High School zirlai pakhat, Science lam tui leh thiamthei tak mai hian Biology(Zoology) Subject-ah experiment a buaipui ve nasa mai a. Khaukhuap lian tha tak mai hi a man a, a dawhkanah chuan a han dah ang ren rawn a, hnai ang set sawt atang chuan, “Zuang rawh” a han ti tuar mai a, Khaukhuap pawh chu thuawih hmel takin a zuang dawrh mai a. A han man leh a, a bawppui pakhat chu a han thlawn a, “Zuang rawh” a han ti leh a. Chutiang chuan a ke te chu a mal te tein a thlawn zel a, “Zuang rawh” tiin a au zel a. A ke a thlawn tam tial tial chuan, Khaukhuap chu a han zuang ve na a, a zuang sang lo tial tial a, a ke zawng zawng a thlawn vek hnuah phei chuan, han au teh thin mahse, Khaukhuap chuan chetsawn reng a tum ta lo mai a ni. (Ke pakhat mah neilo chuan zuan(per) ngaihna awm hek lo).
Tichuan, hlawhtling inti takin chu Science zirlai chuan, a lehkhabu a han keu a, uluk takin heti hian a thil hmuhchhuah thar chu a ziak ta kalh a; “Khaukhuap hi a ke zawng zawng thlawn vek chuan, ‘Bengngawng’ a lo ni thin, engmah thil sawi a hre thei tawh lo” tiin.
He Zirlai hian kan nuih a tizain a thil enchhin ve hi a hmu thelh chiang hlein ka hre theuh awm e. Keini hi enge maw kan nih bik le? Facebook-ah te mi chhiatna lam eng eng emaw te miin an han post a, thu chiang hriat hma hauhvin, kan rindan ang angin, na tak tak leh tawng chhe tak takin kan comment thin. A hnuah thil hrechiang zawk ten thil nihdan an han sawichiang a, kan rindan kha a lo ni lem thin si lo a, kan dem bawih bawih kha a dik zawk te an lo ni reng a, mi duk daklo tak tak emaw kan tih te kha, kan rin ang an lo ni lem thin lo. Phairam Khawi khua emawa hmeichhe pahnih khat lo che mawilo leh hnamdang nena an thlalak duk daklo tak te han hmuh changin, phaia mizo nula awm zawng zawng demin kan dem tawh mai thin a, “Delhi-a mizo nula zawng zawng chu nupuia neih tlak loh ang thaw thang ten kan sawi tawh mai thin a ni lovem ni le?
Nu hmeltha leh la valai tak hi veng pakhatah a fate pahnih la naupang tak tak te nen an rawn awm thar a. A fate pahnih chu an kawtzawl phul vela hlim taka an infiam lai chuan, pavalai tak pahnih hian tlai tin deuh thaw hi an rawn tlawh thin a, rei tak tak an leng thin a. An thenawmte chuan, an thenawma hmeithai hmeltha tak chu mi dukdaklo tak leh fate pawh ngaihthah thak khawpa tlangval duh leh tawmpui thin angin an sawi tan a, an hmu nikhua lo ta hle mai a, an veng atanga hnawhchhuah hial te an sawi tan ta mai a.
Amaherawhchu, thil an han tih dawn tak tak lai chuan, chu nu chu a thi ta mai a, thu dik tak chu hriatchhuah a lo ni ta a. Chu nu khawngaihthlak tak chu, pasal sun hlim deuh hlawt anih bakah, amah ngei pawh chuan Cancer natna tihdam rual loh a lo vei hi alo ni reng mai a, Pa pahnih rawn tlawha rei tak tak rawn leng thinte pawh chu, a nau tlangval leh a Doctor rawn lai an lo ni reng mai hi a lo ni a, diklo tak taka lo sawi vak vak thin tute chuan an hnar an hmu ta rauh rauh mai a ni.
