Nupui ka neih hun chuan

November 24th, 2011 7:32 pm by lr hlonchhing

A hautak lo leh insen tul lova insen ka tum lo, inneih nghehna a ni lo tih ka chiang khawp mai. He thu ka ziah avanga ar chuk tui lo khawpa min chuk pherh diai diai duh an awm ta ve ang. Min khengbet duh an awm mahna le, ka sam zuah sei thin lai ngat phei chu nise.
1. Inneih card changkang ka sem ring duh suh, ka sem dawn lo hrim hrim. Ka sem a nih pawhin, Typewriter ngatin ka chhu ang.
2. Ka thiantur chhiar telin, thian panga bak ka sawm dawn lo. A tul lo.
3. Hmeichhe lam pawhin panga bak a sawm tur a ni lo. A bak chu a chenpui tak tak te an ni mai.
4. Biak In hawn buai a tul lo. Kawmthlang Balhla huan kan nei alawm, dawhkan pakhat leh khuangte kan keng ang a; a tawk khawp. Kan thiante leh chhungte chu Balhla hnahah an thu sawp niai mai dawn a ni.
5. Coat leh mo kawr fual kan mamawh kher lovang. A tullo ka tih zawng tak. Mo kawrfual ngat phei chu vawikhat bak a ha dawn lo tih ka hria. Sunday dress a tawk khawp ka ring.
6. Rangkachak zungbunah ka insen vak duh ring hek suh. Zungbun aia hlu “Thinlung Zungbun” ka bun tir mai ang.
7. Hriatpuitu ka mamawh tam lova, Pastor, kan thiante leh chhungte a tawk. Miin kan innei tih an hriat ve kher a ngai lo, fa pakhat kan neih hunah chuan hre mah se, a pawi lo.
8. Thla kan la dawn lo. Video phei chu a ngai therte lo. Thlalak chu “uak”, video chu “thui” a ni mai. Nikon Camera,Thlakon leh arsikon lamah ka buai lo. Nokia phone in duh leh vawikhat kan hmet ri chhuai ang.
9. Ei leh in lamah ka buai peih ring duh suh. Thingpuisen thlum leh Ba në a tawk viau ang. Ei leh in lama min lawmpui duh chuan, thingpuisen chu kan ui lo ve khanglang. I inzawhah i haw nghal thei ang.
10. Car changkang takin khawpui in fang dawn lawm ni i ti maw? A teuh lo. A tul ka ti lova, ka nei hek lo. Ka hawh buai hek lovang. Duhleh thiante thlah pahin, ke ngatin (a va mawi ve “ke ngatin”) kan kal ang.
11. Steel almira leh dunlop tih vel a chhawm dawn na nge? A sawi pawh sawi suh, underwear hakthlak pakhat a rawn chhawm chuan a tawk. I ngawi hmak thei.
12. Kohhrana i thalai pui ten present te an pe ve duh ngei awm si che a? A ngai lem love, ka hausak pui lawih dawn te a nih loh chuan. An duh leh min lawmpui an duh a nih hrim te chuan, “I nupui chu a hmeltha khawp mai” an tih der luam ka phal hram ang.
13. Ka nu leh pate chu ti lutukin an mawl lem lo. An fanu thar chu duh leh arsa kg 1 chu leisak ve se, an inseng lutuk lem lovang.
14. Zanah erawh kan insengso ve mahna. Ka sawi tam a ngai lo, i mu hmak thei.

Thil tul lovah insen ka tum lova, ka chhungte an buai lovang a; a chhungte an buai hek lovang. Khing zawng zawng khi inneih nghehna a nilo tih ka chian em vang zawk a ni. I zak dawn lawm ni i ti zauh in ka hria. Ka zak thlawt lova, ka inchhuang zawk.

