Archive for the ‘Zu’ Category

Vaivakawn Axis ATM

Thursday, July 28th, 2011

Vaivakawn Axis ATM ah sawn security te riak/inthlakna tur ATM awmna hnung-ah a awm a, ATM dangah te pawh a awm thin tho a. Date 17-july-2011 (Sunday) khan pawisa la chhuak turin ka lut ve a, zu rim hi a nam huka, ngaih chu a tha chiah lo na a, “ATM chhungah em em chuan zu in an awm dawn em ni” ka tia.

ATM chhunglam (a hnunglam room) thawm atang chuan mi pahnih/pathum an awm tih chu a hriat a, chuan pawisa ka lak lai reng chuan ATM-ah chuan mipa pakhat a lo lut a, room hnunglamah chuan a lut tlang a, chuan ka chhuah dawn-ah chuan mipa pahnih (Pakhat zawk Helmet var keng) an lut tlang leh a.

Hetiang hi kan ATM vengtu te dinhmun anih avang hian, customer ATM-a pawisa la chhuak tur tan chuan a him lo hle ani. Bank lama thawk leh Security Agency te hian hetiang thil thleng mekah hian engtin emaw hma lak theih nise, mipui te kan him theih zawk nan.


Posted in Opinion, Zu | 47 Comments »

MLTP Act tangkaina te

Wednesday, July 13th, 2011

MLTP Act tangkaina chi 7 ve thung aw!!

Hmanni Vanglaini a Zu tangkaina hrang hrang 20 tih pu zahawm tak Lt. Colonel Lalthlamuana ziah kha kan chhiar vekin a rinawm a. Zu a duh loh zia chiang takin a rawn sawi a, amah ang kha Mizo tamzawk chu kan ni awm e. Mahse zu a duh loh vanga MLTP Act hlih a duh loh thu a rawn sawi kha a ngaihtuah chiang em aw ti in kei thingtlangpa mimawl ve tak hian ka ngaihtuah mai mai a. Chuvang chuan MLTP Act kan hman lai mek tangkai na nia ka hriat ve ka han thailang ve mai mai teh ang.

1.MLTP Act hi Mizoram ah chuan rethei leh hausa te inkar zau zia tilang tu a ni. Mi rethei ten nitin zu siamchawp fun hnih thum lek lek vanga Jail run thim an pan lai hian a nei zo tan chuan Local zu mai nilo India ram zu tha, Foreign zu thleng in intur an hmuh reng vangin.

2.Mizo te kan Kristianna dal zia tilang tu a ni. Kristian za a za inti si a kan ram ah Eirukna, Uirena, thil tithei in tlawnsiakna, tham na a tam em em a, chutih lai chuan tha awm takin kan inkhawm dual dual a, hetiang chiah hian zu khap na, zu awmlohna der angin mikhual te mithmuhah lan kan tum a, tupawh a duh chuan in tur an hmu reng lawi si a, hei hi Kristianna kawr a kan hman ang chiah bawk.

3.Kan ram thanmawh bawk a ni. India ram State tamtak hian zu atanga chhiah an dawn hi hmasawnna a tan a source ah an hmang nase em em a. Mahse Mizoram ah chuan Sorkar in chhiah pakhat mah a hmuh loh lai in a hlawkna chu zu zuar teleh a tawlhru tuten an tel tawk tawk reng lawi si.

(more…)

Posted in Mizoram, Zu | 80 Comments »

Mizoram tourism, MLTP act khawih telin!!

Thursday, June 30th, 2011

Goa ah ka zin a, a hmun a nuam in a mi chengte an fel khawp mai a. Khawi dawr ah poh kal ila, dawr lian emaw /a te emaw biak an nuam em em vek mai a. Tourist an tamna chhan saw an beach neih vang chauh a nilo, a mi chengte fel vang leh inphah hniam vangin zinmite tana hmun nuam leh “destination” pakhat a ni ka ti lo theilo.

A zalen em em bawk. Goa a kum khatah kar khat vel na na engmah ngaihtuah lova sapa tal chak tam tak an awm pawh hi ka thiam tho mai. Mihringte tana nuam ber chu zalenna hi ani si a.

Ka haw kawnga, ka thil ngaihtuah ber chu, Mizoram hi hmun mawi tak ani a, engvangin nge Tourist kan neih ve miah loh. Goa ah chuan beach a awm a, Mizoramah chuan tlang mawi tak tak leh boruak thiang tak kan nei a. Forest tha tak leh lui luang, sava hram ri karah , thli a thaw veuh veh a.

(more…)

Posted in Mizoram, Opinion, Travel, Zu | 56 Comments »

ZU aiin, Total Prohibition hi kan thalaite hmelma a ni?

