Hmangaihna hi a saptawng takin ‘verb’ a ni emaw ‘abstract noun’ emaw pawh lo ni ta se, a Mizo tawng zawngin i han hrilhfiah dawn teh ang… phur fe fe in lo awm em? 
Pu Lalhmingliana Saiawi chuan hmangaihna chu… ‘.. a chhan leh vang chu engpawh lo ni ta se la, kumtluang a daih chuan hmangaihna a ni mai’ a lo ti a. Mahse, hmangaihna a hrilhfiah a ni lo, hmangaih chhan leh a outcome/ results chungchang a ni a sawi ni!
I hmangaih em em a, a tan chuan i neih ang chhun chhun papawr kan pawh i ui lo a ni thei, si ar lak i huam lo a nih pawhin fur ruah tal do chu i inhuam ve ngei turah ngai ta i la…. ‘Ka hmangaih che a sin’ i han tih zawh chiah hian enge chhanna i beisei ve le! “Kei pawh in ka hmangaih che a sin” a lo ti bawih hnap emaw “Ka lawm hle mai a” a lo ti a nih pawhin a ri i ngaithla tawh lo ang, a hmui phun atangin i focus ang a, a mitmeng i mit sir pah ang.
Chutah chiah chuan suangtuahna ramah i lut kual ang a, zan thla eng hnuaiah tu dang ngai lo ten lungrual a leng dunin, zan dang a awm leh dawn tih hre lo in lungchim takin i kuah zui vawng vawng mai lo maw? I han thang harh a, a chhanna thluk chu eng key nge tih i han van ruai a, Minor nge Major key tih chu i thinlung guiter chuan i han perh chhin ve la. A tapah chuan eng key pawh lo ni ta se, a famkim lohna ni a i hriat ve ang chhun chhun pawh kha, a ti famkimtu ah an lo chang hman tawh si! “Naktuk hi ni lo mai se” i ti rilru em?
Mak tak maiin a tuk khua a lo var a, a ngaite bawkin hmangaihna hi enge ni ta? tiin tapchhak tlawh tur i neih loh pawhin thenawm hnai kuhva dawr bang tlawh chhanin i khup i sai hlarh hlarh tawh mai lo maw? Zan lam a chiang viau si kha a tuk a lo thlen chuan zanin ah min la hmangaih tho ang em? tih i dawn zui vawng vawng a, zing chaw hmeh anthur tlak hang chauh a lo ni nen, vai buhfai urh rim nen harsa ti takin chaw tlang i lem tawk tawk in ka ring!
Chuti a nih si chuan HMANGAIHNA chu enge ni ta? Unau, a Greek tawng a EROS leh AGAPE tih lam sawi ka tum hauh lo a nia, Mizo tawng takin HMANGAIHNA kan tih chu ‘BEISEINA’ lek hi a lo ni. RINNA a tel i tih pawh in i rinna avanga rinhlehna lo chhuak lo tudai thin tu chu BEISEINA bawk a ni!
Beiseina a tawp ni a i hriat hun hunah i HMANGAIHNA pawhin chuai lam a pan tial tial ang! Chuvangin Beiseina tello hmangaihna a awm thei lo a, hmangaihna tello beiseina phei chu trek satel um tir tum ang chauh a lo ni!
Beiseina nen kan theih chhun thuziak ram leh hnam tan kan hnutchhiah a, hmangaihna mitin a thlir zui vawng vawng tawh mai a. I hmangaih chu beiseina mit nen i thlir zui ta thin a ni. I beidawn ni ah chuan i hmangaihna in chuailam a pan tih inhria ang che!
…. i ram leh hnam i hmangaihna leh i nupui/pasal leh ngaihzawng hmangaihna kha engtia BEISEINA nasa nen nge i thlir ve thin le?
Similar Posts:
- What is Love? What does it mean to me?
- I Duhlai Hlu Ber Kha…!
- Hmangaihna
- Tial Tial
- Mittui nên Hmangaihna
May 28th, 2013 at 4:40 am
Hmangaihna chungchang hi hrilhfiah tum vak chi pawh niin ka hre ta lo. Keimahniah hian a chiang mai.
Report this comment
May 28th, 2013 at 7:33 am
Vaiva chu thlirna tlang dang atangin maw…. i ziak thiam eee.. luangliam ve fe chu a nih hi….
Report this comment
May 28th, 2013 at 7:56 am
Beiseina kham hrui ang sei hi, han dawn ve ang maw kei ka lung D khan…la la la la… te pawh an lo tih tak kha mawle.
A hunlai a ni deuh em ni, heti zawnga i rawn inher tak mai post-tupa.
tren tren
Report this comment
May 28th, 2013 at 8:41 am
KA rawn tial ve hrim hrim a nih hi! Post a lut tlem deuh a
Report this comment
May 28th, 2013 at 9:25 am
Tukchhuah nuam vek u le
Report this comment
May 28th, 2013 at 9:53 am
Hmangaihna hi e, hrilhfiah thiam chi a ni lo.
Report this comment
May 28th, 2013 at 1:23 pm
Thenawm nula beiseina nena i melh thin pawh kha hmangaihna tho chu anih hmel tak mange VaiVa
Report this comment
May 30th, 2013 at 3:31 am
Hmangaihna lampang chu a taka tem mek Tsa te hovin an hrilhfiah thiam khawp ang.
Report this comment