Chakma ziakmi hmingthang S.P. Talukdar a lehkhabu, “Genesis of Indigenous Chakma Buddhists and Their Pulverization Worldwide,” ațanga Chakma te an awmna hmun Chittagong Hill Tract(CHT) ațanga hmun hrang hrangah, a bikin keimahni ah chuan Mizoramah, an pen hluaina chhan a sawi dan chuan India ram partition anih dawn khan kum 1941 census a Buddhist leh Hindu 97% awmna CHT chu Sikh tamna ram Zira leh Ferozpur chu Pakistan nen inthlengin CHT chu khing ram ka rawn sawi tak te aiah East Pakistan ah an awm ta a. Pakistan sawrkar chuan CHT awm Chakma te chu Pakistan leh Muslim sakhua dodaltu ah an rinhlelh avangin nekchepna tinrengin an nekchep phah a. An in venna ‘Excluded Area’ an nihna dan pawh kum 1963 khan hlihsak an ni a. Tribal ramah chuan Bengali Muslim chuan luhchilhin chimral tumin nasa takin an bei, kum 1941 census a Bengali Muslim 2.5% chauh kha kum 1991 ah meuh chuan 48.5% ah an kai chho dawrh tawh a ni. Hemi avang hian nasa takin Chakma ho chu an ram ațanga tlanchhia in ram dangah awmhmun an zawng ta a ni.
Tin, Chakma sing emaw zat chu an chenna ram Reing Khyong Reserve Forest ațangin Pakistan (Tuna Bangladesh ni ta) in Mizo helho bakah hel pawl dang te training na leh tawmna hmun atana a pek avangin an awmna hmun ațangin umchhuah an ni a, India ram state hrang hrang i.e., Mizoram, Arunchal Pradesh, etc ah an pemdarh phah a ni.
A tawp ber nan Chakma hovin an awmna hmun ațanga a huhova tam tham taka an pemchhuahna chhan pakhat bawk chu Industrial development chhuanlamin Karnaphulli luiag Kaptai Dam a siam a, hei hian Chakma ram 1. 036 Km a ti chhia a, an loneihna hmun 54% a tih chhiat bakah Chakma 10,000 chuang te chu an pi leh pu te hunlai ațang tawh a an chenna ram in leh ram chu a ti chhiat sak vek bawk avangin an ram ațangin an pem chhuah phah bawk.
Khing Chakma pemna chhan hrang hrang ka sawi tak te avang khian kum 1941 census ah Mizorama Chakma 5000 erh awrh vel chauh awm si kha (British hovin coolie atana an rawn hruai chambang tlem te leh Chakma hovin foreigner tax cheng 5 lai an pek țhin itna avanga lal țhenkhatin sawrkar hriatpuina awm lova an khuaa an lo awm ruk tir te) a hnu kum 10 lekah a hmun 3 aia tamin an pung chho ta a, tichuan heta țang hian kiam zai rel lovin an pung chho ta tulh tulh zel a ni.
Chakma ho tan chuan khing tih duhdahna leh nekchekpna avang chauhin Mizoramah rawn tlanchhia kan ni a, a hma awm te kha chu an tlem dan ațang ringawt pawhin eng emaw vang mai mai a awm an ni a chuvangin kan tlin lohna te ngaidamin min khawngaiha min chhawmdawl avangin Mizo te chungah lawmthu sawi sen loh kan ba tak meuh a ni ti zawk tur hi an ni.
Similar Posts:
- Mizoram hnam hrang hrang awm zat
- Taliban zingah ‘ Israel hnam bo’ an awm em ni?
- LUSHAI HILLS KHUA LEH TUI AN NI LO
- Tiger Census 2011(Dampa Tiger Reserve lam a tel velo)
- Iran in US leh UK a vau
August 6th, 2017 at 10:41 pm
A bengvar thlak hle mai. Hairehai
Report this comment
August 7th, 2017 at 12:05 pm
Report this comment
August 15th, 2017 at 6:06 pm
Tha hle mai
Report this comment
August 20th, 2017 at 8:12 pm
In va dam rei fuat fuat ve mawle:-P
Report this comment
September 2nd, 2017 at 3:24 pm
a chang chuan ka kgawngaih ve tho…india rampui dan hnuia an dikna leh chanvo kan rahbensak leh palzam lutuk hi a tha ber lo a sin. mi chak aiin dan a lal zawk… phu luih² lo teh ang u. fing takin dan hnuaiah thluak vawrh ve zawk ang u. ((( mi mal ngaihdan )))
Report this comment
September 7th, 2017 at 5:02 pm
Bangladesh chuan an sakhaw biak pui te ngei Burma atanga ral tlan te pawh an lo welcome vak chuang lo. Hnam leh sakhua ah hian kan thangharh tlang vek si a, a ruh no no chhuak ah, kan ti tlang ta deuh ber a nih hi maw.
Report this comment
September 8th, 2017 at 12:10 am
A post-tute party vang mai mai maw le. Tute nge Chakma minister-a dah? Tute nge an party GS-a Chakma dah? Tute nge dan lova Chakma khuaa tui leh êng daha zirna pe? Tute nge Chakma ADC petu? Khawi ngamtu an awm vang chauh a ni.
Report this comment
September 14th, 2017 at 12:46 pm
Citizenship amendment proposal an pawm vaih chuan kum 5 india ram a an awm chuan india mi ang a pawm nghal tur a nisi.. tribal an ni ve nghal zel bawksia.. kan future tur kan thalaite lah zu leh ruihhlo lamah an liluh zo ti tih der mai bawksia an ni lah zirna lamah an thangharh zawk bawk sia
Report this comment
September 20th, 2017 at 4:09 am
Supreme Court a kalpui bak tih theih kan nei tlem ngawtin ka ring tawh. Hairehai
Report this comment