Naupang te ka nih aṭangin ka nu leh pa-in Mizo kan ni an ti ṭhin. Ka chi pui te pawhin Mizo kan ni an ti ve bawka, Mizo emaw in tiin kum tam tak ka lo hmang ral ve ta reng mai. Mahse Mizo ka ni lo tih ka hre ve ta.!
Mizo chu tute nge ni?
Mizo chu Mizoram,India-ah a piang ngei tur a ni. A nu leh pa pawh chuta piang an ni ve ngei tur a ni. Lusei ṭawng an thiam ngei bawk tur a ni. Chutiang an nih loh chuan Mizoram mi nihna( Indian Sitizen) nei mahse an nu leh pa te thlenga Mizorama piang an nih loh chuan hnawhchhuah an tawk leh tho tho. Mizo-ah chhiar an ni chuang lo.
An nu leh pate aṭang renga Mizorama piang leh sei lian an nih a, zo hnahthlak an nih bawk chuan Fanai, Bawitlung,Hmar,Tuallawt, Ralte, Khiangte, Tlau, Colney etc. ni rawh sek sek Mizo-a ngaih vek an ni.
Burma mi Lusei dik tak Chhakchhuak( Hualngo,Hualhang,Hualhnam,etc.) pawh ni rawh sek sek kan pi leh pu te thlenga Mizoram-a piang an nih loh chuan Mizo-ah ngaih kan ni thei tak tak lo. Heng Burma rama Fanai, Bawitlung,Tuallawt, Zahau chu sawi loh kei ni Hualngo ho tak ngial pawh Burma mi tih kan ni tho tho. Lo intih Mizo vak-in awmzia a nei thui lo ṭhin hle.
Tunge ka nih?
Ka nu chu Sialsuk mi a ni a ka pa erawh chu Thingsai Mizoram ve ve an ni.Kei pawh 1982 khan Sialsuk ah ka piang vea.Mahse rambuai leh harsat vangin dinhmun tha zawk beisei in ka pa chuan Burma ram pem zai a rel ta a.1983 khan Mizoram kan chhuhsan a Burma Tahan khawpui ah chuan kan in bengbel ta a ni.Chu tia Mizoram kan chhuahsan tak ah chuan Mizo ni tawh lo in CHin ka ni tawh tihna ani. Kan insawifiah leh deuh dawn chuan Hualngo Chin, Tuallawt Chin, Fanai Chin, Bawitlung Chin, Tlau Chin, Kawlni Chin te etc.,,,pawh kan ti thei awm e. CHIN erawh chuan Burma ram chhunga Zo hnahthlak zawng zawng a huam vek a ni.
Chin hi Mizo em ni ?
Teuh lo mai. Mizo hi Chin a ni lo bawk awm e. Mahse an nihna erawh a inang chiah a ni. Chin chuan Burma ram chhunga Zo Hnahthlak zawng zawng a huam ang bawkin Mizo chuan India ram chhunga Zo Hnahthlak zawng zawng a huam a ni.
Chin Zo Hnahthlak zawng zawng hi India ramah intih Mizo a theih loh laiin India ram chhunga Zo Hnahthlak zawng zawng hi Burmma ramah chuan i rawn in ti CHIN ve thei a ni mahse intih MIZO chu a theih loh vang. Kan phal lo ni lovin Ram roreltute thuneihna zawk a ni.
MIZO emaw ka lo inti ṭhin
Mizo ka ni tiin ka naupan lai chuan ka inchhuang viau maia chumi avang chuan Mizo ram pawh kal ka chak zek zek ṭhin.Ka nu leh pa te lah chuan i pi leh pu te Sialsuk ah an la awm i nu teii te i patea te ho nuam i ti viau ang min ti thin.Tichuan Burma ram chu ka pa beisei a lo phak loh a vangin kum 1998-ah kan pianna Mizoramah kan let ve hlawl mai nuam pawh ka ti phian mai, ṭhian fel tak tak pawh ka chhar ve ṭeuh mai.Mahse kan awm rei tawlh tawlh a ka rin ang a lo ni lo tawp mai.Kan chhungte ka nu u leh nau fa te chuan min en dan a dang ka pianna khua Sialsuk tia ka lo inchhuan ruk ve na pawh a bo ta.Then leh rual ten Burma mi,Burma return,Ngapih vawih khumhnu hmuhsitna tawngkam kan dawn nual a vang in tlai khat chu chawi ei lai in ka pa hnenah,”Ka pa Mizo ka ni duh lo,in duh leh nangni Mizo in ti rawh u,Kei chu Chin ka ni ka tia,ka pa chuan i thalo i kawm thin a chuvang a nih kha a tia”,Chin ka ni tho tho Mizo ka ni lo Kawlni-Chin ka ni mai ka ti a ka pa chuan engmah a sawi lo. Kum rei tak lo awm tawh pawh Ram lehkha pawh nei vek mahse Burma mi tiin min lo sel tho tho tlat a lom. An mawh lo ve, ka chhungte leh thenrual te pawh ka mawh hran lo, a Mizoram mipui te pawh ka mawh hran lo ve. Mizoram mi nih chu ka chak viau na chhan tur awm chuang ang le! Min duh loh miau si chuan Mizo ka ni ka inti leh ngai tawh lovang. Mizo i ni em?tiin miin min zawt se, ni lo Kawlni-Chin ka ni ka inti tawh ang. Mizoramin Burma rama Zo Hnahthlak ho zawng zawng hi MIzoram nihna Sitizen min pek hunah chauh Mizo ka ni e ka ti leh chauhvang.
