mi(sual).com

Nula I melh reng reng in, I it ngawih ngawih kha ngaihzawng ngei ngei tum la, nupui ah i neih theih chuan nula dang eng anga thar leh chhelo pawh hmu leh mah la, I awt tawh lovang, chuvang chuan mahni it ngei hi neih ngei ngei a tha. Miin an ruk sak che chuan, i rilru pawh a na hle ang.

Nang erawh chu engkimah fimkhur la, hrehawm tuar la, Chanchin Tha hriltu lam hna thawk la, i rawngbawlna kha hlen rawh II Timothea 4:5.

He Bible chang hi Tirhkoh Pawlan Timothea hnen a lehkha a thawn zinga thu changkhat lek ni mahse, Mihring te tan hian a va pawimawh tak em tih hi, kan hriat hmasak ka duh a ni.

Malaysia ah hian kum enge hun enge maw chen ka awm ve rak rak tawh a, Mobile Phone (Kan khua ah chuan H/P kan ti) hi Mipangai tan chuan a lovin kan awm thei lova, Lal Isua Krista tellova ringtu te kan awm theih loh ang bawkin H/P tello in Malaysia ah hian a tu a te pawh hi ka awm thei lo tih theih khawpin Mihring nunah hmun pawimawh tak a chang mek zel a ni. Chutiang karah chuan ph in biak theihna choh duh tawk lovin mi hmuh a tan pawha changkang, a hmang tu tan pawh a, tangkaina tam tak nei H/P man to tak tak pawh a chhuak ve zel bawk a, hman tangkai na nei tam em em lo (hmang tai kai ve tho), mahni lawm zawng nih vang hrim hrim a, H/P man to hmang te pawh an in kat ve nuk bawk a, chung zingah chuan kei ngei pawh hi ka tel ve a ni.

Ka pa thu sawi ka hriat reng pakhat chu

“ Thil I lei dawn reng reng in I it ngawih ngawih kha lei ngei ngei tum la, I lei theih hnu chuan thil dang eng anga thar leh tha pawh hmu leh mah la, I awt tawh lovang, chuvang chuan mahni it ngei hi lei ngei ngei a tha”

a ti thin. Chu THU ka rilru ah vawng reng in, ka it ngawih ngawih lo hi chu ka lei lova, ka it tak mai ka han lei chiah hian ka lung a kim a, thildangin ka rilru a la peng ta lo reng reng a ni. Chu ka H/P pawh chu ka thla hnih leh a chanve hlawh meuh mai chu ka khawl ve ngar ngar a, lo duh tui bawk nen, Tin, ka duh man to bawk nen, mah ni ei chak pawh ei ngam lovin, mahni hak chak pawh lei ngam lovin, mahni bun chak pawh lei ngam lovin leh mahni kal chak na hmun ah pawh kal ngam lovin ka ip ve tang tang a, Ka hna leh ka In tih lo chu khawi ah mah hian ka pirpak ngam thlawt lo. A tawp ah chuan ka it ngawih ngawih ka H/P duh tak mai chu ka sual chhuak ta ngei mai a, ka lei ni tluk a, ka lawmni hi ka hre lo, kan in ngaihtuah let leh a, kan naupan laia Christmas urlawk zana, thleng kan han dawh a, zing khua a lo vara, kan thleng dawh ah khan ka Barbie duh leh it em em hmana tang tawh a, Bara Bazar phei a, Leo toys dawra ka ngen thin Barbie ngei mai ka han dawh thla kha chu ka lawm lutuk hi ka biangah mittui a far hial a ni, chu chu ka ngaihtuah chhuak a, ka lawm a ti zual nghe nghe. Lungawi tak mai chuan ka H/P duh tak nen chuan kan in kawm thin a, ka Games duh duh kha ka H/P duh tak ah chuan ka han khel thin mai chu engdang hi ka ngai lo, ka zan lam hna a, hun awl nei ninawm tak mai chu, ka H/P nena in kawmnan ka hmang phah thin ta ni. A chang leh Daduhi te ka han ngaihthla pah a, a chang leh Mamivar te zai te ka han en leh vel a, tudang hi ka ngai thlawt lo. Lunglen te pawh a ti zia awm a, nuam ve tak a ni chutih lai chuan.

Ti chuan Ka H/P duh tak nen a, hlim tak a, hun kan hman lai chuan Dawhkan ah ka dah mai a, ka kut ka sil zawk lai chuan Malaysian thil ruk hmangin an lo rubo ta daih mai a, ka ui lutuk chu awm ngaihna hre lovin ka vir ka vir ringawt mai a, Ka dawr hnuai a, Police Boot ah chuan ka va tlan lut a, ka H/P a bova sawlai a Local (Malayo) ho saw khawngaihin min check sak rawh u, ka va ti ringawt a, chutiang a va check theih a nih leh nih loh pawh ka hre lo, ka H/p kha ka ui lutuk tih chiah ka hre tawh a ni, an ni lah chuan Tlai dar 6 hnu lam a tang khan helai bawr velah ringawt hian phone ti bo report kanb dawn tawh chu mi 8 an ni tawh a, chutianga check tawp chu keini chuan kan ti thei lo, we are so sorry tih chhan anka chauh chu ka dawng thei ta. H/P tibo hmu leh hi ka la hre ngai lova, ka tihngaihna hrelovin, a tawp a tawp ah chuan ka tawngtai ta ringawt mai a, Pathian in he Bible chang Nang erawh chu engkimah fimkhur la, II Timothea 4:5 tih thu ngei mai hi min pe ta a ni. He Bible chang hi Kristian nun ah choh nilovin Mihring nunah hian a pawimawh zia, ka H/P bo a tang chiah hian ka hre chhuak a, Engkimah fimkhur la tih hi ka thian ten in lo vawn ve reng a tan duhsakna ka hlan a che u.

Similar Posts:

• Airtel Mizo customer care
• Liandova leh Tuaisiala – Mizo darthlalang
• Ka Zirtirtu
• Allergy Maksak
• Lungawina neilo Tuikuk te

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Monday, August 14th, 2006 at 1:32 pm and is filed under More than words. You can follow any responses to this entry through the RSS 2.0 feed. You can leave a response, or trackback from your own site.