Bhavan Buhfai mipui hnenah!

May 29th, 2007 8:36 am by ZOaTlau

buhfai dawh
(Pic 1 Bhavan kawtah buhfai lei tur intlar thui)

Update May 29:

Food, Civil Supplies and Consumer Affairs Minister Pu K. Sangthuama chuan Congress thalaite buhfai sem tur pek chhuah chu, a thupek anga Supply Director-in a pek chhuah a ni tih a sawi. He thu hi vawiina ama Office-a Press Conference-ah sawiin Minister chuan tun tuma bufai quintal 200, Congress thalaite kuta sem tura pek chu a vawi khatna leh a tawp ber a ni ang a ti a, hetianga tih zui tum an awm chuan phal a ni tawh lo vang a ti bawk.

– Zonet

May 28:
Pa cher lam, inthuam felfai tak pakhat chuan buhfai bag khat hi a lo ru a, sai ngar ngarin a lo kun phei pui nasa mai a. Chu rukru chu a hmutute chuan hnehsawh takin an pawt phar a, ha hmai thi hnuangin an hnek a. A buhfai ruk sa chu mualpho takin a ruknaah an dah lehtir.

He thil hi tun hnai maia thleng a ni a, ka ngaihtuahna a tithui mang e. Kha pa khan buhfai a nei thlawt lo ang a, a nupui fanau riltam hmuh hrehawm ti lutuk chuan ruk a ru ta mai em ni? Kan hman lai pi leh pute danah chuan buhfai ei tur neilo chuan a ruka thenawmte zen zem phal a ni a, tunlai khawvelah chuan a neilo chuan an nghei mai a, a nei apiang pekbelhin an awm.

Kum 2008 Mautam a hnai tial tial a, kum 2007 kum chanve kan chuangkai chauh a, buhfaiah harsatna nasa tak Mizoram chuan a tawk ta! Phai lama awmte chu a nghawng lo mai thei, keini buh ei hnam buh thar si lo tan chuan he harsatna hi a nasa a ni.

Buhfai man a to tual tual a, central lam lah chuan kum dang aia tlem leh man toin kan hnenah an hralh zel bawk si. BOFFACOS sum kha inbumna a ni ang a, kha sum kha kan buh leina tur lahektu a ni lek emaw’n chu aw… tiin ngaihtuahna a kal thui ta. Hetiang reng renga buhfai harsatna kan ram riangtein a tawh hi a awm khat khawp mai. Ration card-a puitling tan thla khatah Kg 2 te a lak theih ta tawk mai. Mi rethei dawra buhfai manto lei ve thei lo tan chuan nasa tak a ni.

(Pic 2 Buhfai leitu)

Kan retheih dan leh hausak dan hi kan inhriat sak tawh si lo. Congress party chuan buluk ang reng tak maiin Inrinni(May ni 27) khan Food and Civil Supply Department atangin buhfai quintal 64.50 lai an lei chhuak a, a leina man hi an la petla lo niin an sawi. He an buhfai lei hi Thawhtanni (May ni 29) atangin mi retheite hnenah hralhchhuah a ni.

Buhfai leitute hian Kg 1 Rs 9 leh tlemin an lei thei a, hei hi tunlai dinhmun thlir chuan a tlawm hle a. Ration buhfai pangngai pawh Kg-ah Rs 13 leh tlem a ni tawh a, a black phei chuan Rs 18 te a kai tawh. He opposition party hian eng rilru pua ti nge a nih phei chu ka hre lo, mahse mi rethei tam takin an chhawr a, sawrkar pawh a inenfiah a hun ta hle mai.

12 Responses to “Bhavan Buhfai mipui hnenah!”

1
benjamin Says:
May 29th, 2007 at 8:41 am
While updating this post, the existing post by mistake disappeared. Hence the comments are gone. Mistake and disappearance of missing comments is regretted.

Report this comment
2
keimah Says:
May 29th, 2007 at 8:57 am
Politician ho hian mipuite hi ‘football’-ah min hmang a nih hi! Congress thalaite hian mipui an hmangaih hrim hrim a ni lo va, an Party hma ngai ranin an che mai a ni tih a chiang reng. Chutiang bawkin MNF leh Party dangte pawh an danglam chuang lo! Mipuite zawk hi kan harh chhuah a tul a ni…Mautam… BOFFACOS…mi liante tan len lehzualna, retheite tan retheih leh zualna…hui ha!!!… Mahse tun atanga rei vak lovah hian kan thalai rual, ram a taka hmangiahtute an lo la chhuak thuaiin ka ring tlat….

