August 13th, 2010 1:00 pm a Lonelyboy post “Courier service rintlak deuh deuh te a list chhuah a, Fedex express chungchang a ziah hi Aizawl ah hian Agent an awm ve em? A ziah dan hi ka hrethiam chiah lova. Khawngaihin sawi chiang deuh se ka van ti em!!! Ka lawm ngawt ang.
Archive for the ‘Ask | Help | Suggest’ Category
Fedex Express chungchang
Wednesday, October 24th, 2012Ka thiannu kha…!!
Tuesday, October 16th, 2012He ka thu rawn ziah tur hi Kum 2006 bawr vel nita in ka hria a ka thiannu Class – IX kan nih laia kan Classmate in a chanchin min hrilh, tun hnua a nun zawng zawng nghawng chhe vek tu a nih thu ka hriat leh hnuhnawh chungchang a ni a, tawngkam ka thiam loh avangin ka sawi ngaihnawm chiah lo maithei a, mahse ka rilru a hneh em avangin ka thiam ang angin ka rawn ziak ve a ni a, a chhiar dan leh ngaihdan min lo thiam sak mai a niang chu….
Ka thiannu hian a chanchin hi mi dangin an hriat a duh vak loh avangin hming leh khua ka ziak lang lo mai ang. October thla tir khan Phai atangin kan chhungkua ah engeng emaw harsatna a awm avangin kan khua ah ka haw a, ka thiannu chu leng turin ka sawm a, tunhma a School kan kal ho thin lai te leh kan tun hma chanchin te kan sawi lai chuan, hmana ka hrilh che kha i la hria em a ti a, enge min hrilh kha aw? ka ti a, a sawi chhuak ta a, kha tih hun lai khan kan la naupang deuh a, chiang takin engmah ka lo hre tawh der lo mai a. Ti hian a sawi ta a:-
“Kha tih hun lai khan KTP leh YMA ah te theih ang tawk tawk in ka in hmang ve thin a, zan khat chu YMA President leh Committee Member pakhat hian zanin chu Silchar lam atangin Damdawi an rawn phur dawn a, YMA in Report kan dawn avangin Duty turin lokal ve rawh se tiin ka chhungte hnenah chuan an rawn sawi a, ka chhungte chuan chutiang te chu va kal ve rawh min ti a, ka kal ve ta a, Motor in min phura kan Pathum chauh chuan kan chuang a, mahse Duty tur an lo ni awzawng lo mai a, hmun hla takah min phura, khawnge kan kal dawn ka ti a, sawtah ti ringawtin min chhang a, thui tak kan kal hnu chuan kawng sirah hian thlam ruak tawh lam hi a awm a, tah chuan min hruai luta, min sual an tum ta a.
(more…)
Mizo hnam hrang hrang inchei-ah Chakma inchei nalh ber!
Monday, September 24th, 2012Anthurium Festival chungchang kha mi(sual) ho hian kan hre chiang hlawm hlein a rinawm a, a hre kimchang lo ber pawh ka ni zawk maithei(?) Festival neihna hmunah ka kal ve theih miau loh avangin internet lamah ka bihzui ve reng a, heta tang hian Festival lam hawi eng eng emaw chu ka hre ve nial nual chauh a ni.
Ka hre tlem viau e ti lo chuan he ‘thil pakhat’ hian ka ngeng zu chhun riau va – Mizo hnam hrang hrang incheiah Chakma te chuan Inchei nalh ber lawmman an la! An intihsiakna hming pawh “Zo hnahthlak, hnam hrang hrang incheina” a ni awm e!
Facebook Group pakhata post ka chhiarah phei chuan heti hian an ziak nghe nghe a. “Anthurium Festival-ah Mizo hnam hrang hrang inchei-ah Chakma chu inchei nalh berah thlan an ni a. Chakma cultural Dance ah vai hla an play ul ul mai ka han hmuh kha chu Mak!! hi ka tia.. Pi Rii’n lawmman an hlan hnap kha!! Chakma hnam hi Zo hnahthlakah hian kei chuan pawm a har ka ti..” tiin.
