Archive for the ‘Information’ Category
Chin TV Interview with Mami Varte
Monday, July 29th, 2013
VILLAGE EMPLOYMENT COUNCIL
Saturday, July 20th, 2013A tum : Sorkar laipui chuan India rama thingtlang miretheih te khaichhuahna atan chhungkaw tin hnenah an dam khawchhuahna tura pawimawh ei leh in an hmuh ve theihna turin an duh phawt chuan sorkar kumkhat chhungin Ni Za tal thiam thil zir belh ngai chuang lova inhlawhna siam sak a tum a. Lo neih lama thar chhuah tipung tur leh Pathian thilsiam khuarel thil tichereu lo leh siamtha leh tura hmalak kawnga Mirethei te tana inhlawhna siam sak hi a tum bulpui ber chu a ni. He ruahmanna hi mirethei te chanvo (Right) anih zia leh tumahin an namnul sak theih lohna turin India rama Rorelna sang ber, Parliament chuan August 23, 2005 khan “Dan” ni turin a lo pass ta a, he Dan hi Mahatma Gandhi National Rural Employment Guarantee Act, 2005 tih a ni.
Mizoram sorkar chuan Mahatma Gandhi National Rural Employment Guarantee Act, 2005 tihhlawhtlin kawngah 2009 khan ‘Mizoram Rural Employment Guarantee Schemes, 2009’ a duang a. Chuta tarlan anih dan ang chuan khawtinah Village Employment Council (VEC) awm turin leh Block level-ah Block Employment Council (BEC) leh District level-ah District Employment Council (DEC) awm turin a Scheme Para 7-ah hian tarlan a ni.
Mizoram-ah hian Part – 9 of the Constitution of India (Panchayati Raj) kalpui a ni rih lova, 6th Schedule anga enkawl kan la ni. 6th Schedule hnuaia Village Council hi din a nihphungah ram hmasawnna hna thawk tura duan a ni lova, Dan hmanga tualchhung roreltu (Police administration ?) tur an ni. Mipui hmasawnna hna (Welfare programme/scheme) siam a, enkawl a, tihlawhtling tura duan an ni lo. Amaherawh chu, tunlai khawvel thang zelah, hengte pawh hi khawih tel tir an lo ni ta a. Khawtina mipui thlan roreltu (Village Council) kan neih te hi an nghet mawh em em mai a. Kan Dan hman mekah hian sorkarin a nawm a maka awlsam tea thiah theih an nihna lai a awm a. A bik takin, Autonomous District Councils kan neih ho hnuaia Village Councils te phei chuan pawngsual an tawk zing malh malh hle a ni. Thingtlang hmasawnna tura ruahmanna eng engemaw ten a sukuk phah fo thin.
(more…)
Gettysburg indona rapthlak kum 150 tlinna.
Tuesday, July 16th, 2013July 1863 chu Gettysburg leh a chhehvel a American civil war lai a mihring nunna hmun khat a channa rapthlak ber a ni. Tun kum, kum 2013 hi chumi kum 150 na denchhenin, khami hmun vel a thil thleng chu a ang thei ang ber a lemchan an tum thu chu chanchinbu chi hrang hrangah tar a ni chiai chuai a. Kei pawh chuan chhiar vein, ka fanu zirlai tan American history a zirna tha tak tur a nih theih ka beisei bakah, hetiang han hmuh ve hrim hrim ka lo chak bawk nen chuan ka chhungte chu hruai ve ngei ka tum ta a ni.
MZU Registrar Thar Pu C. Zothankhuma, IDAS
Wednesday, July 10th, 2013MZU Registrar thar atan Pu C. Zothankhuma, Indian Defence Accounts Service (IDAS) chuan June ni 20, 2013 khan a hna a zawm ta.
Pu C. Zothankhuma hi Mizo Historian lar Pu C. Chhuanvawra fapa niin Leithum, Champhai khuaa piang a ni a. MA (History) a zawh hnuin IDAS-ah a inziak tling leh a. Controller of Defence Accounts (CDA) hna Guwahati-ah a chelh mek laiin MZU-in Deputation-a a sawm angin MZU Registrar turin Zoram lam a pan ta a ni.
Mizote zingah IDAS hi kan la tam lo hle mai a, Upa Dr. PC Biaksiama kha IDAS ah chuan mi tam zawkin kan hriat lar pawl a ni awm e. Pu C. Zothankhuma hi Guwahati Mizo Presbyterian Kohhran Upa atana thlan niin, Zoram Pawn Presbytery pawhin kum 2010 khan Upa atan a lo nemnghet tawh a ni.
Srinagar-ah Terrorist an hrang !
