Aizawl November 25 : World Women Boxing Championship vawi 4-na New Delhi-a neih zawh taka 63 kg category-a champion Mizo Nula Jenny R Lalremliani chuan Thawhtanni chawhnu dar 1:00 khian Lengpui Airport atangin Aizawl a rawn lut dawn a, Mizoram sorkar leh Aizawl khawpuia amah hmuak turin a inpuah chah mek.
Nimin khan Sports Minister ZH Ropuia hovin a office-ah Jenny R Lalremliani lo hmuah dan tur hi Sports Association hrang hrang hruaituten an rel. Meeting kaihruaitu Sports Minister chuan thuhma sawiin Jenny-in hlawhtlinna a nei hi Sports Directorate emaw Sports Council, Sports Minister leh Mizoram sorkar that vang a nilo tiin khawvel inelnaah Sports hi a thianghlim ber a, rulling party recommend leh Tribal quota a awm lova, a thiam thiam din chhuahna a ni a ti. Khawvel mihring tam tak zingah Mizo hmeichhia in hetiang dinhmun a thleng thei hi a ropui a, Khawvel hriatah Mizoram a pholang a, Jenny hnehna hi Mizo mipuite hnehna a ni a, kan vaia hnehna a ni a ti bawk.
Jenny hian chhun dar 12:00-ah Lengpui Airport a lo thleng dawn a, ruahman lawk ang chuan Lengpui Airport-ah Mizoram mipui a thei apiangin lirthei thawhchhuah puiin lo hmuah nise, Bawngkawn atanga Aizawl luhpuiin Secretariat (Sports Minister Office hnuai) thleng khawpui fanpuiin tlai dar 3:00 ah amah lawmna pualin inkhawm neih nise tih a ni. Jenny lawmna inkhawmah hian Sports minister khuallian a ni dawn a, khuallian bakah Jenny, R Biakliana (amah chher chhuaktu),MABA hony secretary leh Olympic Association hruaitute’n thu an sawi anga, he hunah hian Jenny DSP-a a kaisanna order hlan nghal a ni dawn a ni.
Jenny Lalremliani hi naupan lai atanga mi dangdai tak a ni a, mipa fa ang maia huaisen a nih bakah a tha hi a tha chungchuang hle a. Kum 7 a nih lai atangin tin pui hi a kawt thin (chutihlai chuan PHE tui sem an la dawng lo) a, a rualpui zingah ngam loh a nei ngai lo. A chhungte chuan engemaw a nih chu an ring a, mahse, boxing lam hi chu a nu te lam chuan an tui pui lo. Hockey lamah a lut hmasa a, goalie a ni thin. Boxing a khel tur hian a chhungte phalna hi an la hmasa a, chumi hnua lut ve chauh a ni. Phai lama kal changte hian sorkar lamin pawisa a pek tam theih loh avangin an chhungkaw pawisa hi a hmang tam hle a, a bak chu a puk chawp te a ni.Hemi kawngah hian thahnem a ngai hle a, state pawna kalchhuak tura kan intir dawn a nih chuan sorkar lam pawh hian sum lamah thilphalna chin a nei tur a ni, a ti thin.
A hlawhtlinna tam ber hi Pathian a a innghah vang niin a ngai a, inkhelh hma atangin a chungte leh a ngamtlakte chu tawngtaipui turin a ngen thin a, amah ngei pawh inkhelh dawn tep thlengin a tawngtai hram hram thin a ni. Hetianga Pathian kuta a indah hian amahah inrintawkna a neih bakah chakna tam tak a neih phah thin niin a ngai a, a tak pawhin a lantir thin.A beisei phak loh a thlen tak avang hian a lawm lutuk hi a lung a chhe hial thin a ni.
Courtesy : kezungpui
Similar Posts:
- Jenny tested positive for banned drugs
- Boxer Nula Jenny ropui taka hmuah a ni
- Hockey was unchallenging for boxer Jenny
- Sports dept in Olympics 2016 ah Mizo infiammi tam thei ang ber tel thei turin hma la dawn
- Amah Mizo Icon – Jenny
November 26th, 2006 at 9:31 am
rulling party recommend leh Tribal quota a awm lova
– Rulling party recommend? Sounds like a slip of the tongue to me.
Report this comment
November 26th, 2006 at 9:51 am
btw…Aizawl Thunders pawhin member kima hmuah an tum.
