C.P. Road tih hi mi tam takin kan hriat dân chuan ‘C. Pahlira Road’ tihna a ni a. A thu laimu kan sawi hmain Pu C. Pahlira chanchin tlêm han târlang hlek ila. Kum 1957 District Council inthlanah Circle III A, Ratu bial aṭangin MDC-ah thlan tlin a ni a, kum 1958 khân District Council-ah Dy. Chairman a ni bawk. Kum 1962 khân a bial ngaiah thlan tlin leh a ni a; Executive Member i/c Finance, etc. hna a chelh a, kum 1982 khân Sateek bial by-election-ah Mizo Union ticket-in MLA atân thlan tlin a ni leh bawk.
Pu C. Pahlira khân MDC leh EM a nih lai khân Mizoramin kawngpui ṭha kan neih theihna tûrin nasa takin hna a thawk a. A inpêkna pawh a ropuiin mite fak pawh a hlawh a, a chhuan pawh kan chhuang hle a ni. A kawngpui sialna hnuhma chu Aizawl mai bâkah Kolasib, Champhai, Vairengte, Sairang leh Serchhipah te pawh a awm. Hêng kawngpui zozaite hi nakinah kan la mamawh dâwn a ni tih hriain hma a lo la a, a fakawm thlâwt a ni. A kawngpui sial ṭhenkhat te erawh chuan C.P. Road tih hming a pu vek lêm lo a ni âwm e. C.P. Road ṭhenkhat te chu – Tlangnuam thlânmual aṭanga field chungah kal pheiin Saikhamakawn kawng pêng ṭhuam laiah a chhuak a; Mission Vengthlang kawn aṭanga Vailui motor silna tan tlang pheiin MHIP Home bul thleng a ni leh a, Kolasib-ah thung chuan Holy Heart school aṭanga New Diakkawn tan tlangin Forest Range Office pêng thleng a ni leh bawk. Tin, hmun hrang hrangah C.P. Road tih hming pu a awm neuh neuh bawk.
Pu C. Pahlira khân MDC leh EM a nih lai khân khati khawp khân kawngpui a sial nasa a, mimal ram tam tak pawh su tlangin, mi ân khum leh rêl pawh a tawk nasa hle a ni âwm e. Heti taka mimal ram pawh su tlang ngam khawpa thuneihna nei, tha leh zung mai bâkah sum leh pai pawh tam tak sêngtu kha Pu C. Pahlira a ni a, ama hming chawia hêng kawng te hi ‘C.P. Road’ tih a ni meuh em tih erawh ngaihtuah chian ṭûl tak a ni. A chhan chu, mi pakhat hmalâkna ringawt hmanga mimal ram tam tak sut hêk a, sut tlang kha dân kalh a ni thei a, mi fing tiha mawi lo pawh a ni thei bawk. Chuvangin kawngpui sial hna kha sawrkar (District Council) hmalâkna hnuaia huaisen taka thawh a ang riau. Tin, District Council hunlai khân kawngpui sial hna kha thawh a ni miah lo nge, enga ti nge mimalin kawngpui sial hna kha an thawh tâk? tih pawh ngaihtuah ngai tak a ni. MDC leh EM nih vang ngawta mimal ram sut hêk a, sut tlang kha thil ni thei niin a lang lo.
Kawngpui sial hna te kha a mimal ṭhahnemngaihna liau liaua Pu C. Pahlira thawh a ni nge District Council (Council Project) hmalâkna zâwk tih te pawh hi chhânna fel fai tak kan la neih theih loh chu a ni. Upa zâwk te ṭawngka aṭanga ka hriat dânin khatih hunlai khân District Council khân kawngpui sial chungchangah hma a la a, a hmalâkna kha a hun laia hruaitu luten an bawhzui a, kawngpui pawh hmun tam takah sial a lo ni ta a ni. A hunlai khân project tih kha a lâr êm êm a, project vêng, project âr, adt. tih pawh hman lâr a ni hle ṭhin. District Council hmalâkna (kawngpui sial) pawh kha Council Project tih a ni a, chumi hnuaiah chuan Pu C. Pahlira khân theih tawp mei kawhin hma a la a, Council Project Road (C.P. Road) tih tûr kha C. Pahlira Road (C.P. Road) an lo ti ta zâwk niawm tak a ni. C.P. han tih ngawt khân a dik thei ve ve si a, ngaihhai palh pawh awl tak a ni.
