“Pathian Țih” (The Fear of the Lord) tih hian Pathian hlauh lutuk avanga țawng țha thei lo, khur hlawk hlawk lam aiin, Pathian hmangaihna, khawngaihna, thianghlimna, dikna, ropuina, thiltihtheihna leh zahawmna hriatchianna ațanga Pathian-a innghah pumhlumna, Pathian tih-lawm tum tlatna nun leh Pathian huatzawng (sual) apiang kalsan a, sual huat zel nun hi a kawh tum ber a ni (Thuf.2:5, Sam 33:6-9, etc.). Lalpa Țihtute Mizia (Characteristics) țhenkhat i lo zir-ho teh ang u:-
1. Lalpa Țihtu Chuan Pathian Thupek A Zawm Țhin
Miin Pathian a țih tak tak chuan hun harsa leh hrehawmah pawh Pathian Thupek-te chu a zawm hrȃm hrȃm țhin a ni (Sam 112:1, 119:63, Thuh.12:13). Abrahama ang khan, hrehawm tuar mai bakah, a neih-chhun pawh chȃn dawn mahsela Pathian thu chu a dah-lal zawk țhin (Gen.22, Heb.11:17-20).
2. Lalpa Țihtu Chuan Sual A Hua A, A Kalsan Țhin
Pathian țihtu tak tak hriat theihna awlsam tak pakhat chu, sual a huat leh huat lohvah a ni. Pathian țihtu tak tak chuan Sual a hua a, Sual a khawingam ngai lovang. Ringtu inti si, Sual ngaina a, Sual vulh-lian a, thilsual tih bansan thei lo chuan Pathian a țih lova, Pathian nen inzawmna an nei lo (Thuf.3:7, 8:13, Ex.20:20, Sam 36:1-4, 1John 3:10, etc.).
3. Lalpa Țihtu Chuan Dikna A Ngaina Țhin
Pathian Țihtu leh ringtu inti Dawt sawi hreh miah lo, nungchang uluk lo a awm theih loh. Lalpa ringtu tak tak-te chuan Dawt an sawi tur a ni lova, Dikna leh Felna an ngaina tur a ni. Lal Isua Dikna leh Felna Țawmpuitu kan nih ang zelin dikna leh felna, rorelna dik leh nungchang dik chu kan hmachhuan ber tur a ni. Hei hian ringlo mite thleng pawhin a hneh ang a, Krista hnenah a hruai dawn a ni (Matt.5:13-16, 1Pet.2:11-20).
4. Lalpa Țihtu Chuan Pathian A Zah A, A Chawimawi Țhin
Lalpa ringtu tak tak chuan Pathian ropuina tur leh chawimawia a awm theihna tur chu a rilru-a lian ber a ni fova. A thiltih leh chetzia zawng zawngah chuan Pathian ropuina tur, chawimawina tur leh zahawmna tur a ngaihtuah a, a ti țhin (Ex.20:3, Sam 22:23-25, Luk.1:46-47, Thup.14:6-7).
5. Lalpa Țihtu Chuan Thianghlimna A Ngaina Țhin
Lalpa ringtu chuan Chhunglam leh Pawnlam thianghlimna a ngai pawimawh țhin. A rilru, țawngkam chhuak, thiltih leh chetzia zawng zawngah a fimkhur a, Amah (Pathian/Isua) a thianghlim angin a in-tithianghlim țhin (Thuf.10:19, Thuh.5:2-7, Matt.12:36, Sam 19:9, John 17:17, 1John 3:1-3). Miin ‘Pathian ka ring’ ti sela, a țawngkam, thiltih leh chetzia a uluk siloh chuan a rinna chu belhchian a dawl lo tihna a ni.
6. Lalpa Țihtu Chuan Pathian Rawngbawl A Dah-Lal Ber
Lalpa țihtu tak tak chuan, khawi hmunah pawh awm se, eng hna pawh thawk sela, Pathian rawngbawl leh Pathian tih-lawm chu a hnapui ber a ni a, mahni hrehawm pawisa lovin, nitin hrehawm tuarin, a rilru zawng zawng (sober single-mindedness)-in Lalpa tihlawmna tur a zawng a, a hnung a zui țhin a ni (Luk.9:23-26, 2Kor.7:1, Heb.4:1, 11:7).
7. Lalpa Țihtu Chu Pathian Thutiam leh Thlamuanna-in A Zui Țhin
Pathian țihtute chu Thlarau Thianghlimin a awmpui zel tih kan hmu a (Tirh.9:31). Thinlung tih tak zeta Lalpa țihtute chu Pathian Thutiam leh Thlamuanna, Khawngaihna, Malsawmna leh Thiltihtheihna tisa leh thlarauvah kan dawng zel dawn a, kan tan hlauh tur leh buaina tur a awm lo a ni (Sam 33:18-19).
Lalpa’n A Thu Malsawm Rawhse, Amen!
Similar Posts:
- Thlarau Râlthuam {Sunday Pual}
- Rahpuah Bomb
- Ruatlawk Theology (Chhandam tawh nge Anchhedawng sa a piang?)
- Rorelna hrang hrang 5 (panga) te.
- Thianghlimna 135
(Y)
June 30th, 2013 at 11:28 am
Report this comment
June 30th, 2013 at 11:46 am
Tha taka comment pek ka tum vei nen, zu ruiin min rawn tibuai zauh maia, ka hul vek mai. Zu rui ho hriatna bo lova inngai ho hi chu a buaithlak teh e.