Report this comment
November 26th, 2006 at 12:22 pm
Aizawl Thunders ho nge nge an ti thra thei khawps mai. Mipa hi ni ila chuan Aizawl Thunders member nih ve hi ka tum nasa chiangkuang viau ang
Jenny chu lo lawm dur dur teh se, a lawmpui awm ee mai, chhuan awm bawk si. Ti tha tlemte hi chu uar tawk hian chhuang em em zel phwt ila ni mai!
Report this comment
November 26th, 2006 at 2:15 pm
Zahawm tak mi(sual).com awfisialte,
He website ka lenin,lehkha ziak tha tak tak intar langa inchung ah leh Pathian chuangah lawmthu awm rawh se.Mahse,Mizo awphawi chuan sawrkar tih zih tur hi sorkar tiin kan chhiar thin hi chu nuam ka ti vak lo khawp mai.
Engkimti thei Pathianin Mizoa inchhal zawng zawng leh Khawvel hmun hrang hranga awm Mizote malsawm rawh se.
Ka lawme.
Report this comment
November 26th, 2006 at 4:10 pm
A ni ngawt mai tiraw. Mahse, famkim lohna khawvela cheng kan ni a, ziah dik tawk loh leh fel lo tawk hi chu awm lo thei lo a ni a. Nangni finchhuah zel kan ngai a ni e. Tun hnuah chuan sawrkar ti a ziah zel kan tum tawh dawn nia.
– Joseph Lalnunmawia
Report this comment
November 26th, 2006 at 5:21 pm
“khawvel inelnaah Sports hi a thianghlim ber a, rulling party recommend leh Tribal quota a awm lova, a thiam thiam din chhuahna a ni” – ZH Ropuia.
Hei kan minister pawh hian thildik lo awm hi chu a hre ve deuh a van ang ve maw le. Sports-ah chauh lo pawh hian a thiam thiam hi kan Zoram KRISTIAN ramah khian dingchhuak thin ila chuan kan ram pawh hian kan han thatpui dawn teh reng nen.
Jenny anga mahni tih lama hlawhtlinna phurchhuak khawp han ni vek thei ila aw..
Report this comment
November 26th, 2006 at 6:47 pm
father nupui ah nei ngawt mai teh a.. ti dawn i la, in in tih thinrim in a knock out zing awm che.. kkk.. DSP ah an kai sang nghal a, chutah cheng engzat tak dawng ang maw?? cash in an pe nghal a nga, chu tah cheque in.. uiiii.. a nuam awm vai a ni mai.. khawvel khawi ah pawh zin se. VIP a ni topz.. hehe..
Report this comment
November 26th, 2006 at 8:40 pm
World Champion han nih chu a nuam awm vei!!Mizo min ti hmingthatu an awm ve leh zauh zauh thin a a lawmawm e…..All the best to Jenny in the near n far future.
Report this comment
November 26th, 2006 at 9:13 pm
Kei paw’n Jenny chu ka chhuang khawp mai.
Report this comment
November 26th, 2006 at 9:27 pm
kan veng nula hi chu ka chhuang teh a nia
a khawlai chhuak te hi han in duh ve deuh awm hi ka lo ti thrin a.. induh chu khoilam a khi vur vur reng mai ni….:-)
Report this comment
November 27th, 2006 at 6:05 am
JENNY. chu kava han kawmpui tak em mizo min ti hmingtha ngei mai mizo nih a ti nuam hle ems ems , music,sport, ah hian kan chang kang cho hle hi ,mizonih ti nuamtu a ni ngei e,tai mak na lam ah hian hma, sawn dan hi …………pu ed, kan mizo thalai ho hi han fuihdan kawng ,tha i hriat ngei ka beisei,enge i ngaih ve dan??
Report this comment
November 27th, 2006 at 6:17 am
pu ed, kan mizo thalai ho hi han fuihdan kawng ,tha i hriat ngei ka beisei,enge i ngaih ve dan?
– Thalai ve tho ka nia
Ka hre vak bik lo. Naute ho hi chhungte rawn fuih rawh an tih pawh hian han tih vak dan ka hre lo. Hei father_sphinx te ang hi tunlai naupang ah chuan an fel hmel khawp mai. Lekhabu zirtha bawk, creative bawk. I hre zawk lo maw?