CHIN hi hnam a ni lo ang bawkin MIZO tih pawh hnam a ni chuang lo. Chin-in a huam zo hnahthlak zawng zawng hi Mizo-in a huam zo hnahthlak zawng zawng an ni a tam zawk chu. Asho Chin hi Mizoramah an awm ve lo mai thei, chuti a nih chuan Mizo an ni ngai dawn lo tihna a ni. Chutiang bawkin Burma rama awm zo hnahthlak then khat chu Mizoram-ah an awm lo mai thei. Mizo-in a huam ai Chin-in a huam hi a zau zawk a nih hmel, tunhrihah chuan. Ka rilrua awm reng chu Asho Chin hi Mizoramah an la awm lo ta a, han awm ta se Mizoram Sitizen nihna te nei ve ta se Burma mi tia sel an ni ve leh tho tho ang em le?
American mi ni tur chuan Siṭizen nih a ngai. Enghnam pawh ni rawh sek sek Siṭizen a nih chuan American tih an ni vek. Siṭizen an nih hnuah thil sual ti mahse hnawh chhuah an ni leh tawh ngai lo. A tisualtu an hrem mai zawk ṭhin. Siṭizen ni lo va America-a awm te hi thil sual an tih lem loh chuan hnawh chhuah an ni ngai lo, zalen takin mahni nun khawchhuah nan hna an thawk ve bawrh bawrh mai.
Inlak hranna em ni?
Heng zawng zawng hriat hi inlak hranna ni lovin mahni nihna inhriat chianna zawk a ni a. Burma rama Zo Hnahthlak zawng zawng te hian kan nihna kan inhre lo lutuk avangin kan rilru hi ka hliam leh ṭhin. Mahni nihna hriat chian hi a hun tawh tak zet a ni. Burma mi i nih chhung chu eng tikah mah Mizo i ni ngai lovang tih kha ka sawi ni lovin ka eksipirian ve mai mai chu a nia. Hnam inlakhranna ka sawi lova Ram mi nihna chunng chang a ni e. America mi chu American, Mizoram mi chu Mizo, Burma rama cheng Zo ho zawng zawng chu Chin. Burma Zo hnahthlak te hi USA-ah American an nih theih laiin Mizoramah Mizo an ni thei tlat lo hi mak ka tih ve pakhat chu a ni. Vai pawh Mizorama piang a nih chuan Mizo tih ve mai zawk tur hi a nia sin le!
Engpawh ni se Mizo kan ni lova CHIN kan ni zawk e. CHIN zawng zawng hi Lusei, an ni lo ang bawkin Lusei zawng zawng hi Chin an ni vek kher lo. Hualngo erawh Chin kan ni vek. Tuallawt pawh Chin an ni vek lo, Bawitlung pawh Chin an ni vek lo, Fanai pawh Chin an ni vek lo, Mara pawh Chin an ni vek lo. Lusei hi Mizo an ni vek lo, Fanai pawh Mizo an ni vek lo, Bawitlung pawh Mizo an ni vek lo, Tuallawt pawh Mizo an ni vek lo. etc.,,,
Burma mi chuan Chin kan nih kan inhre tur a ni ngai. Mizoram mi pawhin Mizo a nih a inhre tur a ni. Ka tihna a ni ber e,,,Tumah mawhpuh tur an awm lo. Ram khatah lo ding se chu Burma mi e,,adedede kan tawk kan tawk lo tur…this is the world a ni hi a lawmawm zawk mah. Chatuan ramah chuan a awm tawh em lo vang !
Similar Posts:
- MIZO KHAWVEL THLIRNA Part-I
- Luseiho chauh hi em ni Mizo?
- India/Burma a bet reng tur kan ni lo
- RAM LEH HNAM HUMHALH – IV
- Mizo tawng hi!
