2013 May Fiamthu

May 27th, 2013 8:02 pm by TuaiSialA

1. Tlangval pakhat rui reng thin pawh kha a thawh hma leh a rui hma a ni mai a, a men rei leh a rui rei a ni mai bawk sia, a chhungte tihngaihna hre lo chuan an inpuak mut chhawk char char!

2. Thil intihre ve deuh mai hi airport-ah a kal a, thlawhna thlawk chhuak tur an start ri hum hum kha, “Slow running a va bei sang ve!” a ti vel.

3. Pa pakhat pawh kha a rui a, a fanu thi a tah a, “Daddy dont die…” a’n ti chiah mai chu a ruang kiltu an nui vek!

4. Tlangval pakhat zu heh deuh pawh khan nuhrawn a hrawn a. Vawi khat chu zu man tur a nei lo va, a nuhrawn hnenah, “Ka nuhrawn duhtak, khawngaih takin sawmnga puk system min lo hmantir,” zuk ti vei zuk a!

5. Tuai leh hmeichhe pakhat an insual a, tuai thinrim lutuk chuan, Nula ni mah ila, ka mipa rilru a chhuak ang e aw!” a ti tawn tawn.

6. “Thianpa, zu khap burna dân, MLTP Act hi eng nge i ngaih ve dan?” tiin an zawt a. “Tun anga an thlah dul theih chhung chu engtia rei pawh hmang mah ila pawi ka ti lo,” a ti zeih.

7. Rinthanga sa râwp lutuk paw’n, “Ngati nge maw Pathian chawimawi tumte hi an awm lo emaw ni, mawl hlawm lutuk mai!” zu ti teh ngawt a.

8. Nula senior pakhat pawh kha a khawngaihthlak asin. Kum 48 a ni tawh a, thlarau pawlna chu vawi 4 a chang tawh a, mihring lam pawlnaah chuan a la NIL.

9. An thianhovin nula an rim ve a, an nula rim chuan chhuat a lo nawt fai sia. Ani a chapal a chhe sia, a bal bawk sia, a thiante bulah, “Ka chapal hi ka dah hmasa ber ang a, in chapal-in in lo khuh dawn nia,” a tia, a lut a. An inkawm tui laklawh laiin ama chapal ber kher chu an lenna tuite chuan a rawn pu chhuak a, an nula chuan, “Kan uite lah hi thil tawp deuh deuh hi a rawn pu lut thin a,” tih pahin an kawmthlangah a paihsak daih a! Kelawngin a haw phah.

10. Mizoram aiawhin Subroto Cup-a khel turin an thlang a, an kal laiin an coach hnenah, “Delhi nge hla Subroto?” a ti vei chut a, an coach chuan Silchar-ah a chhuktir daih.

BONUS: https://youtu.be/bzQ3voKTwK0
https://youtu.be/qtWrq6Idx34