Genevieve thawnthua a pasal ral rama awm hliam tuar laiin, a nupui dawta uirea an puh chunga tihlum nghal tura thu a pe ringawt fuhloh zia te kha kan hriat ka ring. A hnuah thudik a hre leh si a, Lal mah nisela, a hlim theih reng reng tawh loh kha.
Mihring mizia hi hetiang hi ani thin tih hi Kan Lal Isua khan a lo hrechiang ngang a niang, amah zuitute kha a hrilh a hrilh mai anih kha. “Sawisel suh u, sawisela in awm loh nan. In sawisel ang bawkin an sawisel ang che u; in tehna ngai bawkin an tehsak leh ang che u” (Matthaia 7:1-2) a lo ti a.
“Engatinge, mahni mita khanchhuk awm chu ngaihtuah si lovin, I unau mita hmawlh te tak te a wm chu I hmuh ni?” (V.3) a lo ti bawk a ni
Mi chungchang a chhe lam kan sawi dawnin, thu chiang hriatchian hmasak leh, a sawitu keimah hi engnge ka nih? Tih hi inngaihtuah hmasak thin a tha khawp mai.
Similar Posts:
- Tial Tial
- Chhangchhe Thufing
- Ho mai mai
- Tui hmanga inenkawl dan
- Khau chi hrang hrangte leh an chanchin
November 18th, 2012 at 6:36 pm
A dik khawp mai. Kan thu hriat apiang dik tura ngai nghal ngawt, kan duh loh zawng deuh a nih phei chuan tawngkam duhtui lem lo taka lo tawngpawng rak ve vak ching kan tam mai. Chhut ngun hmasak peih hi a finthlak fo a ni.
‘Hmat’ tih tawngkam ngei pawh khi ka hriat tirh chuan tawng hman dan dik lo hulhual emaw tiin ka lo sawi chiam chiam thin a, chutiang awzawng a lo ni si lo.
Report this comment
November 18th, 2012 at 6:44 pm
chhiar hmain, hmat tih hi tawngkam pangngai ah kan hmang thin emni? #1 hlatekhua hian lo sawifiah thei se a va tha dawn em!
Report this comment
November 18th, 2012 at 6:54 pm
Thu kal lam leh haw lam hriat hma a lo tawng/sawi ve vak vak hi thil tha ani lo reng ani.
Report this comment
November 18th, 2012 at 7:00 pm
aduhi@2, ‘hmat’ tih hi Mizoram chhim lamah chuan tawngkam pangngaiah an lo hmang reng a lo ni (hma – hmat), pulpit tawngkamah pawh an hmang. Han sawifiah vak ngaihna pawh ka hre chuang lo, post-tupa hian a sawi chiang thiam daih zawkin ka ring.
Report this comment
November 18th, 2012 at 7:01 pm
Aduhi, in la nau deuh a ni. hmat chu hma modified form a nia. ha(put on) modified form hak ani ang hian. na(painful) pawh nat ani thei. Etc,etc…
Report this comment
November 18th, 2012 at 7:02 pm
paws tha tak a ni
Report this comment
November 18th, 2012 at 7:16 pm
ok fiah uar e.
Report this comment
November 18th, 2012 at 8:07 pm
Ngaihtuah a ti thui …..
Report this comment
November 18th, 2012 at 8:52 pm
Pu Pk, i va ziak tha tak em! Hei hi Mizo ze thalo te zinga mi ani. Mi chungchang a chhe lam sawi puat puat mai, thudik anih leh nih loh pawh fiah hauh lova kan thil hriatte sawichhawn hi kan sim theilo. Post tha tak ani.