May 18th, 2013 at 7:57 am
Facebook lamah khan ka chhiar tawh a. Bul han tan teh u le… tukchhuah nuam vek u le
Report this comment
May 18th, 2013 at 10:07 am
Mizo ni lo na na na…
Report this comment
May 18th, 2013 at 10:24 am
Mizo leh Zo lo ah hian kanva han buai rei tawh hlawm tak, kan lo thahnem ve ta deuh a niang e, tun hma Internet leh computer awm kha chuan chuan he tiang boruak hi a awm loh thin kha mawle, changkanna in a ken tel ve pakhat a ni a niang nge.
I sawi danah chuan Japan ramah piang i la Japanese kan ni dawn tih na a va ni mai awm ve, mahse thisen kal zelah Japan Nationality nei ni ta ila ZO kan nihna kha chu a reh chuang lo turah ka ngai deuh.
Report this comment
May 18th, 2013 at 10:35 am
Face book lamah khan ka komen tawh a, kan komen leh ange. I rilru natna tam tak hi ka hriatthiam pui khawp mai che. Mahse ka hnial dawn che ani. I pianhma daih tape recorder leh radio mixed, two in one mizorama a rawn awmtirh vel, Burma sumdawng an pun hluai hun, mizoram thingtlang khaw tam bera hotel ala awm ngai miah lo lai atang tawh khan Burma mi, mizo tawng hmang anni emaw Paite/Pawih anni emaw miozram khawtin mai hian kan lo mikhual tawh a. Unau kannih zia hriain mikhual tak takin kan lo mikhual a, mahni thlen ina chaw ei nghek a, an thil zawrh te pawh hniam duh chuang miah lohte thleng khan Mizo kan nihnainkan lo mikhual thin tawh a. Hun alo in her a, Sipai sorkar avngin mi tam tak mizoram lamah an lo chhuk a. Aizawl mai ni lovin thingtlangah te pawh an in bengbel a. A rem rem an thawk a, a thenin thing an zai a,a then nau awm/sumdawng in an awm a. Nupui/pasal pawh nei an tam a, tun thleng hian khawtin deuh thaw ah hian burma mi nupui/pasal nei,an fanaute nena khawsa an awm teuh mai. Amaherawh chu, hetiang karah hian Zu zuar/drugs zuar sorkar phalloh thilti an lo awm ta a,an awmna hmun lamah chuan a titu chhuichhuah mang lova tualthi te an lo awm ta zauh zauh a. YMA in zu zuar awmkhawm chu tha ti lovin, mizoram mi emaw burma mi emaw pawh sawi lovin an awmna hmun chhuahsan turin a ti ta a, chuvanga a burma mi hmuhsit hrim hrim ang zawnga zualko vak vak mai hi mi puitling lo thawmhnaw ani. Aizawlah hian mi pangai chu Burma atanga lokal pawh nise, zah leh ngaihsan an hlawh tho asin. Kei pawh hian hmanah guiter ka zir ve thin a, min zirtirtupa chu burma atanga lo chhuk ania. Zuk leh hmuam pawh ti lo, mi ingaitlawm zet mai ania, tun thleng hian ka la ngaisangin, kan in kawm ngeih em em mai. Misual, sorkar duh loh thil ti hi chu midum emaw mi ngo emaw mizo emaw burma mi emaw pawh nise khawvel khawi hmunah pawh an chep viau vek ang.
Report this comment
May 18th, 2013 at 11:31 am
Aidentiti khraisis lam thil a ni maw? ka inngaihtuah fe hnuah ka la sawi ve maithei. First thought erawhchu sawi nghal puat lo tehang.
Report this comment
May 18th, 2013 at 11:52 am
A tirah Mizo nia i lo inhriat ahnu engati nge miin an koh/hmuh/sawi dan che lamah i àwn vel mai mai ni? I lungnona-in i mit a tivai a ni e. A thuhrimah khawi hmunah pawh awmin Sorkarin eng hming pawhin min lo chhinchhiah/sawi pawh ni se Chin, Mizo, Kuki, Zomi tih vel hi thil thuhmun sawina a nih angin “Mizo ka ni lo Chin ka ni” (& vice versa) tih ang chi hi auchhuahpuia helpui fo tur chi a ni love. Hnam hming chungchanga Zofate kan lungrual kim tlàn hma chuan khawihmunah pawh eng hming mah hi tu chungah mah kan pêm buhbel ngawt thei lo.
Chuan maw, hei hi lo ngaihtuah ngun ve chhin teh: Miin min koh dan nge keimahniin kan inkoh dan hi hlu zawk tih hi.
Report this comment
May 18th, 2013 at 11:53 am
4.loneeagle
misual tlemte avanga in generalise leh vak thin leh in vaihma a, exodus neih tir leh chiam thin erawh ka dem tak zet.
Report this comment
May 18th, 2013 at 11:54 am
3.maawma & 4.loneeagle
misual tlemte avanga in generalise leh vak thin leh in vaihma a, exodus neih tir leh chiam thin erawh ka dem tak zet.