Report this comment
November 27th, 2006 at 1:04 pm
hmeichhia hi chu tihdan thiam a ngai a ni mai….eng anga rorum pawh nise…kei chu nupuia neih ka huam sawh mai
Report this comment
November 27th, 2006 at 1:07 pm
naaah……ti zia lo thei e mai……
Mahse, thil pakhat sawi duh ka nei a. Tunlai ah chuan fel nih hi hlawh a awl tawh mai mai khawp a, ruihtheihthil i tih loh chuan MI FEL an ti huai huai mai ang che, chu chu ni mai. Chu chu ka thalai pui te ka fuih ve dan ni teh se.
Report this comment
November 27th, 2006 at 1:17 pm
vawikhat a zing tlan ka hmu tawh alawm…a pui hem hem khawp mai. Kei pawh kha zing tlan ka uar lai kha a nia (tunah chuan ka peih tawh lo)…kawng kawiah hian a rawn ri dut dut a..ka tlan phei zel a, ani Jenny kha basketball ti sawt dut dut chungin a rawn tlan theuh theuh mai a…a chak hmel ngawt a sin aw…
Report this comment
November 27th, 2006 at 1:18 pm
chuan….hero honda bikers zawng zawng kal vek tur….heta kal te hi chhinchhiah thlap an ni dawn a, nakinah december – january chhunga bike a chhiat chuan 50% discount a ni mai dawn a ni.
Report this comment
November 27th, 2006 at 4:46 pm
Aizawl thunders hote hi tute nge ni o minlo hrilhfiah sak thei in om em? Smokie ho anlo hmuh thu ka chhiar atang chiah khan ka hre ve chauh….Bike nei zz tihna ami? Kuak loh theih ngei mai…:oP
Report this comment
November 27th, 2006 at 4:51 pm
Royal Enfield “BULLET” bike neitute ho, mahni inchawm thei thrap, mi rethei te khawngaih thin an ni e. Orphanage home ah te pawh thilpek hrang hrang an pe thin.
Report this comment
November 27th, 2006 at 5:02 pm
Thnx father. Jenny chu hmuak mawlh rawh se…Mahni mizopui kanin chawimawi/ngaisang lantir thiam hi chu lawmawm takzet.
Cheers to Jenny!!
Report this comment
November 27th, 2006 at 5:35 pm
Ka va hmuak ve chak e…ka nauawm thin a nia Jenny chu…hihihi
Report this comment
November 27th, 2006 at 6:26 pm
i ngam/cho em?
Report this comment
November 27th, 2006 at 7:42 pm
jenny chu van lompui awm tak em aw…hockey a a keeper thinlai te kha…huai thei a sin aw..Durtlang field ah khian kan practice ho tawh lawm.a hmeichhe team zawk anla chak zui..khatih lai khan,thianpa Sangtea a kha a si-tar ve deuh thin em kha awwww……nula in ngaitlawm,insumthei,ringtu tha taka ni..Jenny i hlawhtlinna ka lawm pui che,Mizo leh Pathian hming chawimawi zel ang che..
Report this comment
November 27th, 2006 at 8:48 pm
ti thra khop mai jenny chu kan sorkar chuan a phu tawk chuan an chawimawi in duhsakna an hlan zel sak kan beisei khop mai.mizo min ti hming thra tu chu chauh niloin INDIA FLAG keng pha leh a mah vang national anthem an play phah hi mizo fa ah chuan kan vang viau ang.a achievement ropui zia hi tun a phur vak a nakin a zuzi ral leh mai2 ang tih hlauhawm khop mai a chak zoh veleh a thil promise treuh a thlakhat poh ral hma a reh leh mai ang tih hlauhom khop mai.an lo soi toh ang khan a man tan a financially a thra tur zok poh nise state dang a mo club dang zom loa mizoram tan a khel reng hi a ngaihsang om in a ropui a ni
Report this comment
November 29th, 2006 at 5:52 am
More pictures here
https://zotalk.com/index.php?op.....38;catid=7
Report this comment
December 2nd, 2006 at 3:16 pm
[…] Hmanniah mipa khat hian ti hian a rawn comment a Zahawm tak mi(sual).com awfisialte, […]
Report this comment
December 2nd, 2006 at 4:41 pm
[…] Hmanniah mipa khat hian ti hian a rawn comment a Zahawm tak mi(sual).com awfisialte, […]
Report this comment