mi(sual).com

Taxi chu a ding a, a chhung atang chuan tlangval sa tha lam, hang lampang hi a rawn chhuak a. A tarmit vuah lai chu a la thla a, a kawr nghawngah chuan a khai a. Thimhlim zanriah ei hun vel a ni tawh a, bazar dawr thenkhat chu an inkhar tan tawh a.

A awmna lai chu khawpui pawn deuh a ni a, mihring hmuh tur pawh an awm pheuh pheuh chauh a ni. A thlangah chuan chawhmeh leh second-hand dawr a awm, tih loh chu dawr dang hmuh tur a awm lo.

Ruah mal a tla sep sep a, sihen (tourch light) hman nan chuan ala eng mah mah a, hman loh erawh chuan thil a hmuh fiah hleih theih tawh loh thung. Thli fim a tleh heuh heuhva, boruak erawh a vawt lutuk lo thung

Tlangval chu an in lam panin in lianpui pahnih ding kara kawng te reuh te-ah chuan a kal thla a. Eng an la chhit loh avangin a kal kawng chu a phone eng chuan a en a. kawng lun lo tak anih avangin tumah tawh tur an awm lova, a reh thuap mai a ni. Chutia khaw nal taka fimkhur taka a kal lai chuan, a hnunglam atang chuan hmeichhe aw hian a rawn au ta a! Thianpa, lo ding lawk teh?” a rawn ti a. Tlangval chu rang takin a hawi let nghal a.

A awmna atanga hla vak lo, patling hlam nga vel leka hlaah chuan nula hmeltha tak mai alam pana lo kal chu a hmu a. A hleitlingin pian pawh a thiam kher mai. Kawr ban bul chhawhchhibuhpawlh rawn a ha a, pawnfen a khup khuh phalo chiah chiah a feng bawk a, a chawn var sar mai leh thimhlim-thimin a lan hneh zo loh, a ban, a nghawng leh a hmai var no sar maite chu a nalh kher mai. Kalkawng a chep em avangin a nihliap khum lai chu a zip tha a, tin, ruah hmi a tlak ssep sep avangin a kawr leh pawnfente chu an hnawm vek a. A fenhnuai leh naute chaw funna te chu an lang tlang thei a.
. (more…)

Post a tam lo thin bawk a, post leh rawih mai teh ang…. A ho mai mai in ti em lovang chu maw..

Mizo ten kan hman lar em em leh kan tawng ang mai a naupang atanga tar thleng a kan hman, dik silo; POWER sawi nan a kan hman CURRENT tih hi, mizo mipui zawng zawng hian engtin nge kan hman dik theih ang? Misual dot com atang hian hma lak dan a awm em?

A zahthlak tlat in ka hria. Khawvel chu sawi loh, India pawh la ni lo, kan thenawm  NE state ho ah pawh hian Mizoram ah chuan Current kan nei chhia  han ti ila, enge chhia an hre miah lovang… Power kan nei chhia ti ila keini pawh kan nei tha biklo an ti maithei a ni. Heti a nih avang hian khawvel mai nilo NE state zingah pawh Power sawi nan current tih hmang chu mizo chiah hi kan nih avangin kan thlak hi a tul in ka hria. Keimahni in kan hria a, a tawk tih mai a nilo, hnam dangin kan sawi an hriat ve zel theih a tul a ni.

Mizo mipui in he kan tawngkam hman lar diklo em em mai hi a dik zawk a kan hman theihna turin engtia hma lak chi nge ni ang le??

Ti ve leh ngawt ila….

High school class VIII kan kal lai hian kan school building sak that a nih avangin  Community Hall chei tha in school atan kan hmanga a, class hrang hrang partation wall kha dap bang a pin hran thliah thliah a ni a. Lei (Chhuat) atang a khup chen vel a sang atangin dap chu tah tan a ni a, a hnuai lam chu a kaw tlang vek a ni. Tum khat chu lunch break kan hmang kha dar rik hnu ah thian pakhat nen kan lut ve dawn chauh a, partation wall hnuai atang chuan kan class ah teacher an awm leh awm loh kan han bih dek dek a, teacher thutna chair leh dawhkan vel ah chuan ke hmuh tur a  awm lova, Teacher an lo la lut lovah kan ngai a, chuvang chuan ngampa takin kawngka ah pawh lut ta lo chuan partation wall hnuai atang chuan kan lut ta a.  Kei pek chuan dawhkan a chalk bung awm chu chuh in blackboard ah chuan thil ka’n ziak nghal ngawt a, ka thianpa chuan boruak chu kungfu pet dan chi khat flying kick an tih ang hian a’n pet ve bawk a, kan thiante lo thu ho chuan  ngawi rengin min lo en a, kan han hawi  thui deuh a, room kil lam ah chuan kan teacher tawng zawi deuh mai zaidam ber bawk si khan zirlai bu a lo chhiar mek chu niin…. kan han hmu thut mai chu…. He he.. tih bak sawi tur kan hre lo ve khawp mai… he he….

