Pi leh pute hun kha kan thlir let chuan an tawngkam hman te, an nitin khawsak dan leh khawtlang nun inkaihhruaina an kalpui dan te zir tham tam tak a awm awm e. A bikin tawngkam hman danah an fimkhur hle a, tawng malsawm leh mawi hman hun an hria a, chutih rualin khawtlang mipui nun siamthatna atana zilhna tawngkam erawh ngêng chhun hlak tur khawpa nâ te pawh a awm nawk bawk thin. A zavaiin sawi vek seng lo mah ila, tlangval mit tikham deuhte hnena zilhna tawngkam an hman thin zinga pakhat ilo thlur bing dawn teh ang. (more…)
Archive for the ‘Advice’ Category
KIANG RAWH, KA CHHÂWNIN A HEM ANG CHE!
Thursday, November 22nd, 2012Naute hrisel I duh em? Ui vulh rawh!
Monday, November 19th, 2012(A dik ngei ang ka ti law, zirbingtute’n an sawi tlat thung si a.. 
)
Thlalak hi entirna mai a ni e… 
Nu leh pa, naute nei mai turte khan lo chhinchhiah teh u. Naupiang panga zinga pakhat zelin allergy an vei thin avangin, I naute duat takin allergy a vei loh/tlem nan, ui lei rawh le.
Henry Ford Hsopital-a mithiam te’n an zirbingna chungchang Journal of allergy and clinical immunology-a tarlan dan chuan, nuin nau a pai laia ui/zawhte an chenpui hian, allergy thlentu pakhat, taksa ralveng zing a mi IgE antibodies an taksaah a hniam zawk fe niin an sawi. Taksa ralvengtu zinga IgE hi tangkai mah se, taksa mamawh aia sang a awm chuan naupangah allergy leh thawhah (asthma) thlentu an ni thei thung.
Ngaihdan siam hmat lutuk hi…
Sunday, November 18th, 2012High School zirlai pakhat, Science lam tui leh thiamthei tak mai hian Biology(Zoology) Subject-ah experiment a buaipui ve nasa mai a. Khaukhuap lian tha tak mai hi a man a, a dawhkanah chuan a han dah ang ren rawn a, hnai ang set sawt atang chuan, “Zuang rawh” a han ti tuar mai a, Khaukhuap pawh chu thuawih hmel takin a zuang dawrh mai a. A han man leh a, a bawppui pakhat chu a han thlawn a, “Zuang rawh” a han ti leh a. Chutiang chuan a ke te chu a mal te tein a thlawn zel a, “Zuang rawh” tiin a au zel a. A ke a thlawn tam tial tial chuan, Khaukhuap chu a han zuang ve na a, a zuang sang lo tial tial a, a ke zawng zawng a thlawn vek hnuah phei chuan, han au teh thin mahse, Khaukhuap chuan chetsawn reng a tum ta lo mai a ni. (Ke pakhat mah neilo chuan zuan(per) ngaihna awm hek lo).
Tichuan, hlawhtling inti takin chu Science zirlai chuan, a lehkhabu a han keu a, uluk takin heti hian a thil hmuhchhuah thar chu a ziak ta kalh a; “Khaukhuap hi a ke zawng zawng thlawn vek chuan, ‘Bengngawng’ a lo ni thin, engmah thil sawi a hre thei tawh lo” tiin.
He Zirlai hian kan nuih a tizain a thil enchhin ve hi a hmu thelh chiang hlein ka hre theuh awm e. Keini hi enge maw kan nih bik le? Facebook-ah te mi chhiatna lam eng eng emaw te miin an han post a, thu chiang hriat hma hauhvin, kan rindan ang angin, na tak tak leh tawng chhe tak takin kan comment thin. A hnuah thil hrechiang zawk ten thil nihdan an han sawichiang a, kan rindan kha a lo ni lem thin si lo a, kan dem bawih bawih kha a dik zawk te an lo ni reng a, mi duk daklo tak tak emaw kan tih te kha, kan rin ang an lo ni lem thin lo. Phairam Khawi khua emawa hmeichhe pahnih khat lo che mawilo leh hnamdang nena an thlalak duk daklo tak te han hmuh changin, phaia mizo nula awm zawng zawng demin kan dem tawh mai thin a, “Delhi-a mizo nula zawng zawng chu nupuia neih tlak loh ang thaw thang ten kan sawi tawh mai thin a ni lovem ni le?
Labour Registration ti duh tan.
