mi(sual).com

Kan ram leh a leilung hausakna hi Mizoram ta ni em!
Indian Economy chanchinbu Sunday, July 14, 2013 chhuak ah khan “Supreme Court chuan Act chi hrang hrangte hnawlin ram leh leilung hausakna laihchhuah chung changah State Sorkar in thuneihna a nei lo a ti. Lei hnuai hausakna laih chhuah (minerals) thuneihna (ownwership) chu State sorkar ta ni lovin mimal ta a ni tur a ni a ti mauh mai. Dt.13.7.2013 khan Justice R.M Lodha leh a hnauia SC judge pathumte chuan kan ramah hian leilung leh leihnuai hausakna hi State sorkar ta a ni tihna Dan pakhatmah a awm lo a ti a ni. Leilung leh leihnuai thuneihnate hi mimalin an hauh thei lovang ‘Mines and Minerals (Development and Regulation) Act, 1957’ Section 425 – in a tarlan chu a hnawl bawk a ni” tiin a tarlang a.

India Danpui (Constitution) (Fifty-third Amendment) Act, 1986 Art 371G Memorandum of Settlement on Mizoram para 4.3 ah chuan Acts of Parliament shall not apply to the new State of Mizoram unless so decided by the Mizoram Legislature with regard to- (iv) ownership and transfer of land tih a ni a. Hei hi kan behchhan awm tak a nih lai in. Nagaland leh Indian inremna a 371A. Special provision with respect to the State of Nagaland (iv) ownership and transfer of land and its resources, shall apply to the State of Nagaland unless the Legislative Assembly of Nagaland by a resolution so decides; tih angin Mizoram leh India inremna ah chuan resources hi a la tello lehnghal a.

Amaherawhchu, Pu Rualkhuma Hmar chuan (Vanglaini Article -27th Jul 2013) ti hian a ti vet hung a“UNO-in 13.9.2007 khan, Tualṭo Hnam te dikna chanvo puan chhuahna a lo nei ta a. Tah chuan ZORO hmalaknain kan lo tel ve thei ta hlauh mai leh nghal a. Chutah chuan Tualchhuak hnamte chuan duhthlanna kawngah zalenna an nei, Tualchhuak hnamte chuan an ram luah lai leh a leilung hausakna an luah lum sa leh an neih sate chungah chuan neitu nihna an nei. Indigenous people have the right to lands territories and resources which they have traditionally owned, occupied or otherwise used or acquired (At 26).

An ram luah leh ram leilung hausakna a tir aṭanga an ta sa emaw an hlawh chhuah chungah neitu nihna, a ṭul anga hman theihna leh tih hmasawn leh humhalh kawngah thuneihna an nei ti te a ni a. He UNO declaration hi India pawhin a pawmpui a ni. He UNO declaration hi India-in tih hlawhtlin a bâ a, Supreme court-in a duh hun huna palzut mai mai chi a ni lo. Hemi aṭang ringawt pawh hian kan ram leilung hausakna hi kan ta a nihzia a chiang em em a. Kan rama thuneihna changtu tu pawhin hengte hi an hriat loh emaw a hman ngam loh emaw erawh chuan eng anga ṭanchhan ṭha pawh nei mah ila engmah kan ang lovang.

Hei hi Mizo zawng zawngin i hria ang u. Chuvangin, tunah chuan kan chanvo thuah hian tuman duh i thlang sual tawh lovang u. Kan leilung hausakna hi kan ta liau liau a ni e. Kum 2007 September thlaa Inda-in UNO-a a ban pharna chu nemnghetin document ṭul zawng zawng pawh a lo signed fel ta thlap a ni. International Community hmaah Zofate Natural Resources chu Zofate hnenah ngei India sorkar chuan a lo pe ta a ni. Heti chunga central sorkar ta ni kan la tih fo chuan tuikuk Pathian siam theih loh tih ai pawhin kan nep tihna a ni mai.

India Dan hian eng ang takin nge Land and Resource ownership ah hian Mizoram State hi thuneihna a pek a, eng danin nge kan ram leh a hausakna hi kan humhalh theih ang hi ka zawhna chu a ni.

Similar Posts:

• Mizoram holds first ever investors’ summit
• Mizoram blamed for land grabbing
• Mizoram NIT Campus eng tik ah nge ?
• Mizoram a sorkar hnathawk hlawh hi a tam lutuk em, Tax pe ve dawn ta ila
• TV neih hnem lamah pung chak ber Mizoram

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Thursday, August 1st, 2013 at 3:30 pm and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.