Tuesday, June 25th, 2013HizbulMujahideen hel pawl ni a hriat mi pahnih te chuan Monday June 24 2013 khan Srinagarah Sipai Convoy an lambun a, Sipai 8 an thi a, 14-in hliam an tuar.
Heng mi pahnih te hian zirlai tuition la tur bike chhuhsakin Hyderpora bypass, Airport-Lal Chowk road, private hospital bulah dingin Sipai Motor chu an lo phar ding a, an kawrfual hnuai atangin silai an phawrh a, an kah chilh ta ngheng mai a ni. An kahna a hnai bawk a, a hmunah hian mi 8 an thi nghal a, 14-in hliam an tuar ta a ni.
Hel pahnih te hi an bike chhuhsak hmang chuan an tlan chhe nghal a, mahse Barzulla an thlen chuan check post P.M & Sonia kal dawn avanga an siam chu an tawn a ngai a. Grenade an vawm a, silaiin an kap bawk a, Santro car dum hmangin an tlan bo zui ta a ni.
Heng Sipai thi te zingah hian Mizo pahnih Hlu-a leh Ngheta te chu lu a silaimu lut tuar lovin an thi a, Davida’n a banah hliam a tuar a, silaimu pathumin a fuh a, pahnih an tang ni awm e.
Chhiar belh duh tan : https://www.facebook.com/photo.php?fbid=551858604850018&set=gm.672329386127685&type=1&theater
Census 2011 final report
Friday, June 21st, 2013Census 2011 chungchang hi post a la awm lo tlatin ka hria a, June ni 13 khan chanchinbu hrang hrangah a lo chhuak a, kan lo hmu ve tawh maithei a. Ka rawn dah ve leh hrim hrim e.
Source: Vanglaini.org
India chhiarpui 2011-a mihring zat chu tihfel a ni ta a; Mizoramah mihring 10,97,206 an awm a, mihring zat aṭanga teha ziak leh chhiat thiam zat (literacy) chu 91.33% a ni. Mizoram bika primary census abstract chu nimin khan Aizawl Press Club-ah MJA president, C Lalrambuatsaiha’n a tlangzarh a, hei hi tihdanglam tawh loh tur, kum 2021 chhiarpui thlenga rin tawh tur a ni.
Mizorama mihring zat 10,97,206 zingah hian mipa 5,55,339 leh hmeichhia 5,41,867 an ni a; kum 2001 aṭanga 2011-a mihring punna chu 23.48% a ni. India ram puma mihring zat chu 1,21,05,69, 573 (mipa 62,31,21,843 leh hmeichhia 58,74,47,730) a ni a, 2001 chhiarpui aia a punna chu 17.7% a ni. 2011 chhiarpuia provisional report lo tihchhuah tawhah chuan Mizorama mihring zat hi 10,91,014 a ni a, final report-ah hian mi 6,192-in an pun belh a ni.
Mizorama district zingah, Mamit district-ah mihring punna sang berin, 2001 aṭangin 2011-ah 37.56%-in an pung a, a dawttu Lawngtlai district-ah 34.59%-in an pung. Mihring punna rate hniam ber, Champhai district-ah chuan 16.65%-in an pung a, Lunglei district (17.64%)-in an dawt.
TUI TLAK/CHETSUALNA HMUNA HRIAT TURTE
Saturday, June 15th, 20131. Tui tla chu nikhaw hre lova a thawk loh chuan a thawkna dawt hnawh theitu a awm leh awm loh en a, Artificial respiration tih nghal tur a ni. A lungphu a tawp chuan Cardiopulmonary Resuscitation (CPR) tih nghal vat tur a ni.
2. Tui tla chu blanket emaw towel emaw puan awm ang anga tuam lum a tha hle.
3. Chuapa tui tihchhuah tum avanga tui tla a letling zawnga khai emaw lu lam hniam zawka muttir emaw hi tih miah loh tur.
4. Darkar khat tal i beih hma loh chuan beidawng mai suh la, damdawiin panpui ran dan ngaihtuah vat ang che.
5. Tui tla chu rawn harh chhuakin tha viauin lang mah se damdawiinah darkar 24 tal awm tir a, a taksaa harsatna/natna awm theite lakah ven tur a ni. Tui tlak venna Vaccine hi hmuhchhuah a la nih loh avangin tui tlak laka inveng turin mahni theuh kan pawimawh a ni.
MAHNI CHAUHVIN TUI CHENG SUH….. 
YMA Day (78-na) Chibai vek u le!
