via Saia Sailo @ FB Special Report
An thuchhuaha an tarlan danin Inneih ni hi kan hnam incheina chawi larna hun remchangah hman tum a that thu te, hnam hrang hrang, tunlaia kan Mizorama mi tam takin an ngaihsan Korean hote ngei pawhin an inneih niah chuan an hnam incheia an inchei thin thute an tarlang a. Kan Mizo zia lang thei zawnga kawr var mawi tak leh puanchei bih te hi a mawiin a zahawm tih hre thar turin an inchah a ni.
Heng ahnuaia mite hi Biak in hawnga innei te, inneih nia Mo leh a hriatpuite leh Mo kawr ‘design’ tute leh thuitute pawhin zawm turin an ngen a, an thuchhuah angin han tarlang ila.
1. Kawr nghawng hmalam zau lutuk hi a zawhawm lova, a hatuin mahni inrintawkna a hloh phah thin niin a lang. Chutiang bawkin hnung lam zau lutuk pawh hi a mawi lam aiin mipui tan hmuh a hrehawm lek lek zawk thin a, a mawi tawk zawn hram nise.
2. Kawr ban nei hak theih hram ni se. Ban nei lo te, kawrhnuai chauh te hi a mawi lovin a zahawm lova, dar bah awm lo te phei hi chu Biak In chhunga hak luh atan a mawi lo hle a ni.
3.Kawrfual hi a hatu san zawng mil tawk zawn thiam a pawimawh. Fual lutuk, midang ten zawnpui ngai khawp hi a buaithlakin, kan ram leilung nen pawh a inmil lova. Chetsual palh te pawh a hlauhawm a, chuvangin a hatu ena a awm taweka fual kan thlan thiam a poawimawh hle.
4. Kawr arh uchuak pawh hi a buaithlak lam deuh niin a lang. Mo neitu nena inkutsuih dawn pawha harsa khawp tur chi chu hak loh ngam a tul.
5. Inneih hriatpui tura kalte pawh kan incheinaah fimkhur a ngai. Biak In ni lo, intihhlimna hmun danga kan kal anga kan inthuam anih chuan Pathian kan biakna Biak In kan tizahawm lo a ni tih hriain Pathiannia Biak Ina kan incheina ang tho kha inneih inkhawmah hian inbel mai ila. Chu chuan thangtharte hnenah Pathian leh Kohhran zahawmna nasa takin a hril ngei ang.
6.Inneih nia, mo leh mo neitu chhungte inchei dan pawh hi kan inbihchian a tul tawh viauvin a lang. Tunlaiin mo leh mo neitu chhung hnai deuhten kawr inang hak kan ching ta pawh hi a lawmpuitu midangte tan a inthlahrunawm thei niin a lang a, hengah pawh hian kan insum thiam a pawimawh hle a ni.
Similar Posts:
- HER WEDDING DRESS
- Nupui ka neih hun chuan
- Nupui leh pheikhawk
- Biak In Pui
- Eizawnna neite hi mi zahawm an ni.
June 17th, 2013 at 2:45 pm
hei pawh chu(h), kaw
Report this comment
June 17th, 2013 at 4:47 pm
A tha khawp ang, ka lo ngaihtuah ve neuh neuh thin.
Report this comment
June 17th, 2013 at 5:07 pm
A dik hmel viau hlawm e, mahse sl no 6 hi kan lo ching pawr lawk…..
mo leh moneitute chhungin kawr rawng in ang han hak hi a tha ka lo ti viau thin….
a chhan chu mo leh moneitute chhungkua leh lain
an kawr rawng atang khan..hei chu an chhungte an lo ni reng a ni maw… hei chu kan chhung thar turte an lo nih hi te kan lo inhre thei a, zia ka lo ti viau a….
chhung leh khatte hi inhmuhkhawm a harsa a,kan inhre lo tak tak thei mai dawn…
tin, a lawmpuitu midangte tan a inthlahrunawm thei niin a lang a, tih lai hi chu…… mi kawr rawng in ang hak avanga lo inthlahrun chu a……awi ka sawi thei lo..
