Dear Brown.

June 11th, 2013 7:40 am by Dina Pa

Dear Brown,

I tet lai a i hmel awm dan leh nungchang te kha i unaute aiin a danglamna em em a awm lova. Mahse nangmahah hian engemaw tak zawng a awm a ni, i chhungte hian kan ngaina em mai che. I hmel han en mai hian i zaidam hmelin i rilru a that hmel ngawih ngawih a. Mi i lawm thiam dan leh mi i tih hlim dan zozai hi chu aw.

Kan chhung zinga i rawn awm ve mai hian khawvel hi a tifamkima. Min awm loh san ta la chu kan khua hi a har ngawt ang. I rinawm tlat maite hi i mizia a chhuanawm em em mai a ni a. Engmah kan ni lo chung pawh a min ngaina em em mai te hian i mize thatzia hi a va tarlang chiang em. I chhungte hi thin ram leh awka vin hmang fo thin kan ni a. Mite chuan chhungkaw inhau ve ngai lo ang hialin min sawi mai thei a. Mite min hriat dan aiin kan mize hniam zawng zawng hretu chu nang i ni a. Kan chhiatna leh mawi lohna te hi nang chuan i sawi chhuak ve ngai hauh lova. Kan tan hian i va rinawmin i va hlu tak em !

Chutih lai chuan i chhungte hian tawngkam mawi lo tak tak kan hman khum fo che a. Tul vak lo ah pawh kan vin fo che a. Kan thinrim hmel kan hmuh fo bawk che a. Chuti chung chung chuan kan tan hian i la rinawm fan a. I chhungte hian kan tluk lo che a, i chhungte nih pawh hi a inthlahrunawm khawp mai. Hman deuh a i dam loh te khan kan ngaihsak tawk lo che a lo ni a nih pawhin min hrethiam hram rawh aw . Nang zawng kan tluk lo che a ni. Vuivaina thawm i lak atang hian kan hre hauh lo na a. Kan laka i rinawm em avang hian keimahni zawk hi i lakah kan inkiltawih fo thin a nia. Ei in tur chungchangah lah hian engmah hi i sawi ve ngai lova. Kan ei ang ang hi i ei ve mai thei zel a. Kan tluk thlawt lo che a ni. Mahse maw thil pakhat chiah ka ngen ang che, min tihhlawhtlin sak la ka lawm khawp ang. Chu chu hei hi a nia “naktuk atang chuan in chhungah sa ruh rawn pu lut tawh lo la. Tin, thenawmte hi bauh vak vak tawh suh aw“

9 Responses to “Dear Brown.”

1
shailendra Says:
June 11th, 2013 at 8:48 am
Buanga chu Zo ui a nih duh hmel e. Hahaha
Report this comment
2
Awmtea Leo Khiangte Says:
June 11th, 2013 at 9:37 am
Chhiar dawn ang.
Report this comment
3
Dr Mahminga Sailo Says:
June 11th, 2013 at 11:30 am
Post-tupa hi kan pawl…

A tawi viau nangin, i fawmkem tha viau bawk si..
Report this comment
4
Ruata 4 Cabin Says:
June 11th, 2013 at 11:44 am
Brow…Browna..a awm em?(Bua..buanga..a awm em? ka bialnu a lo phone thin a maw…lo phone tawh suh se aw!
Report this comment
5
caribou Says:
June 11th, 2013 at 1:18 pm
Ngaihnawm bauh bauh hle mai.
Report this comment
6
Joel Lrsa Says:
June 11th, 2013 at 5:50 pm
Rebecca Brown chu a ni em lo maw? Hairehai
Ui chhuanawm tak, sap ruih mai a nih chu a
Report this comment
7
luahpuia Says:
June 11th, 2013 at 6:12 pm
ka comment kha a bo dei mai,,,,, Pu Hv Vangchhia biak theihna tur ka va duh ve oo..ene e maw zawh duh lok ka nei a..
Report this comment
8
bbney Says:
June 11th, 2013 at 11:01 pm

Report this comment
9
Kitty Says:
June 13th, 2013 at 3:42 pm
Vawi hnih ka chhiar chhuak, a va dik tak em..vin in han hau hrep mahila thinrim ve ngai lo, an rilru hi a thianghlim asin, an nun hi chik chuan entawn tur a tam.
Good post.
Report this comment