Mitthi in
Tuesday, September 18th, 2012Kum sawm liam ta vel khan kan veng chhunga chhiatni that ni a kan intawiawm dan leh, a bik takin chhiatni a tlawmngaihna kan kalpui dan sawi hona neih a ni a. He tah hian kan veng parawn ve tak mai pakhat chuan thlanlai tura hlawhfa rawih a rawt a, mitinin an sawi a, an nuihzabur a ni deuh ber mai. Mahse, hun a lo liam zel a tunah chuan a mak vak tawh tlat lo. Kan nunphung leh khawsak dan te a lo danglam zel a, kan hnam dan leh khawsak phung pawh kan nunze mil a her rem zel a lo ngai ve thin a ni. Hmun tamtak a awlsam tak a la tih theih hi hmun thenkhatah chuan tih ngaihna awm lo a ni chho mek zel a ni.
Hmanni deuh khan kan nau pakhat chu lungnain a thi a, a thih hun hi zanlai a nih avangin buai pawh a thuah hnih hle a ni. An awmna lai hi khawpui lai li lai a ni a, in pawh a bit ve hle a, an in lah chu lian lem lo ve tak mai a ni si a. A ruang an han zalh a,a ruang kiltuten an han kil fel chuan an in chu a khat a ni deuh der mai a. Ruah a la tla deuh reng mai lehnghal a, tlawmngai a min tlaivar puitute an zahawm duh khawp mai.
He tihian ka ngaihtuah ta a, kan khawtlang a mitthi an awm hian kan buaiin mitin mai hian tihtur(duty) kan nei vek mai a ni ber a. A langsar zual te kan hriat hnu vek mah nise han tarlang ila,
- Mitthi inchhung thenfai leh an bungrua te hmun hima seng hawi.
- A rangthei ang bera vengchhung information atang a inhriattir.
- Chhiatni thatni bik a hman tur YMA bungraw lak .
- Thingpui lumna tur thingfak lak. (hmun thenkhatah chuan gas thuk leh cylinder a ni ang)
- Har, thingpui lumna tur buatsaih a ruahsur pawh a buai lo tura a chung zar hul.
- A rang lam a mitthi kuang a khung leh thuthleng rem fel.
- Khawhar hla saa zai. Tlaivar a ngaih leh tlaivarpui.
- Thlan laih leh thlan chhilh.
- Mitthi buhfai khawn.
- Mitthi vuina a kal.
- Zan thum chhung lenkhawm(YMA hun)
- An remchan hun leh an ngaimawh dan azirin lenpui(bithliah awm lo)
- Khawhar in riah.
Aizawl ah Diesel a to bik em ni ??
Sunday, September 16th, 2012Thiante u, hei chu ngaihtuah ngun a va ngai em ? Vawiin tlaiah khan Aizawla Petrol Pump thenkhat chuan, Diesel man bithiah pangngai aia sang a hralh a ni tlat mai. Zing lamah, Vanglaini ah rate bithliah thar rawn tar chhuakin, ram pumah Rs. 5.60 a to thu kan hmu a. hei hi Tv news lamah te pawh kan hmu bawk a. Vanglainiah chuan Aizawlah chuan hetiang hian rate thar ber tarlan a ni.
Diesel – Rs. 46.25 per Litre. Xtramile – Rs.51.25 per Litre tiin. MAHSE kan motor tir chhuakin va lak tir ka tum a, a man hi Rs. 65/- per Litre an lo ti daih mai a, Station nghaktute phone a ka zawh pawhin hei hi a rate dik chu a nia lawm an lo ti tlat si a, Lunglei lam ka han zawt ve leh a, Rs. 5.60/- in a lawm a to an lo ti bawk si a, Thuneitute hi an awm a nih ngai chuan chhui fiah ngai a va ni mai awm em.
