Ka seilen ve na Mizoram, ka ngainat leh ka duh emem ṭhin, ka chhuan emem ṭhin leh ka ngaihsan emem Mizos te hi ka tan hmelhma an lo ni ta em ni le!!!
Mizoram a ṭanga Chin mi te hmuhsit leh en hniam na te hi chu a ngai ah neihin, engvak ah pawh kan ngai thupi tawh lo niin a langa, thilmak hran pawh a ni tawh lo. Kum 1996 kuma a nawl pui hnawhchhuah, 2003 a nunau le naupang, a te lian maia hnawhchhuah chenin keini Chin mi te hian kan lo tuar vek tawk a ni. Chin mi te hi kan fel vek in kan dik ve tih chu ka sawi tum a ni hauhlo mai. Kum 30 chhuang meuh harsatna leh vahvai na ram ah te chuan mi ṭhen lo awm ṭha lo te pawh lo awm ve ang chu. He khawvel zawng famkim lohnak le suahsalnak ram a ni si maw.
Ṭhangthar khawvel, IT hun ah kan thleng cho ve tawha khawvel sanna a vangin in hriat thiam tawnna te pawh a lo sang ve zela, kan ram pawh ṭhatlam a lo pan hrethret ve tawh nia alan lai in tun ang ema inn halsak duh emem khawpa sual leh mawl te an lola awmtheih hi a mak ka ti a ni.
Sakhuana a vanga Muslim leh Burma Buddhist ho buaina avanga in an in halsak mah Khawvel mi ten an dem in an sit ngawih ngawih a nih kha maw. Ngaihtuahnak tlem han nei ve deuh se Vaphai khua hohian tu ang thil pawh an ti duh taktak ka la ring thei lo a ni!!! Mahse suangtuahnak mai chauh a ni ta. A rap thlak ka ti chatuan dawn zawng a ni hi…
Rin phak bak maia he tiang khaw pum mai, Chin mite hmuhsit na a vanga chhuanlam engeng nge maw ni siama han hal sak meuh hi zawng a rilru nat thlak ka ti a ni. Chhulkhat chhuak kan ni, unau khat vek kan ni kan in ti luapluap te hi awih harsa niin a lang zo ta. CYMA te leh sokar chen in engmah ngaihsak lo maia an han awm mup mai te pawh hi a mak in ngaihtuah tur a ti tam leh zual sauh a ni.
An khua halsak mai tawk lova, ṭanpui na leh zel Vaphai khaw ho in a an lo phalsak lo leh phei hi chu ka dem tak zet a ni.
Engvang in nge kangmei kherkher! An sualna thih puitlak khawp pawh lo ni seksek! Engvang kher in nge, neih rosiah engkim mai hi, vaivut mai ah an chan tir kher kher!! Ka ngaih tuah leh chang mai pawh hian kan in unau na a kan in hmangaih dan hi ka chhut phak lo hial.
Dan leh dun te pawh theih ngilh lui tlata khua pakhat meuh meisena kan chantir mai theih te hi a rapthlak zawng a ni. He thil a vang hian Chin unau ten kan thinlung ah pan chiangang main lo dam leh mahse a hmaphe erawh a cham hlen reng dawn zawng a ni hi.
Sakhuana filawr, tlawmgnaihnak filawr, unau in hmangaihna kawnga in la bing ti sia, he tiang ang tak mia chet hi eng tak mi zia nge kan neih ni ta le!! Mi hring hmangaihna, lainatna leh khawngaihnak te kei ni Mizos hoa unau Chin mi ten kan unau Mizo ho hnena ka dawn zing ah chuan chinchiah tur duh awm lo thawnthu phek zawng a ni ngei ang le!!!
Hriat reng nan kei chuan engmah titheih pawh ka nei ve dawn lo. Mahse he khua hriat reng nan an khawhming chawi in Tongmal khat “Ka saikhumphai mai ang che!”ti erawh chu kan thawn thu ziah a tan ka hmang reng tawh dawn a ni…
Duhlona, paihbonak, in hmuhsitnak te soinak he khua khawngaih thlak tak mai hriat reng nan !!!!!!! Ka saikhumphai dawn mai ang che!!!!!
Similar Posts:
- Saikhumphai senmei chan ni
- Saikumphai chungchang hi enge in ngaih ve dan le?
- Saikhumphai khaw hal hi tu thiam loh nge?
- Saikhumphai khaw hal hi tu thiam loh nge?
- Saikhumphai-bawk Chungchang Kha…
May 17th, 2013 at 8:02 pm
Le, kawmen tan i1a…
Report this comment
May 17th, 2013 at 8:22 pm
Ka unau, ‘Ka Saikhumphai mai ang che,’ ti ve suh, anmahni ang lek ilo ni dah ange.
I hmangaihna kha kalsan suh, hei tamtak kan la awm ania I unau diktak te chu.
