Mizoram CSC-VLE Association in Press Release ni 11-05-2013 zana a neih bawhzui na atan leh Association thiltum te tih hlawhtlin ani theihnan, Common Service Center kaltlanga e-Distrcit service hrang hrang Tribal, Residential leh Income Certificate etc.. pekchhuah thin chu tiam chin awmlovin an pe chhuak dawn lova. He thil hi pawi kan tiin, mipuite hriatthiamna kan ngen tak meuh ani. Thuthar a awm leh hma loh chu Certificate dil tur reng rengin DC-ah kal mai turin kan ngen bawk ani.
Press Release
Ref: CSCVLE/MEDIA/PR/2013-001
11th MAY 2013
1. India mipuiten sawrkara hamthatna hrang hrang mahni kawtkai ngeia kan hmuh theih nan Central Sawrkar chuan CSC Project a kalpui a. CSC Project hi Public Private Partnership (PPP) mode-a kalpui niin mipuite tan Common Service Center din a ni. Mizoram chhungah pawh he project hi State sawrkarin a kalpui a, CSC 136 lai Mizoram hmun hrang hrangah a din a. Mizoram chhunga CSC Project enkawl tur hian State Sorkar chuan Implementing Agency turin hun rei tak ZOOM Developer-in an kalpuia, hemi hnuah hian kum 2011-ah ZENICS-in a thawk chhunzawm ta a ni. He project enkawl nan hian thlatin CSC pakhat zelah Rs. 7500.00 sanction a ni a. India sorkar chuan CSC te hi ngai pawimawhin thingtlang internet awm lohnaah VSAT te a pe a, Electric avanga harsatna sutkian nan Solar Power Scheme 90% Centrally subsidy-te February 2013 khan a siam ta zel bawk a ni. Heng Center enkawltu tur sawrkarin a thlanchhuah, Village Level Entrepreneur (VLE) te hian mahni sensoa dawrte luahin, khawl, bungrua leh mamawh hrang hrang service pek nan kan intum chawp a. Keini VLE te chuan CSC Project hi Zoram mipui tan a ni tih hriaiin kan phak tawk ang zelin thahnemngai takin kum 2011 atangin hlawkna awm lovin kan kal pui ve a ni. CSC atanga service pekchhuah tur G2C leh B2C hrang hrang te Central sawrkar chuan a duang lawk vek a. Nimahsela kum hnih hnuah pawh heng service-te hi CSC-ah hian pekchhuah theih turin ZENICS hian hmalakna hlawhtling a la nei mumal lova. Tin, Solar Power chungchangah te pawh engmah hmalakna hmuh tur a la awm lo leh VSAT installation nikum lam atanga kalpui tawh vawiin thlengin a la zo chuang lova. Hengte avang hian CSC Project hlawhtlin hi ZENICS hian a duh lo niin keini VLE Association chuan kan ngai a ni. He project, Prime Minister Flagship programme hlawhtling tura hma la duh tur Implementing Agency hi sawrkar hian min ngaituahsak turin kan ngen takzet a ni.
2. VLE-ten kan beisei anga hmalakpuina leh tanpuina te ZENICS atang hian dawng lo mah ila, Zoram mipuite tana thawk kan ni tih hre rengin beiseina sang tak nen mangang rilru tak chung siin CSC Project hlawhtlinna atan kan thawk a. Hetih lai hian 2012 kum tawp lam atangin RIK-Project, CSC-te ang thova service inang chiah pekchhuahna tur ZENICS chuan a buaipui leh ta a. ZENICS-in CSC Project (136 Center lek awmna) a hlawhtlinpui theih loh laiin, a aia project lian zawk RIK (300 Center awmna) a buaipui ta mai hi mak kan ti hle. ZENICS hian CSC Project leh RIK Project te hi Zoram mipui te tan tih hlawhtlin a tum tak tak lo niin kan ngai.
3. RIK Project-ah hian CSC Project ang lo takin RIK-VLE te a thlawn liau liauin khawl leh bungrua cheng nuai chuang man theuh pek tura ruahman a ni a. Hetianga ZENICS enkawlna hnuaia project thiltum inang reng ni si RIK-te thuam thata, keini kum hnih chuang beseina sang tak nena CSC lo vahvaihpuite engmah thuamthat tumna awm lova min thlauhthla ta hi a lungchhiatthlak kan ti takzet a ni. Tin, RIK Center te hi CSC te nen kan in tamchhuah loh nan CSC awm tawhna khua/vengah dah lo hram turin kan ngen a. Kan ngenna ang ni lova CSC leh RIK-te khua leh veng tam taka dahthuah a ni hi pawi kan tiin lungchhiatthlak takzet a ni. Heng te avang hian ZENICS hi Zoram mipui tana pawimawh Project khawih tlakah kan ngai lo a ni.
I rintlak,
(HMINGTHANGA KIPGEN)
President – 9612503228
(LALDINTLUANGA)
Secretary – 9856621231
Similar Posts:
- Mizoramah CSC a hlawhchham mek? A nih anga CSC kalpui turin an ngen
- Mizoram-a PSU pathum ti tawp turin sawrkar thurâwn an pe
- Mizoram Common Service Center
- ‘Dam’ vangin hmar khaw 14 chhe dawn!