Monday, June 27th, 2011

Phunchawng verandah chuan pa pakhat ti ti kan ngaithla thap a, ..a sawitu pa chuan a sawi chhun zawm zel a.“…chutih lai chuan tunlai angin mobile ala awm vaklo a, excise anlo lan chiah hian naupang lo intualchai (infiam) mek te chuan, awmze nei takin thirhrui ban an han vaw-ri a, ramhnuai/dai ah zu sa ho chuan an hnathawhlai chu an thuk ru sang sang thin. Signal an inpek that thin avangin Excise ho pawh an hlawh chham  fo a, mahse ‘a tre a tre-ning’ na na chuan ‘tak-tik’ hran hmang in an hlawh tling ve leh tho thin.

Excise hovin an man, zu siamtu (a neitu pa) chuan a hnathawktu Balma pa chu a ai-ah, hlawh neiin  a tan tir a. Balma pa, Balma ram a hnathawh tur neilo, mi harsa ve tak tan chuan, chu chu hna (Job) tha tak a ni. “Mizoramah e nge I tih thin”, tia zawhna chu “ ka tang thin” tiin an chhang mai thin. Hlawh neiin, pu te ai an tang a, Jailah lah chaw tha a hun takah an ei bawk a, riahna chawi ngai lo bawk nen,  hlawh an la nei zui…zu case  a vanga tan chhung lah a reilo bawk si.

Excise hovin zu an han man a,  an han sua sam a, an leih bua a…mahse ‘reeem’ a hnek in, an hloh te hmu chhuak leh turin an bei nasa sauh thin. Dai a tanga an rawn lak chhuah hian, Rs 300/- RV in Rs 500 in an rawn la a, Aizawl lamin Rs 800/- in an la chhawng ve leh a.

(more…)

Posted in Opinion, Zu | 107 Comments »

Zu leh Zoram khawvel

Sunday, December 5th, 2010

Zep ka tum lo. Tunah hian kum 24 na ka hmang mek a, chuti chung chuan YMA Branch pakhat OB ka ni. Ka sawi tur nen hian a inrem lo anih chuan in ngaihdamna ka dil hmasa a. YMA zahawmna tih chhiat ka tumna a ni lo tih hi ka sawi hmasa duh a ni.

Nimin khan kan district DPSO chuan NGO hruaitute ko khawmin eng thu emaw ni a lo sawipui a, tichuan vawiin hian YMA chuan Committee an ko ta a, mahse kei chu ka kal lo. Engvangin? Kan Agenda ‘Krismas vuakvet chhunga ruihhlo do dan tur’ tih a ni. Ruihhlo do hi ka haw ngai lo. Mahse he huna kan rel tur ber hi Krismas hun chhunga zu check dan tur vel a ni.

Tichuan kan veng YMA chuan ro an rel a, Krismas hun chhung chuan veng chhungah mawlmang tak leh awmze nei lo in do rem thei lo leh khap rem theih loh hi kan do in kan khap leh dawn ta tihna a ni chu. Zu huat bur na dan hi paih bo theihdan awm tawh se, Zoram hian penkhatin hma kan sawn dawn si a.
(more…)

Posted in Zu | 200 Comments »

Zu! Zu! Zu!

Monday, November 15th, 2010

(A thupui leh a thu a hi a inmil lo deuh anih pawhin ngaihdan tawk in lo thiam mai dawn nia. A thupui ni lo in a thu a hian awmze thui tak a nei zawk a nia.)

Nizan khan veng lehlamah Mitthi a awm a. Khaw dang a thi a nih avangin a ruang hmuah ngai a ni. Keipawh ka thiante ho nen tlawmngaih chhuahin khawvawt hnuaiah chulai hmun ah chuan kan va kal ve a. Mahni veng a nih loh avangin pawnah thuthmun remin mi che vel chu kan lo thlir vel mai mai a. Dar 11:00 dawn hnaih ah chuan ruang a lo thleng dawn avangin mitthi in kawtah chuan mipui kan lo intlar a.

Chutih lai tak chuan mitthi in chhung atang chuan an veng a YMA hruaitu zing a pakhat chuan thu rawn puangin ” Zanin hi YMA hun anih avangin ruang lo thlen hunah Zu rim nam, Zu lo kam nam ve deuh emaw hrim hrim te kha inchhung in lo luh ve hi a rem lo. Mitthi in bul hnaihah emaw pawh awm lo ang che u. Kan mitthi hi inngaipawimawh ve si anih chuan thingpui lumna lamah khuan in lo zuk awm mai dawn nia” tiin a rawn sawi ta mai a.

Mak ka ti kher mai. Ruang a lo thleng a, ruang lo thlen hnuah pawh chuan a thusawi ang chu a sawi nawn leh nghe nghe a. Ka han hawi vel a, ka kal kual velna ah khan chutiang ang mi reng reng chu ka hmu bawk si lo! A thusawi vang nge ni anga, ruang lo thlen hnuah pawh chuan inchhunga thutna chu a awl duai hlawm mai a, pawn lamah erawh an zi mup mup a. Vawi 2/3 lai chu lut khawm turin an in au nawn leh nghe nghe a.

(more…)

Posted in Mizo Society & Culture, Opinion, Zu | 58 Comments »

Newer Entries »