Report this comment
June 30th, 2013 at 12:24 pm
A tha leh pek e. Keimahah chuan, Pathian hian kan chungah thu a neih veng veng zia hi ka hrechiang khawp a, Corrupt tun tun ila, Ka nuna la ta si se emaw, Accident tawkin bawksawp rengin awm si ila, Natna tihdam theih loh vei ta si ila, Ka nupui/fanaute nunna chan si ila, etc…a hlawk loh tur zia hi ka hrechiang lutuk a, Pathian hi ka hlau tak zet a ni. Hetia engmah nghei bik lo, bank account engmah nei chuang lem lo, dam tlang leh hrisel tha tak leh chhungkaw hlim taka kan awm hi ka lawm tawk em em mai a, Pathian tih thinur hi ka ngam ngang lo a ni.
Report this comment
June 30th, 2013 at 1:34 pm
I sawifiah thiam leh pek hle mai..zirtham a tling a thupui hi..sermon tham a tling point i pek te pawh hi.
Report this comment
June 30th, 2013 at 3:08 pm
A rawn ziak nalh lu tuk a, sawi belh tur ka hre lo. A dik thlap thlap khawp mai.
Report this comment
June 30th, 2013 at 7:20 pm
Sunday ni a Sunday Pual chhiar tur a awm hi kan vanneihnaah ka ngai ve hmiah. A fiah tha lehpek khawp mai. Lalpa tihtu nih vek i tum tlang zel ang u.
Request pakhat Isua leh Nikodema inbiakna thu Chanchin tha Johana Bung 3 a inziak hi i sawifiahna chhiar a chakawm hle mai.
Report this comment
June 30th, 2013 at 7:53 pm
Admission tih hun lai a ni a, Mawng leh Thutna Inchar dawn dawn-in Office-ah ka thu thin a, Admission kan khar dawn ta emaw tih-ah, Quest Speaker 2 (couple/nupa) kan nei leh si… huihamss…
Tunah chuan ka awl deuh ta bawk a, pakhat-khatin ka’n tuihnih ve ang e.
#1 Pakak, ka post min hlut sak thin a, ka lawm e.
#2 chhana, a va pawi em! Mahse, i rilru that-zia kan hre tho alawm… Bible-a Zu Rui Sual Chanchin (part 1) ka Post kha i hrechhuak em? I sawi hi a dik khawp mai. Tawngtai-sak bak hi tih-ngaihna a awm vak lo.
#3 Pu PK, Thanks. Ni e, i sawi khi a va dik em! Damna & Hriselna te, Hlimna te hi Pawisaa lei theih an ni lova, Pathian Malsawmna ropui tak a ni, a hrethiam apiangin Nangmah ang chiah hian Pathian tih nan leh Pathian ropui nan an hmang thin. I Ngaihdan hi ka pawmzawng tak leh ka rilrem zawng tak a ni.
#4 Joyce dady, Thanks. Ni e tirawh, ka thiam tawk leh phak tawkin ka kaih-tawi a, a fiah lo zo vek ang tih pawh ka hlau zawk e. Pu PK-a advice ka apply tan a, tawi thei ang berin ka rawn ziak a… Chiangkuang lo deuh a awm chuan Comment lamah sawi hreh lo ila ka ti…
#5 Sihtea, Thanks! Em Em chuan… Sawi belh tur i hre lutuk… i Comment hi ka hlawkpui thin lutuk, lo in-thlahrung reng reng suh. Ka Post-ah chuan thui deuh deuhvin min Comment sak tawh la, tiin ka Request nghal a che.
#6 Athana Chhangte, Thanks. I Rawtna hi ka pawm thlap e – “Lalpa tihtu nih vek i tum tlang zel ang u”
I Request “Isua leh Nikodema Inbiakna” chungchang chu ka lo tum ang e. Ka Nau LR Hlawnchhing pawhin “Nunna & Thlarau” kha a Request a, ka la rawn ti thei lova ka in-thlahrung khawp mai. Ka lo tum dawn nia.
Thupui Engemaw Ziak tura Insawm hi Induhsakna a ni a, Ka Lawm Lutuk..
Report this comment
July 1st, 2013 at 9:27 am
Dr John@ em em a che, ka rilru chhiat zia i hrelo hle mai.
Report this comment
July 1st, 2013 at 12:08 pm
Report this comment
July 1st, 2013 at 9:46 pm
#8 chhana, hriat theihna ka nei alawm…
Report this comment
July 2nd, 2013 at 5:02 am
a tha hle mai kan kohhran tun a ka awmna ka lawina kohhran sunday zing a chhuakthin kan chanchinbu ah Lai tawng in lehlin a tih chhuah a tan ka va duh tak em!!! i phalna ka dil e
Report this comment
July 2nd, 2013 at 5:35 am
#11 chhana hlawnchhing, Unaupa phal teh reng mai, dil ka ngai reng reng lo. Ka lawm thu tak a ni zawk e.
“Pathian Tih (The Fear of God/the Lord)” tiin min lo correct sak bawk dawn nia.
Report this comment
July 2nd, 2013 at 12:15 pm
He post hi chhiar vek atan tha ka ti hle mai. ‘Lalpa tihna chu finna zirtirtu a ni a’ Thufingte 15:33. ‘Lalpa tihna chu nunna tuikhur a ni’. Thufingte 14:27.
Lalpa tihtu nih hlawkzia pawh a chiang hlein ka hria.
Pu John, ka request hi ka inthlahrung khawp mai a. Mahse i theih hram chuan ka lawm ngawt ang.
Report this comment
July 2nd, 2013 at 9:53 pm
Amen
Report this comment