Wednesday, November 7th, 2012In veng chhung ah emaw, in khaw chhung ah emaw, sawrkar hna thawk lo, harsa ve bawk si an awm teuh in a rinawm a, Chung ho tan a hamthatna neih theih dan hrang hrang ka rawn sawi dawn a, a ti duh in awm chuan Directorate of Labour, Employment & Industrial Training Department Office, Upper Republic (Bethesda Building) bul ah lo kal se, kan lo pui dawn nia.
A hnuai a ka rawn tarlan tur hi member an nih theih dan tur leh hamthatna an dawn theih dan tur hrang hrang te a ni a, Mizoram tan bik hi chuan Central Sawrkarin Students admission fee hi member in kum khat an nih tlin hma in claim min phal sak a(Rs. 1500, student pakhat tan),a bak zawng hi chu member kum 1 an nih tlin hnu a claim theih vek a ni. Tun ah hian registration ti tawh hi mi 1000 bawr vel an awm tawh a, students admission rawn claim hi 200 bawr vel an awm tawh bawk. Hre chiang duh tan office ah emaw www.workerswelfareboard.mizoram.gov.in ah ngaihven theih a ni e. Mi dang te tanpui tur in kan in peih reng a, ngaihven duh leh hre chiang duh chuan Office hour chhungin ngaihven theih reng a ni e.
GOVERNMENT OF MIZORAM
MIZORAM BUILDING & OTHER CONSTRUCTION
WORKERS WELFARE BOARD
HNATHAWKTUTE TANA HAMTHATNA
Mizoram Building & Other Construction Workers Welfare Board hi ‘Building & Other Construction Workers’ (Regulation of Employment & Conditions of Service) Act, 1996’ tlawhchhana din a ni a, hemi hnuaiah hian Welfare Fund siam niin, chumi atana member nih dan leh hlawkna awm te hetiang hi a ni.
Member nih dan:- India khua leh tui dik tak kum 18-60 inkar inhlawhfate hi member an ni thei a, chungte chu a hnuaia tarlan ang hi a ni.
Thianghlimna 135
Tuesday, November 6th, 2012Mi bawlhhlawh chuan thinlung thianghlim a nei thei lo va, pâwnlam tenawmna chuan chhûngril lam bawlhhlawhna a tilang thin. Thianghlimna hlutzia hi tam takin kan hrefiah zo lo fo. A ropuina leh mawina hi hmu-in hrethiam ni ila, a pâr mawina hi thliah kan tum lo tûr.
A nih leh, chu thianghlimna chu tû tâna vawnhim tûr nge? Tam tak chuan kan kawppui te tâna invawng thianghlim chauh ni maiin kan inngai fo. A dik lo ka ti hauh lo, mahse chu aia hlu chu a awm asin.
Ka ram tan enge ka tih ve ang..!
Monday, November 5th, 2012Damtein Pathian zarah kan awm a, ni leh thla te lo ral zelin kum hial a lo vei ve zel a. Kum a lo tam a, kan taksa chakna pawhin rawih lam a pan tial tial bawk a. Tunhmaa nuam kan lo tih ṭhin – sava veh, lui kal, thingphurh, tawlailir chuan te chu tunah chuan hmanlai changin “Ṭhing”nih a hlawh zo ta. He khawvel ṭah leh lungngaihna ramah hian HUN hian kan hringnun min nghak ngai si lo, par ang kan chuai a, vanglaini a liam a, vankhaw-puia kan chawlh hun tur lah tumah hian kan dawn phal ngai silo.
Manganna te, hlauhna te, mahni inrintawklohna te hian kan thinlung a tiṭhuanawp fo ṭhin a, chu chuan kan thlarau nun thlengin nghawng a nei ṭhin a lo nih hi ! Mihring, beiseina neilo nun chu an bula awm a hahthlak a, a hreawm ṭhin. Chuvangin, mahni infuiha thilṭha lo thleng tura beisei neia nung te chuan he lei hi Pathian zarah nuam tak leh hlim takin an hmang thei dawn a ni. Hmalam huna a thil ṭha lo thleng thei tur chuan ‘Mahni’kan pawimawh a, beisei tur thilṭha kan ngaihtuah thiam a ṭul hle bawk. Chu chu hriain he kan vanglai hun hi hmang ṭha ila, theihtawp chhuaha thawkin, chhungkaw tan, khawtlang tan, ram tan thil ṭha tia mi chhinchhiahtlak ni tur in nun tum tlang ila, kan ram pawhin hma a sawn phah ngeiin a rinawm. Chutilozawng, kan hringnun kephah lumin he lei a rah tawp ruala kan hming a bo ve nghal mai a nih chuan kan nun hi a pamhmai palh hlauh dah a nge.
