Kan ram ah hian eirukna hian zung a kaihthuk in kan ram leh hnam timualphotu leh kan ram leh hnam thanmawhbawk a ni tih kan hre vek awm e, chuvang chuan kan rama eirukna hi ralpui phiara kan phiar a hmalam pana kan do hneh hi a ngai ta a ni.
1. Kan ram (Mizoram) ah hian Representation of People Act 1951 hnuaiah kan aiawh turin MLA 40 kan thlang chhuak a, an hnenah hian thuneihna leh kan ram inrelbawlna tur a sum leh pai enkawlna zawng zawng pek an ni a, dik tak leh Dan hnuaia thutiama MLA a lak luh an ni, hetianga kan ram kawng siamna tur Vaibelchhe tel chingpenna kan buaipui a kan inkohkhawm mup mup laia, pakhat mah in aw-ka an chhuah lo hi mak ka ti hle mai. Kan aiawhtu turte kha khawnge in awm? Mipui sum vawng tur leh kan ram kalsiam tura kan thlantlinte ho kha khawnge in awm? Rukru in inenkawl sum leh pai an ruk mek hi in hre lo em ni? Nge zawlbuk ah hian a rukin in lo e tang ve zawk?
2. Kan rama eirukna hi phawi a phoro mai a tawk ta lo, rawt dip a hlate khuaa thang leh tharte hmuh phak lova paih bo a hun ta! In paih bo dawn nge nangni hi inthlan leh ah mipui in an paih ve dawn zawk che u?
3. Thlanlal in ni lova mipui rawngbawl tura thlantlin in nih hi lo in hre tawh teh u.
4. Khawngaihin mipui hi min bawl tawh suh u? bawl tlak kan awm tawh lova, bawl tur lah kan awm tawh hek lo, thangtharte hian thu kal lam leh haw lam kan hre ve tawh tih in lo hre dawn nia.
5. Jail hi hmeithai leh pachhiate ta tura siam nge? Dan lo anga thil ti leh mipui sum eirute dahna tur?
6. Kan ramah hian Dikna (Justice) in ro in rel dawn nge? Diklohna chu Kau Tlabung ang khan in hum leh dawn?
7. Kan police (ACB) te kut hi in phuar lo a nih chuan Kau tlabung engineer rual ten anticipatory bial an dilna thubuai pawh kha pe let leh rawh u, Departmental enquiry kha tih tawp ni rawh se. ACB hian zalenna nen a chhui hna hi thawk leh rawh se.
8. Hetiang hun a kan opposition Party MLA te an ngawi tlat pawh hi ngaihthat loh thlak tak a ni. Enge maw ah chuan an bengchheng thiam hlawm hle si a.
9. Zu fun hnih khat zuar hian nge kan ram tichhia a, mipui sum vaibelchhe tel eiru te hian?
10. Kan ramah hian eng ti tura thlantlin nge in nih tih hi mipui in kan zawhna che u a ni?
11. Mizoram leh a Chhunga cheng Mipuite hian Party sawrkar ni lo Mipui sawrkar neih kan duh tawh a, tunah hian Party MLA nge in nih Mizoram MLA tih kan zawt bawk a che u.
12. Kan judge te pawh dik takin ro in rel dawn nge? Milian leh mite hleih nei in ro in rel dawn?
13. Kan MLA te leh Sawrkar hnathawkte hi kan Sum/Pawisa atang a hlawh la anni tih hi Mipui te pawh hian I hrethar leh ang u, Party in beih nan mai mai chuan kan Ram leh Mipuite hi min hman tawh lohna turin I harh ang u.
14. Kan MLA leh sawrkar hnathawkte hian Mipui sum atang a hlawh la an ni tih in hria in mipui hi min zah tawh rawh se, an thuneihna hi mipui rahbeh nan a pek an ni lo.
15. Kan ram ah hian Zalen taka hna an thawh theih nan ACB te hi an kut phuar hi phelh ni rawh se.
Similar Posts:
- Kum 2011-2012 Mizoram Annual Plan
- Ek, leivung leh bawlhhlawh paih suh !!
- $60 Million(2008 Mizoram Budget). Tunge hmang ṭangkai zawk ang?
- Lal Thanhawla hi kan duh ber?
- Sawrkar thuchhuah rapthlak hi
June 28th, 2013 at 7:47 am
A tha lutuk tlat.
Report this comment
June 28th, 2013 at 8:21 am
Tha hlawm khawp mai
Report this comment
June 28th, 2013 at 10:58 am
Va tha tiah tiah ve le
Report this comment
June 28th, 2013 at 11:06 am
Khawpui chhung chep tak kara traffic pawh ngaihtuah lek loa an han overhead thin phei hi chu huat awm tak an ni…
mi tha hi kan lo awm lo a nih hi hairehai
Tin,thil pakhat lawmawm lem loh tak mai , a khawmualpui ang zawngin…India ram hi Asia khawmualpui chhunga pawisa che chhe ber kan ni hi ava zah thlak em.
It is very ashamed for us😞
Report this comment
June 28th, 2013 at 12:12 pm
Mi tha kan lo awm lo anih hi! Hui ha. A…. chu em chu ani lovang chu maw?