Report this comment
May 18th, 2013 at 1:54 pm
keichu MIZO…MIZO diktak :
Report this comment
May 18th, 2013 at 1:57 pm
Hmuhsit lo tawh thn tawh hi chuan hmuhsit nia inngaih reng hi a awl khawpa, Mizorama Mizote hi Mizo kan nihnaah kan lungawi tlangpuia, Chin kan ni em? Zohnahthlak kan ni em? Kuki kan ni em? etc ah kan buai vak lo. A chhan chu Mizo nihnaah pride kan neia, kan State tereuhteah hian kan lungawi tawk em ema. State dang/ramdanga Mizo hnahthlakte hian hei hi an hmuhin Mizo nih ve an chaka, mahse Mizo tih hian cultural-social-political meaning a neih miau avangin common blood lineage ringawt alo tawk thin lova, Mizo nihnaa chian mai piah lamah Mizo values, history, tradition zawng zawng chawisana, humhalh tlat duhna (no matter what) rilru put te pawh a keng tel vek. Mizo nih hi thil namai a ni lo. Khang kha mi tam tak chuan an theilo thin, a chhan chu anmahni hnam/chi bil culture, dialect etc an dahpawimawh zawk vangin. Tin Mizo tam tak hi chu kan sual ve bawka kan ‘homogenous’ lutuk na lamah kan Zo unaute ‘othering’ kan chin phaha. Khatah khan kan unaute rilru a nain an beisei ang a nilo fo thin.
Hei hi ram/kohhran/pawl hruaitute pawhin an hriata, mipui nawlpui zingah pawh awareness tha tak kan inpek a ngai. Lehkhathiamlo, mawl leh dawntawi ve tak takte kan ni si a, khang ho thusawi kha kan unauten an lo la thutak zel bawk si a. A zialo thin em mai. Mahse hriat reng tur chu khawi State/ram mah hian genuine citizens, dan bawhchhelo, khawtlang tana hnawksak lo chungah a pawng a takin harsatna an thlen ngailo. Mahni lam inenfiah ve fo hi a tha. Tun hnaia kan exodus issue hi i rawn refer anih chuan a tul lem lo khawp mai. Hetiang incident a thlen hleka theihpatawpa identity issue lo raise nghal chiam zel hian a thalo zawngin public emotion a kaithoa, rational taka dan lekkawh a ti harsa thin. Nangma issue bik erawh a hriatthiamawm. I nihna i chianga, a tha e. Kei chu US President emaw, Mizoram Chief Minister emaw, kan thenawm naupangin a sawi vang emaw mai maiin Mizo ka nihna a bo dawnlo. Mizoram atang pawhin min hnawtchhuak se Mizo ka ni tho tho.
Juda ho pawhin ‘Once a Jew, always a Jew’ an lo ti ngaia.
Report this comment
May 18th, 2013 at 1:58 pm
Diklo taka inthleina hi a tha lo. Mizo puite chunga discrimination awm thin hi a pawi lutuk tlat. Chutih laiin post tupa pawh khian a thurolum khi thlir tha leh se. Tuna kan unau Burma lam atanga lakal te kan bula an khawsak dan ang chiah hian Burma a kan Mizo unaute zingah hian Zoram Mizote hi han khawsa ve ila an tawn ang hi kan tawng ve tho mai angem?
Report this comment
May 18th, 2013 at 3:36 pm
CHIN in lo nih chu
Report this comment
May 18th, 2013 at 5:19 pm
A tha e in comment na tunlai thil thleng vanga post chu ka ni miah lo tih kha in lo hre dawn nia.Kan rilru a natna pawh keini chu Mizoram mi dik ak Mizorama piang rambuai vanga khi lama chho kan nia,chuvang chuan Pawi te Paihte te Hakha te nen kan in ang theilo a lawm.Ruihlo leh Silai thil tha lo ti tute zingah khian Mizoram a tanga pem lo kir leh ta te sawi tur kan vang khawp ang.a tam ber chu Chin mi an ni deuh zel tih kha in lo hre bawk dawn nia,chuan in hriat tur thil pakhat chu India constitution danah chuan Burma mi kan nilo,Peaple Origin Of ndia leh Non-Resident Of India kan ni tih kha.In mi thlamuan na ah ka lawm e..
Report this comment
May 18th, 2013 at 5:27 pm
Nationality leh ethnic identity hi ngaihfin loh tur. Mizo ngei British citizen, Australian, American an awm teuh tawh. Mizo an nih loh phah lo. Chutih laiin, Chakma, Bru, Gurkhali, leh North Indian te Indian citizen, Mizorama legal resident an awm nual bawk. Mizo mah ni sek sek Myanmar, Malaysia, Egyptian citizen an nih chuan foreigner anni tho.
