https://hnamsakhua.blogspot.in/2013/04/kainan-mi-thah-hlauh-thu-leh-thlah.html
1. Kaina’n mi dang thah a hlau: Genesia 4:1,2,8,14,
Adama fa hmasa ber chu Kaina a chhang chu Abela a ni tih kan hmu a.
Tin, chang 8-ah chuan, Kaina chuan a nau Abela chu a that ta tih kan hmu leh
a. Chang 14-ah chuan, Kaina chuan, mi dang thah a hlau tih kan hmu leh a.
2. Thlah inang lo: Adama thlahte:
Genesia 4:17-24 Genesia 5:1-32
1. Adama 1. Adama
2. Kaina 2. Setha
3. Enoka 3. Enosa
4. Irada 4. Kenana
5. Mehujaela 5. Mahalalela
6. Methusaela 6. Jareda
7. Lameka 7. Enoka
8. Jabala, Tubal-Kaina. 8. Methusela
9. Jubala 9. Lameka
10. Nova
Sema, Hama, Japhetha
1. Gennesis 4:1,2,8, Kan chhiar chuan, Adama fa hmasa ber chu Kaina a ni a, a chhang chu Abela a ni a. Abela chu Kaina’n a thah tak mai thu kan hmu a. Chang 14 kan chhiar leh chuan, Kaina chuan mi dangin an thah ve a hlauh thu kan hmu leh a. A mah hi Adama fa hmasa ber a ni a, a chhang chu Abela a ni leh mai a. Hetih lai hian Bible-a a lan dan hi chuan ,khawvelah mihring pali an awm a, Abela a thih leh takah phei chuan, pathum chauh an awm tawh niin a langa. Chuti a nih chuan Kaina hian tu thah nge a hluh ang a nu leh a pate thah em ni a hlauh? tih hi zawhna awm thei chu a ni. Hei hi, mi thenkhat chuan, Bible hian Thuthlung innghahna leh an thlahte hi a chhui chu an ni, an ti a . Chuti a nih chuan, Evi leh Adama chu mihring hmasa ber an ni lem lo tihna em ni ang? tih hi zawhna awm leh chu a ni.
2. Genesia 4:17-24 & 5:1-32 kan chhiar chuan, Adama thlah sawina ve ve kan hmu a. 4:17-24-ah chuan, Adama atanga Lameka chu 7 thleng a ni a. 5:1-32-ah chuan Adama atanga Lameka chu 9 thleng a ni thunga. Hei hi zir mite chuan, 4:17-24 hi J thuziak a ni a, 5:1-32 hi P thuziak a nih vang a ni an ti a. A dik mai thei. Chuti lo ni se, he thlah chhui dan hi a inang lo viau mai si a; a dik zawk leh diklo zawk chu awm ngei tur a ni. Chuti a nih loh vek chuan, a dik lo ve ve, tihna a ni ang.
Ngaihtuah zui atan leh sawi ho atan:
1. Kaina chu Adama fa hmasa a ni a. A chhang Abela a thah hnu hian, mi thah a hlau tlat hi, tu thah nge a hlauh ang?
Similar Posts:
- Adama pian kum hi a dik chiah maw?
- I ngaihtuah ho teh ang u khai
- Juda-te kumthar (rosh hashana)
- Thei-ei bawhchhiatna nge, Inngaihna sual…?
- GENESIS Rapthlakna
August 10th, 2013 at 2:53 pm
Inhnial suh u
Report this comment
August 10th, 2013 at 3:26 pm
Misual chu um lovin an tlanchhia, tih anih kha. Hlauh tur awm miah lo a hlau mai mai aniang.
Report this comment
August 10th, 2013 at 7:38 pm
Mi pali, mi pali..?
I thlir dan ang hian thlir dawn ta ila, Bible record danah chuan
1. Adama 1. Adama
2. Kaina 2. Setha
3. Enoka 3. Enosa
4. Irada 4. Kenana
5. Mehujaela 5. Mahalalela
6. Methusaela 6. Jareda
7. Lameka 7. Enoka
8. Jabala, Tubal-Kaina. 8.
Methusela
9. Jubala 9. Lameka
heng mite nen an vaiin mi 19+evi+abela=21 chauh, Lameka hun thleng hian mihring an awm tihna a ni dawn a ni maw?
