A banah chuan Tattoo, enge a awmzia pawh hriat hleihtheih tawh loh chu a inziak riai a. A fiahlo a nilo a, a ban vun chuar tawh avang chuan eng lem nge tih a hriat theih tawh lo a ni zawk. Amah chu Gorkhali pa tar lam tawh, kum 60 chuang a nih tawh a rinawm. Mahse, kum 3 service la neiin a insawi ve miau sia. Assam Regiment pension, Mizoram Homeguard a lut leh ta, kan hnathawhna hmun a duty tur a an rawn dah a ni.
A taksa chu sakruang a ni mai a, han sawi belh viau turin taksa mawina, thatna, chakna a nei tawh lo a. A nun chawhnu lam hmang tan tawh. Zang kul khan tawh, he khawvelah hian a tawn tur ang ang tawng kim thawkhat tawh, tawn loh a la nei anih chuan thihna chauh a ni mailo maw tih tur khawp a thil chi hrang hrang tawng tam ve tawh a ni a. Ngaih aia ngaihsam, rin aia pawmzam thiam, beisei aia thlir thuilo a ni ve a. Tumkhat pawh a fapa chemte invih thu zualko a rawn thleng a. “Thi se ni mai lawm, chutiang a thih a duh te” an ti mai a. Pawisa a khawl theih hlawl loh avangin a nupui mangang in a rawn kal a. Bank-ah Savings Bank Account a rawn hawn pui a. A tu emaw zawk zawk lakchhuah theihin an hawng tho sia, a nupui a haw chiah a, a account a closed zui nghal leh mai a. Khua hi a var lo teh e. Kum tam hian upatna chu keng ngei mahse puitlin na a keng tello a ni.
A taksa a hrisello in a chaw ei a tui thei tawhlo a . An tlangval lai a, Regiment zu in thei pawl, RUM XXX um 3 vawikhat a khiat zo thin khan tlem a in ve chuan damdawiin a luh a ngai zel tawh a. A ka leh rilru chuan a mamawh a, a zuam a, a pumpui erawh chuan tawk a ti tawh a, a thluak chuan tullo a tiin a nilo lam lamah hna a thawhtir tawh thin a ni. Boruak ah hmuh thianglo a hmuh tir thul, a maimitchhin in maimi a hmuhtir bawk si, a menin phung a entir a, chhuat lamah nawngsawhnawh a sawhtir a, hmun tinrengah ramhuai a vah darh tir thin a ni. Vawi tam zu avangin thihsualin a duty na hmunah a tlu tawh a. Damdawiin atangin fai vungin a rawn chhuak ve leh mai zel a. A sim ve nghal mai thin a, ni 2/3 vel nilumah an inpho tang et awt a, nghei zui heklo le, a hunah chuan engkim mai hi a ngai angin an awm leh thup zel a ni.
A duty chu a thle ngiai a, a uniform dak thlarh mai chuan a taksa ria leh cher tak mai chu a khuh mam ve thluam a. A hnathawh that avang a a lawmman dawn, ribbon te chu dar atang chuan a uai hniang a. A ban zur tep tawh chuan Riffle chu a hum ve nain. A ban tha atan chuan a rit lam tawh tih a hmu chuan an hrethiam ang, silai mu load tur pawhin chakna a nei tlem tawh a, a silai a midang tin tur chuan kut pathumna a neih belh a ngai ngei ang, a nih loh vek chuan kan dawmpui a mamawh tawh ngei ang. A ven a te tihbuai tum tu te han bitum a han hmachhawn tur chuan a rinduap tawh a A rilru huaisenna, paukhauhna te chu la lianin la in zuam hle mahse a taksa chuan a tlin lo lam a ang tawh a, han thlamuanpui lam ai chuan silai neilo zing a silai keng lo ding ve chuan ngaih a ti tha satliah a ni chauh tawh mai a ni.
A ban cher tak, tihrawl awm tawh manglo, thisen zam lang tiak mai, ruh lawng deuhtawh vunin a khuh der der chu ti che in a kawr hmalam ipte atang chuan khur der derin Scented khaini bawm a phawrhchhuak a, a han hawng a, a heh da bui tawh ah chuan sawhkhat a dah lut a. Jampui tlang dung lam chu lunglen hmel deuhin a thlir vang vang a. Engmah a hmu in a en silo a. Enge a ngaihtuah ni ang? A vanglai a ngaihtuah a nih a rinawm. A tlangval lai chuan Gorkhali tlangval chak, tharum lam pawh ngah tak, ngo pek puak, nula lamah pawh duailo tak a nih a rinawm. A khawvel hi a nuam in, engkim hi atan a thar surh thin ang a, engkim mai hi a tan chhenfakawm leh thlakhlehawm, eng pawh hmachhawn a zuam thin awm si a. Tunah erawh a khuarel kalphung ve reng, a damlai parmawina te chu a lo chuai ve tan mek a ni ta si a. Damchhung khawsak thlakhlelh tur engmah anei tawhlo a, kaisan, promotion velin a rilru a ti buai tawhlo. Zu a neih hunah a in leh ang a, a damloh chuan a Damdawiinah a lut leh ang a, a damchhuah zawh tawhlo chuan a khawvel nun a zo tawh ang a, a damchhuah leh hlauh chuan a ngai bawk. Hringnun tak hi chu….!!
July 20th, 2013 at 11:34 am
A va ngaihnawm reuh e!
Report this comment
July 20th, 2013 at 1:37 pm
Ngaihnawm reuh khawp mai.
Report this comment
July 20th, 2013 at 7:36 pm
A vanglai chanchin han sawipui ka van chak em!
Report this comment
July 20th, 2013 at 9:47 pm
A lawmawm e. Khawiah tak tuan tawh ang maw?
Report this comment
July 21st, 2013 at 3:26 am
Tha ve
Hei hi lo en ve teh u. A thiam khawp mai hairehai
https://foxnewsinsider.com/2013.....res-people
Report this comment
July 22nd, 2013 at 5:19 am
Report this comment
July 22nd, 2013 at 9:54 am
Ty
Report this comment
July 22nd, 2013 at 11:01 am
A ngaihnawm hle mai. Thu i thiam riau mai. I talent tipung zawngin tan la sauh sauh teh khai.
Report this comment
July 22nd, 2013 at 3:23 pm
Ziak thiam hle mai…ngaihnawm tak ani..a dang poh han ti leh zel teh…
Report this comment
July 22nd, 2013 at 11:36 pm
Hetiang style thuziak hi ka tuipui lai tak a ni a, lo inkawm ang hmiang hehe
Nice wordings, liked!
Report this comment
July 23rd, 2013 at 9:58 am
Hetiang style thuziak hi Lengzem leh Thlipui(L) magazine tih velah thla tin chhiar tur a awm ziah thin.A ho ka tih zawng a nih avangin ka keu kan zar zar zel. Thu an thiam love ka ti lo, ka tuipui loh zawng a ni ve mai. Tunlai thu leh hla lama inti ril deuh ho, MAL leh midang literature kalpui dan sel chiam ang hi chu ka ni ve law! Kan tuipui loh vanga sawisel kher hi a puitling lovin ka hre ve.
Report this comment
July 23rd, 2013 at 10:34 am
Report this comment
July 23rd, 2013 at 12:56 pm
I vaziakthiam em
Report this comment