Saturday, June 15th, 2013Thuhma: Kum 2008 YMA Day kha mi(sual).com a ka post ( YMA Day leh Father’s Day ) hmasak ber ni a ni a. Kum hnih chhung teh meuh mai comment tu a hmu zo lo a, zam awm duh ve deuh chu a ni! Tichuan, 2010 October thla ah chhana‘n a comment a, khawngaih mark nen! Aug 2011 ah Asteric in a comment leh a. 2012 comment lut lehin kum tin comment a la lut ve ta ziah a. Vawi khat post na a ni bawk si a, a va han zahthlak tel deuh duh reuh tak em!
YMA (Young Mizo Association) kan tih hi Young Lushai Association tih hming pu in June ni 15, 1935 ah christian missionary te leh kristian hmasa mi thahnem ngai ten an din a ni a. An din chhan ber chu kristianna in kan ram a tuam hluai takah chuan Zawlbuk kai an tlem tial tial a. Governor meuh pawhin revive tum mahse a theih tak loh ah chuan kan missionary thenkhat te leh kohhran hruaitu ten Zawlbuk aiawh zo tur kawng dang an dap ta a.
Tichuan June ni 3, 1935 ah missionary Miss Katie Hughes (Pi Zaii) inah chuan committee koh a ni ta a. A hmingah “Young Mizo Kristian Association” tih chu rawtna awm mahse a huam kim lo a an hriat avangin Rev David Edward (Zoram Pa) rawtna “Young Lushai Association” tih chu pawm tlangin June ni 15, 1935 atanga bul tan turin an rel thlu ta a ni. India Independent a lo nih khan Zohnahthlak hrang hrang te a huam kim theih nan October ni 7, 1947 khan “Young Mizo Association” tih in thlak a ni.
Tu te nge member chu?
Mi tu pawh, Zohnahthlak tawh phawt kum 14 chin chunglam chu member ah an qualified a. Upat zawng erawh peih chen chen niin ri an kham lo. Member ni tur hian annual member turin cheng 2 leh cheng za pek a ngai a (Hei hi CYMA website a an ciah dan a nia ka chiang bik lo ~ VaiVa). Member tu pawh kum nga aia rei member ni tawh chuan an awmna branch kaltlangin Central Executive Committee (CEC) hnenah Life time membership a dil thei bawk a ni.
YMA hi all India organisation niin barnch hi Mizoram, Manipur, Assam, Nagaland, Meghalaya leh Tripura ah te din a ni a. Societies Registration Act (Act XXI of 1860) hnuaiah Registration No. SR4 of 1977 a ziah luh a ni. (more…)
Hliam enkawl dan
Saturday, June 15th, 2013Mizote hi tualchhung damdawi hre tam, zir lem lova damdawi inchawh mai mai ching kan ni a. Mahse, inhliam chungchanga vantlang mipui hriat atana tha thenkhat lo sawifiah dawn ila :
1. Inzai kak palh/pem/thi reng reng chu a rang thei ang bera tui luang (Running water)-a silfai nghal a, a thi chu puan thianghlim fai hmuh theih ang anga tuam a, a thi reh tura tuam tur a ni. Tawn khalh hi tih miah loh tur, a sawt lo. Damdawiin panpui nghal vat a tha bawk.
2. Ke, ban leh ruh chuktuah ulh palh a nih chuan a rawn vung nghal tawlh tawlh thin a. Hetiangah hi chuan vur tlang Polythene-a tuam emaw tui vawt thei ang berah deh vang veng tur. Hei hian a vung nasa leh thisen tling tur te a veng a, a na a ti reh deuh thei bawk. Tuilum chi al-a deh tur a ni lo.
3. Taksa khawilai pawh a lo vung a, khua a sik tel bawk chuan natna hrik vang a ni tih a hriat a, hnai insiam mai thei a ni tih hriat tur a ni. Hetiang hi tuiluma deh reng reng loh tur a ni, a na/tur ut ut a insiam phah zawk thei, Doctor pan vat mai a finthlak ber.
4. Tuilum chi al hi damdawi tha tak a nih laiin a hmanna tur hriat a tha. Ruh chuktuah leh taksa na emaw, che tha thei loah te, kawng leh nghawng, dar na satliahah tuilum chi al-a deh hi a tha hle a ni. Damdawi man tlawm si a ni. Ke ulh na rei deuh tawh te hi tuilum chi al-a dehin a ti nuam hle thin bawk.
MCA vs BE/BTech
Monday, June 10th, 2013Mi tam tak in mi zawh fo leh, angaih dan an sawi fo, mahse dik lo tlat te an ni.
MCA = B.Tech an ti ngawt thin a, a dik tawk loh na rawn tarlang i la, A dik a ni ti ho chuan in tan hmun rawn khawh ve teh u.
Therefore,
MCA ≠ B.Tech / BE
I reh vang...
