL PRESENTS a rawn inziak a, kan duhtak mai kha a rawn lang tawh dawn, engnge rawn lang leh dawn tih pawh kan sawi lawk thei vek tawh. CHutah, Mihring Thuamsen inbel hi a rawn lang a, Mukhesh Khanna a rawn inziak kalh mai le, meipui lwh vanthengreng arsi thlawk angreng hi a lo lang a, Vai ṭawng leh Arabic ni awmtak a thil inziak hi a rawn lang leh ta a, kan mur chuai chuai tawh mai. Chutah zet zawng kana wm hle hle thei tawhlo, kan za cheng tawh mai.
Kan hawrawp ngei maiin SHAKTIMAAN a rawn inziak ta kalh mai a, kan en zel a, a rawn inṭan ta, a chhungmu tak a rawn phawrh hma a a khuhhawnna te pawh kha kan hrebel in kan vawng zo tawh. Tichuan a chhuak ta a, hmuhnawm tit akin Shaktimaan kha kan lo en ve ṭhin ani.
Tunhnu a a inṭan dan ka han enleh hian lung ati leng a, a hunlai ngaihtuah chuan Nula Tlangval paw’n anlo en duh hle ṭhin anih kha. Shaktimaan vang hian Seventh Day nih ve mai kha kan duh rum rum ṭhin, anni chuan hman hmawh miahlo leh Tlan hah ngai miahloin an en thei bik a, mahse, Inrinni a chhhuak KARMA leh JUNIOR G an chân vet hung ṭhin, keini’n nuamsa taka JUNIOR G kan en lai khan anni chu an inkhawm tlat zel.
Thil hi a hunlai te te hi a awm ve a, a hunlai leh a vanglai na na na ah chuan SHAKTIMAAN kha khumzo an awm kher awmlove, Kasauti leh tunlai a Kawrian kan tih vel te hi chuan a khanlo lutuk. Kha SHAKTIMAAN ngei mai kha chu VANLALSAILOVA thlipui pawh khan a ngam kher in ka ringlo.
Hmuhnawm tit akin kan han en a, a rawn tawp a, kan han chhhuak leh hlawm mai chu silipar inkhinglo te, mahni silipar hmutawhlo te, Ke-mu te, tho thei tawhlo te leh thawmhnaw bal kha kan awm nuk zel. Silipar kimlo hi chu pawnlam ho tih ani tlangpui ṭhin a, ṭv enduh enna changlo thinrim khan midang silipar anlo thuhrûk sak ṭhin kha alo ni a, kan kim thei khawp mai.
Tunah zawng khang hun te kha thawnthu mai anchang tawh si a, sawi sawi mahila, a tawng velo kha chuan anhrethiam khre lovang. In tinah Tv a awm deuh vek tawh a, Tv mai nilovin Kawmpiutar kan hung fur tawh a, kan ṭhanglo emawkan lo ti a, kan lo ṭhang ngei zawng ani e. Kan rinphak ngailoh, kut tiat lek Kawmpiutar anlo sawifo ṭhin pawh hei kan kutah kan hum far tawh a. Intarnet kan ti Efibi kan ti thul, dawmen kan ti emawni, Ebesait te kan la ti leh zel nen, kan changkang tawh lutuk hi a buaithlak zawk tawh anih hi.
Hman deuh kha chuan CHamphai ah mi pakhat a in awhhlum pawn Kan rampum a dengchhhuak a, kan ṭih em em anih kha, tunah chuan kan khawmthlang ah mi an pawngsual pawn engah vak mah kan ngailo, inawkhlum an awm pawn rap a hnekin a thla kan la a Efibi ah kan paws tawh zawk chu anih hi. Tunhma a tuikhura puan nena inbual a lo lang palh pawh kan sawi huai huai ṭhin kha ani a, tunah zawng, Naute siamlai vidiaw pawh hmuhnawm ani tawh zawk a, Saruak thlalak lah a tam ta em em mai.
SHaktimaan hunlai pawh khan nupui pasal aninhmuzo tho a, saruak thlalak aninthawn kher hleinem, engah kher nge he hmasawnna hian Kan ram hi min rawn hrut ve a kan zawhloh nghawngkawl min han bah/ban the tlat chu ni maw. Hman a a puanfen mawi, kan tih ṭhin kha tunah chuan a Saruak mawi kan ti tawh zawk nite pawhin a lang.
Thil engkim hi hman thiam chuan sual a awmlo, Ebisait kan tih pawh hi Maikal pui roh hi chuan Efibi siam nan a hmang a, a hlawkpui em em mai chu anih hi, keinin a thilsiam kan lo chhiatpui thung a, mi tamatakin Intarnet kaltlangin zirna an dawng a, an tan malsawmna anih the lul nen, keini, Hnam hmingah pawh Kristian ziak duh lek lek tawh ho hian kan chhiatpui tlat lawi si. A mak tehnuaih anih hi, khawvel hi chu…..
May 2nd, 2013 at 11:28 am
Report this comment
May 2nd, 2013 at 12:09 pm
Chhiar dawn ila.
Report this comment
May 2nd, 2013 at 1:58 pm
a insiam rem thiamlo chu an la pawk chhuak nawlh2 zel dawn zawng a nih hi maw..
Report this comment
May 2nd, 2013 at 2:25 pm
tha khawp mai.
Report this comment
May 2nd, 2013 at 2:30 pm
Good post ,,sei vele,,,,
Report this comment
May 2nd, 2013 at 2:35 pm
Good post ,,sei vele o,
Report this comment
May 2nd, 2013 at 5:16 pm
Tha reuh
Report this comment
May 2nd, 2013 at 8:20 pm
Ka chhiar chhuak dap e.
Report this comment
May 2nd, 2013 at 8:58 pm
Kei ka SHAKTIMAAN hriat ve nen chuan an va in ang lo ve. kei ka shaktimaan hriat ve chu MOTOR daih a ni. chhiar a nuam in conclusion a thaw khawp mai a nia, hmasawnna hi a thlawk in a thlawk tawh a hman thiam zawng a ngai a nih hi. mahse hei erawh ka sawi ve duh tlat inah internet connection kan nei a ni emaw office ah pawh nise heng FB leh saruak ho lanna site hi chu awlsam te in block vek theih an ni a. technology hi kan hmelhriat a, kan ti ve thei naw naw a thiam tak tak kan nei lo, kan thiamlawr sathliah ringawt. abikin sawrkar office a thawkte games an khelh nasat thu hmanni khan ka hria a ka rilru a lo lang chu tute nge enkawltu tih hi a ni fo.awlsamte in heng Games hi chu block theih vek an ni.
Report this comment
May 2nd, 2013 at 10:19 pm
E khai, hei zet zawng thu ngaih nawm tak a va han ni chiang em!
Misual.com a thu in ziak ni awm reng in
a pui tling kharh mai. A ngaih nawm hle mai. 1980 tawp lam kha ka hre chhuak vawng vawng mai.
Report this comment
May 7th, 2013 at 1:38 pm
Kan tetlai ka hrechhuak
Report this comment