Triau Trackx-Lungtat Par (official music video)

November 6th, 2016 10:02 am by TheHumanBot

LUNGTAT PAR CHUNGCHANG HI
(Ziaktu ka hre lo, WhatsApp forward)

Hmanlaiin Sailo lalte leh Pawih/Sukte-ho kha an indo nasa thei khawp mai a. Sailo lal zingah Vanhnuailiana kha a ropuiin Pawih do nasa ber pawl pawh a ni a, a hmingthangin a ropui bawk a, a hunlai kha tun thlenga kan sawi țhin ‘Tualte Vanglai’ an tih phahna kha a ni reng a.

Ani khan pasalțha huaisen leh hrat khawkheng tak tak, Vanapa, Zabiaka, Zampuimanga, Tawkthiala, Zaphunga leh mi dang a nei țeuh mai a. An huaisenin an ral hrat bawk a, Pawiho pawhin an ngam meuh lo a niang, do hrehawm an ti a, saui tanpuiin inremna an thlunpui ta hial a.
.
Vanhnuailiana chu Champhai a kai hnu chuan Kum 1870 hmalam hret khan, Sailo lal ropui Vanhnuailiana leh Pawih leh Sukte-ho chuan inremna thuthlung an siam ta a.

“Run tui a lehluan a, lungtat a par a, arpui meiin ban a chen hma loh chuan, kan indo tawh lovang. Chhiahhlawh tlanbo an awm pawhin, awmpui mai lo va inpek kir leh zelah,” an ti ta a ni. Chumi awm zia chu, an inremna thuthlung hi leilung dana engtikah mah thleng ngai lo tur a ni a, kumkhuain kan indo tawh lovang tihna a ni ber….

Run lui/Tui chu a let zawngin a luang ngai dawn lova…. Lungtat (Chem te, Hrei te, hmanraw dang tah hriamna hmanrua) pawh chu thil par chi a ni lova, engtikah mah a par ngai heklo vang….
Chutiang zelin Arpui mei pawhin ban a chen ngailova…

Khuarel dana thil thleng theilo, thleng ngailo tur chu inremna thuthlung atan anlo hmang a ni….

Vanhnuailiana Champhai a a lal lai chuan a khua in a kang a, sukte hal niin an sawi chu ringin a um tir a, sukte mi anhmuh apiang anva that ta mai. Chu mi hnuah lal upaten ngaihdam dil mahse sukte lamin anlo pawm silova, An inremna thuthlung chu alo tawp leh ta….

Vanhnuailiana a boral hnu chuan afapate leh pawih te, sukte te chu an indo leh ta a, Vanhnuailiana fate chuan an ngamlo deuh zawk avangin thlang an tla ta zel a… Nikuala, Vanhnuailiana rawn beltu, Vanhnuailiana fate zinga lal ni ve ta chuan a do ta a… Tiau atanga Tuichang inkar zawng hi a ramchhung ang a ni ta der a ni….

He hla ah hian a sawi tum ber ni a lang chu, ka tana rinawm tura I intiamna zo zai te chu ilo sut leh ta a, eng vang nge, rinawm tura I intiamna te zawng kha, eng mah rengin min then thei tawh dawnlo emaw ka tih laiin, hmanlai pi leh pu te intiamna, an sut leh tak, ‘Lungtat a par hma loh chuan’ ti a anlo tiam ang mai khan, Lungtat par thei ngailo angin I par tir ta mai em ni le….enga ti nge min hnawl leh si…mi bumhmang ilo ni, I tan ka rem tawh biklo e

Tih hi a hla sawi tum deuh ber chu a ni mai e….

In Lungtat a par a mi?

Tunlai chuan he hla hi a lar hle a ni ang, vawiin tlai ka haw pawh kan thenawmah hian ring deuh maiin an lo Play a. A hla thu hriat chian tumin Youtube lamah ka en zui a, hla ho leh uang tak a niah ka ngai a, ti hian ka rilru a rawn deng ta thung daih mai…

Lalpa tana thih thlenga rinawm tura intiam te hian kan va sut hma thin tak em! ‘Ringtu hawi kir te hmuh chang ni hianin chu ram chu ngaih a zual leh thin’ a tih angin kawi kir te hmel hmuh leh thin hi kan Pathian hian hreawm a va ti dawn tak em.
Kan lungtat a par ta mai em ni dawn!!

Thih thlengin rinawmin lo awm rawh, tichuan nunna lallukhum ka pe ang che. (Thup. 2:10b) a ti si a.

He hla a Nilai zan lai a a call dawn hi na a va ti tak em… Nilai zana Kohhranin Thununna thu a puan ngai thin te hi a Kohhran te tan a va hreawm thin tak em…

He call dawngtu hi chuan a mak a ti a, na pawh a ti hle, chuvang chuan a ngaidam thei tawh lo a ni, a chhan chu lung tat a par ve lo tlat…

Nimahsela, Kan Pathian chuan amah hawisan tawhtute pawh nise, sim a kan inlamlet chuan, _’Ka ngaidam dawn lo che, kan lungtat a par ve lo’ min tih khum mai lovin, min lo kuangkuah zawk thin hi a