Ka inkhawmna a tanga ka thil ngaihtuah..!
Monday, November 5th, 2012Nu upa lam hi a lo dingchhuak a
Bible chang a chhiar hma chuan ”Ka upa deuh tawha, ka mit te pawh hi a fiah tawhlo a, ka hmuh tha thei tawhloh a vangin ka chhiar sual lai te a awm chuan khawngaihin minlo hrethiam dawn nia” ti in a lo sawi chhuak a, chu thu a sawi chuan kan mit that lai leh kan hrisel that lai te hian Bible chhiar hnem leh Biakin lam pana inkhawm hram hram thin tur a nih zia min hriat chhuah tira. Nakinah ah chuan kan kum te a lo upa ang a, kan mit te fiahlo in, kan hriselna te pawhin pan lam a lo pan ang a, chu mi hunah chuan tun ang hun kan vanglai hun hi kan la ngai ngei ang le! Kan mit a that lai hian Bible hi chiar ve thin ila, kan hrisel that lai hian inkhawm ve thin ang u.Pastor a lo dingchhuak ve a
Davida, Solomona leh Paula te chanchin a lo sawi chiam a, naupan lai a tanga ka hriat hnu, Kanu leh Pa in ninawm khawpa minlo hrilh thin a nih a vangin ka lo ning ru deuh riau a, hriat hnu hriat reng chu va ninawm deuh ve ti in ka ngaihtuah neuh neuh a, chutia ka ning deuh vang chuan a thusawi pawh chu ka ngaithla mumal peihlo a, thildang daih hi ka ngaihtuaha(thlemna te pawh a ni mahna :D) zan lam ka lo mut that loh a vang leh Pastor thusawi ka nin deuh a vang chuan reilo te ah ka mut a lo chhuak a, ka mutlu deuh reng ta mai a Pastor thusawi chhung zawng chuan..
Tunlai ah chuan Pathian thu hi History angin kan sawi tawha, John-a chuan, Paul-a chuan.. Zakai-a chuan.. ti te in. Mahse Pathian thu hi History nilo in Science a ni. Science chu a tih a tih a ngai a, Mi chanchin leh an thil tha tih hmanga midang zirtira siamthat kan tum ve ringawt chuan a harsa deuh ang.. Pathian thu hi sawichhawn leh ringawt turin zirin chhiarlo i la, zawm, nunpui leh tih ve turin chhiar i la, zir zawk ang u..:)
HACHIKO
Wednesday, October 31st, 2012Hnunga kawl-ek thai
Khawvel changkanna ka umphak ngailoh ang bawkin, ka tawnhriatte pawh hi a hnukhawi lam a ni fo. Kekawrtlang arh an uar laiin leina sum ka neih zawh loh avangin kekawrtlang parallel ka ha a. Kekawr arh ka lei ve theih hun meuh chuan a tlangzuih an uar leh ta bawk si. Chuvangin thuamhnaw ka neih chhun chhun ka ha lawr mai a. Tunlai mi te’n fashion an tih hian ka tan awmzia reng a nei ngailo.
Chutiang zelin, mi fate’n lemchan hmuhnawm tia an sawi vul chuk pawh, an sawi peih tawh loh hnuah ka’n en ve thei chauh a. En hmasa ber niawm fahranin ka’n tlangaupui lehnghal chiam thin a nih hi.
Ui fing leh rinawm
Ka thuziak pakhatah Hachiko, Akita Inu breed (chi), ui fing leh rinawm chungchang hi ka ziak lang tawh a. A pu tana a rinawmzia ka hre ve, mahse chuti teh ualin ka ngaihven lem lo.
Kar hmasa lawk khan ka naute pahnih, Office atanga Dasara sweet ka hawn ei turin ka room an rawn leng hlauh mai a. Uite buaipuia, an tana nun leh hun hmang tih takah, ka room banga ui chi hrang hrang (breed-chart) ka tar chu an en vat a. Hachiko lemchan (film) hmuhnawm tak chungchang an sawi chhuak a; lemchan en tur a neih thu min hrilh bawk. Tin, chu ui fing leh rinawm tak avanga a mittui a tlak hial thu min hrilh bawk.
