Thuhmahruai
Thlen chin zimteah hian ziah tur tawk te hi ka nei ve zel a. Kum 2008 khan Mizoram House, Vasant Vihar-ah hian Mizo inkhawm ka chhim ve tawh a. Kha’ng lai kha chuan Mizoram house-a thleng leh House hnaia mi te inkhawm mai kha a ni bawk a. House Dormitory-a thleng kan ni a, kan mutna room-ah khan kan inkhawm mai a. Chu inkhawmah chuan khuangte pakhat vuain putar pakhatin zai a hruai a. Hla un pui pui a la a, zai a har phian a nih kha.
Tahrikni 9, June 2013 khan ka hna tul avangin Delhi ka zin lai a ni bawk nen, Ghaziabad atangin Mizoram house-ah bawk chuan ka va inkhawm leh a. He hunah hi chuan Delhi Mizo Inkhawm, Delhi chhim lama mi te an ni thung a. House thlenkhawmna (dormitory) pawh inkhawmna pangngai taka chei a lo ni a. A lo changtlung ta hle mai.
Beisei miah loh!
Pathian faka zai a nuam em em; a bikin thalaite an hlim. A va nuam tak em! An zarah Pathian fakna hun tha tak neiin hun hlu tak ka va hmang ve thei a. Hmun hla tak atanga inkhawm man a awm hliah hliahin ka hria a, lawmawm ka ti tak zet a ni.
Thuzir mawlh kha
Sunday sikul kai ni a lo ni a. Kaihruaitu pakhatin tawifel taka Kristian chhungkaw kaihhruaina chungchang a sawi hnuin sawiho a ni a. Mi thiam tak takte thukhawchang hi ngaihnawm ka tiin, an sawihona enga ka rilru khawihtu tlemte hi mi(sual)-te hnena tarlan ka duh ve tlat.
Ka tih angin
He thu hi nu leh pate’n an fate enkawl chungchanga sawi chhuah a ni a. Nu leh pa-in an fate zilh nan, “Ka sawi angin ti rawh”,ti mai lovin; “Ka tih angin ti rawh” tia zilh thei turin an nun ulukin, an fate tan entawntlakin awm thin se, a tih kha a va dik em!
Kan fate hian an nu leh pate hi entawntlak tiin min ngaisang em le?
Bawih nun
Tunlai khawvelah bawih an awm tawh lo ti ila, Mizo zingah phei chuan a dik awm e. Bawih nun hi chi hnihin an sawilang a. A pawmawm ve ve.
Bawih – mi hnuaia hnathawk
Delhi leh India ram khawpui hrang hranga Mizo thalaite hi mi hnuaia hnathawk vek an ni awm e. Chutiang tan chuan an hnathawha bawih anga an rinawm a tul tiin an sawi a, a dik viau mai; hnathawhna kawnga rinawm tura fuih nan. A chhan chu Kolossa mite hnena tirhkoh Paula lehkhatawnah khan bawih nun dan tur kha a sawi uar hle a, keini pawh hian kan hnathawhnaah entawn tur leh nunpui tur kan nei teuh awm e.
Bawih – kan awmpuite
Bawih nun sawihona kara kan hnuaia thawkte chunga kan rilru puthmang leh awmdan tehkhin a ni bawk a. Zoram pawna Mizo chhungkuaa khawsa tam zawk chuan min tanpui turin awmpui kan nei deuh vek a. Kan awmpuite laka kan rilru put hmang leh chetzia hian kristian kan nihna a tarlang thin em? tia sawi a ni bawk. Inenfiah a tul hlein ka hria.
Pathian rawngbawl – lehkha zir
Hei hi thalai, zirlai tam zawkte harsatna tawh leh zawhna an zawh fo thin a ni. Lehkha zir chungin engtingne Pathian rawng ka bawl kawp theih ang tih hi.
He zawhna nena inlaichin tho hian I exam dawnin, I exam paper kha Isua’n a endik turah dah thin la, taima takin lehkha I zir thin ang tiin. Hei hi ka vawikhat hriatna a ni a, ka pawmzawng tak a ni. Kan zir/hnathawh reng reng hi kan pu/pi te aiin Isua’n min endik dawn tiin ngai thin ila, kan hna/zir kawngah hian kan rinawm zual ngei ang le.
Lalpa’n in a sak loh chuan
A tawp berah chuan hei hi Kristian chhungkaw din nan a pawimawh. In sa tura a din hmun (foundation) a fuh phawt a ngai angin, nula leh tlangvalte hian kan thatlai atangin innghahna dik Isua Krista hi nghel takin vuan ila. Kawppui dik leh tha min pe thei tu chu amah Isua Krista chauh a ni si. Thatlai huna Pathian tana hun hman loh zawng chhangchhiat hnu chuan a harsa tawh em mai tia sawilan pawh kha a va dik awm em! Kan thatlai Pathian nena chen tur kan nihzia hi hre nawn fo ila a tha awm e.
P.S. Mahni irawm chhuak sawi tur hre ta lem lo chuan, mi thusawi ka rawn ziak chhuak ta mai a. A kimchang lovin, a phelh nuai ka ring; in ngaihdan zau leh fel zawk ka lo ngai chang e…
Similar Posts:
- Inkhawm ti tlem ila!
