A tum thumna atan ZoFooty Awards chu August 12, 2014 hian sem chhuah a ni leh dawn ta, lawman sem chhuahna hun Regency Hotel ah neih a ni ang. ZoFooty Awards 2014-ah hian category pathum Player of the Year (Poty), Young Player of the Year (Ypoty) leh Coach of the Year (Coty) siam a ni a, category tinah hian nominees pa nga theuh thlan chhuah a ni. Young player of the year dawng thei tur thlan chhuah te hi MFA Registration-a Janaury 1, 1993 leh a hnu lama piang chin an ni.
Player leh Coach hi 2013/14 season-a che tha atanga thlan chhuah a ni a, Mizoram-a League sang ber Mizoram Premier League chu ngaih pawimawh ber a ni a, hei bakah hian Santosh Trophy 2014, Dr TAo Football 2014, I Day Football 2013, MPL 2 U17, National Junior Championship 2013, District hnuai inelna leh NECS Cup 2014 te chu en tel a ni bawk.
Award dawng tur hi mi 22 awmna Expert Group (60%), Mipui vote (30%) leh 2013/14 Season-a MPL Club aiawh (10%) ten an thlang ang. Vote hi sms hmanga thlan tur niin 56263444-ah a hnuaia vote dan tur tarlan hi thawn tur a ni. Sms hi August 4, 2014 Thawh\anni zan dar 12 pelh a\anga August 11, Thawh\anni zing dar 6:00 thleng thawn theih a ni.
Player of the Year
# Hming Club Vote dan tur
1 Lalbiakhlua Mizoram Police FC Zofootyawardspoty Biaktea
2 R. Malsawmtluanga Chanmari FC Zofootyawardspoty Msa
3 Reuben Zosangpuia Luangmual FC Zofootyawardspoty Reuben
4 Zico Zoremsanga Dinthar FC Zofootyawardspoty Zico
5 Zothanpuia Chanmari FC Zofootyawardspoty Thangpuia
Young Player of the Year
# Hming Club Vote dan tur
1 Jerry Mawihmingthanga Chanmari FC ZoFootyawardsypoty Jerry
2 Lalruatpuia Chanmari West FC ZoFootyawardsypoty Mama
3 Lalruatthara Chanmari FC ZoFootyawardsypoty Ruatthara
4 Vanlalbiaa Chhangte Chanmari West FC ZoFootyawardsypoty Mabiaa
5 Zothanmawia Dinthar FC ZoFootyawardsypoty T.Mawia
Coach of the Year
# Hming Club Vote dan tur
1 H. Vanlalthlanga Chanmari FC ZoFootyAwardscoty Thlanga
2 HC Zarzoliana Dinthar FC ZoFootyAwardscoty Zara
3 K. Malsawmkima Luangmual FC ZoFootyAwardscoty Mala
4 Philippe De Ridder Reitlang FC ZoFootyAwardscoty Ridder
5 T. Vanlalhluna Dinthar FC ZoFootyAwardscoty Hluna
Note : Player thlan chhuah hi Mizoram chhunga khel chauh niin hming hi alphabetical order a dah a ni.
Nominees-te bihchianna
Player of the Year
————————————
Lalbiakhlua (Mizoram Police FC)
Mizoram Police winger Lalbiakhlua hian MPL 2-ah goal riat khungin top scorer a ni a, Mizoram Police hi palina a nih pui a. Dr TAo Football-ah Mizoram top scorer niin goal li a khung a, Santosh Trophy final round-ah goal hnih a khungin Mizoram a champion ve ve a. I Day Football 2013-ah Mizoram Police semifinal a thlen pui bawk.
R. Malsawmtluanga (Chanmari FC)
Chanmari midfielder R. Malsawmtluanga hi Mizoram team-ah koh ni lo mah se MPL 2 best player a ni a, Chanmari hlawhtlinna a player pawimawh a ni. MPL 2-ah goal ruk a khung a, heng zinga goal hnih hi final-a a khung niin MPL 2-ah \um li man of the match a thlan a ni.
Reuben Zosangpuia (Luangmual FC)
Luangmual FC midfielder Reuben Zosangpuia hi MPL 2 best midfielder a ni a, MPL 2-ah goal thum khungin Luangmual FC final a thlen pui a, final leg 1-a Luangmual chak theih nan goal hnih a khung a. MPL 2-ah \um li man of the match a thlan a ni.
Zico Zoremsanga (Dinthar FC)
Zico Zoremsanga captain-na hnuaiah Mizoramin Santosh Trophy leh Dr TAo Football-ah an champion a, heng inelna pahnihah hian goal 12 khungin Mizo player zinga khung hnem ber a ni. MPL 2 phase 2 a\angin Dinthar tan khelin goal nga a khung a, \um thum hi chakna goal niin man of the match-ah \um khat thlan a ni bawk.