Report this comment
May 18th, 2013 at 5:48 pm
No comment…
Report this comment
May 18th, 2013 at 6:13 pm
post tu pa chu i sawi danah chuan indian refugee burma a awm i nih mai chu……. hahaha fiamthu
Report this comment
May 18th, 2013 at 6:15 pm
Nirvana i sawi dan kal hmangah chuan Mizoram a awm chauh hi Mizo i tihna a ni maw.Us ah khuan Mizoram a tangin an pem nasa a citizenship an nei a,chutih rual in Indian citizenship nen dual citizenship an nei a,chung ho pawh chu foreigner i tih na a ni maw i la thliarkar rilru hle mai..
Report this comment
May 18th, 2013 at 6:39 pm
#14, Nirvana nationality leh ethnic identity hi thil kal kawp tlat zawk ania, nation tih tawngkam hrim hrim hi a debatable em em bawk.
I rawn sawi tum post tupain a man thiam chiah loh nia ka hriat chu, ethnicity leh citizenship a inanglo tih niin ka hria. Citizenship rules hi a awm hran vea, hemi vang hian Mizo or zo hnahthlak whatever, USA-a piang ni ta ila, Mizo ni reng chungin Mizoram or India khua leh tui ka ni lo tihna. Mizo tih hi ethnic meaning kan neihtir chuan a huam zau zawka, chutih rualin Mizoram citizens ni reng vai, chakma etc chu engtikahmah Mizo an nih theihloh phah thung. Hei hi thliarkar rilru lam ni lovin khawvel kalphung a ni zawk e.
Report this comment
May 18th, 2013 at 6:55 pm
Charice Nirvana thil sawi tum ka man a lawm.Burma ah kan pem a mahse Indian passport in a lawm kan awm a,citizenship pawh kan nei lo.Indian migrants status in a ni a kan awm a.Home deptpartment,Government of Union Of Myanmar ah kum 8 dan zelah kan in report thin a lawm.Passport hi Indian Embassy,Yamgoon ah kan renue thin..In pahnih in thil in hre lo zawk a nih khi.US ah i pem a green Card neih i duh lo chuan Indian Passport in i awm thei mahse vote i nei theilo mahse Us ah i duh chen chen i awm thei.Pakhat leh erawh chu Green Cards i nei thei green cards i neih chuan Indian ni tawh lo in American citizenship i nei tihna a ni chuan India ramah i lo zin chuan American mi in i lo zin ang India mi tamtak chuan green Card neih hi an duh lo a chhan chu India ramah lo kir leh an duh vang a ni..
Report this comment
May 18th, 2013 at 7:13 pm
Ok
Report this comment
May 18th, 2013 at 7:26 pm
A thupui teh tawp chu aw…..Utawkpawnfen chu i ziak chiang khawp e…
Mizo i nih si loh chuan mizo tawng pawh chu i va thiam ve…(Y)
Mizo i nih si loh chuan mizo saphunah tal tang rawh aW…
Report this comment
May 18th, 2013 at 7:34 pm
Ka hriatthiam danin aw.,.tlangval ka ni a…nupui ka neih hnu fa ka neih hunah ‘pa’ ka ni tawh ang..mipa ka nihna erawh tlangval ka ni emaw,patling ka ni emaw a danglam lo ang..mahse nupui ka neih tawh avangin tlangval chu ka ni tawh lo…
Report this comment
May 18th, 2013 at 7:35 pm
Chhiartu mi van ti nui nasa tak e aw..
Report this comment
May 18th, 2013 at 8:09 pm
#7, Pu PK Fanai, a exodus ang zawng hi chu ka support lo kei pawh, amaherawh chu, Rangvamual leh Phunchawng case ah hi chuan zu zuar an vai hma a, tunah hian a mizoram mi pawh zu zuar tawh phawt chu helai hmun chhuahsan turin an ti tho tih kan hriat a tha. Burma lam pawh Mizoram chhuahsan turin an ti hran lo, an zu zawrhna hmun hi chhuahsan turin an ti mai zawk ani. Tuna chhuak tawh te pawh hian a thenin thingtlang lama an chhungte emaw pan turte, a then khi lama haw tum, an remchang dan ang zel khan ani mai e.
