Hnamtinte hian an culture leh tradition hi an chawisang thiamin, theih ang ang a tih nun chhoh zel an tum fo ṭhin. Mizote pawhin kan phak ang tawk tawk chuan kan tum chho ve zel niin a lang a, a lawmawm em em. Hawrawpui a MAHSE tih a ngai niin mimal ngaihdan ka nei a, hotuten han inbihchian nan hmang thei sela ka ti viau mai. Entirna atan Native American (Red Indian) te hmangin tlem kan sawi ang e!
Native American, Mizo ten Red Indian kan tih mai te hian inhmuhkhawm an nei ṭhin a, chutiang chu Powwow an ti a ni. Chikhat powwow te, hnam pum huap a powwow (National Powwow) te an nei ṭhin. National powwow-ah chuan Native American huam chhung a mite zawng zawng, United States, Canada, Mexico leh South America a mite an kalkhawm ṭhin a, Mizo ten kutpui kan hmang ang mai hian an lam mup mup mai ṭhin a ni. Ka chhim ve zeuh zeuh tawh a, a nuamin ngaihtuah a ti thui duh phian mai.
Awle, chutiang an inhmuhkhawm (powwow) naah chuan, an hnam thil chin ṭhin, an pi leh pute aṭanga an chhawm thlak zel chi hrang hrang an phochhuak ṭhin a, lam (dance) ah te pawh inelna an nei ve bawk thin a ni. Mahse, an pi leh pute thil chin mawilo (ti mai ang) hnamdang hmuh a mawilo tur chi (keini khawvel kilkhawr pawh a kan hriat ve ang ie; mihring lu vun hih) engmah an pholangin a chanchin an tarchhuah ngai ka hre lova, ka hmu ngai hek lo. A hresate chuan an hria a ni mai ang a, chhui peihin an chhui thiang ang a, mahse an maniin an pi leh pute tih ṭhin, tunlai khawvel a mawilo leh zahthlak tur chi an tarchhuak ngailo a niin ka hria, ka hmu ve ngai hauh lo.
Keini Mizo-te ve thung chuan kan pi leh pute thil tih ṭhin, tunlai khawvel a hnamdang ten mak leh kan mawl zia min hriat chhuah theihna awlsam tur tak maiin, Sahlamah mihring lu lem kan khai thliah thluah a. Kut hmang ila Vai sipai lammualah kum kal zel a Mizo te inthuam dan an phochhuak a, kum 1800’s chhovah chuan Mizo ten Siapsuap a inthuam vek angin khelmual an fan tir hreh heklo. Kum 1800’s a Sap ho thlalak hmuh tur a awm nual a, chutah chuan “Lushai” nulate chuan puan pangai mawi tak tak hmangin an inchei tawh a ni tih a hmuh theih reng a ni.
Mizo-te hi hnam chapo tak kan ni. Kan chapona hi a ṭhalam a kan kalpui thiam chuan hnamdang tan a zahawm tak kan ni chho zel theiin ka ring tlat a ni. Tun angahte hian han inthlir ila, hnam tlemte e tilo chuan ramdang a lehkha zir leh hnathawkte hi kan thlenchinah a chungnung pawl kan ni chho deuh zel a nih hi. Mimal chapo leh ramchhung a vaupung tina ngawtlo hian, hnamdangin a nawlpui a min hmuh dan tur thleng hian mimal tinte, sawrkar lam a culture thil enkawltute pawhin tan lak a hmasawn kan tum hi a ṭul zual tak zetin ka hria a ni.
Similar Posts:
- Hnamdang ka neih chuan ka hnam ka phatsan
- SEX leh Mizote
- Mizo hmeichhia ten hnam an hmangaih a hun ta!
- Zo leh zo ngei runhmunah i leng ang aw
- Kan ram tan!
October 10th, 2013 at 1:44 am
Ka comment a lut thei der lo mai, ka type hnem nen nen
Report this comment
October 10th, 2013 at 1:47 am
Chhuaklinga, “kha I comment kha” tih ka Galaxy S4 thar hmamgin ka rawn sawi e hairehai : p
Report this comment
October 10th, 2013 at 1:51 am
Chhuaklinga, “kha I comment kha” tih ka Galaxy S4 thar hmangin ka rawn sawi e hairehai : p
Report this comment
October 10th, 2013 at 1:55 am
Comment sei deuh a lut thei lo.. Huiz
Report this comment
October 10th, 2013 at 2:09 am
Ti leh ngat ang.
Kan ze tha lo lai leh zahpuiawm lai phawr chhuak lova hnam huaisen, rinawm, taima, intodelh, rilru thlianghlim, tlawmngai, zuin thiam, hmangaihna ngah, adt. kan nih thin zia thangtharte rilru a kan tuh ngheh hunah chiah Zoram khua a var ang.
Post ka thlawp e.
Kan fel lohna leh sualna te tarlanga zuin takngial pawh thiam lo hnam anga kan la inngaih chhung chu kan chhe tawlh tawlh ang.
tren tren
Report this comment
October 10th, 2013 at 2:15 am
taima, intodelh, tlawmngai, rilru thianghlim, hmangaihna ngah, zuin thiam
, adt. kan nih thin zia thangtharte rilrua kan tuh hunah chiah Zoram khua a var ang.
Report this comment
October 10th, 2013 at 2:17 am
thangtharte rilrua kan tuh ngheh hunah chiah Zoram khua a var ang.
Report this comment
October 10th, 2013 at 2:21 am
Kan ze tha lo lai tarlang a, zuin tak ngial pawh thiam lova kan la inhriat chhung chuan kan chhe tawlh tawlh dawn.
Report this comment
October 10th, 2013 at 2:24 am
Haha, a va hautak ve, duhtawk phawt ang.
thlalak khi save leh keuh teh ang. 
tren tren
Report this comment
October 10th, 2013 at 2:35 am
@5-ah khian a lut zo lo emaw ka tia, ka tih belh ta ta teuh a sin ni. In duh leh paih then mai teh u.. Kha kha a ni mai
tren tren
Report this comment
October 10th, 2013 at 2:49 am
A va tha dap dap ve! Thu puitling, hnam hnuk khawih phak a ni e. thuneituten bengkhawn se a tha khawp ang.
Report this comment
October 10th, 2013 at 3:54 am
Chhuaklinga
hairehai… tha lutuk 
keimah #11 ka lawm e.
Report this comment
October 10th, 2013 at 7:49 am
A tha hle mai.
Report this comment
October 13th, 2013 at 3:20 am
Ni e. Mahni nihna zahpuina ni si lovin kan in expose thiam a pawimawh khawp mai.
Report this comment