113 Responses to “Nupui ka neih hun chuan”

1
hiho Says:
November 24th, 2011 at 7:34 pm
min lo sawm ve 😛 … mahse a happening hmel loh.
2
Kawlri Says:
November 24th, 2011 at 7:45 pm
Keipoh tiang hian rilru ka pu thin… Mahse, ka’n neih dawn meuh chuan ka theihnghilh vek.. :-$
3
lalmihringa Says:
November 24th, 2011 at 7:47 pm
Sawm loh ho lo lang ta nawlh ila……..min hawtir mai dawn em ni???? Sawmna hi chu vengchhung Chanchinbu leh information PA vel hi a tawk viau in ka hria..
4
triplestar Says:
November 24th, 2011 at 7:50 pm
A tuk zingah hian a man pek belh hi i rawt leh ruai si lovang maw 😛

Chak zawk zawk hi ka va han nei hlei lo te hi i lo ti vel ang e 😉
5
Chhuaklinga Says:
November 24th, 2011 at 7:50 pm
A bul tan tuah han tang tak teh. Ka chhuang khawp ang che. (y)

tren tren.
6
lrpa Says:
November 24th, 2011 at 7:51 pm
Dik khawp mai, pawngpaw sawm zau vak hi a tul lo, chhung bul hnai tak tak leh thian tlem..ti ila, ka hrethiam lo e..a hautak lo thei ang berin kan mihausa te leh milar te hian han ti se, thil entawn awlsam tak tur niah ka ngai deuh..
7
lr hlonchhing Says:
November 24th, 2011 at 7:52 pm
@chhuaklinga, ti tak tak dawn 😛
8
ChhanaPa Says:
November 24th, 2011 at 7:58 pm
I ti ngam tak tak a nih chuan i fakawm khawp ang. Ka tih duh,mahse ka ngam si loh a ni. (Y)
9
ReMpYâ„ Says:
November 24th, 2011 at 7:59 pm
I nupui nih chu…a va chakawm loh chiang. 😀
10
H.Vangchhia Says:
November 24th, 2011 at 8:03 pm
Chhungte thu hnuaia awm anih loh chuan, nupui neitu tur thu ania’ng chu 😛
11
lr hlonchhing Says:
November 24th, 2011 at 8:04 pm
@Rempy, kan inhmangaih chuan a tawk mai alawm. Ka duat ngawt ang che 😛

@chhana pa, tih tak tak ka chak thin a ni.
12
triplestar Says:
November 24th, 2011 at 8:06 pm
A hun a lo thlen meuh hi chuan a har ve kghawp a sin. Nupui chhungte, kan chhungkhat laina, thianthate, hrilh loha vui nasa thei fe fe tur…

I insawi anga i ti thei tak tak a nih chuan ka chhuang khawp ang che. Tih ni reng reng hi a her chhuak thei lo mai angah 😛
13
johnny_ralte Says:
November 24th, 2011 at 8:07 pm
2ıɥ 2ɐɥ 2nɥ
14
lr hlonchhing Says:
November 24th, 2011 at 8:09 pm
@triplestar, nia. Ih, englo a nia. Neih tur a pui hi kan hmu zo ngut awm si lova.
15
muansangi pa khawlhring Says:
November 24th, 2011 at 8:10 pm
i rawn sawi ang tam zawk hi chu ka ti e, a tha khawp mai, sawmloh vui tak2 an tam, thingpui phei chu kan semlo, theitui thlum vaklo kan sem, thiantha ten an phone leh thlalakna chhete anlo paive in thla chu kanla ve tlat mai, keipawh inneih hautak lutuk hi ka ngaimawh ve thin a, kan vengah bul ka tanve in ka in hria, biakin hawnga inneiah chuan kala ti awlsam ve berang, nilengin kanin a inkalh a, biakinah kan zo fel vek, a chhungte maruti 800 khat an rawn kal ve tak e
16
H.Vangchhia Says:
November 24th, 2011 at 8:12 pm
Ka nupui neih khan biakinah kan puang pawp, sawmna kan semlo…thenawm te inah chuan ka nu a kal kual den den a, that is all. 🙂

Kulikawn (Hmunthar) biakinah innei hmasa ber kan la ni zui mawle hairehai 🙂
17
pathlawi virgin Says:
November 24th, 2011 at 8:12 pm
i ti tak tak ngam a nih chuan, i ziah ang thlap hian, lawmpui nan che Kurtai 1kg ka lo thawh ang. tih hautak loh i tum ta rau rau…kan sem dawn nia…eh
18
LaMea CâcTùs FLh Says:
November 24th, 2011 at 8:13 pm
Kei chu ka neih in a tlin ang chin a tihpui ka tum. Vawikhat chiah nupui ka nei dawn alawm le..
Ka neih leh mo hruai nan audi emaw BMW
ka neih ang tawk anih leh tawlai emaw ke a kal ani mai
19
lr hlonchhing Says:
November 24th, 2011 at 8:14 pm
#15, i chhuanawm ngawt mai. Entawn tlak tak i ni e. Inneih hautak hi bansan ngam a tha a ni.
20
lr hlonchhing Says:
November 24th, 2011 at 8:17 pm
@Pu H.V i ti tha e.