Khawi lai rate nge an base a, Lunglei aia a to bik le ? tih hi ka zawhna a ni.
Mizote hi engnge kan an ve le ???
Thursday, September 13th, 2012
Dt 9 September 2012, zing dar 5:30 am khan, Delhi atangin, car in Agra kan pan a. He mi tuma kan chuanna car khalhtu hi Punjabi fa pahnih nei tawh, mahse la thalai tak, kum 28 vel hi a ni.
Delhi leh Agra inkar hi Kms 200 a ni (awm e). Delhi atang kan chhuah hnu hian, Toll gate pahnih kan pel tawh a, mahse driver chuan motor chu a tlan muantir hle mai a. Midang motor te chuan min tlan pel zur zur reng mai a, keini lah, driver in a khalh chak duh der silo.
Kei motor khalh muang thanglo tak chuan,”Ngatinge, motor a tlan chak thei nange” ti in, ka zawt ta ngawt mai a.A ni chuan, tawng lemlo chuan, speed limit sign anlo tar chu min kawhhmuh ri ngawt a…..speed limit “30” tih alo chuang kiau a. “Midang te saw” tih pahin, min tlan pel zung zungtu te chu ka han kawk a, “an ni chu, an mahni thu a lawm, kei chu, ka ram a nia. Dan hi keima tan a nia, khualzinte himna tura Dan siam a ni a, mi in Dan an zawm loh chuan, hremna an tawk thei a, an accident thei bawk a, Dan zawm lo/ fimkhur lo te avangin, midangte pawh in tawh sual an tawk thei a ni. ka pu, Dan a awm chuan zawm mai hi a tha ber” a ti a. Ka rilru te te chuan, “I la naupan ang reng nen, thisen lum, ‘tlan chak nuam ti rual’ i nih teh lul nen le, i fel mange” ka ti ta mai mai a.
Help!
Thursday, September 13th, 2012PHOTON PLUS LEH KARBONN SMART TABLET HMANGA INTERNET CONNECT DAN MIN LO HRILH HRAM TEH U.
Karbonn Smart tablet (Android 4.0) ah hian tata photon plus a support lo nge? Ka settings dik loh vang zawk? Internet ka lut thei miah lo mai! PC atang chuan ka connect thei mai bawk sia. Tata indicom hi ka hmang ngai silova.
Khawngaihin configuration settings vel leh Access point nen tih dan min lo hrilh hram teh u.
Ka lawm viau ang.
Help, Urgent
Saturday, September 1st, 2012
Khitiang map siam nan khian eng software nge an hman hria in awm chuan a lawmawm ngawt ang. Garmin mapsource ah ka ti chhin a a in ang miah lo. Map khi en chiang (zoom) ula, a line in draw dan te, leh a border a latitude, longitude awm te khi eng map drawing software ah nge a tih theih ang?
Zawhna ho te
Friday, August 31st, 2012August (Thi tin thla) ni hnuhnung ber ni hian khawnge September (Mim kut thla) hian chawlh a awm em tih en a Mizoram calender 2012 ka han keu vel chu, kan naupan laia Thi tin thla (August) kan tih thin kha Thlazing a lo ni ta daih mai, engtik lai atang nge Thlazing hi a lo nih le? Ka lo hre dik lo char char zawk nge, misual (fel si) hre chiang deuhin min han hrilh teh u..
In thian
DTR
Zawhna 3 chauh
Wednesday, August 22nd, 2012- Kan taksa a tattoo chhut/siam hi Pathian thu takin sual a ni em?
- Pathian hla hi heavy metal music/dead metal music/growling or screaming etc a sak hi sual a ni em?
- Kristian te ni serh ( Sunday ) a hnathawh hi (a bikin vairamah) sual a ni em?
