Vawi khat chu Ceneas-a hian Pyrrhus-a hnenah, “Eng nge i tum?” tiin a zawt a. Ani chuan, “Sicily thliarkar hi lak ka tum a ni,” a ti a. Ceneas-a chuan, “Chumi hnuah eng nge i tih ang?” a ti a, ani chuan, “ Africa leh Carthage lak leh ka tum ang,” a ti a.”Chumi hnuah chuan eng nge i tih zel ang,” a ti leh a, ani chuan, “Greek leh Macedonia ka hloh tawh chu lak let leh ka tum ang,” tiin a chhang leh a. Ceneas-a chuan, “Chutiang ram pum pui i hneh hnuah chuan eng nge i tih zel ang?” tiin a zawt leh a. Ani chuan, “Keima ram lak ngeiah ka hahchawl ang a, hnehna hla chu hlim takin ka sa tawh ang,” a ti a. “A nih leh engtin nge i awm zel ang?” tiin a zawt leh a. “Ka lei nun hlen zovin ka thi tawh mai ang chu,” a ti a. Ceneas-a chuan, “Hei hi ka zawhna tawp ber ni tawh rawh se, i thih hnuah khawiah nge i awm ang?” a ti a. Pyrrhus-a chuan, “Ka hre lo,” tiin a chhang a.
Pyrrhus-a ang hian khawvel thila kan tih tur programme chu kan ruahman nasa hle a ni thei e. Naktuka kan tih tur te, nakkuma kan tih tur te, kan dam chhunga mi thiam nih emaw, mi hausa nih emaw chu kan tum ruh hle a ni mai thei. Chutih lai chuan kan thih dawna awm dan tur leh, kan thih hnua kan awm dan tur hi min zawt sela, “Ka hre lo,” kan tih si chuan, chu ngei chu chatuana pawi hlen tur chu a ni ang.
“Nimahsela nunna nei turin ka hnenah in lo kal duh si lo”. Johana 5:39
Similar Posts:
- Socrates-a leh finna zawng tlangval
- Help!! Email source tracing
- Thil Hote
- Abortion hi tualthahna a ni
- Ramhlun Veng pitar thattu a tupa inpuang
(Y)
June 30th, 2013 at 3:27 pm
Ka dam chhung nun pum pui hi,
ram zau tak a an lal ber ni-in,
an Singpahrangpa ni i la. Ka thlarau tan hah chawlh na hmun tur ka neih chuan si loh chuan, ka tan eng mah a ni lovang. Lal na leh thu neih na,
hausak na leh hming than na, hmelthat na leh ropui na, lar na leh nawm sak na in, cha tuan a nun na
min pe thei hek lo.
Report this comment
June 30th, 2013 at 4:52 pm
ngaihtuahna tithui paws..
Report this comment
June 30th, 2013 at 5:55 pm
A va tha tawk tiu teu ve aw.
Report this comment
June 30th, 2013 at 8:02 pm
Theologian pakhat chuan, “Vanram hi Inches 18 chiah-a hla a ni” a ti a!!! A sawidan chuan (a tawi thei ang berin kaih-tawi ila)… Thluak finna leh hriatna (Brain knowledge) hian Vanram leh Hremhmun leh Chhandamna (thih hnu-a nunna) chungchangah hian tih-theih a nei tlem khawp a. Rilru (heart) erawhchu Thluak (brain) atanga Inches 18 lekah awm mahsela, Miin Thinlunga Lal Isua a rin veleh Vanram a thleng nghal thei a ni, a ti.
Chuvangin, Rinna leh Chhandamn thu-ah chuan Head-Knowledge ni lovin, Heart-Knowledge hi a pawimawh fe…
Report this comment
June 30th, 2013 at 9:42 pm
Report this comment
June 30th, 2013 at 10:07 pm
A ni awm teh tak e
Report this comment
July 1st, 2013 at 12:10 pm
Good post
Report this comment
July 1st, 2013 at 4:58 pm
Report this comment
July 2nd, 2013 at 9:38 pm
ava han tha em ! sermon sei deuh ninawmkhawpa ngaihthlak ai chuan ka hlawkpui mah in ka hria.
Report this comment
July 3rd, 2013 at 5:48 am
Post tha lutuk!
Report this comment