- Green Park Bye Bye….
- YMA Day
- Thingbuk Hnuaia’n Kan Inkhawm
- Delhi Mizo te fakawmzia
June 11th, 2013 at 11:46 am
Report this comment
June 11th, 2013 at 3:01 pm
SDMI chu a lampum kan hre der lo mai a. MI chu misual inhmukhawm lam sawina ni awm si lo. hahaha
Report this comment
June 11th, 2013 at 3:49 pm
South Delhi Mizo Inkhawm tihna…:) Delhi ah hian kan tam tham deuh avangin Dwarka, East, South leh North ah kan inkhawm hranga. South inkhawm bik hi Mizoram House ah kan nei mai thin. Member pawh an thahnem ve angreng viau ania.
Report this comment
June 11th, 2013 at 4:24 pm
In tlangzarh duh ang em aw? ti rilru chungin ka thehlut a. Ka lawm e. Pu shailendra, Charice-mizo sawi ang khian SDMI chu South Delhi Mizo Inkhawm tihna. Ka lo sawi fiah hmaih pek a nih khi maw le..
Report this comment
June 11th, 2013 at 5:26 pm
min lo cethiam loks,,Pu HV a fb,,name min lo cilh mai teh unnn
Report this comment
June 11th, 2013 at 6:55 pm
I va post khat ve, hmmm
Report this comment
June 11th, 2013 at 6:57 pm
#5 hei Pu HV-a chu https://www.facebook.com/H.Vang.....ion=stream
Report this comment
June 11th, 2013 at 8:26 pm
@ ulawng.. Nia, post khat lutuk chuan, inthlahrun dui pawh a awl riau..
Report this comment
June 11th, 2013 at 8:56 pm
Chhiar a va nuam dap dap ve. Kei pawh ka pawm zawng tak a ni a khawvel leh van pawn an pawm ve ka ring he thu “Ka sawi angin ti rawh”,ti mai lovin; “Ka tih angin ti rawh” . Nu leh pa ni tawh tan in enfiah nan hmang ang u. Delhi a cheng keini zofate zingah hian nula leh tlangval college zirlaite hi kan hnam darthlalang kan ni tih in hria ang u.
Report this comment
June 11th, 2013 at 9:51 pm
Ka pawmzawng tak; zawm erawh ka harsat em em te a ni thung. Kan mithiamho chu an chhuanawm hle mai, an Srvice leh Designation pawh hriat a chakawm khawp mai a
Report this comment
June 11th, 2013 at 10:59 pm
Mi thusawi ngaithla liam puat mai lova a tha lai leh a pawimawh zual lai i rawn ziak chhuak dap dap thei hi i fakawm ka ti khawp mai.
Report this comment
June 11th, 2013 at 11:01 pm
tun thla tawp sunday chu delhi a hman ka han tum ve a, ka inkhawm ve thei ngei turah ka beisei.
Report this comment
June 11th, 2013 at 11:04 pm
Tha hlawm dap dap khawp mai.
Report this comment
June 12th, 2013 at 12:07 am
Ka la chhiar hman lo na a comment hrim hrim phawt ang.
Report this comment
June 12th, 2013 at 7:30 am
ka lo chhiar ve zel a nia…tih ka lo report zuaiss
Report this comment
June 12th, 2013 at 8:10 am
Tukchhuah nuam vek u le
Report this comment
June 12th, 2013 at 8:42 am
@ shailendra.. Inkhawm ve ngei rawh, inkhawm a nuamin a inchhirawm lo khawp a nia..
@ caribou.. Ka lawm e…
Report this comment
June 12th, 2013 at 9:37 am
# ulawng thank q,,,,ka lo silent reader leh char2 a ne,,
Report this comment
June 12th, 2013 at 11:49 am
La inkhawm ve tur a nih hi…
Report this comment
June 13th, 2013 at 2:17 pm
Nimin tlai S.Delhi a pavalai Bible study neih na ah Pu Chhuangan i thil ziah hi a copy a rawn keng a, chhiar chhuak in kan ngai thla hlawm a tha kan ti hle tih ka rawn comment e. chuan Pu Mafakan i lam der2 thu a sawibawka, Misual lam ka missed, pawi ka ti hle.(tun sunday kha inkhawm lo tlat chhungkaw thil vang in)
Report this comment
June 15th, 2013 at 9:55 pm
@ whotalk… Pu Chhuanga chu a va tilawmawm ve. Bangalore-a a lo zin te khan kan kawm ve ngei tak asin. A rawngbawlna zawng zawng hi ngaihsanawm ka ti, Pathian a tih em mai..
Ka sawilan tawh ang khian, Delhi thalaite leh SDMI member hian ka rin phak bakin Pathian fak leh chawimawi nuam in tiin, in kianga inkhawm kha ka kham lo khawp mai. SDMI Pathianin awmpuiin malsawm zel che u rawh se.
Ka thiante hnenah fiamthuin, “Delhi zawng a lum, ka hnathawh a hahthlak bawk si, mahse SDMI inkhawm ka chhim chiah chuan, Delhi pem ka chak phah vek” ka ti hial asin.
Report this comment
June 21st, 2013 at 3:19 pm
Report this comment