-K Lalthanmawia
Vanglaini, June 21, Zirtawpni editorial kha ka lo chhiar a, ka ngaihdan chiah in rawn ziah avangin thiam ang tawkin kan tuihnih ve dawn teh ang. Hei hi Engineer huatna thu ni lovin Zoram tana ṭhatna duh vang a ni.
Engineering department pathumte hnenah sorkar hian Secretary post hi pe ngat se Health Department hi an rawn che vat ang. Director atana anmahni mi leh sa (doctor) an neih hran hnua fel sawt chuang lo Health Department hian thuneihna kherh lam hi an chak a, Engineer-te ang tho hi an ni. Horticulture leh Agriculture-te pawh hi anmahni puala Director nei an nih vangin Engineer-te hnenah Secretary post pek a nih “bik” vaih chuan an rawn pâwng ve thar thar viau ang.
Sorkar tih dik loh nia ka hriat ve mai mai chu Finance Secretary post MF&AS hnena an pe daih mai hi a ni. Hetia anni kuta Secretary post a awm hnu hian kan sum che vel hi a fel sawt lova, a fel lo sawt emaw tih turin Health Care Scheme buaina a rawn chhuah phei kha chu kan hmu a nih tawh kha. IRS, IA&AS lamte’n enkawl se a ṭhat zawk rinna lian tak ka la nei a, state sorkar mi leh sa nghetin an enkawl hian a ṭhatna tam mahse ka ralkhat thlir danah fel lohna a tam thei tlat.
Engineer hnenah Secretary Post hi lo pe ta se, heng Department pathumte hi pawn lam mi hriatpui lohvin an kal dawn tihna ang deuh a ni. Minister-te chu fing deuh leh mawl deuh an inthlak zut dawn avangin tute emaw he Engineering department khalh ngiltu tur, an kal sual tur vengtu tur, an kal muang tur turtu tur, an kal chak lutuk tur pawt muangtu tur an awm hi a ṭha ve hrim hrim. Mawl taka thlir pawh hian anmahni hlanga an kal mai chuan Engineer-te hi chu kan ralkhat ngaihdanah pawh thlahfal chi loh ber niin ka hria.
A chhunzawmna chu Vanglaini lamah..
Similar Posts:
- PWD Secretary post chungchanga buaina
- DIKNA A LAL EM? –
- Lungrem chim chungchangah “Legal Notice”
- Mizoram kalphung hi mak ka ti thin!
- State government surrenders again
June 27th, 2013 at 11:55 am
Zonet poll buatsaih in en peih chuan a mak a mak a tam (over 80%) in Engineer te secretary post pek hi tha an ti tih in hmu ang!!? Mi hian awm an tihpui viau nge ni anga engineer te chu computer nei pha leh internet hmangthin mithiam rual an ni a, tangrual in an vote rawn vak mai ni ang le?
Report this comment
June 27th, 2013 at 12:20 pm
A tu lam ve ve ngaihdan pawh hi a dik na chen a awm ve ve. Ngaihtuah chian a ngai khawp mai. Engtinpawh thleng se, pawi ka ti lo tihna a nih ber chu.
Report this comment
June 27th, 2013 at 12:31 pm
Mizorama corruption (leh perception of corruption) tlemna zawk tur ngaihtuah chuan Engineer ho Secretary post pathum lawih reserve sak chu a tihchi ka ring lo.
Kei pawn Zonet poll result hi a mak ka lo ti reng ani.Mahse Zonet website poll a tel mi 400 pawh tling lo ngaihdan lak a pawimawh lem lo. Chu bakah computer pakhat atangin vawi tam tak a vote nawn theih lehnghal a.
Report this comment
June 27th, 2013 at 12:48 pm
A engber hi ngemaw tha dawn le o
Report this comment
June 27th, 2013 at 9:30 pm
Pe chur chur rawh se.