Report this comment
June 17th, 2013 at 5:15 pm
A lawmawm e. Zawm hram pawh a tha khawp mai. Synod nge nge
Report this comment
June 17th, 2013 at 9:52 pm
Thuchhuah tha tak a nih hi! Hetiang hi engtikah tak rawn vei ang maw.. ka lo ti ru deuh vang vang tawh thin a sin!
Report this comment
June 17th, 2013 at 11:01 pm
#3 hei hi chu inneihna hi mi pahnih inzawmna a nih mai bakah chhungkua an inzawmna ni a ni a, chumi ni berah pawh ‘kan chhungin chumi kawr rawng hak tur, an chhungin chumi kawr rawng an ha dawn’ tih chu a inhmeh lo ka lo ti ve thung a
Report this comment
June 17th, 2013 at 11:32 pm
Thuchhuah tha tak a nih hi maw le.
Report this comment
June 18th, 2013 at 11:03 am
A va lawmawm em ve. tun hmaa kan hnam thuam leh lam te ramhuai thila ngaia min chirhtheh nana hmangtute khan tun hun hi in lo chuangkai ve ta chu.
In Biak inah te kan hnam lam in lam theih hun kan va nghak hlel leh zel em, tang sauh sauh teh u.
Report this comment
June 18th, 2013 at 3:23 pm
Tha viau. mahse a tawngkam khi a synod lo ka ti, phuahchawp mai mai a ang! Tuten emaw an duhthusam an phuah mai mai a ni lo maw? FB tih angreng vel ami hi awih mai harsa ka ti thin a kei misual hian.
Report this comment
June 18th, 2013 at 11:26 pm
Nupui ka neih pawh khan Kohhran duhdan kha kan dah Lal ve ngang mai a, Mizo Puanchei a ven ve ngei kha. Tunhnu hian ka ui leh ang reng deuh sia. Vawikhat bak kan inneih hmel si loh a, A nalh thei ang bera han inchei ve te pawh kha a lo tha viau tho chuan ka hria. Mahse, Kohhran duhdan kan zawm thei erawh tha ka ti tho.
Mizo thalaite tan hian, dan leh hrai hi kan zam nasa chiat chuat leh lutuk palh ang tih erawhchu a hlauhawm ve tho chuan ka hria. Mahse, inzirtirna leh ‘Ngenna’ satliah ang anih chuan, a tha lutuk e.
Report this comment
June 19th, 2013 at 11:36 am
Mizo incheina chawi lar hi chu ka thlawp khawp mai. Mahse, incheina chungchang hi chu kan rilru la zim vang maiah ka ngai. Incheina kan buaipui lutuk vang hian chhungril nun lam kan thlahthlam phah chawk thin.
Report this comment
June 19th, 2013 at 2:13 pm
Lo ti zel rawh u, nakinah chuan zungbun te hi dahthain; Thi-hna leh Pawndum te in la rawn hmang ve dawn nia…
Tin in biak inah te hian Cheraw te in la kan thrup thrup dawn tih ka hrilh lawk ve mai mai a che u. Lung lohah lak tur a ni lo a nia…
Report this comment
June 19th, 2013 at 3:55 pm
Rinzo#12 a politics zawngin lo la suh, hahha
Report this comment
June 19th, 2013 at 5:08 pm
Report this comment
June 20th, 2013 at 2:07 pm
Biak In hawnga Innei tur tan chuan a theih chhung chu Kohhran Dan zawm a, an Duhdan anga Inneih kha a nih dan tur chu a ni.
Amaherawhchu, “Kohhran pawh hian Thil hi a thlir fuh loh chang leh thlir kim loh chang hi a awm ve a ni” tih erawhchu hre reng ila… Siamthat nghal chuk chuk a theih loh pawhin, a leh pekah thlak/belh/paih/siam danglam hi hreh lo ila a tha-in ka hria
Report this comment