Aug 18 2012: Thil thar lutuk a ni lem lo na in ka lo post ve teng.
April 2012 atang khan Jaipur Mizo Christian Fellowship kan ding ve tan a. Tunah rih chuan Jaipur Mizo Welfare/Mizo Association te nen kawp vek a ni.
Jaipur a Mizo zawng zawng tan he pawl hi din a ni a. Pathianni chawhnu dar 2:30 ah kan inkhawm thin. Naktuk, 19th Aug 2012 atang hian Bible Chapel, Mission Compound, Chomu House ah kan inkhawm thin ang. (more…)
Jan 14, 2013
Kum tam a liam ta, misual nih reng ringawt mai zawng tiin thalai te fuankhawmna ah ka lawi lut ve a. Mi(sual) ho lah an lo tam phian lehnghal a. Helam a reh tak tak pawh hmuh tur an awm zauh zauh reng a. Misual bawm khat a nih hi ka ti vemai a.
Ka len luh vawikhatna chu a ni bik hauh lo va. Kum li liam ta ah khan Mafia Wars hi ka lo khel ve lauh lauh tawh thin a. A bak chu khawih vak dan ka thiam lo bawk a. Duh hunah status ka update ve mai a, ka hlimpui phian thin a. Tun tum zet chu Group chi hrang hrangah hian ka lo awm a, ka han thlir vel a, mi(sual).com a hman a kan mithiam te lo khel tawh topic bawk kha a ngaite tein an lo khel liam liam a.
A nuam ve phian a. Amaherawhchu, misual nen a danglamna chu a nawi pawl kan in tam hleih deuh a. Post kan thlir kual thin a, misual ho post bawk hi chhiar tlak a lo ni tlangpui thin a. Comment rual hian ka unfolow tlangpui a. Mizoten a kan thil tih laklawh kan buaipui thin zia min hriat chhuah tir a.
(Sawi belh tur pawh a la nei mai thei. Kum khat chuang fe a liam tawh bawk a, post leh tawp mai ang.)
May 2012:
IT (Income Tax lo zawk) lamah hian in kal chak vut vut hlawm lutuk a, ka umpha lo che u a ni. Mahse tunlai IT lama advance ho hian kan hun laia thil hman hrang hrang an lo hriat ve loh takin he dictionary hi ka han post ringwt mai ani. Lo chhunzawm in thiam khawp ang.
1. Analogue telephone
1876 kuma Alexander Graham Bell hmuhchhuah analogue (digital ni lo) telephone spring hmanga dial ngai. Bial pakua (1 atanga 0) a awm a. Kut zungtangin emaw, pen/pencil emaw hmangin a mal malin an dial ang a, hun a ngai rei duh viau. Emergency number 911 (India ramah chuan 999, 100 emaw 101) an hman nachhan pawh number 1 anga dial palh har nan atirah 9 an dah a, a dang pahnih chu awlsam tea dial theih 11 an hmang.
2. Betamax
VHS format an hman hma, Sony in 1975 a an siam. A daih rei lo
3. Cassette tape recorder
Magnetic tape hmanga ri (sound) record leh playback theihna. Tunlai chuan Blu-ray disc leh Blu-spec CD kan hmang tawh. (more…)
Post hmasa mi thalaite nun tih chunzawmna tho.
High school kan nih thleng hi chuan tam tak chuan kan nih tum kan la hre lo! 11 kan ni chiah a nu leh pa in kan lak tur min thlan sak a tam tak chu kan duhna ni lovin kan chhungte kan nu leh pa te duh ang course kan la ta tawp ah a pawi thui ta ni!.
Class 11 kan nih chiah hian kan lak tur hi nguntak in ngaih tuah i la kan tuina zawn tak hi lak tum thei i la! Kan subject lak duh leh kan tui na kan hriat chuan college kan kal a kan graduate thleng in harsatna a awm lem lo. Kan rilru a awm tur chu eng line pawh hi kan tuina emaw kan thluak thatna a nih phawt chuan chu aia tha chu a awm chuang lo. Miin science an la a lak ve i chak ngawt a a chhan chu kan nu leh pa ten an ngai sang em a ni. I tui na kha i chhungten duh lo mahse la la i tan hlimna a ni zawk ang! A dang zawng chu i taihmakna ah a in nghat.