- Transparency in governance (Rorelna langtlang kan tih thin chu!)
May 13th, 2013 at 5:05 pm
Ka thlawp 1n ka hr1a
Report this comment
May 13th, 2013 at 5:34 pm
RIK-VILE, ZOOM, G2C leh acronym dang hrethiam ve lo tan chuan an sawi ber pawh kan bo map mai.
Report this comment
May 13th, 2013 at 7:00 pm
A va mak thin tak em! Kan ram ve hi chu ‘vuina hmui’ lian pui pui pu ang mai kan ni. Infawh nana tlak loh, vui nana duhthusam hmui kan pu hlawm si a. Chutichuan, a chhan ber chu a bul tumtu department-te an lo ni leh a. Khawiah ber hian nge kan siamthat tak ang ni. A lu hai thlak ngei mai.
Report this comment
May 13th, 2013 at 10:27 pm
A tangkaina leh hnathawh ka hriat loh service hi a lo tam hle mai
Report this comment
May 13th, 2013 at 11:50 pm
mi kuta sa hrang hmu lian an va ang dawn ve
Report this comment
May 14th, 2013 at 6:07 am
Ka’n sawifiah belh lawk ange. RIK (Rural Information Kiosk), VLE (Village Level Entrepreneurs), CSC (Common Service Center). Central Scheme,thingtlang miten khawpui lama office thil pawimawh dawr tura kal kher ngai lova thingtlang atanga office thil tam tak an dawr theihna turin he scheme hi duan a ni. VLE te hi Sawrkar lamin Internet Connectivity a tihsak vek tura tih ania, chu chu an hnathawhna tura sawrkar nen an inbiakpawhna ber tur a ni. Chumi kaltlang chuan Sawrkarin Tribal Cer., Residential Cer., Income Cer., etc.te pechhuak thei turin a ti a ni.
Report this comment
May 14th, 2013 at 3:11 pm
Tel ve lo tan chuan hriatthiam a har fu mai. Hrilhfiahna Press Release dang siam leh se a ṭha ang.
Report this comment
May 14th, 2013 at 9:59 pm
Sipai bo ka bang map mai
Report this comment
May 14th, 2013 at 10:07 pm
#6 : “Chumi kaltlang chuan Sawrkarin Tribal Cer., Residential Cer., Income Cer., etc.te pechhuak thei turin a ti a ni.”
Heng Cert. hote hi DC Office atanga harsa taka lakchhuah an ni thin a, an ni ho hian an duh duh a an lo issue ve theih chi a ni em ni reng reng le ???
Report this comment
May 15th, 2013 at 12:54 pm
Heng Certificates te hi eDistrict Project hnuaiah hian online a pekchhuah theih a ruahman a nitawh a. CSC/VLE te hi Mizoram Citizen Services (Electronic Governance) , 2010
( https://dict.mizoram.gov.in/upl.....s-2010.pdf) Rules hnuaiah hian pekchhuah theihna pek an ni. Tin a service cost chungchang ah pawh hian notification hi chhuah a nitawh bawk.
Report this comment
May 15th, 2013 at 2:05 pm
CSC Scheme hi Mizoram-ah hian kan hmelhriat lohna chhan chu a kan thenawm state te anga atangkaina tur kan hriatthiam loh vang te pawh niin alang.
#9 “Heng Cert. hote hi DC Office atanga harsa taka lakchhuah an ni thin a, an ni ho hian an duh duh a an lo issue ve theih chi a ni em ni reng reng le?”
– CSC-Scheme hi 2006-ah GoI in approved a. He scheme hian Citizen te chu Govt. office dawr tura hun leh pawisa tam tak an sen thin te chu ti tlem a, mahni khua emaw vengah ngei “Govt. to Citizen” service hi hetiang Centre kal tlang hian ti theih turin a ruahman ani. He scheme hi State hrang hrangah hlawhtling taka kalpui a ni a.
Mizoram-ah pawh kalpui mek ani a, nikum May 23, 2012 atang khan Aizawl District bikah chuan e-District (a tawi zawngin online-a DC office dawr theihna) hi IT Minister Pu Zodintluanga’n a hawng ta ani. Hemi ni atang hian CSC te pawhin Certicate hrang hrang te hi an pe chhuak ta nghal ani.
CSC-in e-District a kalpui dan chu hetiang hian:
Mipui atangin application form leh documents pawimawh te a dawng a. Hei hi e-District Website kal tlangin online application form fill-up in documents scan te a thawn a. Application form submit tawh te hi DC lamin an verify hnuah an approved thin a. Chumi hnuah chuan Digitally Signed Certificate chu a chhuak a, print chhuakin certificate diltu hnenah CSC – Operator te chuan an pe thin ani.
Report this comment
May 15th, 2013 at 2:10 pm
Kan thenawm state-ah chuan CSC hi Government Service chuah lo atan te pawh an hmang tangkai:
https://csc.amtron.in/pdfs/Ignou_srei_advt1.pdf
Report this comment