Report this comment
June 27th, 2013 at 9:55 pm
Helmet khumin field a hnathawk se kan hnemhnan pui zawk ang maw le
Report this comment
June 28th, 2013 at 12:05 am
Engineer chungchang hi Mizo te hian kan khel peih ve khawp chuan ka hria. Engineer ka nia, Mizoramah ka awm ve lo a, India sawrkar hnuaiah pawh ka thawk hek lo. Engineer khawvelah chuan ka hmuh ve tawh chinah chuan pawisa tel lo hian hna a thawh theih loh. Hna tawh tur hria, a tul tak sanction a, a hna in dawt dan hria te tan chuan a sanction awm tak tak te sanction a theih mai a, amaherawhchu a chichang hre ve lem lo te hi buana bul ber a ni fo. Buaina chu a bul ber atang a kan then fai dawn chuan Engineering Work a chiang sa kha a sanction hunah pawh a awm a ngai ve tlat.
He thil hi side hnih atang a thlir theih ania, an kal chak fal bik hi ven duhna hi Civil Service zingah hian a lian ve hle a, survive ve nan chuan a awm ve tho mai.
Eirukna chauh atanga thlir fo hi a fuh ber lo, India ram chhungah te, india ram pawnah te, ka hmuh ve phak tawh chinah chuan eirukna hi engineering emaw, admistrator emaw, a awm vek a, mahse hmasawnna an nei tlat si.
Hma sawn tur chuan a bulah a fuh a ngai a, Civil Service te hian engineering work hi an hre vek lem lo.
Entirnan: Aizawl tui in lai hi Tlawng Lui atangin kan la a, he ti ang ah hian pipe te chu an puak keh lohna turin pressure release valve te a ngai a, pipe line bulah return pipe a ngai bawk ti ila, Civil Service pa chuan a pump chhohna pipe 1 chauh pawh khan tui chu athleng ve thei tho a ni lawm ni, an ti mai ang (a theng ve thei tho bawk si a). Mahse pipe lian tak hi han keh palh sela, Uttarkhand vela lei min ang mai khan han tawlh ve hum hum mai se, “Ka lo hre lo a ni” tih bak chu a sawi thei hauh lo ang.
He ti ang case hi example chauh a ni. Chuvang chuan specialised job hi chu Civil Service pass avanga lo thiam ve ngawt chi a ni lo a, a zir te hi dah mai hi chi zawk lo maw?
Tunah an awm dan hi a tha a nih chuan Engineer te chu Secretary Post chu an ngai lo chu a ni mai ang chu.
Report this comment
June 28th, 2013 at 12:36 am
Ka thlawp lem lo ve teh tlat mai a. Generalists leh Specialists hi chu Civil service din tirh deuh thaw atang a an buaina a nia. Keini ang tan hi chuan trial and tested hi a tha ka ti ve ringawt mai. Administration line hi a dang ve hrim hrim a. Engineering science hi hmasawnna bul ti thin mah i la, mihring kan ni tih theih nghilh a pros and cons thli thlai hmasa lem lo a a nih theih dan ringawt rilru a luah chin hi a awm thin a. Social implications ngaihtuah tel hauh lo a tih palh a hlauhawm thin a. Zenthral lam hian bul han tan chhin phawt se la, a that leh that loh dan a zirin kan la ti ve ang chu! Kei misual, mawl bawk si ngaihdan ve mai mai
Report this comment
June 28th, 2013 at 2:00 am
Infrastructure a hmasawn thur thur ni a an sawi Bihar state ahte khuan an PWD secretary engineer an ni em mi hawiher zau deuh khan lo ngaihven teh u a.
Report this comment
June 28th, 2013 at 5:26 am
Report this comment
June 28th, 2013 at 7:29 am
Ngaihtuahna ka lo hman ngai lohna tak, a sawi hnuhnung apiang i awn thei an tih stage ah ka ding chut rih e.
Report this comment
June 28th, 2013 at 12:31 pm
#9 muansakhi zawhna (Bihar state) ka check mai mai a.
Bihar ah khuan PWD an nei chiah lo. A hranin Road Construction leh Rural Works Department an awm.
Road Construction Department ah chuan Pratyaya Amrit, IAS Secretary ani a, a dawttu, Chairman BRPNN pawh Sanjiv Hans IAS.
Rural works Department ah pawh Secretary chu B.Rajender, IAS.
Public Health Engineering department ah pawh Rajindra Panwar, IAS Principal Secretary ani.
Report this comment
June 28th, 2013 at 4:54 pm
^ ka rin lawk ang vel a ni.
Report this comment
June 28th, 2013 at 6:22 pm
#12 ka lawm e.