@pathlawi virgin, i rawn thawh ngei a ngai ang 😛

@lamea, tawlailir a that ka ring zawk mah 😀
21
muansangi pa khawlhring Says:
November 24th, 2011 at 8:20 pm
#19 lr hlawnchhing, iti lawmawm e, kapa han hmin kha a har ber mai, fapa upa ber, biakin hawnga nupui nei tur kha ka ni sia, theihangtawka han tih kha a chak ve si, kan inhnial ve deuh rap rap a, mahse ka hmin thei ta hram ani
22
LaMea CâcTùs FLh Says:
November 24th, 2011 at 8:20 pm
Nia tiro… Min nawr luih2 mai se. Kei chu vawi 1 tur ni dawn bok a. Ka neih in a tlin chuan pui deuh ka duh. Tlangval laiin inkhawl ila. Hmanlai pawn nupui neih na tur Sial te an vulh alawm le
23
triplestar Says:
November 24th, 2011 at 8:22 pm
lr#14 chu vang chu a nih chu i sawi huai em em 🙂

Tak takana, inneihna hi chu a ropui leh ropui lih vanga gnhet leh nghet lo a ni ,o, a inneiate kha an pawimawh ber. Innei zungbun pawh Platinum, Gold, Silver, Diamond e mon lo e lam a ni lo, inhmangaih tawnna hi a pawimawh ber. Vawihuih hrui kual mai mai pawh inbuntir mah ila, kan inhmangaih miau chuan eng nge pawi chuang 🙂
24
H.Vangchhia Says:
November 24th, 2011 at 8:26 pm
Inneihna (Kristianah) ti ropuitu ber zawk chu Pathian hmaa thu kan tiamna kha a niin ka hria. Hriatpui tu erawh mipui an awm khan a ropui zual thin.

Pathian hmaa kan tiam anih chuan Amah Pathian kan zahlo hle a nih loh chuan mihringin kan sut thiang tawhlo. “Pathian in a suih tawh mihringin then suh se…” Lei leh van arsi zawng zawng lal Pathian hi keini planet tereuhte ami hian kan bawl mai mai ngam tur a nilo.
25
lr hlonchhing Says:
November 24th, 2011 at 8:27 pm
@Muansanga pa, tih ve ngei min ti chak e a.

