Thianpa Taitea, MAL Book of the Year 2007 “Pasalthate Ni Hnuhnung” ziaktu hian The Aizawl Post Thalaite Huanga chhuah atan a rawn ziak a, a thu a tha si a, ka rawn post ve thuai mai.
Vûrzâm a tla seng seng a. Thing hnahte pawh a tla filh \het \hut ang a, kawtthlerahte chuan vur a tla ngan tên tûn ta ve ang. Chumi tûk kher kher chuan khaw vâwt a zual a, a vin tûk a, hawina lam apiang chu a vâr vû a, a khawharthlâk ngawih ngawih vek a. Chicago khawpui kawtthler pakhata Juda-ho chenna, mi chhe vêngah chuan puana tuam lum pawh hlawh lovin nausen pakhat chu a lo piang ve nawlh mai. Nausen piang hlim chu an \ap a ni ngai a, mahse chumi zing vâwt tûka nausen lo piang ve kher chu a \ap nge \ap lo kan hre tlat lo; chu in chhunga hmeichhe \ap ri erawh chu kan hria. A nu \ap chuan nausen \ap ri chu a hliah pawh a ni ang. Nu chu engvanga \ap mai nge a nih? Nausen chu a mamawh lo, chawm hlawm tur hrawk pakhat a lo pun belh leh tihna chauh a ni a. Hma lam hun ngaihtuahin a rilru pawh a mang rum rum mai thei.
As the snow flies,
On a cold and gray Chicago morning
A poor little baby child is born
In the Ghetto
And his Mama cries
Cause if there one thing that she don’t need
Its another hungry mouth to feed
In the Ghetto.
A nu chu engvanga \ap ringawt nge a nih mipui khân lo hrethiam lo mai teh suh u, naupang hian \anpui a ngai a ni. Heti hrim hrima a lo \hang lian dâwn a nih chuan VDP khuanga \an mai loh chu hmabak a nei lo. Tlangval luhlul leh vantlang tana mi hlauhawm takah a lo chhuak nawlh mai dâwn a ni. Nang pawhin, kei pawhin in enfiah kan ngai, a chanvo chhe lutuk hre tur hian kan mit a del em ni? Nge, he naupang lo \hang lian mêk hi a thang thangin thang mai mai rawh se tiin lehlam kan hawisan dâwn?
Peolple, don’t you understand
The child need a helping hand
Or he’ll grow to be an angry young man some day
Take a look you and me
Are we too blind to see
Do we simply turn our heads
And look the other way.
Engpawh ni se, khawvel chu a kal pangngaiin a kal muah muah a. Chulai mi chhe veng kawtthlerah chuan mipa naupang te tak tê, chêr dâng dîk dêk, ril\âm kaw ruak ngawih ngawih chu hritlang hnap tawlh pîr pêrin, vûr nal zuk leh thlipui thaw hum hum hnuaiah chuan a infiam ve lauh lauh va.
Well the world turn
And a hungry little boy with a runny nose
Plays in the street as the cold wind blows
In the Ghetto.
Ril\am tih ringawt hian a sawifiah zo tawh lo. Uipui pawhin saruh chhar hun an nei a, kutdawh mi vakvaite pawhin anmahni khawngaiha, ei tur tlêm tal lo petu an tawng \hin a. Mahse, chu tlangvâl chuan a lo pian ve ni a\ang khân puar el euhva chaw ei tur a la hmu ngai lo va. Tûnah zawng, a ril\amna chu a nasa tawh lutuk, a tawrha tawrh zawh rual a ni ta lo. A kawchhe ri chu khawpui ri ang rum rum pawh a ni ta ve ang. Zan thimah, zanlaiah, kawtthlerah a vâk vêl ruai ruai a. He khawvêl hi a phak tawka sâng a\angin a han thlir a, lungawina tur chhan reng reng a hre lo, a thin a rim a, khawvel lakah hian a hel a ni. Nimahsela, heti reng chu a ni bik lo vang; zawhte pawhin ngiau hun a nei a, zangkhua pawhin bungbut hun a nei ngai alâwm. Rukrûk a zir ta a. A kuttum a hum ruh a, boruakah a han vai vêl a, insual pawh a zir a \ul tlat.
And his hunger burns
So he starts to roam the street at night
And he learns how to steal
And he learns how to fight
In the ghetto.
Zan khat chu a vawrtâwp a thleng ta. Pawisak reng reng nei miah lo khawpin a bei a dawng tawh a. Mipa a ni a, a tihtur chu a hria alâwm. Hei lo hi chu atân duhthlan tur dang a awm lo, a awm miah lo takzet. A kawng zawh tur chu a thlang fel ta. Dawrah a kal a, silai a lei a; tin, car rûk pawh a ngai. A ru ta ngei reng bawk a. Dawr rawk a tum nge, bank a suam? Tlanchhiat a tum a, mahse thui a tlan hman lo. Fapa vangin nu chu a \ap a ni.
Then one night in desperation
A young man breaks away
He buys a gun, steals a car
Tries to run, but he don’t get far
And his Mama cries.
Chulai Juda chenna mi chhe vengah chuan mipui chu an an lo chhuak khâwm a, chu tlangval la naupang tak, thinrima sapatal chu an din hual a. Mahse, a chungah engmah tih theih an nei tawh lo. Tlangval chu tualcharah chuan a bawkkhupin a tlu a, a kut lehlam chuan silai a la hum rân a.
As a crowd gathers round an angry young man
Face down on the street with a gun in his hand
In the ghetto.
Kan tlangvâla chu a thi ta. Nia, Chicago zing vâwt tûk leh vûr sûr chum chum hnuaia tlangval a thih riai riai lai chuan, Juda-ho chenna mi chhe vengah chuan nausen dang pakhat a lo piang ve leh mek bawk a.
As her young man dies
On a cold and gray Chicago morning
Another little baby child is born
In the ghetto.
May 30th, 2007 at 12:37 pm
Retheihna hi mihring tena kan awhloh ber a ni maithei. a thu ka chhiar atangin ka rilru ah kan ZORAM alo lang nghal. Tun ang zela kan kalchhuo chuan rethei ve tak tak, duhthlan tur nei tawh chuanglo tena kan hmabak ala nih vel viau e… chumi hunah chuan ‘As a crowd gathers round an angry young man Face down on the street with a gun in his hand
In the ghetto.’ tih hi Sap nun ngaisan Zofa te hian a takin kan la nunpui mai ang aaaa … Ka hre bik lo le
Report this comment
May 31st, 2007 at 12:35 am
Ngaihtuahna a i thui khawp. Ka lo ngaihtuah chu kan ziak mite hian nasa leh zualin kan ram rumna hi min fah ve se, super model ai chuan kan mamawh rih zawkin ka hria. Nakin a kan hun tawng ve tur hlimthla a nih duh hmel e.
Report this comment
June 26th, 2009 at 8:59 pm
he thu hi lunglenna thawvengah ka chiar a, a ziaktu hi ka mi ngaihsan em em C. Lalnunchanga a ni e. A lehkhabu pasaltha ni hnuhnung leh ruamrai kha mi zaawgh zawngin chhiar vek teh iu
Report this comment