“Khawvel lawm nan A lo kal a, A lo kal lawm nan kan khawvel thung a. Kum a thar a, nun a thar si lo. Nun tam nei lovin kan kum chiah a tam a. Thâwk lâk chhan hlut záwngah nunna hi teh tur a nih laiin, thâwk lâk tawh zâtin nunna hi kan chhiar roh a. Kumah nun hlutna belh tur a nih laiin, nunah kum tamna chiah kan belh a. Chu chuan beiseina vartian hi beidawnna káwlah a liamtir thin”—tiin Pu Vannneihtluanga’n a sawi.
Ni e, a ni lah tak a. Kan hun hman mek leh hman tur nihna tak hre lo hian, mi tam takin kan hun kan hmang mek a. Chu chuan, a phawvuakah min taltir a, awmze nei lovin kan vui liam mai thin. X-mas hi nawmsip bawlna, theuleuna leh huau huau anga kan hman tak atang khan, a hlutna a hniam a. A hlu a ni tih kan theihnghilh zo ta.
Pu Vanneihtluanga vekin—“Bawlhlo thà-in hmai kan chulh a, túr hlauhawmin kawchhung kan hrai leh si. Incheina tunlai hmangin ngaihtuahna hmanlai kan tuam a. Inserhna tel lova Pathian biak kan intihhmuh a. Rüm ru chungin kan nui thin” a ti. I harh em? I harh lo a nih chuan, i chhiar nawn leh dawn nia.
Hei pawh hi han chhiar teh. Harhna chang hre lo khawpin, harhna kan mamawh a. Malsawm kan ni tih hre lovin, malsawmna kan dil a. Hun thar hi nun hlui nen kan hmang a, kan zalen duhna hian sal angah (aw sal-ah) min siam ta a ni. Harh a hun e. I harh teh ang u…
Tanpui leh chhawmdawl ngai nia kan inhriat tlatna hian, min tithuanawp thei. Rui reng chungin harh nia inhriataa kan nei lawi a, chu chuan chapona tlangah min milen tir a, hnehchhiahna chu kan talhfiak an ni leh mai thin. Talhfiak chu i lekchhuah zin zawh poh leh A malsawmna aiin Setana malsawmna i pumbilh hnem mai dawn a lo ni.
Harh nachang pawh hre tawh lo khawpa mu rei hian LALPA harhna kan mamawh a, thawh nachang pawh hre tawh lo khawpa lo tlu rei tawh hian, thawh kan mamawh a ni. Kan bo a ni tih pawh hre lo khawp a lo bo rei tawh hi, i kut chakin min khaichhuak la. Kan mu a nih paw’n kan harh ang a, kan tlu a nih pawhin, kan tho ang a. Kan bo a nih pawhin, kan lo kir leh ang—I angchhungah chuan. Phu reng kan nei lo ve. Lei anchhe dawng tana tawrhna Kross leh Vana lallukhum i zawmna—I hmangahna chauh lo chu.
December 1st, 2013 at 3:31 pm
First
Report this comment
December 1st, 2013 at 3:37 pm
Kan nih na a va lang chiang ve leh!
Report this comment
December 1st, 2013 at 4:18 pm
A va pawi ve.
Report this comment
December 1st, 2013 at 4:53 pm
A van tha kher em ve aw…
Report this comment
December 1st, 2013 at 6:32 pm
Tha tak a ni, tha tak a ni ri ngawt.
Report this comment
December 1st, 2013 at 8:11 pm
Ka post a chhuak tih pawh ka lo hre reng reng lo pek a, ka lawm vek e.
Report this comment
December 1st, 2013 at 11:05 pm
“A va pawi ve”, ka tih khi Mizote rilru lawiloh pawi ka tihna ani a, a post tu sawi pawi ka tihna ani awzawng lo.
Lawilo Dawrpui (Vanity Fair)leh Kristmas kan hman duh dan hi pawi ka ti.
Report this comment
December 2nd, 2013 at 4:13 pm
Krismas kan hman chhan leh kan hman dan erawh a inperhsan em atin ni.Mi piancham na na na Isua piancham anga lo lawm tlat khan, tha taka hman ngaihna a awm lo alawm
Report this comment
December 2nd, 2013 at 4:30 pm
Isua kha December 25 ah a piang azawng lo, September thla ah a piang.
Report this comment
December 2nd, 2013 at 4:53 pm
A tha hle mai
Report this comment
December 2nd, 2013 at 7:58 pm
Report this comment
December 2nd, 2013 at 10:17 pm
Eng tik kuma tanang khan nge Christmas hi festival ang maia kan lo hman tan tak le, tiin ka ngaihtuah fo thin. Sakhaw dang hunpui ah chuan thil man a tlawm thin a, keini hunpui berah chuan thil man a to thin a nia aw………
Christmas, kristiante tana hun ropui ber hi zu, ruihhlo leh hurna hmangin, a tenawm thei ang bera hman kan ching ta….
Report this comment
December 2nd, 2013 at 10:18 pm
Krismas kan hman dan hi ngaihtuah chian chuan Lunglen thla te a ang zawk thin in ka hria, LAL ISUA KRISTA pian chhan leh mipui nawlpuiin kan lawm dan hi chu a in perhsan deuh chu a ni
Vairamah chuan an Diwali laiin thil man a tlawm a, Mizoram za ah za Christian in tihna ramah erawh chuan Christmas dawn in thawmhnaw man a to thung a, ngaihtuah ti tam thei khawp mai.
Report this comment
December 3rd, 2013 at 1:24 am
Kan serious hlawm em mai. Christmas jokes tlem:
Q. Why was Cinderella such a poor football player?
A. Because she was running away from the ball
Q. Who never eats at Christmas time?
A. Turkey, it is always stuffed.
Q. What is mummy’s favourite Christmas carol?
A. Silent night
Q. What did Adam say on the day before Christmas ?
A. Its Christmas, Eve
Its Christmas, Carol film la en lo tan:
https://www.tubeplus.me/player/2109511//
Report this comment
December 6th, 2013 at 12:19 pm
Hei hi Vulmawi Newspaper-ah publish a ni e.
Report this comment