@lamea, ka lo nawr ve ang che 😛

@triplestar, vawihuih hrui kual maw? Ka nuih huk chu a. 😀
26
joseph sr Says:
November 24th, 2011 at 8:27 pm
I duhthusam ang hi ka suangtuahna a ni thin. A hun a thlen tak khan a har khawp mai. Mahse ka nupui neih dawn khan ka sawm tlem khawps. Biak In a sawmna bak an tam lo. Ka lawm zawk. Ka la lawm zel. Chhuahchhalh tawh erawh a awl.
Tul tawk lo chu kaihnawih loh hi a tha.
A tawp berah chuan i neih dawnah min sawm ve lo la, ka hriat theih nan misual ah hian a hun hria ila, in tan ka lo tawngtai ang. I duh angin nei ang che tih hi ka duhsakna a ni e. (Y)
27
lr hlonchhing Says:
November 24th, 2011 at 8:29 pm
25, muansangi pa tih zawk tur a ni e. Sorry.
28
LaMea CâcTùs FLh Says:
November 24th, 2011 at 8:29 pm
Nuam ngawt ang. Min nawr se.. Boruak hit viau mai thei ani
29
lr hlonchhing Says:
November 24th, 2011 at 8:31 pm
@joseph, huaisen a ngai dawn a ni maw? 😀
30
Sony Says:
November 24th, 2011 at 8:36 pm
Kan ineih ve ni khan chutih laia ka thlakhat hlawh (Rs 3500) chiah ka seng.
31
CFL Says:
November 24th, 2011 at 8:37 pm
A hautak lo chu ka lo thlawp ve ange.
Tin, Mizo thuam ( Cultural Dress) ngeia in thuam bawk tur a ni ang. (Y)
32
lr hlonchhing Says:
November 24th, 2011 at 8:39 pm
@sony, i seng tam lovah ngai ang. I rawn sawi ngamna tlang atanga thlirin. 😀
33
lr hlonchhing Says:
November 24th, 2011 at 8:42 pm
#31@CFL, mizo thuam ngei chu a common lo viau tak ang a. 🙂
34
muansakhi Says:
November 24th, 2011 at 8:45 pm
In inneih ni a khing i thilsawi zinga a tihhlawhtlin theih khi han tick la, 20% khi i sawidik chuan…chala chil hnawm ka ngam.
35
dolly dollz Says:
November 24th, 2011 at 8:47 pm
Puanchei ka bih dawn tihna ni maw?? 😉
36
lr hlonchhing Says:
November 24th, 2011 at 8:48 pm
Muansakhi le(h) 😀 A vaiin ka ti vek dawn 😛
37
lr hlonchhing Says:
November 24th, 2011 at 8:49 pm
Dolly dollz, ni teh reng e 😛
38
malsta27 Says:
November 24th, 2011 at 9:00 pm
😀 🙂 v 🙂 tha eeeeeeeeeeeee……….
39
CFL Says:
November 24th, 2011 at 9:07 pm
@33 lr, Mizo thuam nen ngeia tih hi ka tum ve thil a ni e. Tum tak ka ni. (Y)
40
triplestar Says:
November 24th, 2011 at 9:08 pm
ka lo fatu ang he he
41
sisen Says:
November 24th, 2011 at 9:12 pm
Post (Y)
hmeichhe thenkhat lan ropui chak zek zek ho chuan an (N) duh hmel 😛
42
lr hlonchhing Says:
November 24th, 2011 at 9:18 pm
#40@Triplestar, thingpuisen bak kan sem dawn lova, ti lo mai ang.:-P
43
triplestar Says:
November 24th, 2011 at 9:22 pm
khai aw.. hit lo thei ve. Puzawnte chaw rawn ei ni chuan a mawm deuh ang chu maw 😛
44
PKfanai Says:
November 24th, 2011 at 9:22 pm
Tunlaiah chuan, hautak lo tak a inneih chu, Huaisen thlak tak ani ang. Kan inneih khan Puanchei a veng a, a sang tha ang reng bawk a, Thlalakah a mawi ve phian. Khawdang ami anih avang erawh chuan, a hruai nan kohhran(hqr.) in bus tlawmtein min hmantir. Inneih zanah, mut dawnah uluk tawkin kan tawngtai ngei kha. Hehe.
45
lr hlonchhing Says:
November 24th, 2011 at 9:24 pm
Pu Pk, tawngtai thlap chu a tha ang. Ka lo ti ve ang e 🙂
46
Thingtlang pa Says:
November 24th, 2011 at 9:30 pm
Ka bialnu ve thin kha cuan a ropui thei ang ber ka duh,hetiang hun hi ka tawng tawh dwn lo k thian leh hmelhriat zwg2 swm vek k duh a tia,keiin a simple thei ag ber ka duh ka ti ve thung a,kan inhnial ve bap2 thin…
47
H.Vangchhia Says:
November 24th, 2011 at 9:31 pm
Pa leh Fapa leh Thlarau-Thianghlim hmingin innei ula, a felfai vek mai ang 🙂
48
lr hlonchhing Says:
November 24th, 2011 at 9:32 pm
Het, thingtlang pa; tun atanga hmeichhe ngam loh te chuan 😛
49
Thingtlang pa Says:
November 24th, 2011 at 9:35 pm
Pu HV..kan inthen daih alwm!!Rilru hian ala nghak ru veng2 mai! 🙂
50
H.Vangchhia Says:
November 24th, 2011 at 9:39 pm
#49 tha deuh i hmu mai ang 🙂