Mizoram ah hian mi rinawm 100 tal an la awm ka ring tlat. MLA turin 40 chauh a ngai a, mi rinawm dang 60 kan la neih chuan eng emaw chu a tih theih ang.
He thu sawi tu leh post tu hian a hming lem tal han ziak se ka ti. Ka rilru nen a inmil tawp. Eng party atang pawn MLA candidate ni se ka vote ang.
Report this comment
June 28th, 2013 at 1:42 pm
Post tha tak ani
Report this comment
June 28th, 2013 at 3:35 pm
A va tha tehreng em. Khua hi a la var ka ring tlat a ni.
Report this comment
June 28th, 2013 at 7:04 pm
No. 5 & No. 9 te khi “Most Relevant and Most Shameful Revelation” niin ka hria… a Zahthlak ka ti ngawih ngawih… Roreltu & Ukil Bribe theih, Mihausa, Thiltithei Hlauhna Hmun, Mirethei & Harsate Nghaisakna Hmun…
Rev. Chanchinmawia (RIP) kha ka va ngai em! Sakhawhruaitu, huaisen taka Politics Kalsual leh Eirukna Do ngam kan neih chhun a va ni mai awm ve? Amah anga Huaisen kha Sakhawhruaitute zingah hian 10 tal awm sela… kan Ram, Zoram hian a that phah ngeiin ka ring tlat a ni
Report this comment
June 28th, 2013 at 9:02 pm
Ava tha teh reng em!! kan ram politician ho hian chhiar ve ngei se ka ti, an chhiar hman loh anih pawn an tu leh fa te tal pawh khan lo chhiarsak ula ka ti.
Report this comment
June 29th, 2013 at 3:21 am
A va’n tha hlawm em. “Zu fun hnih khat…” khi ka du zual zing a mi a ni awm e
Report this comment
June 29th, 2013 at 3:01 pm
A va han tha teh lul em!!!
Chhiar tur a ka duh te hian,
misual.com an chhiar ngai mang bawk si lova. Vanglaini ni tih chan chin bu ah chhuah ni thei se la ka ti hla mai.
Report this comment
July 1st, 2013 at 12:10 pm
Kei ve hi ka ngaihdan tlemin a inher danglam ta deuh hret a ni awm e. I post hi ka hnial miah lo, ka lo an chhuahpui ve bawrh bawrh thin pawh a ni. Tin, ram leh hnam veitu zingah ka indah ngam ve a, mahse party politics bak pel hlei thei lo politician inti ve tlat si, sumdawnna ang chauha politics khel a, mahni hamhaina remchang chiah ngaihtuaha party hrang hranga zuang lawra, a tling apiang belbula thlengtlawr zuan ta mai mai an tam em em mai a! Hm..ka tui leh hluah dawn duh tawk phawt zawk ang. Ka sawi tawh angin tunlai chu ka ngaihtuahna a inher ka ti dawn nge, heti nuaih nuaih lo deuh hian insiam that dan kan hre thei ang em, tih hi keimah leh ka hnampuite ka zawhna chu a ni ta tlat mai.
Officer lian ho hi Corruption chungchangah hian fihlim lo hlein kan hria a, a dik ang tih pawh mi ang pangngai tan chuan inhrilh teh vak pawh ngai lovin a chiang reng mai. Mizoram sorkar hnathawkte work culture hi siam that a tulin a tul ngawih ngawih a ni ringawt mai. Chumi siam tha theitu tur chu politician-te lo chu tu dang nge ni ta ang? Ram leh hnam hmangaihtu hruaitu tha kan mamawh a ni ringawt mai. Chuti ang hruaitu tha chu engtin nge kan neih theih ang? Insawisel luai luai ringawt hi chuan eng mah min thlen tak tak dawnin a lang lo. PRISM hmalakna hi a entawn thlak a, thlawp tlak tak pawh an ni. A taka hmalakna chauh lo chuan min siam tha phak tawh lo tih hi ram hruaituten an hriat that duh tlat loh chuan, kan pho ro ang, chutin khatin kan ti ang ti dup dup thin mahse, a zualzapui vailenhlo tih ang chauh a ni zel si.
Mipuite pawh hian insawisel vak vak hi kan ching thang lutuk mah mah tawh a, ninawmah a kal ral vel mai mai a ni ber mai. Thenkhat lah chuan kan hnam dinhmun chhiat zia sawi thiam apiang hi thu sawi tha emaw an ti tlat tawh lehnghal a! Kan sawisel chiam chiamte tlawn lungawi tum rilru ran lah bo lo. Hei ham! Hui ham! Chuvangin ram leh hnam hi hmangaihna tak tak nen i vei tawh teh ang u. Thikthu nena ram vei politician inti hi hnawl ngam a hun ta. A awmsate hi insiam tha thei se chuan an iaiawm chuang lo. Mahse sorkar hnathawk work culture dik lovin corruption a ti punlun ang bawkin, politics pawh inti politician-ho tlin duh lutuk politik tui nu hian anmahni leh ram leh hnamin nasa takin kan than mawh phah ta a nih hi! Engtin nge siam that hna kan thawh tak ang le?????
Report this comment