ZONET Cable pawt kan ni a, hman zan chu tihtur ka nei lo chuan Local Programme-ah hmuhnawm ka zawng kual e ka ti a, mahse mak ka tih deuh mai chu heng – ZONET Daifim, ZONET Senhri, ZONET Nauban, ZONET Dingdi, ZONET Zamzo -ah te hian Korean film hlir an lo pe nia!!!!! Hetiang bawka nasa hian LPS lam pawhin an Local Channel tam takah an chhuah ve tho a ni awm e.

Hetah hian mipui chu a mawh phurtu hmasa kan ni. A chhan chu kan en duhzawng a nih miau vang te pawh a ni mahna. Mahse, (kan ti ve lawk) Zonet leh LPS neitute lam hi an insawifihlim mah mah em aw…… Dan (Law) atang chuan lo insawi fihlim thei ta pawh ni sela Vanramah hian an insawifihlim ve thei ang em?

Tin, Korean Film hi sual a ni e ka ti lo va, a tha lo pawh ka ti ngawt lem lo. Mahse, he Mizo hnam hian he Korean Film hi kan la zo lo deuh chu a ni tih kan tleirawlte nunah hian a hriat ta khawp mai, a then an cher tawlh tawlh a, a then an dâng tawlh tawlh a, an then an lo OD a, a then lah an muhlum ta hial bawk a!

Thil pangngai, tha takte pawh hi a hmangtuin kan zei loh luatah hian kan hmang sual leh thin! Kan hman thiam loh tur hi chu inchhawp loh mai hi a tha, chu chu Korean film chungchangah pawh hian ka ngaihdan dik tak chu a ni e.

Tin, kan Cable TV neitute pawhin mipui en chak zawng mah ni se, a mipuite hian kan chhiatpui miau si chuan Kristian ram kan nihna angin han pe chhuak duh tawh lo ngam ngat mai se, an va ngaihsanawm lehzual dawn em! Chungte avang chuan Pathian zarah an chân nasat phah lutuk chuang lawng chu maw. Chutichuan, Chanchin Tha nena inmawi rengin an chhuah tur te hi han thlifim ta sela Malsawmna hi an dawn phah lehzual lawng maw ka ti ve  a ni.

Khawnge  tun tum chu kan ram ngei a thil mak thleng hi tlemazawng i lo sawi ve hrim hrim dawn thung teh ang…..

Pu CHALLIANA RUL HMUH MAK: 2000 Feburary khan Pu Challiana chu IVA lui ah chakai khawrh turin a kal a. IVA lui hi Leithum khua leh Sazep inkara awm a ni a, a kam tuak tuak a phairuang hmun sang pui pui awmna a ni. Leithum kai atanga kilometer chanve vel a thlen chuan thawm mak deuh mai thlawhna thlawk ri vut vut ang hi a hre ta a. A thawm hriatna lam chu a, mahse engmah a hmulova, thawm ri lah chu angai reng bawk si a.

Thawm ri lo chhuahna chu a awmna atanga hlam 7 vel a ni a; chutah a awmna atanga hlam 20 velah chuan rul mak deuh mai chu a hmu ta. A mitvai emaw a ti hial a, amit chu an nuai chat chat a, mahse a mitvai a ni azawnglo mai. Amah chuan hmuh thianglo hmu angah a inngai a, a tawngtai nghal nghe nghe a ni. Chu rul chu gas bur tiat vela lian, a lu bawng lu tiat vel, a tukhuma thlikthlidir nei leh a lu atanga 2ft vela fep nei a ni a.

A taksa chu a mum pul mai a, a mit chu a sen in a kual val pup bawk a. Hlam 20 vela thui chu a taksa a hmu a, mahse a hmu kim lo. He a rul hmuh hi Sazep ram chhaklam Mualvum lam pana tleng a ni a. A hmutu pa Pu Challiana hi pa rinawm tak dawt sawi ve mai mai ngailo niin an sawi. A rul hmuh hi a hlauh em avangin a tlan haw san a, eng chena sei nge anih a hrelova, mahse a rin dan chuan hlam 30 – 40 bawr vela sei chu anih a ring a ni.

(more…)

Chet chhiatna in sawi thin lai khan sawi tur ka hre mai thin lo pek a, computer hma a thut loh lai hian rilru ah a lo lang zut zut lawi si. Hei tunah pakhat ka hre chhuak hlauh e. He ka chet chhiatna ang tak che chhia hi in awm ve em maw chu..!

1983 khan Shillong a lehkha ka zir laiin, Laitumkhrah thingpui dawr pakhat ah hian singara (vai chhang) hi pakhat  duli (50P) in a sobji nen ka ei thin a, tum khat chu duli (50P) chiah ka nei a, ei tur chuan ka han lut  ve leh a, an buai deuh avang min rawn ngaihven hman vak lova, minute 3/4 vel chu ka thu awm e, chutah banga an thil tar lehkha them chu ka hmu ta a, ngawi rengin ka chhuak nal nal….

Singara 75P tih mai te hi.

Tukchhuah nuam ule.