Science: Science lak in i tumna hi i chian kek kawk a ngai tawh nia! Medical nge Engineering i kal dawn tih hi 11 i nih trang ngaih tuah la! Tun a Science la tam tak (Mizoram) chu Biology leh Maths hi an la kawp a!
Note: La ziah zawh loh deuh chuan a lang a, mahse a rei tawh e mai! Post chhuak tawp mai ang. Eng line nge ka kal ang tih pawh hi ngaihtuah rei lutuk a tha lo 
NOI
Presbyterian Kohhran chuan kumin atang hian March Ni 15 hi Chnchintha thlenni atan a hmang tan dawn ta.
Kum 1891, March Ni 15 a Rev. William Williams in Mizoram a lo luh a, Mizote hnena Chanchintha a thlenna hmasa ber ni a sawi, Tlawngkam Kutbul lui chhuahah Serlui Presbytery chuan hmunhma neiin, Hriatrengna lungphun(Monument)te siamin Tawngtaina In te a sa a, Naktuk (Dt.15.March.2014) hian Serlui Presbytery chuan Lungphun hawnna neiin hemi hmunah hian a huam chhung Kohhran ten Programme urhsun tak hmang turin an inbuatsaih mek a ni.
Lungphun hawnna ah hian Mizoram Synod Choir leh Kawnpui Chhimveng Bial Zaipawl te zai tura beisei an ni a. Tlai lamah Sial leh Vawk talh a ruai buatsaih tum a ni. A hmun panna kawng pawh laih zawhfel a ni a, Car pawhin hahdam takin a tlan luh theih tawh a ni. He Programme buatsaih tur hi Media lam ten an bengkhawn hle a ni.
Apologies for the delay, Dear PimPom. Chhuah loh ngawt ai chuan “Better late than never” ta mai Post hmasa ah hian pic tlem a awm- Rev. William Williams leh Mizoram a a sulhnu hmasa. I theih chuan comment lamah rawn update mai dawn nia.
Hei chu ka rilru awmhlei in ka zeldin kual mai mai. Leo Tolstoy a thawnthu pakhat ah khan miin zu an in chuan a vawrtawp ah chuan vawk ang maiin chirhdiak ah an let tual tawh mai thin tih kha kan hre vek ang a.
Mizoram a MLTP Act chungchang a inhnialna ah reng reng hian zu hi a thalo ti hrim hrim an awm a, a mah ngawt in a thalo lo, a intu te a zir a ni, mizo te hian zu kan inthiam lo, ti pawl an awm bawk a, thlirna dang chu sawi tawh lo ila. A nawlpui hian zu hi chu kan inthiamlo tih hi chu pawm lohtheiloh a nihna lai hi a awm ve tlat a ni. (more…)
Mizo pa, sumdawnna kawnga hlawhtling tak mai Pu F.Hrangvela chanchin hi mi tamtak chuan ka hre hauh lo anga. Mahse retheihna atanga tumruhna nen, taimakna nen a kan Mizopa sumdawnna kawng a kal hlawhtling ber pawl a lo nih dan hi thup bo chi a ni hauh lo ang le.
Pu F. Hrangvela hi May ni 8, 1928 khan Luangpawn khua Phullen khaw bulah lo piangin a pa hi F.Hrangzika ni in a nu hi C. Sekungi a ni a. An unau hi an tam lo hle mai a, pathum chauh ni in amah Pu F.Hrangvela hi a upa ber a ni a. Chhang pahnih F.Hrangkhuma leh F.Laltawnga te neiin an mi lai F.Hrangkhuma hian kum 1947 khan Thingsul-a an awm laiin Aizawl Civil Hospital-ah a boral san a, tichuan a nau F.Laltawnga nen chauh hian an dam ta a. A nau Pu F.Laltawnga hi tunah Thakthing vengah a khawsa mek a ni. Luangpawn khua atang hian Aizawlah a Pu Kima hnenah an khawsa ve a, mahse khawsak te a lo hrasat ve deuh avangin Thingsul lamah an pem chho leh a. A pa hi a boral hma tak avangin Thingsul-ah hian a nu ho hian an khawsa ve ta a ni. (more…)
SETANA hian a hming a pu zo hle. A hming awmzia chu– dodal emaw ep (Adversary) tihna a ni. Genesis 2:16-17 ah chuan Lalpa’n mihring hmasa te hnenah chuan huana thing rahte chu an ei a phalsak a, phal loh a nei a ni tih pawh kan hmu. Mahse, Setana, a hming pu zo tak chuan– Genesis 3:1-4 ah khan DAWT hmangin a ep ta chiah reng a nih kha.