Facebook leh Misual ah te pawh hian tawngkam hi kan thlahdah lek lek thin. Misual phei chu nick nena comment thin kan nih vang hian tawng huai a awl deuh a, mahse hei pawh hi a tha ka tilo. Amah kha va hrelo mahila a tawngkam/comment atangin amah kan ngaihdan kha kan thinlungah hian impression nghet leh chiang tak a awm zel.
hmat tih tawngkam hi keipawh a pai lek lek em aw ka tia, in lo sawifiah tawh tho na a keimah ah chuan a la he ru tlat tho mai
Report this comment
November 18th, 2012 at 9:12 pm
Report this comment
November 18th, 2012 at 9:19 pm
Sheldy, ziak leh ziah tih nen hian a controversial deuh chu anih hi. ‘Ziak’ ang deuhvin ‘hma’ tih pawh hi a hman luih vek theih na a, ‘hmat’ han tih hi chuan ‘ziah’ han tih ang deuhvin, a dik zawk mah asin. A lai lo thuai mai ang.
Report this comment
November 18th, 2012 at 9:25 pm
Pu Pk, i hmang diklo ka ti miahlo, keimahah a lai deuh ka ti chauh
Mizotawng hausak ve dan a lo langah ka ngai. He ram zim te ah hian chhim leh hmar tawngkam an danglam ve riau te hi a tha a nia. I post a that nen hmat chungchang kan sawi tam ta mah mah em!!
Report this comment
November 18th, 2012 at 9:29 pm
‘Hmat’ tih hi Mizoram hmar lam, Aizawl velah te hi chuan (k)an hmang ngai lo tih theih a ni; ‘hma’ ti vekin (k)an sawi mai thin. Pai deuh riaua kan hria a nih pawhin a mak lo. Tunah pawh a dik lohna ka hre miah lo chung hian ni deuh hu chuan ka la hre fan. ‘Ziak’ leh ‘ziah’ tih anga hmun hrang hranga hman pawlh ang hi chu a ni chiah lo deuhin ka hria.
Report this comment
November 18th, 2012 at 10:02 pm
hmat hi ka hman ngai pawh ka hre lo…
hmar lama ka awm hnua ka hriat thar ve leh thung chu..bual-bawlh e.g ‘naute bual nan chuan a vawt deuh’- ‘naute bawlh nan chuan a vawt deuh’..ka hriat tirh chuan ka hawi hu hu mai 
Report this comment
November 18th, 2012 at 10:21 pm
Hman lai hian lal a awm a. A lal a hrawt nasa hle a, lainatna leh khawngaihna a nei ngai meuh lo. Tum khat chu an kutpui-ah a khua leh tui te’n lal nungrawng tak neih thatlohzia an lalin a hriatthiam theihna turin lemchan an en tir a. Mahse an lal kha amah an tih chhan a ni tih hre lek lovin a KHEK ring ringah a tang leh ta tlat mai a nih kha! DRAMA PARTY chuan an thil tum chu an thelh ve chiang ngawt ang!
Thil pawimawh tak a ni. Keipawh hian ka tisual fo thin. Muang changa BENG PAHNIH nena thutlukna siam hi a lo ziaawm ber mai.
Mahse duh aiin mizote hi mi nunah kan buai hma lutuk hi a mak ka ti tulh tulh. Kan hmusit em em Chakma pawh kan tluk lo nasa! Patling than kin tawh – puitling deuh tur awma ka ngaihte pawh hi ka rin aiin an lo NULA leh zek thin!
Report this comment
November 18th, 2012 at 10:37 pm
Paws tha leh ril, awmze nei tak a ni e.
Mahse, ‘hmat’ tih tak mai khi chu ka paidam thei lo a ni e. Naupang tawng la thiam tha vak lovin a hman ka hre tawh a, a dik lo tih ka hrilh nghal mai. Tunah pawh ka bulah hmang leh se, a dik lo tih ka hrilh leh tho vang.
Report this comment
November 18th, 2012 at 10:42 pm
Like-na awm se hei chuan like-tu ava nei thahnem leh dawn em.Tha takzet.
Report this comment
November 18th, 2012 at 11:40 pm
Post thra tak ani..
‘Hmat’ tih khi adik lohna a awmlo.. Tuipuiral( khawchhak lam, mizo hla phuah thiam hmasate chawrchhuahna) ah pawh kan hmang thrin tlat ani..