Hemi chungchang thu-ah hian thu chiang kan neih theih mai loh avangin hrânghluite leh mithiam zâwk te khân thangthar te hi min han hrilhfiah teh u khai. Thiamna leh hriatna pung zêlah thu inchuh awm reng hian hawina lam apiangah thaw a ti-ipik a, thu dik tak hriat hi kan châk zek zek tawh si a. C.P. Road tih chungchangah pawh Pu C. Pahlira hmalâkna a ngaihsanawm rual rualin ngaihhai palh te pawh awm thei a ni a; C. Pahlira Road tih pawh a lo dik thei a, Council Project Road tih pawh a dik thei tho a, a dik zâwk tak chu hriat chhuah a châkawm khawp mai. Thangthar, mi thil chîk peih leh zir mite ngaihtuahna tibuaitu hi a chhânna min pêk theih chuan a lâwmawm ngawt ang.
Similar Posts:
- Zoram Hmangaihtu C. Pahlira kan chan ta
- LADC Budget Session tan ani
- District Council for Paite
- MADC in Zawlaidi zawrh a khap
- ADC pathumin President hnenah MP seat 1 dil tum
August 17th, 2013 at 11:18 am
Road hmasa ber ang aw…
Report this comment
August 17th, 2013 at 7:19 pm
………
Report this comment
August 17th, 2013 at 7:23 pm
Kan thinlungah Pu Pahlira a lang nghet laklawh tawh. Chuvangin, ngaihdan dang neih hi a tul lemin ka hrelo. A thuhrimin thil hriatchian duh luattukna hian min tibuai ta fo mai. Pu Pahlira chhungte tan phei chuan he chanchin hi hriat a nuam hauh loang.
Report this comment
August 17th, 2013 at 10:38 pm
Hriat nuam chu a ni hauh lo maithei. Mahse, thu dik hriat chian te chu kan tum tur alawm. A lo dik thei a, dik lo thei bawk a.
Report this comment
August 17th, 2013 at 11:04 pm
Ka chhiar zo ta
Report this comment
August 18th, 2013 at 12:46 am
Aizawl khua (khawpui tiin ka chhiar thei thlawt lo) lo plan tute hi Pahlira pawh nise, Nuhlira pawh nise ka ngaisang hran lo.
A chhan chu khaw plan reng reng loh ang mai, public ram (park/green area, university, fire brigade, high court tih vel khaw laili chang lo, daikil kara dah ngai ringawt hi a dik hlawl lo. Kawng extend theih mang lova mimal ram tana an sem ral dan leh vantlang kawng mimal kawng sira in nei ten an rawn chuh dan (heteh tak chuan Pahlira/Nuhlira thiam loh pawh ani lo) a thaw ipik thlak riau.
Report this comment
August 18th, 2013 at 4:20 pm
A zeldin thu deuh lo maw te ka lo ti ve mai mai. Israel nih duh lutuk ain chhui hoten Himalay tlang pawh ‘He lamah’ an tih atanga lo chhuak an tih ang lekah ka ngai deuh.(N)
Report this comment
August 18th, 2013 at 4:30 pm
@Nirvana, hetiang zawh hian han ngaihtuah la. Plan a awmlo i tih hi chu a dik khawp mai, amaherawh chu, i duh ang pawh khian lo ti ta sela, plan tha tak anih chu a rinawm lem loh khawp mai. Modern era planner leh architect ho Le Courbusier plan te han en ila, University leh Assembly secretariat chu khawpawn ah daih a dah tih i hmu thei ang.
Greek ho khaw plan dan ah hian han en ila, mipui punkhawmna vel chu khawpui laili lutuk ah an dah ngai lo hrim hrim. Amaherawh chu khaw laili ah chuan engemaw Theme park dah chu a tha khawp ang
Report this comment
August 18th, 2013 at 8:13 pm
Ava buaithlak tak ve mawle awww..
Report this comment
August 18th, 2013 at 10:58 pm
A khawi zawk zawk pawh khi nise a dik lohna a awm chuang lova, a phuahtute rilru lam in a awn lam lam kha a ni mai. Hmun hrang hrang a CP.Road pawh khi a lampum a in an vek ka ring lo.
Report this comment
August 19th, 2013 at 5:00 pm
Tunlai chu dam lohna avangin ka buai lutuk a, post pawh ka vil hman meuh lo a ni.
Report this comment
August 23rd, 2013 at 11:07 pm
Keipawh vawin tlai khan C.P Road ah ka kal, mahse Delhi ah, Palika bazar ah ka tei vel mai mai a, Pahlira lam ka lo ngaihtuah miah lo.Hahahai
Report this comment