51
Thingtlang pa Says:
November 24th, 2011 at 9:41 pm
@lr hlonchhing..a dag fel deuh kan zwg dyh ge! 🙂
52
Pakak Says:
November 24th, 2011 at 9:43 pm
A tam ram thleng ngei turin ka beisei che (Y)
53
lr hlonchhing Says:
November 24th, 2011 at 9:46 pm
Thingtlang pa, a dang zawng daih rawh. Chuan, min zawn sak ve la 😛
54
saint sammoo Says:
November 24th, 2011 at 9:51 pm
sawmna sem lovin biak inah kan puang. Ka khum hman lai ka zawm belh. awngphah ka nei sa. Ka second hand coat neih sa ka ha. Mo chuan nan ka u-in taxi a thawh. ka khalh vek. Ruai kan siam lo. ka pa pawisa ka hman sak miah lo. ka nupuh hi Kan in-puiah thla khat leh ni 8 chiah a mo. ka indan pui nghal. Kan room chhung ami bak engmah kan chhuahpui lo. Kum 21 ka nih kum atanga tun thleng, chhangchhe pa ka nih thlenga ka chhungte leh ka pa tangka ip zen pui miah lova min siamtu pa pathian chu fakin awm rawh se.
55
lr hlonchhing Says:
November 24th, 2011 at 10:02 pm
54, sermon tha thuai thuai ve. “pathian” ti lovin “Pathian” ti zawk la chuan AMEN ka ti ang. 🙂
56
Chhimphei val Says:
November 24th, 2011 at 10:04 pm
Dik riap riap hle mai…. (Y)
57
saint sammoo Says:
November 24th, 2011 at 10:09 pm
nia, fone atang chuan capital leh tal lo hi tih thlip thlep peih hi har ve deuh a nia, fone user ho ah chuan a ti tha peih pawl tak ka nih ka lo ring a sin….haha..
58
lr hlonchhing Says:
November 24th, 2011 at 10:12 pm
57, ni khawp mai. Mahse, Pathian kher hi chu a zahawm ve alawm le. “pathian” tia kan ziah chuan, milem pathian a kawk daih a nia. Tih hram hram a tha ka ti deuh mai mai a nia.
59
buh-duha Says:
November 24th, 2011 at 10:22 pm
Lei kuai zawng deuha thu ziah i van thiam em! (Y)
60
Tete-i Says:
November 24th, 2011 at 10:54 pm
Post tha lutuk..keipawh pasal ka nei ve ngai te a nih chuan a tlem thei ang bera in sen ka duh….thuam chhawm changkang tak tak mahse Ba neih phah tuna ka chhungte kalsan ka tum lo..Kan chhungkaw mil tawk chiah ka keng ang…
61
thlanrawkpa Says:
November 24th, 2011 at 10:54 pm
kei chu aw! Biakin ah entrance dangdai deuh te hian ka ti chak mai mai a..hhehe
http://www.youtube.com/watch?v=4-94JhLEiN0 😀 😀
62
Mama_B Says:
November 24th, 2011 at 10:57 pm
I nupui neih ni thlenga i la mi(sual) chuan khing i thil tumte i tihhlawhtlin leh tlin loh rawn share leh la, a tha ngawt ang. I tihlawhtling thei vek a nih chuan
I tihhautaklohna ai mah chuan i thusawia i dinngheh tlatna kha a ngaihsanawm ka ti ang.
Dan puitling/thianghlim-a inneih dawn chuan Biak In pawn han hman chu Kohhran lamin an remti angemaw?! I duhaisam tipuitling vek tur chuan harsatna paltlang tur a tam ve viau ang! Inneihnaah hian a innei tura te hi kan thu lo duh viau mai a, nu leh pa, chhungkhat hnaite hi an intithu duh khawp mai a, a buaithlak duh zek!
A hausa leh a neinungte hi chuan an duh ang tawkin lawm se la a pawina ka hre law, midang ho chuan kan tlin tawk leh phak tawk thlir thiam ila, kan nih phak baka lan tum lovin kan nihna ang hi zahpui lo turin huaisen ngam ila a tha ka ti…. Kan dam chhunga kan hun tawng ropui namnul liam
lutuk chu a tha dawn em ni aw….ka ti deuh a ni.
63
stan marsh Says:
November 24th, 2011 at 11:37 pm
Ni e, inneihna kan ti hautak lutuk hi ka vei ve khwp mai.post tha e
64
ltvangchhia Says:
November 25th, 2011 at 12:08 am
Inneih tih hautak loh hi chu ka (Y) .
Kan phak tawk leh mil tawk a Pathian hriatpui leh Biak In hawng ngei a inneih hi a ropuiin ngaihsanawm ka ti a,
Thil reng reng hi a LUTUK chu engmah a thalo,adaihrei thei lo, i OVER mah mah ka ti, i.e Biak In hawng lo a, kawmthang “balhla huan a inneih.”
65
Lamji Says:
November 25th, 2011 at 12:36 am
A va rapthlak em!!
Inneih tih hautak loh. (Y)
Keini pawh kha zana tih ve kha kan tum rum2 a,mahse dan khatna ah chuan Upa ho hian an lo la ti vak lo ani awm e.
In inneih hun chu Wedding Cake pawh Balhla… han zai dun ngei ula maw… 🙂
66
Tete-i Says:
November 25th, 2011 at 12:42 am
ehh.a post tu pa chu PA amaw ka ti che a,Tlangval lo ni reng a..Tren tren 😉
67
Guillermo endara Says:
November 25th, 2011 at 1:33 am
Post over khawp mai, atha lutuk, mahse a harsa khawp ang tih chu rin theih nghal, ka u te innei min hriat chhuah tir an in kutsuih zo chiaha apa in in thlak ula inneih lawmnan serhmun ah zuk kal nghal teh u, a tia a tir liam nghal. ina an haw leh hnu in thenawm te an lo thu ve thap a an lo chibai, an in nei nghet ve khawp mai an fa te pawh an lian twh e. vawikhatmah vui leh vai na ala nei ngailo ka u hian.
68
segundo11 Says:
November 25th, 2011 at 2:09 am
Biakin hawng ngei ngei don hi ni top kei chu 😉
69
lr hlonchhing Says:
November 25th, 2011 at 6:32 am
ltavangchhia, ka lo mu hmana i vannei ngawt mai. Ka thuziak hrethiam reng chungin, min han ti vel a.
Beach wedding, garden wedding etc, te hi ila hre ngai lo a nih hmel. Biak In chauh i la hria a ni ang e. Biak In hawng khera inneih ka sawisel lem lo, a hautak leh buaithlak lo lam ka’n preview mai a ni.
I hrethiam reng, i tilui a ni. Online khawvelah hian, tawngkam hman uluk a ngai teh a nia.
70
Thingtlang pa Says:
November 25th, 2011 at 7:04 am
eh!lrhlonchhing chu tho hma vut2 ve!
71
lr hlonchhing Says:
November 25th, 2011 at 7:10 am
Thingtlang pa, nia. Morning walk minute rei lote. Ha3.
72
bex Says:
November 25th, 2011 at 7:39 am
khi m m khi chu a mah mah ka ti deuh mahse mi som tlem video a thlalak loh vel khi ka support still a thlalak hi hun a hek a a hnuah kan en peih tak tak lo thuam chung chang chu kan neih in a tlin cuan poi lo neih loh cuan tih tum vel buai loh tur
73
XaiA Says:
November 25th, 2011 at 7:58 am
A tha hle mai…