Hebrai 2:14 kan chhiar chuan, “Tichuan, naupangte hi tisa leh thisen changte an nih hlawm avangin, amah ngei pawhin chung bawk chu a chang ve ta a; thihnain thihna thuneitu (chu chu Diabola a ni) a tihboral theihna turin” tih kan hmu a. Setana chu DAWT PA (Johana 8:44) a ni a, THIHNA THUNEITU (Hebrai 2:14) pawh DIABOLA a ni tih chhinchhiah hmasa ang che.
Le thupuiah aw…
I Petera 4:11 kan chhiar chuan, “Mi tupawhin thu a sawi chuan Pathian thute angin sawi rawh se…” tih a ni si a, Pathian thu sawi inti Pastor, Tirhkoh, Upa thenkhatte hian kan va sawi ta si lo em!!!
(more…)
Lehkha thiam tak tak zingah hian kutziak chhe fe fe hmuh tur an lo awm ve tho mai. Kum 1872 vela US presidential candidate hial rawn ni thei, Horace Greeley-a, New York Tribune chanchinbu enkawltu pawh kha tum khat chu Illinois-ah thusawi turin an sawm a. Hetiang hian an sawnna chu ziakin a va chhang a:
Mr. MB Castle, Sandwich, Illinois
Pu duh tak,
Febuary ni 3 khian kum 60 ka tling ve dawn ta hial a. Ka kum a tam tain ka taksa tlin bak ka thawk ta mah mah niin ka hria. In mi sawmna zahawm tak hi tihhlawhtlin hram tum ta ila, Sawmna dang erawh ka hnar ngam a ngai tan a ni ber mai. Hnar chin ka neih ngawt si loh chuan ka lo kal thei ngei ang tih pawh ka sawi lawk ngam hauh lo
— Horace Greeley
Ni eng emaw zat hnuah a chhanna a dawng a:
Horace Greeley, New York Tribune
Pu duh tak,
Thusawi tura kan sawmna I pawm tih thu tukin khan kan lo hmu e. I kutziak kha kan hre fuh mai thei lo va. Mahse, ka hre kim ta tho ve. I sawi ang hian a hun tur pawh Febuary ni 3 ni se, lawmman atana i sawi, dollar 60 pawh kan remti thlap e. I rawn sawi ang hian tum dangah pawh sawm lehna hun tur kan neih ngei che ka ring.
Zah takin,
M.B Castle.
“Chanchin Tha” tih thumal(Term) hi kan hman dan a zau viau va, amaherawhchu Paula chuan 1Kor.15:1-4 ah khan awmze nei bik leh specifically-in a lo sawi a,
“Tin, unaute u, Chanchin Tha ka hrilh che u kha ka hriattir leh ang che u a, chu Chanchin Tha chu in lawm a, chu miah vek chuan in din a, ka thu hrilh che u kha in ring mai mai a nih loh va, in paw tlat a nih chuan chu miah bawk chuan chhandam mekin in awm a ni. A hmasa berin ka hmuh ve bawk chu ka hrilh chhawn che u kha, khatia Krista chu Pathian Lehkha Thu ang zela kan sualte avanga a thih a, an phum a, Pathian Lehkha Thu ang zela ni thum nia kaihthawha a awm a…”
Mak deuh mai chu a sawi lan tel miah loh lai chu a ni. A thilmak tih emaw a zirtirna emaw a entirna hnutchhiah emaw engmah a tarlang miah lo va, amaherawhchu chung zawng zawng chu a thihnaah chuan an inchhung lut vek mai a ni, phuma a awm a, a thawhlehnaah nen chuan! Paula khan “Pathian Lehkha Thu ang zela” a tih khan Thuthlung Hlui Lehkha Thute a sawi ber a, hei hian zawhna a rawn siam nghal a, Thuthlung Hlui khawi lai ziakah nge Krista chuan a thawhleh hmain Thlanah ni thum a hun a hmang ang tih min hrilh tih hi a ni.
(more…)