Mihring hmasa hun laia an kum zat kha kum 900 te a ni fur mai a. Mihringin chi a thlah theih hun hi kum 17 vel atanga intan a ni a, tichuan kum 900 chhunga mi pakhat fa neih hman zat tur han chhut ta ila, kum 3 dan zelah pakhat zel. Kum 500 chhung vel chi thlahin an awm turah ngai ila. Kum 100 chhungin fa, hmeichhia leh mipa 20 vel nei hman turah lo ngai leh ta ila, kum 500 chhung chuan fanu leh fapa 100 vel an nei hman anga. An fate khan fa 100 vel kum 500 chhungin nei ve hman ta zel se. Kum 900 chhunga mi pakhat tu leh fa zat chu 500000 an tling hman daih dawn a ni. A tlem berin chhut ta ila, kum 900 chhungin mi pakhatin tu leh fa 200000 chu a nei hman ngei ngei ang.
Tin, Bible chronology hi uluk taka kan chhut chuan Lalpa Isua Krista lo intanna chhuina bik a nih avangin a sepsel nazawng chu an tarlang lo tih hi mi pangngai tan hriat loh tur a awm lo va. Chuvangin, Krista nena inkungkaihna awm lo chu a pawimawh lutuk a nih loh chuan an tarlang lo mai a ni. Tin, hmeichhia phei chu an thlahtu tiin an chhiar mang lo bawk.
Chutiang taka mihring pung chakah chuan Kaina chu a nau Abela a thah avanga miin an thah ve mai han hlauh loh chi em maw ni dawn le?
Tin, miin an thah lohna tura chhinchhiah ngai khawpin mihring an pung chak tih pawh a hriat hle a ni. Pu Hnam sakhua. I hrethiam em? I thu hi a thlir a tawi tek tawk deuh a ni.
Report this comment
August 11th, 2013 at 12:53 am
Juda ho hmanlai thawnthu in sawi elaw?
(pil leh daih)
Report this comment
August 11th, 2013 at 4:51 am
Bible-ah hian Pathian thil tum tak tak chauh a awm a, hetianga thu un lutuk hrilhfiahna chuba tam mai. A hrilhfiahna Hebrew tawng a ziahah phei chuan Genesis ringawt pawh hi chhah fe a awm. Chuvangin, Adamate nupa hian thlah dang pawh an nei nual a ni. An dam rei a, midang chu a pian fe hman a ni. Tin, fanu te pawh an neih ve tho kha.
Report this comment
August 11th, 2013 at 7:03 am
Hemi chungchang hi zawh ani zing tawh a, chhan ani zing tawh bawk. A ninawm thei lek lek thin. 3 a Zofa ‘Z Pulun sawi ang khi a ni e. bung 4 hian Kaina thlah a chhui a, bung 5 hian Lal Isua line Setha thlahte a chhui leh a, ngaihfin tur ani lo ve. Bible hian Isua line hi a chhui ngar ngar tih hriat tur a nia, Adama atangin Setha, chutah Nova, Nova fate zingah Sema. Chutah Abrahama-Isaka-Jakoba. jakoba fapa 12 te zingah Juda thlahte a thlurbing leh ngar ngar a ni. Zahmuaka fapa te zingah Thangura thlah, Sailova thlahte chanchin thlurbing anni ta ang hi a ni mai e. Tin, Adama hian kum 930 chhung hian fanu leh fapa 100 tel teh meuh anei ang tih hriat tur. An insiam ve ngai lova, unau pawh an innei zel a, an pung chak em em a, an darh a, khua an din zel a, an unaute fa te pawh nupuiah an nei zel tih hriat tur a nia. Kaina lo tihlum duh mai tur Adama thlah dang an tam lutuk tih kha hriat tur a ni. A ninawm ta lek lek mai.
Report this comment