Report this comment
3
Hotmail Says:
May 29th, 2007 at 11:15 am
K.Sangthuamna sawi chu a dik tak tak chuan Congress tan thil tha tak a tihsak a va ang deuh mai ve !
Mizo mipuite’n an duh ber MNF party 1998 atangin kan laltir a, kan la kham lo aniang 2008 ah pawh laltir leh kan tum a ang viau. Buhfai vang tih vel mai mai chu ngaihah kan neih mai ang chu.

Kan lungngai tur ani lo. Myanmar ah buh (rice) a tam lutuk. Kan ramah hian ‘buhfai vang’ lovin ‘minister leh officer hnathawk thiam’ an vang vawk ani.

Report this comment
4
virgine_gal Says:
May 29th, 2007 at 12:46 pm
huihamssssssssssssssssss eng Party mah hi ka ring lo..mahni pumpui chiah an hmangaih a mah erawh chu keini mimawl tan poh a hriat theih leh lang thei khop in MNF Party chuan thlei bik a neih zia chu a lang chiang a lawm..

Report this comment
5
ZOaTlau Says:
May 29th, 2007 at 1:27 pm
A tirah quintal 64.5 an la a, a hnuah an lakbelh leh thei tho. An hre sa veka mahse an dang thei chuang lo a nih dawn kha maw le. Pu Benji kei leh ka chhungte chuan ATTA kan ei tawh mai dawn, BUHFAI PAWH AN POLITICISE vek tawh!!

Report this comment
6
benjamin Says:
May 29th, 2007 at 1:30 pm
Pu Zo,
Kei leh ka chhungte chuan ATTA kan ei na rei rawh tawh

Report this comment
7
chepahakhata Says:
May 29th, 2007 at 2:02 pm
Kan Mizoram hian kan chaw rinpuiberah BUHFAI kan lo ei hi chu a buaithlak deuh a ni. VAEIMIM, BAL, BAHRA,ALU & MAI te hi chaw-ah ring thei ila chuan kan intodelh thei tur nan, kan ram leilung leh sik leh sa nen a in milh bakah thar tam a awl in enkawl a hautak lo.

Report this comment
8
Nirvana Says:
May 29th, 2007 at 3:07 pm
Vaimim hi mi thenkhat chuan chaw berah a hmang asin. White maize flour chu a var hlap mai a, a sak deuh na a, tlem te pawn a puar theih khawp mai.
Couscous (‘khuskhus’ tia lam tur) Arab ho chaw pawh hi a tui viau. Atta ang deuh in semolina wheat atanga siam a ni. Alu pawh hi tun hma lama Irish ho chaw ber ania, tunlai hian an la hmang emaw. Tapioca te hi chaw tha lutuk ani awm asin.
Mahse, sorkar tawng deuh neih vanga “Let them eat cake” policy hman ka tum teuh lo. Buhchangrum ngat kan ei ang chu.

Report this comment
9
tlangvala Says:
May 29th, 2007 at 3:59 pm
Alu ei hi intih hmuh mah ila pawilo viau a sin a tlawm zawk sia.. alu chhum leh bai te chu a in hmeh lutuk…saum bawl pawh..
ei reng kan peih loh pawn .. ei zauh zauh in kan la hlawm zui..

kan mi ngaihsan ber sap ho tih dan pawh ani lawmni..

Report this comment
10
rka_49er Says:
May 29th, 2007 at 4:08 pm
Congress ho thil tih hi chu politics in chirh thehna a ni mai thei(?) an losss zawk hmel bawk. mahse mi rethei in a zar kan zo tlats, kan chhungte pawn an va lei ve kei ni chu kan rethei a, mipuiin kan zir lo pawh in ti mai thei, buhfai a man tlawm a lei tur a vang a a ngaihna hre lo kan nia, in dem chuan chhuan chhamin in la awm hnai lo tihna ni mai. lolx

Report this comment
11
chepahakhata Says:
May 29th, 2007 at 5:49 pm
New Zealand a Maori-ho pawhin Alu& kawlbahra [kumara NZ English= sweet potato] hi a chaw rinpuiber ani a, an taksa hi a tlangpuiin anlianin an chhah tha thei khawp mai. Pakeha-ho [Pakeha is Kiwi or NZ English, it mean non-Maori ,Europeon who live in NZ ]ai mahin an sa tha zawk. Rugby-ah pawh world champion an ni deuh fo[ an chak ka tih duhna ani].

Report this comment
12
brownie Says:
May 30th, 2007 at 2:38 am
buhfai omloh loh chuan eitur dang ei in jirtir ve mai tur…mizofate hi buhfai chauhin kan nung tur anilo

Report this comment