Report this comment
June 28th, 2013 at 7:24 pm
Vanglaini June 15 ah khan Engineering lam tanin “Lalrinawma Pu” inti in
“Sikkim-ah engineer 8 Secretary ah
an awm a, tourism lamah an chak
riau a. Tourism lama an chak chhanah
an chief minister chuan chhuang takin
‘kei chu engineer tourism secretary ka
nei alawm’ a ti a ni”,
tia a ziah vangin Sikkim sorkar website ka check leh kher a. Tah chuan T.Anandan, IAS chu Secretry, Information & Public Relations. with additional charge of Secretary, Tourism & Civil Aviation Deptt niin an ziak.
https://www.sikkim.gov.in/HODs.html
Ka kut hleiin Tripura pawh ka check a, tah chuan G.K.Rao IAS (1983 batch) chu Principal Secretary i/c PWD, Vigilance, General Administration niin an ziak.
Report this comment
June 28th, 2013 at 8:18 pm
Report this comment
June 28th, 2013 at 10:51 pm
# 7 sawi ang khian engineer ngei secretary ni ta se kan thatpui theihna lai a awm maithei a nia. Ram hruaituten thil tha an ngaihtuah thiam em em ang. Chutihlaiin hmasawnna kawng min zawhpui tur kan hmachhuan engineer leh civil service officer ten thawhhona tha tak an neih zel theih beisei bawk ila.
Report this comment
June 29th, 2013 at 3:31 am
Mizoram kalsual dan hi a muk thuk nghet tawh lutuk a….
Report this comment
June 29th, 2013 at 5:49 am
Clerk (UD/Asst etc) atanga kaisang ho Mizoram Ministerial Service te pawhin Secretary post pahnih an neih mekna ramah hian Service dang hoin Secretary post an dil hi awmlo pawh ka ti lem lo e.
Report this comment
June 29th, 2013 at 2:01 pm
@ HV#18: Dik chiah……
Report this comment
July 1st, 2013 at 9:44 pm
Technocrats Vs. Bureaucrats??
1992-a SDO ranka lut kha thla hmasa khan EE ah a kaisang ve nih chu! Kum 21 hnuah promotion a hmu ve a, a lawmpuiawm teh asin.
MNF sorkar lai khan Health leh Education department kha department corrupt ber angin an sawi thin a. Secretary nge Minister-in mawh phur zawk?
Report this comment
July 4th, 2013 at 11:29 am
Hetiang post ka hmuh hian ka “Sawi lovin kan awm thei lo a ni e …….” Crusaders hla kha min hriatchhuah tir thin.
1. Er. Robula, 31st March 1994 a a pension khan Commissioner & Secretary to Govt. of Mizoram, PWD a ni.
2. Er. K.Thangzuala, 31st March 1995-a a pension khan Commissioner & Secretary to Govt. of Mizoram, PWD a ni.
3. Er. Dunglena, 1st April 1998-a a pension khan Commissioner & Secretary to Govt. of Mizoram, PWD & PHE a ni.
4. Er. Ramhluna Khiangte, 31st March 2005-a a pension khan E-in-C & Ex Officio Secretary to Govt. of Mizoram, PWD a ni.
5. Er. Liansanga, 31st August 2011-a a pension khan E-in-C & Secretary to Govt. of Mizoram, PWD a ni.
A chunga kan tarlan ang khian Engineer te hian Secretary hna hi thangkhat lian zet an lo chelh tawh thin tih kan hriatpui a tha awm e.
Service dang MCS, MJS, MF&AS, MSC te’n secretary hna an chelh hma hian engineer te hian an lo chelh tawh tih hriat a tha awm e.
MCS-in Secretary post 4, MJS post 1, MF&AS post 1, MSC post 2 te hian an chelh laia an neih sa pawh chhuhsak an ni hi hriatthiam har an ti a ni. Member ngah zawnga teh ah phei chuan MES hian an ngah ber tih pawh kan hriatpui a tha ang.
Khawvel a awm chhung hian Bureaucrats te hian Technocrats te hi thut beh an tum zel dawn a, thil thar pawh a ni lem lo ve.
History lam chhui chiang mang si lova, mahni ngaihdan lo chhimthal bekang puah pui ve mai mai hi chin tam loh ni se a lawmawm ngawt ang.
Report this comment