Leitlangpui
Friday, October 26th, 2012High sikul kal lai
Inla-khawpui cheng ve tawkin Rahsiveng mawngah mi inhnuai chep tak luahin lehkha kan zir thin a. Kha’ng laia Lunglei khawpui ropui ka tih thinzia kha aw. Lunglei kan zin hma hauha kan nu leh pa te’n an sawi fo Town hall bula fly over bridge te chu lawn/zawh kan chak ve em em thin. Vawikhat chu pawl riat kan zir kumin, MZP hun hman avangin Town hall kal a ngai hlauh mai a. Chumi ni chuan leilawn ropuiah chuan ka lawn ve. Ka va’n hawi kual nasa tak!
Town bus hi engzat tak awm maw?
Leilawn ropui atanga lirthei inzui zut zut mai chu hmuhnawm ti takin ka thlir a. Lunglei kan zin changa town bus kan chuanna thin kan hmuh baka town bus hrang hrang ka’n hmu te chu hmuhnawm tak a ni. Ngawi teh Bus neitu hming, Bus hmalama an tar pawh ka la hre thei asin. L.H. Sailo, L.H. Vannawla, tih te a nih kha maw le. Town bus panga vel lai ka’n thlir liam zet kha chuan heng bus zozai hian mihring an phur zel bawk si a, an va indaihzai tak em ka ti thin.
Aizawl khawpui
Tin heti hi a ni a. Lunglei khawpuia kum nga zet ka chen ve hnu chuan ka tlangnel ta phian a. Ngai teh Mizoram khawpui Aizawl ka va zin zet chuan Lunglei ai ngawt chuan a lo ropui teh e. Town bus reng hmuh tur awm tawh lovin, City bus ngat an insulpel zut zut a. Han chhiar theih chi rual a ni lo. Kan lam hawia rawn tlan mek a awm laiin, a rawn zui tu a awm a. Min tlan pel chiah emaw tih laiin kan hnung lama tlan a awm zel bawk si. An va indaihzai tak e ka ti leh ringawt thin.
Hmasawn nge hnungtawlh?
Hun te a ral zel a, zirna avanga Aizawl khawpuia kum nga zet ka awm leh hnu chuan lirthei a pung, city bus thar lah a pung bawk. Mahse, lunglei ka haw erawhin Lungleia cheng te hi an hausa ta thut nge, an rethei tlabal zawk ka hrethiam lo! Town bus ka hmuh thin te chu hmuh tur reng an awm lo. Chuan man to zawk tak chawiin Auto rickshaw-in kan in sawh bawp bawp a. Keini ang duang tan chuan, veng hla deuha leng chhuak tur paw’n a ngaihna a awm hlawl lo. Mahse, tun hnaiah Lunglei khawpuiah pawh Town Bus pariat an tlan tan leh tawh niin ka hria a, ralkhat atangin ka lo lawm ve em em.
(more…)
Bawkbawn leh Samtawk bai.
Tuesday, October 23rd, 2012A chawlhpawlh tawk tur pawh a eirawngbawl thiam takin an han siam hi chu atui ani tawp mai. Mizo nih man hi a awm thin.
A bul thum atangin aw.
Patlingin hreipui leh chempui nen kawla ni chhuak chhiara hmun hla takah lo a vat a, a kut te chu a durh pilh hrep hrup a, a duhtak a nupui biang pawh zut ngam awm lo khawpin a pilh pheng phung thin. Lam hla anih phei chuan chhung leh kua te thlahlel theilo leh awp lum hman lovin a riah chhuah a ngai fo thin. Thawmhnaw mawi leh nalh te chu hre tho mahse inbel na hun a nei meuh lo. Lo a han vat zo a, hahchawlhna hun tlem te a neih chu am takin a hmang thin. A thlan a dai emaw chauh tihin lo hal turin a inpuahchah a, mahni inrawh palh pawh thil awl tak, mitam takin an nunna an chan phah hial tawh reng a nih hi.
Kangmei chhuah hlauin rilru tawngtaina nen hah thikula alo vah chu an hal leh a, a tan khawvel hi a hahthlak bik hle mai. Meikang nasa tak venga, thin thi lo leka a hun a hman hnu ah pawh a hna thawh tur chu a hma a a thawh aia let atam ala awm a, hahchawlh na hian a hmuak lo chiang kher asin.
Lo a hal zo chiah a, ni thar alo thlenin kangvar a tlawh leh angai a, a kan that leh that loh a hriat chian a ngai, alo kang tha em em lo tlangpui leh nghal chuan, hrehawm pawisa lovin alo chu a thenfai alo ngai leh a, mang a han khawh leh te te a, taksa mawina khuh bo vekin a bal dum leh ta niau mai le. Officer ni hlim hnuaia hnathawk a lo ei ru thin te nen an din hmun chu lei leh van an sawi ang vel ani ber mai.
Ka tawn...
