Ni 25.07.2014 zân khan Pianchampha phak lâwm zo thalai thenkhatin Zampuimanga thlan bulah boruak thengthaw an lo va dawngve a, an lo hlim ve viau tepawh a ni mahna le, an mit meng te pawh a lo zim deuh tawh pawh a ni maithei e, kawngpui phah bak zawh liam in, a tam zawk an boral ta a. A zialo takzet mai. Ka tawrh pui hle ani!!!
An chetsual dan leh thih chhan thu lêngvel ah; thenkhat, in ti fing fâl leh in ti fel fâl deuh ten “Awm loh natur a kan awm in, kan tih loh tur sual kan ti thin” ti in tawngkam feikibar nen an lo khawh zui zuai zuai mai pek a. “Sualna nei lo chuan dêng rawh se” tih Bible chang hmanga den let siahsiah mai tak kha ka nap hlawm!!! Ka ti ta lem lova.”Mi vanduaina diriamtu chu hrem lohin a awm lo ang.” (Thufingte 17:5) tih châng te hi kei ni erawhin vawng reng ila a tha hle.
Misual tak pawh an lo ni thei. Amaherawhchu, Angel tekhan an chhungte lo rawn hmasa ta tehreng se ” kan hnenah la cham rih rawh se” an ti ngei hian ka ring!!! Ui tu an la nei a, Hmangaih ngawih ngawih tu an la awm ve a, ngai vawng vawng tu tam takin an thlah liam a, chhungkua an la nei tih hi hria i la. Tiang lam hawia boral reng reng te an ruang zah zo lo paw’n an thlarau tal zah i la, a Kristian viau in a rinawm.
Misual tak pawh lo ni teh reng sela. Pathian ngei pawh in a “Ka thinlung ang pumi” a lo tih hial “Ka fapa Absalom, i thih ai thi thei tehreng ila” ti a tah hawm hawm tu, Lal Davida khan fapa ‘Vatirhkoh’ a sun rêng rêng lo. Fapa sual, a pa lak a hel, a pa lu lak tum zawk ani a țah ni. Kan Pathian hi Misualte thihna ah hian a lawm ngai lo; “I hmelma te hmangaih rawh” ti a min zirtir tu hi misual te tawrhna ah hian a na thin zawk a, Misual te hremna ah hian a lungche fo thin zawk a sin!!! Keini a lova thlarau chawrche zawk te kan lo khengbet ve chawt chawt mai thin hi chu a ringtu hna lo viau mai.
Sual haw tawk lek hian kan piangthar emawni ka ti thin. “Keimah avangin tlangval Absoloma chu va dim ang che u” tih thu zawm ai chuan kan diriam zawk anih hi. Lalpa’n Jeremia hnenah chuan “A nun a ka nun chhung chuanmi suaksual thihna ah hian lawmna reng reng ka nei lo” a tih kha maw le. Kan ram hi inenfiah kan mamawh sualte haw tawk leh hmusit tawk lek hian i piangthar lo teh ang u. “Ephi4:32 tin inkhawngaih tawn a lainatna neiin awm u la, Pathianin Krista a angaidam che u ang bawkin in ngaidam tawn rawh u.” Tih a ni si a.
Thihna chungthu ah hian duhthlang thei kan awmlo a. Thihna hi a chhan leh a vâng a zira nâ a nalo a nilo a; Hmangaihtu thinlungah chuan hliam a hnutchhiah hi a in ang reng fo thin. Tap te tahpui a, Lawm te lawmpui tu Kristian ni tur in kan thlarau khawhawi ti zau lehzual i la, kan lei te veng fimkhur tawh ila a van tha dawn em… Lalpan malsawm rawh se!!!
NB: Be careful with your words. Once they are said, they can be only forgiven; not forgotten!!!
Z.R.Thahmingliana
26.7.2014 / 3:22 Am Tuithiang.
(He thuziak hi lampui changkhat intawn nikhua a biak hmasak ka chan ngai loh leh tawngkamtha a min thlah bânglo tu te ; Kumin kumtir lama Fam ta Pu Para leh U Dê a tan ka hlan e.
July 28th, 2014 at 4:13 pm
Miin vanduaina an tawh laia chhungte tana ngaihthlak nuam lo tur tak tak a comment awm thin hi a pawi a ni.
Report this comment
July 28th, 2014 at 11:58 pm
Thil reng reng judgement kan lo siam hma lutuk thin. Mi pakhatin a ni awm e tih a rawn post a, lo dem nghal viau mai zel kan nia.
Report this comment
July 30th, 2014 at 10:16 am
Nia, a enga vang pawh ni ta se… Convict tu a tan hi a fuh ka ti lem lo…..
Report this comment
July 30th, 2014 at 9:29 pm
Tha hle mai a…..Blackdog quar khat lek inzoa kan chhiar
chhuah pap chu …haha
Report this comment
July 31st, 2014 at 9:25 am
i in tha hle mai… 😜😛😝😂😂
Report this comment
August 1st, 2014 at 7:50 pm
I thu hmasa ber pawh a tuartu tan chuan a ngeiawm ve tho hmel khi. Hetianga fuihna thu sawi tlak i ni bik chiah em?
Report this comment
August 2nd, 2014 at 1:59 am
A…. Ni bik chiah e…. 😊
A tuartu nih vanga thang that la tura a mawihnai thei ang bera in ziah hi a fuh ber lo, tiang khian ziak lo ila kei aia hrechiang, mi thenkhat ten a nihna fak fakin min rawn chhâl sela kan zahna zakhua a sei zawk fe ta ve ang!!! Min deng tu tur te hi lung pe hmasa ila min deng dim deuh mana tih vangin tikhian ka ti a ni e!!! Tianga ziah ngailo khian Biakina inkhawmlai chesual se ka ti daih zawk!!! Amaherawhchu, a ngai si a nih hi!!!
Report this comment
August 3rd, 2014 at 12:50 pm
A nih tak chu.
Report this comment