‘Change’ (Mizoram leh ka ngaihdan)

October 5th, 2013 9:31 pm by Chhuaklinga

(Ti ve leh bauh ang )

Kum za chuang fe liam tawh hnu leh kan tunlai hun hi han khaikhin ta ila, hei bak a CHANGE hi a awm thei dawn em ni? ka ti vawng vawng thin.

Hmanlai chuan tukthuan ei laiin pa berin hnathawh tur kawng hrang hrang a sem a, an thawh tura ruat chu ihe lovin an thawk sang sang thin. Tunah chuan chhungkua a tukthuan kil thap thap kan tlem ta hle, nu ber rorelna hnuai a kun a, nu ber eizawn hlan a fanau lo enkawl hreh lo mipa kan tam ta khawp mai.

Hmanah chuan hnam intodelh hnamdang thawm chhuah sa ring ngai lo kan ni a, Lal Bengkhuaia leh a hote silchar zu run pawhin “Silchar thlang lamah khuan mi cheng an la awm a ni awm e, kawng pawh a la bel khawp mai” an ti mai mai. Tunah chuan kan ei leh bar silh leh fen engpawh maiah hian intodelhna reng kan nei ta lo, Silchar kawng engvangpawha ni hnihkhat a ping a nih chuan kan buai chhe der tawh a ni si a.

Kan ramah Kristianna a lo luh khan kan missionary-te khan dawmdawi (drug) chu damlo (kan pi leh pu ten ramhuai tihnat ni a an hriat) tihdam na’n an hmang a, Pathian rawngbawlna hmanruaah an hmang tihna a nih chu. Tunah chuan damdawi (drug) chu nawmsipbawlna’n, damtha sa intihnatna’n te, hausakpuina’n te, lungin tan phahna’n te, rukruk phahna’n te kan hmang ta. Setana’n rawngbawlna hmanruaah a hmang ta a nih chu.

Hmanlai chuan zu hi in tinin an nei a, thalaite chuan kut ni vangthlaah bak an in ve ngai lo, tar leh upa, nuthlawi leh pathlawi lungleng te in turah an ngai thin. Kut ni vangthla a an in ve a nih pawhin a huho a an sem bak an in ngai lova, an in ai pawh an duhsak zawng an thian tha te leh tlangval tlawmngai deuh te an leh (in ai pe) thin. Chuvangin chung hunah chuan tlangval tlawmngai deuh lehtu ngah deuh tan lo chuan rui khawp a zu in tur a awm chuang lova, thalai zu rui deuh an hmuh chuan “Saw tlangval chu a va tlawmngai/pasaltha awm ve aw” an ti mai thin. Tunah chuan zu nei in chu zu zuar kan ti a, khawtlangin kan thinhrik a, man tumin kan veh luai luai tawh mai. Zu in hun bi a awm tawh lova, a in tur awm ang chin pawh a awm tawh lo, a hmei a pa, a pui a pangin kan rui ta luai luai mai. A in ngai lo hlei hleiin an rui tawh emaw tih mai tur a ni. Khawlai a zu rui kal kan hmuh chuan kan nuih tet tet a, mi awmtha duh lo leh miang loah kan ngai ta.

Hei lo liam a CHANGE.

8 Responses to “‘Change’ (Mizoram leh ka ngaihdan)”

1
chhana Says:
October 5th, 2013 at 9:39 pm
A tha h1e mai.

Report this comment
2
Sony Says:
October 5th, 2013 at 9:55 pm
Ehe, kan in change dan teh kher chu a va lungchhiar thlak ve le!

Report this comment
3
lr hlonchhing Says:
October 6th, 2013 at 7:16 am
A lungchhiatthlak zawnga change a ni maw?
Sunday hman nuam vek u le…

Report this comment
4
Chhuaklinga Says:
October 6th, 2013 at 9:34 am
“Bawihte kan nun hmanlai an chang zo ta” tih hla ang mai kan lo ni ta. Engtia han tih that leh chi nge maw ni dawn le.

@Chhana, i ti lawmawm e, mahse kan change dan khi a tha tehchiam lo e.

@Sony, a ni khawp mai, a tha tam tak chu a awm ang mahse, a chhe lam a kan in change dan hi ka vei riau a.

@lr, a nih rih phawt, a tha zawnga change kan ngai a ni.
Nangpawh le.

tren tren

Report this comment
5
shailendra Says:
October 6th, 2013 at 11:09 am
Khawsak thang zel change a ni maw Mobile phone kan neih ve hma lawk a politics a in beihna a tawngkam 1, “Fa te phai ram hla deuh ah an in dah a, chutah nu ber in phone hmangin, Mami, mama khan a dandawi a ei tawh em? tih te an in zawt a, phone bill ti hek mai mai” tih te kha a va la hla lo em “Milian nu Inrinni bazar chuan Rs 100/- tal an pai loh chuan an bazar duh lo” tih te kha… Tun atanga kum 100-ah eng dinhmun nge kan din ang aw

Report this comment
6
Chhuaklinga Says:
October 6th, 2013 at 11:24 am
@Pu Shai, a ni dawn tak maw, kum 100 liam lehah chuan kan ramah hian awmngaihna a awm lo mai ang tih a hlauhawm riau in ka hria, tiang zela kan in change chuan..

Naupang inkhawm an lo bang a, ka tea set min rawn chuh pui leh tan ta tlat mai Logged in as Chhuaklinga. Log out »

tren tren

Report this comment
7
Awmtea Leo Khiangte Says:
October 7th, 2013 at 12:46 pm
Tha khawp mai.

Report this comment
8
H.Vangchhia Says:
October 7th, 2013 at 9:43 pm
Ngaihtuah a van ti thui reuh e…thar thut chuan.

Report this comment