Mahhse thil tul lem lo a in sen zauh zauh hi a chang chuan a nuam a sin!!!!
74
TuaiSialA Says:
November 25th, 2011 at 7:59 am
Good post. (Y)
75
sheldon Says:
November 25th, 2011 at 8:06 am
Hei chu a lo liam hman tep alawm le. I nupui neih tumdan, a hautak loh dan khi chu ka support, mahse i ti lutuk lo maw? I point ziahtlar zinga ka support loh te : No. 4, Biakin hawng in, hautak loh si in a inneih theih alawm. Kawmthlang balthla kara tih ngawt ai chuan 😀 Tunlaiah sawmloh an kal ve ngawt ngai tawhlo. I duh zat chiah nen Biakin ah in innei fel thek thei.

Kei hi chu min sawmlo mahla ka lo kal tho ang 😀
76
sheldon Says:
November 25th, 2011 at 8:09 am
Tin, lr hlonchhing, thla te pawh in la ve ngei ang chu. Nakinah i fate’n an nu leh pa te inneih thlalak entur an neihloh ten 😀

Misual.com member ho tal chu in lakpui hram ang chu.

Ruaitheh loh pawh khi ka support lo. Ruaithehna ah chiah chaw ka ei tam thei 😛
77
vanlalrailova Says:
November 25th, 2011 at 8:16 am
Va tha thuai thuai ve. Tul lo leh buai lohna tura kan buai fo te hi chu, ka lo ngaimawh ve thin a. Kan nu nen hian, keini chu kan inru fel thek mai 😛