Zothanpuia (Chanmari FC)
Chanmari FC captain Zothanpuia hi I Day 2013, MFA Super Cup leh MPL 2 an champion-na kawnga player \angkai a ni a. Mizoramin Dr TAo Football leh Santosh Trophy an champion theih nana goal venghimtu pawimawh a niin match zawng zawng a khel kim vek a. Dr TAo Football-ah player of the Tournament-a thlan a nih bakah MPL 2 best defender a ni.
Young Player of the Year
—————————————-
Jerry Mawihmingthanga (Chanmari FC)
Chanmari FC forward Jerry Mawihmingthanga hian MPL 2 U17-ah goal 13 khungin Top Scorer a ni a, Best Player a thlan a ni bawk. Senior team-ah player pawimawh ni chho zuiin I Day football-a an champion-na goal 11 a khung a, MPL 2-ah goal li a khung bawk. Chanmari rawlthar hian Mizoram Junior team chu a vawi khatna atan 49th Junior National Football Championships for BC Roy Trophy-ah a champion pui a, he inelnaah hian goal 10 a khungin final-a Assam an hneh \umin hattrick a siam.
Lalruatpuia (Chanmari West FC)
Chanmari West keeper Lalruatpuia hi MPL kai thar tan player pawimawh a ni. 49th Junior National Football Championships for BC Roy Trophy-ah captain niin Mizoram a champion pui.
Lalruatthara (Chanmari FC)
Chanmari FC defender Lalruatthara hi season liamtaa Chanmari hlawtlinna leh Mizoram team hlawhtlinnaa player pawimawh a ni. MPL 2-ah goal hnih khungin man of the match-ah \um khat thlan a ni a, MPL 2 best defender nominee-ah telh a ni bawk. Chanmari tan left back-ah khelin Mizoram tan Dr TAo Football leh Santosh Trophy-ah central defender-ah khel mah se a \hat dan a ngai reng.
Vanlalbiaa Chhangte (Chanmari West FC)
Chanmari West FC-in Aizawl FC Academy a\angin Vanlalbiaa Changte an la lut a, season liamtaa an player tha ber zing ami a ni. MPL 2-ah goal ruk a khung bakah National Junior Championships-a Mizoram champion-na kawngah goal ruk a khung.
Zothanmawia (Dinthar FC)
Dinthar FC goalkeeper Zothanmawia hi Mizoram team-ah koh ni lo mah se MPL 2-a keeper hmuhnawm ber te zing ami a ni a. Keeper rintlak a nih avangin I League 2nd Division-ah Aizawl FC tan goal venhim hna a thawk.
Coach of the Year
—————————————————
H. Vanlalthlanga (Chanmari FC)
Chanmari FC head coach H. Vanlalthlanga’n season duhthusam a hmang a, champion theihna zawngah zawngah a champion vek. Thlanga hian Chanmari FC hi I Day Football 2013, MFA Super Cup leh MPL 2-ah a champion pui a. Tin, Mizoram team chu Dr T Ao Football-ah championin, a vawi khatna atan Santosh Trophy a champion pui bawk.
HC Zarzoliana (Dinthar FC)
Dinthar FC coach HC Zarzoliana’n NECS Cup 2014-ah Ramhlun South LC Team a champion pui a. H. Vanlalthlanga kaihhruaina hnuaiah Mizoram team chu Santosh Trophy leh Dr TAo Football-ah champion puiin, T. Vanlalhluna hnuaiah Dinthar FC chu MPL 3-ah pathumna a nih pui a, I Day Football 2013 leh MFA Super Cup-ah pahnihna an ni bawk.
K. Malsawmkima (Luangmual FC)
K. Malsawmkima hian MPL 1-a relegation playoff khel Luangmual FC-ah danglamna a thlen a, MPL 2 final a thlen pui a. Final leg 1-ah Chanmari FC an hneh a, amaherawhchu final leg 2-a an chetsual vangin pa hnihna an ni.
Philippe De Ridder (Reitlang FC)
Belgian coach Philippe De Ridder-a’n Reitlang a chhanhim a, Phase 2 atangin point thum chauh la hmu Reitlang FC a enkawl tan a. Reiek club hi season tawpah point 13 hmuh puiin hmun him zawk a hruai thlen pui.
T. Vanlalhluna (Dinthar FC)
Dinthar FC head coach T. Vanlalhluna’n local football-ah tawnhriat ngah zia hmang tangkaiin Dinthar FC chu I Day Football final a thlen pui a. MPL 2-ah bul tan tha loin Round 5-ah pasarihna la ni mah se Round 14 thlengin champion beiseina a la neih pui a. Season tawpah Dinthar FC chu MPL 2-ah pathumna a nih pui.
Similar Posts:
- ZoFooty Awards: Mizoram Player of the Year & Mizoram Coach of the Year
- Santosh Trophy 2009 Ah Mizoram Vannei Mai Thei
- Mizoram-ah football a parvul mek e
- Mizo Aw Sports : Northeast News 18.Sept.
- Mizoram football team an champion
August 16th, 2014 at 1:21 pm
First…
Report this comment
August 17th, 2014 at 2:14 pm
R.Malsawmtluanga.
Report this comment