Report this comment
May 18th, 2013 at 11:39 pm
Loneeagle, Ruihtheih thil hi kan chhiatpui em mai a, a theih ang anga Do hi chu ka support reng mai. Thil tha duh avanga hmalakna ang chi reng reng hi chu, ka do hran lo, ka support. Amaherawhchu, Mizo sub-Clan ho rilru hliam thei ang zawnga hmalakna leh tawng fimkhur lo leh tlahawlh tak tak hi erawhchu, Mizo hnam hmangaihna avangin ka ‘DO’ a ni. Entir nanah, Mizoramah hian Hmar te, Paite te, Pawi te, Ralte te leh, a dang thenkhat mahni hnambil tawng pawh thiam miah lo, Mizo tawng pianpui tawng anga nei, Mizo em em mai hi an tam em em a(kei pawh hi ka tel pha mai thei). A hnam ang zawnga generalise puk puk a, fimkhur lo leh tlahawlh tak taka tawng hian, rilru a hliam thei a, kan inpumkhatna a tichhe thei a, ruilru dik sa kha, a ti hel daih zawk thei a ni, tih hi hriat reng a tha khawp mai. Fb a Post leh Comment hrang hrang ka thlir a, ka chik neuh neuh hian, Sailo ho rilru lo pui zia hi hmuchhuak tharin ka inhre bawk, Nick a Sailo tih hmang, Hnam inpumkhatna tichhe zawnga Post leh Comment ka hmu mang ngai tlat lo,a inpumkhat zawng zelin an Post-in an comment thinin ka hria. Fanai ho zingah ‘a’ tak taka tawng an tam mai, ‘Pawi’ origin anni tih an inhre miah lo niin ka hre thin.
Report this comment
May 18th, 2013 at 11:56 pm
KA COMMENT PEIH LO
Report this comment
May 19th, 2013 at 8:33 am
Mizo ni lo, Mizo ni…tihvel hi a va han tam tak em
Report this comment
May 19th, 2013 at 10:21 am
Burma mi kan sawi sel a, a thilsual ti tu dan ang a rorelsak ai in Burma mi tawh phawt chu kan vaihma a, kan um phar dawr dawr a… Ram dang a kan mizo pui awm te khu pakhat in thil tisual in min um chhuah vek tum ta se la….in ti christian tawk in kan tawngtai leh hum2 ang a
Report this comment
May 19th, 2013 at 11:26 am
Mizo ini reng. Mipa inilo ti ta ila i pawm hmiah thei ve tho angem. Burma lama kan unaute duat thar chiam hi angai ka ti lo. Hmuhsit pawh angai lo lehzual. A duh duh lo kal se, dan ang zelin thil ti se. Misual an awm leh sawisa hrep ila. Thi si lo in.
Report this comment
May 19th, 2013 at 4:27 pm
I ti dik e unaupa, ka duh zawng tak ani, Zo erawh kan ni vek e.
Chuvang chuan inngeih toh hlom ila, Mizoram’a mizo inti ho poh hi lo fing toh se ka ti hleee.
Report this comment
May 19th, 2013 at 5:55 pm
Tun hma in Burma lam atang a lo kal kan unaute thil tha lo an tih thin avangin Zoram mipuite rilru ah Buram tanga lo kal hrim hrim te kan hmuh dan a dang thin. Thlir dan atang ve ve chuan dikna lai pawh a awm thei ang. Mahse, tunah chuan kan rilru put hmang pawh a zia tawh khawp in ka hria. Amaherawh chu he thil hi remchangah la a Zofate then darh ang chi zawng a che an awm thin. Mizoram hi zofate ta ani a, intineitu a piang a neitu ani mai.
Report this comment
May 19th, 2013 at 11:58 pm
Burma rim nam tan chuan rilru natna tur a tam ve tawkin ka hria. Burma-a Mizo awmte kan hmu Mizo thei tlat lo hian harsatna a thlen dawn chauhin ka ring. International boundary hian Mizo nihna a then hrang thei lova, mahse a tlangpui thuin Mizoram-a Mizo-te erawh chuan Burma rimnam annih hrim hrim chuan Mizo huangah kan khung hreh tlat thin. Entirnan, ka fapa hi USA-ah kum eng emaw zat kalta khan a pianga, Mizo tawng a tawng thei tlat lo mai a, mahse a pianna hmun Mizoram aia a changkan daih zawk avangin Mizoram Mizo-ten an ti Mizo em em a.
Burma rama khawsa Mizo Mawia’n fapa Burma ramah a nei ve thunga, Mizo tawng bakah Culture leh tlawmngaihna thlengin entawn tlak tak a ni a, mahse Mizoram-a Mizo-te chuan a tlangpui thuin Mizo huangah khung kan hreh leh em em si a. Mizoram-a a lo zin ve pawhin hmusit takin Burma mi kan lo ti ta thina. Mawia fapa chuan eng ang rilru nge a put kan rin? Mizoram a kal hmaa in ti Mizo em em si kha, Mizorama a unau-ten Burma mi-a an lo ngaih tlat avang leh kan lo hmuhsit tlat avangin Burma rama alet leh hunah chuan a ngaihdan a dan daih ka ring. Burma rama a pian avang ngawtin a Mizo-na a bo thei lova, Burma Citizen ni eng ang mahse Mizo a ni tho, Indian Citizen nei zawng zawng Mizo an ni vek lo ang chiahin.