Mizo pawh Chin pawh Zomi pawh a dangdangte poh hnial rualloh in Zo kan ni e tihah erawh I chiang phawt ang u.
An thiltih zawng a thra hauh lo na a, mahse heta trang in uanauna leh pumkhatna/tranrualna lo puitling se hriatreng atan pawh a nuamlo loin, a duhawmlo lo ang ka ti.
Report this comment
May 17th, 2013 at 8:56 pm
Open letter to Vaphai people
A hmasain Vaphai khaw mipuite chibai vek u.
Kan hriat theuh angin hei nangni khaw mipuite chuan in khawpera awm foreigner ho in ngaimawh em avangin chhan hrang hrang (dik vek si) siamchawpin a hma lama in thil tum a hlawhtlin theih loh avangin in remhriatna hmangin in zuk hal hial a nih kha. In thinurna a sosan/in thiar fihlim se in tih em avangin hetiang thil hi in ti ta mai tih Zoram mipuite hian kan hai lo. In duh dan pawh ni chiah lo, in theih dan awmchhun a nih miau avanga in thiltih hi ka thlawp tlat che u a. Amaherawhchu, demna tam tak in dawng tih ka hria. Demtu che u ho hi ka dem hran chuang lo. Chuan, he in thiltih avang hian Zoram khawvel chuan a dem che u a nih hi. Mahse, in ram in hmangaih em avangin mualpho pawh dawn lovin hetiang thil hi in ti tih kan hria. In mualpho pui tawh a; chuvangin, mipuiin an demna che u hi huaisen takin in tuar hram hram dawn nia. Chutilozawng, in mualphona kha a thlawn hlauh dah ange.
Nangmahni thlawp tlat tu
Khi thu khi Facebook a group pakhat Special Report-ah 15th. May 2013 khan ka post-a; mahse, an delete daih.
Report this comment
May 17th, 2013 at 9:15 pm
A vawikhatna reng reng chu comment ve teh ang Saikhumphai chungchangah…
A khawmite dinhmuna indahin rilru fima an han ngaihtuahin an thil hlauh hi a awm viauin ka hriatpui a, a tisual hmasatu erawh an ni tih hi phat rual niin ka hre lo. An khawtlang hruaitu hmasate tuhrah an seng ni maiah ka ngai. Hmalak nana in leh lo inhalsak an hmang erawh hi chu thil tih chi loh burah ka ngai.
A mizo leh zo loh lam zawnga tih-sensitize vak chiah ka ngai lem lo. Khi lam unautena Mizoram chhunga buaina/harsatna an rawn thlen thin hi he khawhalna nena khaikhina tih riral mai mai chi niin ka hre lo bawk. Tin, khi lam unaute zingah fel tak tak an awm tih chu zep thu a cheng lo. Chuta zawhna pawimawh tak lo awm chu a awm tha duha te hian a awm tha duh loate hi Zoram thatnan hian an vei tak tak em? tih hi ka zawhna a ni. Eng nge hma an lak tawh le? An unau rawn chhuk tlema a huang dai pel deuh turte hi anmahni hian an zilhin police hnenah te hian an report ve thin em?
Thil neih zawng zawng halsak hnua tanpuina pek an la rem tilo tlat hi chu Mihring mihrinna leh Kristianna zawnga ngaihtuahin a dik ka tihlawl lo. A nunrawng thlak lutuk a ni.
Kan khuaah kum 15 vel liam taah khan Khasiho panhnah lawh ruk hmang a awm a,a hruipui chhahsakin an zamna thing atangin a pawt thla vek thin mai a, khasi huan neitute an rilru a nain an tap zawih zawih thin mai. Tum khat chu a huan neituten an man a, a hmunah an vua a, a ruhte pawh a tliak hial a ni. Mahse a vawtute hian nunna laksak an tum miah lo piah lamah a kal theih tawh loh avangin an thirsakawrin an rawn la nawr haw zui bawk..Tumahin thinrimah kan la lo, a dik tak chuan khasiho kha kan ngaisang zawk. Vaphaiho chet dan nen chuan a inpuitlin hleih khawpin ka hria.
Report this comment
May 17th, 2013 at 11:15 pm
nia adik kawp maiii….vaphai chetdan khi chu a nunrawnthlak kati khawp maii….engemaw annih a khitiang tea antih ngamni….ram hmangaih vang nilovin mahni hma sial taka hmalakna anii….ram an hmangaih chuan intodelh sela,midang tanpui rawhse…salla!!!
Report this comment
May 18th, 2013 at 5:17 am
mizo nih hi ka zak tawh!!!!!
Report this comment
May 18th, 2013 at 9:54 am
Teh nawk nawk chuan…
Report this comment
May 21st, 2013 at 4:10 pm
A TALIBAN hle mai….a chhan chu engpawh ni se, Rule of Law..kan dahpawimawh tawklohna pawh a ti lang e…
Report this comment