Upa in Mi mei alh ena a awm tawh hnu a a thenawmte thil lak nachang hrelo chu pa mawl angin an sawi thin.
Tun thla ni khat zana thlipui tleh vak tum khan he thu tobul hi hrechhuak ta niin ka inhria a; chu thu chu han tarlan ka tum a ni.
Zanlai dar 11:11 a nia; thli thaw her herin min ti harh a; a lum em avangin a tir chuan a nuam ka ti angreng viau. Mahse, a nuam reilo kher mai. A thaw her her kha a rawn na telh telh a; a tawpah phei chuan ka thlam chung chu a lihin a lip ta turh mai. Tlan mai loh chu tih theih dang ka nei ta lo.
Ka rite thlama ka va tlan nak chuan an lo nasa bik lo kher mai. An thlam chu a awn hian a lo awn tui mai a; mahse, thlam sak hma a buk an zar chu mak tak mai a a lo him hlauh avang chuan chutah chuan meite chhemin kan mu a; engmah buaina awm lovin a tuk zing khawvar thleng chuan thawh hai khawpin kan mu thei a; a lawmawm khawp mai.
Kan thawh atanga rei vaklovah ruah leh tek nasa takin a tla leh a; a lem a kan hmuh ang khian buk thlang lam, (thlam lam hnaih) hi mei chhemna a nia; chutih rualin a chhak lam khi mutna lam a ni thung. Mei kan chhem a; a alh hluah hluah mai. Ruah a sur nasa bawk si. Mei chhemna chung zawn chu far lo mahse, a bul vel nasa taka a far avangin kan zu ai pha lo. Mu turin mutna lam a far ve tho bawk si.
Ding khur hlak hlak chungin mei alh enin kan ding a; hetatang hian pi pute’na an tawngkam hi ka hrethiam ve ta chiah a ni. Heti chunga thlam tha leh zuala thuam nachang kan hriatloh teh chuan pa mawl ka ni ang.
May 3rd, 2013 at 6:31 pm
I Heading khian min khawih.
May 3rd, 2013 at 7:20 pm
Thli kher hi chu ka va hlau tak em! Zanah te hian a thawm ringawt paw’n min ti mu thei lo.
May 3rd, 2013 at 7:55 pm
HAHAHA huangah a awm hi a inhmeh meuh em aw?…. te ka tia.
Post awmze nei tak a ni
May 3rd, 2013 at 10:47 pm
In thlam khi a sang bawk em anih khi mawle. A aia hniam deuh hlek hi lawiluh a nuam in a nghet duh phian asin. Thli tleh hi kan naupan laiin ramhnuai ah kan tuar ve tawh a, thing te an tliak rum mai a, vut nawiin kan hmai vel a per chum chum bawk a, mahse khang hunlai kha chuan hlauhna chang kha kan hre miah bawk si lo a.
May 4th, 2013 at 12:59 pm
Mahse, ka’n ti teh ang…(i sawi tum chu ka man tho)
“Meialh en” tih hi Tam, Chaw chhum tur nei lo, engmah ei tur nei lo. Tam leh ei tur tlachham sawi nan an hmang thin-in ka hria a. “Chaw chhum tur nei zo lo chuan, rawngbawl hunah mei han chhem ve mah se, chhum tur an neih si loh avangin an mei chhem chu an en ringawt tawh thin a. Chu chu tam leh ei tur tlachham sawi nan an hmang ta a ni” (James Dokhuma)
May 4th, 2013 at 2:04 pm
Thli hi chu a hlauhawm a ni..
May 4th, 2013 at 2:39 pm
Keini te chu kan rethei lutuk a meialh en tur pawh kan nei hleinem.
May 4th, 2013 at 2:46 pm
Pic chuan lung a va tileng reuh e.
May 4th, 2013 at 6:05 pm
Ka la hre ngai miah lo mai, ka bengvar leh ta sawt e.
May 4th, 2013 at 8:51 pm
Nupui fanaute mei alh ena an awmlaia mi chhekina buh ru ngam lo chu chhungkhat pa ni tlak a ni lo…pa mawl lam ni lovin dawihzep leh nep sawina ki a ni.
Mei alh en hi chuan ei tur tlakchham lam chiah a kawk a, chhuan-chham an tih ai hian a la thuk zawk.
I tumna erawh a patling
May 4th, 2013 at 8:57 pm
@ Phivawk, fiamthu a ni miau a.
@ VL Hminga, kan thlam nilovin ka rite thlam a nih zawk khi, ka va tlanna chu a ni e. Zan khat chiah an riak hman a; an thiat lehnghal. Ni e, a san vang chu a ni pakhat ang.
@ Dr John, fiamthu a nih khi. I sawi ang hi a ni tih ka hre tho. Mei alh kan han en zet mai chu, a vawt bawk bawk nen, a nuihzatthlak loh kher a sin.
@Lamji, dam thin maw?
May 4th, 2013 at 9:39 pm
May 6th, 2013 at 12:02 pm
Fiamthu hi..a sawitu-in fiamthu a ni tih a hrilhfiah a ngaih hi chuan…a nuihzatthlak vak loh tihna a ni phawt a…
Meialh en chu..Dr.John-a sawi ang hi a awmzia a nia. Comment lam chhiar lem lo chuan, tawng upa an hriat thelh phah ve thei a. A tha ka ti hauh lo mai kei chu..hetiang ang thuziak tak hi chu. Ve tlat a. NOI Chhana.