Chuvang chuan Mizo nihnaah hian kan chian thar a ngaiin ka hriaa, USA-ah ka awm emaw, India-ah ka awm emaw Burma-ah ka awm emaw Mizo ka nihna a bo thei lo. Mahse kan chenna ram mi kan nihna erawh a dang lek fang a ni. He mi chungchangah hian Mizoram Mizo-te kan hawi zau deuh a ngai. Burma rim nam an nih avanga hmuhsit ngawt kan chinte kan sim a hun.
Kei erawh chuan Indian Citizen ka nihna surrender-in USA Citizen nih ka thlang ta thung anih hi. USA-a ka awm avangin min rawn ti Mizo em em ringawt suh u, Burma rama Mizo-te nen ka danglam chuang lo.
Report this comment
May 20th, 2013 at 12:00 am
Charice_mizo@10 chu i sawi tha mang e a! Dik ka ti khawp mai.
Mizo nih duh lo na na na chu tih luih theih a ni ngut lo’ng. Mahse comment danga an sawi ang hian kan Mizo-pui, Mizorama dik taka lo lut, tha taka khawsa chu khawi ram atanga lo lut pawh ni se Mizorama Mizote hian hnawksak kan ti ngai lo tawp.
Ziaktupain “Siṭizen ni lo va America-a awm te hi thil sual an tih lem loh chuan hnawh chhuah an ni ngai lo, zalen takin mahni nun khawchhuah nan hna an thawk ve bawrh bawrh mai.” a tih khi chu history lam a chhui lem lo a nih ka ring. An hnawtchhuak nasa ve thin viau a nia.
Report this comment
May 20th, 2013 at 1:30 am
Mizo ka nih tluk zet in Chin ka ni tih hi ka pawm. I dinhmun chu a harsa khawp ang le. Mizo nih hi ngati nge kan chapo pui viau le te ka ti thin a, midang hmuhsit nan te kan hmang nghal a… a hnammawl zia e
Report this comment
May 20th, 2013 at 4:22 am
Chin tihawmzia chu enge? tin, Mizo tihawmzia chu enge? tihah hian kan fiah chuan kan tha ang.. a awmzia kan hriatthiamloh avangin kan buai mai mai a ni e. tin, Mizoram hian Dan mumal an neihloh vang a ni ber.. dan khauh tak siam se, tumah inhmuhsit an awm lovang..Dan tha mumal tak a awmloh avangin kan buai mai mai a ni e…Immigrant Dan thatak leh fel tak siam se..khauh takin hma lak tumse..a fel a ni mai…
Report this comment
May 20th, 2013 at 11:00 am
Ethnicity, Race leh Nationality(Citizenship)te hi thil hlom hrang vek an nia,kan hriat polh thin vang hian in hnialna a om ve thei fu..
Race chu kan lan dan hmelhmang atanga classify ani ber
Ethnicity-tih chuan culture lam a kawk thung
Nationality chu citizenship kan neihna kha ni mai..
Entirnan,
Keimahah cuan-
Race-Mongoloid
Ethnicity-Mizo
Nationality-Indian
Mizote hi ethnicity la vawng lutuk hnam kan nih na hian mi ti racist zual in alang.
Khawihmunah pawh om ila race leh ethnicity chu a inthlak danglam dawn lo, amaherawh chu nationality erawh a thlak theih thung.
Burama ramah pawh pem mahila, ka race leh etnicity chu a danglam dawnlo, burmese citizenship ka neih erawh chuan nationality ah khan burmese ka ni tawh mai dawn ani…chutiang zelin America/Israel/Australia leh khawvel hmun dangah pawh awm in citizenship nihna nei mah ila,mongoloid race leh Mizo ka nihna a bo dawn chuanglo…
Report this comment
May 20th, 2013 at 2:26 pm
Keichu Duhlian tawng hi tha takin ka hmang thiam ve lo mahse Mizo ka ni.
Report this comment
May 20th, 2013 at 4:36 pm
Ka’n ang ve teh ang. He Mizo hnam hi, lung rual tak a kan khaw sak ho theih na tur chuan, mi fing, mi remhria,
mi zaidam, rorel thiam, hnam hnuaihnung zawk te hui khawm thiam,
chu ti’ang mi chu kan ma mawh.
Lusei lal ho kha he mi kawng ah chuan
an fak awm thlawt a ni. An mah ni rawn bel tu te kha, thiam tak in an lo hui khawm thin a. Chung mi te chu,
an lal ram sawh nghet nan an lo hmang tang kai thin a ni.
