mi(sual).com

Nizan chu “khawnge KL Night Life an tih chhen hi, kan thlithlai ve teh ang” tiin ka lengchhuak a, kan veng kawng chhuk chhovah chuan keimahin ka vak kual ta hrep mai a. zan dar 10pm vel bawr ah In a tang chuan ka chhuk a, Dinner ei tur chuan 11:20pm vel bawr ah chuan Jalan Alor kan tih mai Food hooker tamna ber chu ka pan ta chawt mai a.

Ei tur te chah in thut hmun ka in siam ta a, ka piah lawka Table ah chuan Upa tawh tak Kum 60 chuang deuh vek, Pitar leh Putar rual hi ka hmu ta a, ei tur leh In tur chi hrang hrang in chhawp in, Hlim taka an in kawm ka han hmuh chuan ka ngaihtuahna a ti thui ta em em a, Zandang a ka len chhuah pawh hian, Tiang Upa tawh lam ho Hlim taka an in kawm khawm hi chu ka hmu fo mai a, zan in tak hi chu ka ngaihtuah na a thui hman khawp mai.

Kan Zoram khawvel te ka han ngaituah thleng a, Mizoram ah sawn thalai te tan hmun a awm lo, in tih hlimna hmun a awm lo, Party tih vel pawh a ruk a tih a ngai, etc… kan tih lain Upa lam hi kan sawi ngai em em lo nge maw ni, ka hre ngai lo. Mahse zanin zet zawng, Kei hi Kum 60 chuang ka nih ve hun ah chuan engtin tak maw awm ang ka in ti ta, kan that lai hun, kan vanglai hun ah pawh phun chungin kan hun kan hmang a, kan tar hun ah phei chuan aw….. a va khawhar thlak dawn tak em ka ti ta rum rum mai a.

2002 vel kha ni ta in ka hria. Ka thian nu pakhat (Kei ai chuan a upa deuh)hi M Phil zir tur chuan Delhi a pan dawn a, nikhat chu a Delhi kal hma chuan kan in hmu a, tian ka lo tia “ zir tur zawng zawng hi zir chhuah vek a mi I tum a, In ah te hian awm ve tawh la, Vairam ti reng mai” ka tia, eng tin nge min chhan tih chuan “ E, ka awm peih lo, kan kum a naupang zawk zawk tawh lova, Aizawl a ka awm chuan Kohhran a in hman leh Nula Senior nih bak tih tur awm hek lo mawle” a tia. Han ngaihtuah chian chuan a dik nalai tam tak a awm in ka hria.

Kan naupan laiin Sunday School kan kai a, Kaikim lawman hmuh loh hlauvin kan bei a, Chuan kan han Nula /Tlangval chhova, Mi pangai in ti tan chuan Kohhrana han in hman loh chu, Dik lo tlata in ngaihna in kan khat a, Chutah Kohhran a in hman chiah kha a lo dik bik lova, YMA ah kan han in hmang ve leh a, mahni khawtlang ah chuan Mifel nih kan hlawh ta mai a. Mipakhat sawi ka la hriat reng chu “Mahni vengah Khawhar lena tur awm loh chang te hian a khawhar thlak e” a tia lawm, A ni khawp ang. Thildang tih tur awm hek lo mawle.

Mahse Hmundang leh Ramdang a kan Ka Unau ten engtin nge Life hi an struggle a, engtin nge an hun an hman tih erawh chu kan va hre pha tawh lem lo. Ramdanga awm kan unau ten Darkar khat ah enge maw zat an hlawh laiin Zoram chhung ah chuan Khawhar In kal, Biak In a Hla zir leh Tlai lam tawngtai Inkhawm kal tih velin kan hun kan lo hmang ral ve mek bawk. Ngaihtuah chian chuan Mizoram a kan NUN hi chu a nuam a, a Ho thung.

Chuan kan kum a lo upa chhova, kan Nulat tlangval lai ang bawkin, Tar tan pawh, Inkhawm leh Khawhar in a kal bak tih tur em em kan nei ta lo a ni. Khawhar tak a In a thut tlawk tlawk kha kan hmabak a ni ta ringawt dawn.

Ka Vun vuai hun leh ka chak loh hun a ka huphurh ber mai chu Khawhar taka nun hi ni ta ber in ka hria

Similar Posts:

• Khawhar In Fashion
• Tar ka nih hun chuan
• Motor neiten dahna neih tel ngai tawh
• Mobile Phone ka nei ve a
• Ka duhthusam

Recent Posts:

• Doctor-ten min rawk em?
• Keini chu thingtlang mi kan ni a
• MIND-SET: MIZOTE LEH KAN RILRU SUK-THLEK
• ZoRO Press Release
• Ka lawm e, Mi(sual)-nu!

This entry was posted on Friday, May 18th, 2007 at 11:55 am and is filed under More than words. You can follow any responses to this entry through the RSS 2.0 feed. You can leave a response, or trackback from your own site.