Mithiam Kutziak chhia, Horace Greeley-a

June 9th, 2014 7:00 pm by Thathanga

Lehkha thiam tak tak zingah hian kutziak chhe fe fe hmuh tur an lo awm ve tho mai. Kum 1872 vela US presidential candidate hial rawn ni thei, Horace Greeley-a, New York Tribune chanchinbu enkawltu pawh kha tum khat chu Illinois-ah thusawi turin an sawm a. Hetiang hian an sawnna chu ziakin a va chhang a:

Mr. MB Castle, Sandwich, Illinois
Pu duh tak,
Febuary ni 3 khian kum 60 ka tling ve dawn ta hial a. Ka kum a tam tain ka taksa tlin bak ka thawk ta mah mah niin ka hria. In mi sawmna zahawm tak hi tihhlawhtlin hram tum ta ila, Sawmna dang erawh ka hnar ngam a ngai tan a ni ber mai. Hnar chin ka neih ngawt si loh chuan ka lo kal thei ngei ang tih pawh ka sawi lawk ngam hauh lo

— Horace Greeley

Ni eng emaw zat hnuah a chhanna a dawng a:

Horace Greeley, New York Tribune
Pu duh tak,
Thusawi tura kan sawmna I pawm tih thu tukin khan kan lo hmu e. I kutziak kha kan hre fuh mai thei lo va. Mahse, ka hre kim ta tho ve. I sawi ang hian a hun tur pawh Febuary ni 3 ni se, lawmman atana i sawi, dollar 60 pawh kan remti thlap e. I rawn sawi ang hian tum dangah pawh sawm lehna hun tur kan neih ngei che ka ring.

Zah takin,
M.B Castle.

6 Responses to “Mithiam Kutziak chhia, Horace Greeley-a”

1
bbney Says:
June 10th, 2014 at 2:37 am
A khai aw haha.. A ziak chu a chhe ve thawkhat a nih dawn chu

Report this comment
2
chhana Says:
June 11th, 2014 at 8:52 am
Ha ha…
Ka kut ziak hi a chhe viau naa hetiang em em chu ka ni lo in ka ring.

Report this comment
3
Natala Says:
June 12th, 2014 at 10:04 am
Ka nuih huk chu le.. a chhe ve awm khawp mai a.. an in reply pelhsawlh nasa em mai

Report this comment
4
hlatekhua Says:
June 19th, 2014 at 2:00 pm
St. Edmund’s College, Shillong-a BT Hostel Superintendent thin, Dr. B. Dutta Ray-a kha a kutziak chu a chhe ve ngang mai. Notice Board-a thil a tar te hi kan inchhiarsiak luih luih thin. Lehkha a zir lai pawhin a exam chhanna chhiar turin a zirtirtute’n an ko thin niin an sawi. Amah kha MA, BT, LLB, PhD lai a ni si.

Report this comment
5
Thathanga Says:
June 19th, 2014 at 6:23 pm
Ha ha ha…! Chhe ve awm hlawm ve aw… Kei pawh ka kutziak chhe lutuk hi kum tin teacher te’n Note thar min lei tir ziah maw le…

Report this comment
6
Awmtea Leo Khiangte Says:
June 20th, 2014 at 12:22 pm
hahaha… A kut ziak chu chhe ve awm hle mai a.

Report this comment