Assam Rifles lakah FIR thehlut

June 12th, 2013 11:30 am by

June 12/2013 : Nimin chawhnu dar 1 vel khan Tuichang bulah Assam Rifles Duty te chuan M-16 mu 35 an man.

Heng silaimute hi Myanmar atanga Aizawla thawn tur, panhnah kara dah nia sawi a ni a Hemi chungchangah hian Champhai – Aizawl Maxi Cab Owners Welfare Committee chuan FIR thehlutin Assam Rifles te hian promotion an duh avanga heng hi anmahni dah nia an hriat thu sawiin, a phurtu Sumo hi Assam Rifles te hian an lepse vek hnuah silaimu hi an la hmu lova. Mahse an Major-in check nawn leh tura a tih hnuah awlsam takin an hmu chhuak ta a; hei vang hian an dah chawp nia an rin thu Champhai -Aizawl Maxi Cab Owners Welfare Comt. te chuan an sawi a. Assam Rifles te hian thangthat lak tum vanga hetianga che ni a an ngaih avangin hemi chungchang chhui chiang tur hian Champhai Police Station-ah FIR an thehlut ta a ni.

Source: Champhai.net

12 Responses to “Assam Rifles lakah FIR thehlut”

1
ZerO Says:
June 12th, 2013 at 12:09 pm
Ni e.. Zokhawthar leh Champhai inkarah AR ho hian motor phar dingin an check vak thin a, fimkhur tur a nih chu.

Report this comment
2
muansakhi Says:
June 12th, 2013 at 12:18 pm
Le le le…. Mahni dah chawp hi an lo man khut tak tak ange. Han chhui chiang teh mawlh se.

Report this comment
3
sheldon Says:
June 12th, 2013 at 12:47 pm
An lo dah chawp te hi a niang e. Chhui chiang teh se.

Report this comment
4
artlessguy Says:
June 12th, 2013 at 1:05 pm
Eng zawktak chu maw thudik ni ang aw…Chhui chiang teh se… se atawpah hian thudik chu atirutu te chauh hian an hre leh mai anga, hrem lovin a ne ne ral leh mai mai angah…thudik chu Pathianin a hria tihah kan duhtawk leh mai ang a aw..

Report this comment
5
Chhuaklinga Says:
June 12th, 2013 at 2:00 pm
He post chu a felhlel hle mai tak a, a post-tu pawh a biru daih mai. Chhui chian a ngai hle a nih hi.

A nitak asin an duh duhna hmunah min lo check ve leh ngawt zel a, hmanhmawh deuh phei chuan an ngeiawm duh phian.

Han inching phar vel teh se, dan mi leh dan mi.

tren tren

Report this comment
6
ulawng Says:
June 12th, 2013 at 3:51 pm
A va mak awm teh nuaih ve

Report this comment
7
century child Says:
June 12th, 2013 at 6:24 pm
Uau

Report this comment
8
chhana hlawnchhing Says:
June 12th, 2013 at 8:51 pm
Hmingthat leh promotion duh hian hetiang a ti duh a mi nghial thah duhna rilru pumi india sipai officer an tam khawp mai tih chu manipur leh jammu and kashmir ah a lang a bakah heng sipai ho hi in la in luling ve deuh thin bawk a sipai chu sipai chungah chauh thu annei tih in hria se mizoram police phalna tel lovin heng te hi an check thei reng em tih lampang pawh kan mithiam te khan han ziah lang teh u a, Mizoram buailai rilru a a lan chang phei chuan insumzawh hi thil har deuh mai a ni a.

Report this comment
9
Joel Lrsa Says:
June 13th, 2013 at 12:26 am
Thudik hriatchhuah ngei nise tiin duhsakna ka hlan e

Report this comment
10
PKfanai Says:
June 13th, 2013 at 9:07 am
An fingin an titha ka ti hle mai. Fake encouter te pawh an sawi fo thin kha. Rambuaiah phei chuan fair lo tak takin an chet fo a rinawm. A ngaihna hriat leh huaisen ve deuh hia tha. Thil diklo kan khinlet ngam loha kan tuar tlawk tlawk hian, sual leh sualna kan vulhlian zel a ni.

Report this comment
11
Jennifer Lo Says:
June 13th, 2013 at 3:56 pm
tren tren,peace bonus hmu khawp khawp a peaceful state ah police poh nilo army in duh duh a civil mi check theih na annei emle… state police poh punlo in lehnghal a.
rambuai lai te kha chu ni ila ka hrethiam.. hm hmm hmm

Report this comment
12
H.Vangchhia Says:
June 15th, 2013 at 12:00 am
Thil awm thei tak a ni thei ngei ang!

Report this comment