Report this comment
November 18th, 2012 at 11:54 pm
Hmat – kan tawng pangngai chu nive e, he thuah erawh hi chuan ‘hma’ hman zawk tur anih hmel. ‘Ngaihdan siam hmat lutuk hi..’ tih a ni a, ‘hma lutuk hi..’ tih zawk awm tak niin ka lo ngai. ‘Ngaihdan siam hmat aleiah…’ tih anih si loh chuan.
Report this comment
November 19th, 2012 at 12:00 am
‘Hmat’ tih hi khawchhak lam tlangdungah pawh hmang kan awm tho ania.’HMA’ hi a mood kan thlak chuan ‘HMAT’ a ni a. Entirnan: LI/LIK/LI, tih ang ang hian HMA/HMAT/HMA…tiin a hmanna zirin a mood kan thlak ve thin.
Chuan, heta a thupui ziah dan,”Ngaihdan siam hmat lutuk hi…” tih hi ka pawm viau mai.
Report this comment
November 19th, 2012 at 12:18 am
Mizo tawng kan zir paha atha zel e. Regional variation thil anih hmel a, kan pawm tlan theih hun ala awm mai ang.
Report this comment
November 19th, 2012 at 9:20 am
Post tha tak a nih hi maw le..
Comment-tu paw’n in tidik vek e, in hriatdan leh ngaihdan chuan.
Kan khuaah chuan Au ka ti thau thau ang tih te pawh min tihrechhuak e. 
Report this comment
November 19th, 2012 at 12:24 pm
Keini lamah chuan ‘hma’ hi a mood a zirin ‘hma’ tih thovin kan hmang thin; mahse a thluk erawh kan tidanglam thin. “Kan vo va kal hma ang e, kal hma loh chuan kan tlai palh ang e,” tih angte hian kan hmang thin.
Report this comment
November 19th, 2012 at 1:11 pm
A van tha e
Report this comment
November 19th, 2012 at 6:45 pm
Good post. Ka mamawh lai tak a ni.
Report this comment
November 19th, 2012 at 7:45 pm
A thupui khi ka chhiar zawh vek pawhin ‘HMAT’ tih hi a dikna tur reng reng ka hmu lo!!! He tawngkam hi chu MIZO TAWNG dik a ni hauh lo.
A thuin a ken erawh a tha khawp mai ‘ U turu bawng thuai’!!!
Report this comment
November 19th, 2012 at 8:42 pm
Pu pka post pawh hi a fb deuh raih zel tawh mai ah
Report this comment
November 19th, 2012 at 11:30 pm
#15 chakma chungchang i sawi hi ka rilru a kalo ngaihtuah, ka sawi chhuah ngam loh a ni e.
Report this comment
November 20th, 2012 at 7:33 am
A tha dang2 khwp mai.. Bible chang rwn xeuh khi a tha teuh2 khwp mai… Kan ciar lai khan midang kha gaihtuah na ah a wm ang th a hlauh wm, mah ni gei in en ciang ila te ka lo ti ve nuah2 a.
Report this comment
November 20th, 2012 at 9:25 am
Pu Pkfanai iva post tha thuai2 ve a. . .nang nge2 Pu Pkfanaia kha ila ni reng e,you are the one !!!
Report this comment
November 21st, 2012 at 3:08 am
Thra khawp mai.
A tawp siamna pawh -> Mi chungchang a chhe lam kan sawi dawnin, thu chiang hriatchian hmasak leh, a sawitu keimah hi engnge ka nih? Tih hi inngaihtuah hmasak thin a tha khawp mai.
Nia, kan finfiah (Prove) hmasa zel tur ani, achhan chu ‘Thutak chu hrilhfiah leh finfiah theih ani’ – ‘Truth can be explained and proved.’
Report this comment
November 21st, 2012 at 8:55 pm
Report this comment