Chu lo chu ni se, tun a kan CYMA hruai tu ni mek ho hian, Chin Hills ah
hlo an thlo kur kur ngei ang maw le hahaha. Lusei thisen a tang a rawn piang, Pu Zawma vawi eng e maw zat
CYMA hruai tu nih na a chelh lai kha chuan, he ti’ang thil in ngai sak na leh,
pawi khawi ve lo te nen lam a, inhnawh chhuah ang hi a awm ngai lo va, kan hre ngai lo. Khawi lo veng then khat a
thu awi lo ho kha chuan, thu nun(zilh) chu an tawng ve thin. Kan hnampui te hmu sit kan ching thin hi, kan sim vat a ngai a ni. Burma a tang a lo kal a Ruihhlo rawn zuar thin te hi chu, dim dawi an ngai lo. Pawi khawih ve lo te nen lam a, hmer tel a, hnawh sa rum a kan hnawh chhuak thin hi chu, a pawi ka ti khawp mai. He ti’ang hi chuan kan Lusei lal te khan, an ti ve ngai lo.
Hman lai kha chuan, thu awih duh lo te chauh khan, khua a tang a hnawh chhuah an tuar thin. Min rawn bel tu te hi, thiam tak in kan hui khawm thiam ve ngei a tha ang. Min rawn bel tu te zing a, misual ho hi chu, dim an tul ka ti lo. Post tu pa rawn sawi, Mizo leh Mizo lo tih ah kha chuan kei chuan,
ka rilru taktak in, tu pawh Zohnahthlak thi sen a piang tawh phawh chu, Mizo an nih na ka pawm sak tlap. Ka hnam(Lusei)tawng thiam lo mah se,
Zohnahthlak hnam zing a mi a nih nanana chuan, Mizo diktak a ni tih ka pawm e.
Report this comment
May 20th, 2013 at 4:46 pm
He issue hi tunlai chu hmun tinah a lian ber a nih hi mawle. Ka rilrua thil awm daih chu, Kan Mizo pui diktak thenkhat, Israel thlah(Manasea thlah) a inngai tlat ho kha ka awt ta riau mai.. Hehe. Anni kha chu, Manipur a mi pawh, Burma a mi pawh, Mizorama mi pawh unau ang tak takin an in en thei tlat.
Report this comment
May 20th, 2013 at 7:35 pm
Mahni nihna, “Identity”-a chian a pawimawh. Kan duhthlanna avanga Mizorama piang emaw, Myanmar-a piang emaw kan ni lo. Mahse i nih lohna anga lan tum hek suh. 1960’s khan Mizoram atangin Burma-ah kan pem chur chur a, 1990’s atangin Burma atangin Mizoramah kan lut leh chur chur a.
Myanmar-a i awm chuan Chin inti la, Mizorama i awmin Mizo inti mai rawh. Be a good citizen…
Report this comment
May 20th, 2013 at 8:09 pm
A, kei ni zawng in hnam then darh zawng ngat a, ram leh hnam hum halh hi, kan thiam zawng a ni e.
Pawl reng reng a kai hruai tu ten,
DAN ai a thu rum an ngaih san a,
fir fiak tak a an kal pui hian, a hming a hhe thin. Then khat phei chuan,
CYMA hruai tu te thu tluk na reng reng hi chu, sawisel thiang lo, Pathian thawk khawm tluk ah an ngai tlat.
Report this comment
May 20th, 2013 at 9:44 pm
Comment a ngaihnawm hlawm hle mai. Engpawh nise kei chu khawi hmunah pawh awm mahila Mizo ka ni reng ang. Eng boundary mah hian ka Mizo nihna hi a thai reh ngai lo ang. Sawi duah lo rih lo mai teh ang. Kei zawng Mizoah hian ka lungawi a, ka tlei zo tlat.
Report this comment
May 20th, 2013 at 9:48 pm
Comment a ngaihnawm hlawm hle mai. Engpawh nise kei chu khawi hmunah pawh awm mahila Mizo ka ni reng ang. Eng boundary mah hian ka Mizo nihna hi a thai reh ngai lo ang. Sawi duah rih lo mai teh ang. Kei zawng Mizoah hian ka lungawi a, ka tlei zo tlat.
Report this comment
May 21st, 2013 at 4:13 pm
Khua leh tui nihna (citizenship) chu khawi ramah pawh neiin khawvel khawi hmunah pawh cheng ila, mizo chu ka ni zel ang. Tute emawin mizo i nilo min tih vang a mizo lo tur ka nih ka hre lo. Mizo nih hi ka duh emaw duhlo emaw, ka THISEN-ah mizo ka ni khumkhua dawn a sin.
Report this comment
June 17th, 2013 at 1:44 pm
[…] tleh avanga chhiatna – May 11th, 2013 1:20 pm by Awmtea Leo Khiangte – 46 comments. 5. Mizo ka ni lo. – May 18th, 2013 6:00 am by Utawkpawnfen – 44 comments. 6. Zirlai pawl pahnihin […]
Report this comment