Gud post…
78
LR_rengsi Says:
November 25th, 2011 at 8:23 am
Keipawh hmanah chuan khitiang khian duhthu ka sam ve thin.
A hautak lo lam chu ka support e.
Han in hmangaih em2 phawt mai ila, a dik ani mai.
Tuk chhuah nuam vek u le.
79
kiddo Says:
November 25th, 2011 at 10:19 am
Eng emaw chen khi chu ka pawmpui thlap che. Mahse thenkhat khi chu a lutuk deuh ka ti..hhehe. Mahse, a duhtu i ni miau a, thil tha tak chu a ni khawp ang.. Tel ve dawn lem lo mah ila, i nupui neih hun chu tel a chakawm letling khawp mai a.. 😛 (Y)
80
littlerascal Says:
November 25th, 2011 at 10:30 am
Haha PWD inneih an tihsak daih mai ang che ngah haha
Khitianga inneih duh nula i hmuh chuan a chhaw ve khawpin ka ring lolz
81
badboy Says:
November 25th, 2011 at 10:48 am
haha#80: PWD inneih kha puive mai2 tak chu ni 😀
82
hlatekhua Says:
November 25th, 2011 at 10:50 am
Keini innei chu kan inneih zawhin bazarah kan kal nghal a, Pu Vankhama building velah secondhand kan thing lawp lawp a, zawngtah kan lei a, kan khai haw nghal bawk! (tak tak!).
83
lr hlonchhing Says:
November 25th, 2011 at 11:17 am
80, PWD inneih danah te chuan, Pastor a awm ve hleinem.
Suahdur, thirtiang leh bawngtuthlawh an lek kan vu hnuaiah an kal tlang a. An innei a ni mai.

Garden wedding sawihlawh leh entawn a ni zawk daih ang.
84
littlerascal Says:
November 25th, 2011 at 11:24 am
83# Chu PWD inneih pawh i tluk dawnlo nih chu haha
85
PaihteMakpa Says:
November 25th, 2011 at 11:25 am
Ka comment châk ve tlat. Inneih hautak lo hi ka duhdân reng a ni ve thîn a. Mahse, ataka han thlen meuh chuan a harsa duh khawp mai. keimahah chuan Innei sawmna Card ka siam lova, lotel ngei se tih ka duh mi 10 vel hnênah kuta ziakin sâwmna ka pe ve. Inneih senso ah a vaiin Rs.5000/- vel ka sêng ral a. Pathian khawngaihna zârah vawiin thlengin kan la hlim dûn hle. Post tupa hian a duhthusam ang taka a tihhlawhtlin theih chuan a chhuanawm ka ti hle ang.
86
lr hlonchhing Says:
November 25th, 2011 at 11:27 am
84, i ngaihtuahna a tawi ang reng ka ti. Hrilhfiah tlakah pawh ka ngai meuh tawh lo che. 😀
87
badboy Says:
November 25th, 2011 at 11:34 am
#86: little a khichuan naihtuahna aneilo hrim2 (H)
88
littlerascal Says:
November 25th, 2011 at 11:37 am
Lolzz lr nia min hrilhfiah duh suh, ka fiah chuang lo ang haha
89
littlerascal Says:
November 25th, 2011 at 11:37 am
Bboy niang chu mawle, thluak an tih hi ka neilo hrim hrim a haha
90
lr hlonchhing Says:
November 25th, 2011 at 11:47 am
87, PWD inneiha an innei kha a la na tih a chiang. Mi dangah bel phet a tum a. Ka Amen sak mai dawn em ni aw, khawngaihthlak em mai zet zut a. 😛
91
littlerascal Says:
November 25th, 2011 at 11:51 am
Lolzzz You tube ah ka en ve ngei a lawm PWD inneih kha hhaha, Amen tur leh la na i tih khi ka hrethiam lo, mhse min hrilhfiah duh suh lolzz, tak2 ah i duh ang ngei khian nupui chu i nei dawn nia 🙂

Garden wedding haha entawn meuh angem le keini thangthar hian haha
92
lr hlonchhing Says:
November 25th, 2011 at 11:57 am
91, haha. Suahdur ung zet pu phei pheitu kha i ni ti raw? 😛
Hmeichhe fel tak tak an tam a nia, misualah hian. Entirnan, Mapuii te ang te. 🙂
93
badboy Says:
November 25th, 2011 at 12:04 pm
#90: akeke little a chuan PWD inneih ngat in neih a tum lawm 😀
94
littlerascal Says:
November 25th, 2011 at 12:04 pm
92# Haha chu misual hmeichhia garden wedding duh tur i zawng deuh a mi hhaha

Suahdur ung zet pu tu kha nih ka chak viau a mahse ka trlve lo tlats PWD inneih ah kha chuan haha

Badboy ka hmu zolo, nula an vang ltk tunlai chu haha
95
littlerascal Says:
November 25th, 2011 at 12:06 pm
Telve*
96
lr hlonchhing Says:
November 25th, 2011 at 12:06 pm
94, Little, experience i lo nei tawh bawk a, nang i ni mai a lawm. 😛
97
littlerascal Says:
November 25th, 2011 at 12:08 pm
Loozz ngawiteh i i wedding plan ang khi chuu, ka ti ve meuh lo, kei suan ( 100 law law ng)
98
lr hlonchhing Says:
November 25th, 2011 at 12:10 pm
97, ti hram hram teh khai. A hundred tep e. Century ah ka pawm e han ti hnap la :-p
99
littlerascal Says:
November 25th, 2011 at 12:13 pm
Ngawi teh, vawi 1 pian ve manah, hna kan thawk ve tang tang a, khitiang teh tawp a nupui neih te chu haha
100
littlerascal Says:
November 25th, 2011 at 12:15 pm
100
101
littlerascal Says:
November 25th, 2011 at 12:16 pm
Phek thar hawng ang
102
lr hlonchhing Says:
November 25th, 2011 at 12:17 pm
I pawm tihna
103
Zochianga_Dreath Says:
November 25th, 2011 at 12:21 pm
pawisa i neih loh vang mai a hahahaha
104
badboy Says:
November 25th, 2011 at 12:22 pm
Grden wedding leh PWD wedding mix ula nimai lawm
105
littlerascal Says:
November 25th, 2011 at 12:26 pm
Century tawh bawk a,ka comment peih vak tawh lo, ngawi teh badboy haha lar na chikhat a ni mai lolz
106
badboy Says:
November 25th, 2011 at 12:38 pm
@lttle: grden leh suahdur,bawngtuthlawh leh thirtiang te chu a inkaih hnawih vek tho lawm
107
littlerascal Says:
November 25th, 2011 at 12:45 pm
Haha nia tiro badboy
108
kawlnicolney Says:
November 25th, 2011 at 1:41 pm
Inrenthlak em maia,i nupui tur a khawngaihthlak,a hmangaih vang che chauh vangin a hnial ngamlo che anga.Hmeichhe pangai tamzawk hian an tel lai atangin anlo suangtuah lawk thin,mipakhat i tih puitlin sak thei,an dream tihlawh tling duh lo i nih chuan pa tha tak i ni lovang,i inren hmel em mai i nupui leh fa turte chu an khawngaih thlak lawk,chawhlang i eipui thin duh hial ka ring.
109
lr hlonchhing Says:
November 25th, 2011 at 1:49 pm
@Kawlni, inren lam ka sawi lo. Inneih hautak lam a ni ka sawi.
110
Ignatia (33-115 AD) Says:
November 25th, 2011 at 1:51 pm
Mimal ngaihdan lo lang a ni bawka ngamtlakah ka rilrua lang thin ka lo sawi chhuak teh ang: Mi tih loh dan deuha thil kan tih hian kan tumna hi a pawimawh khawp mai. Tunah pawh hian post tupa hian mi ang lovin- hautak lo thei ang berin nupui neih a duh a.

Mahse midang tih dan duh loh em em avanga runluihna ang zawnga tih a nih chuan kei tha ka ti chuang hauh lo. Miin an entawn theih nan- a ti dik lote NEK chuang lem lovin thil tha nia kan ngaih hi keimahni CONVICTION avang hian han ti thin ila…ava tha dawn em!
111
lushai_er Says:
November 25th, 2011 at 2:14 pm
“11. Steel almira leh dunlop tih vel a chhawm dawn na nge? A sawi pawh sawi suh, underwear hakthlak pakhat a rawn chhawm chuan a tawk. I ngawi hmak thei.”

Zawhna : In nu chuan engmaw a rawn chhawm a ?
Chhanna : Ram te, thil tihtheihna te, ropuina te… hi i ti leh zuah zuah si ange aw
112
lr hlonchhing Says:
November 25th, 2011 at 2:17 pm
#111, ram te chiah khi ka duh.
113
littlerascal Says:
November 25th, 2011 at 2:24 pm
108 kawlni haha, a nei ten an seng tam a, lo thik vak chi ah pawh ka ngailo, Vai ho ang em em a, rulh char char ngai khaWp a Loan te kan lak phah lemloh chuan

Inneih a ruaitheh te hi nuam a lawm le sa free lolz