Football khawvel tukverha Mizote min dahchhuah puitu, BBC buatsaih Sports Quiz ah pawh lawmman pakhatna lo dawng tawhtu, Sportsweek, Vanglaini Soccermania leh Y2Goal chanchinbu editor thin, ZONET FootballZone a hmuipui pu ni bawk Mamuana chuan sports goods zawrhna dawr, ‘The Y2Goal Agencies’ a siam ta. Chanmari veng, Davids Kitchen bulah dawr hi siamin, Mizoram-a VCP lar ber, Chanmari VCP Pu Rosiamngheta chuan ni 19, dar 10:30 vel khan a hawng ta. He dawrah hian infiamna bungraw hrang hrang zawrh a ni a, European club hrang hrangte bungrua a awm a, infiamna lam lehkhabu pawh a tel. He dawr hi a hmel ena a tlawm ang ngei hian a chhunga bungraw zawrh pawh hi a man a tlawm.
Dawr neitu Mamuana chuan, “Infiammi te hi rethei te te kan ni a, man tlawm zawk leh tha zawka infiammi ten an lei theih beiseiin hma ka la ve tawp mai a ni” a ti. Dawr hawngtu Pu Rosiamngheta chuan, “He dawr hi ka thuneihna huam chhunga awm a nihna ang ngeiin, tuma dan rual loh leh khap rual lohin ka hawng a ni” a ti a, “Mamuana hian infiamna lamah Pu RK-a leh Pu VNT-a te angin talent nei tha lo mah se, a bungraw zawrh lamah talent a nei a ni. TV vela football chungchang a sawi thin zawng zawng pawh hi ka ziahsak vek a ni” a ti bawk!!!!
Dawr hi a len lem loh avangin kalkhawmte pawh a tam zawk chu pawnah an ding a, ruah a sur bawk si nen SAKA te pawh an ding dir zaih zaih mai!!!! Darrokima chuan thahnem a ngaihpui em avangin Fabregas thlalak a leisak tawh thu a sawi a, David (LPS) pawhin a khawngaih em vanga a dawr tawh thu a sawi bawk. Kei pawhin Remruata (Zozam) lei ang a nih vang pawh ni chuang lo-in, Man Utd puanzar hlai tha tak ka lei ve!!! Tetea (Vanglaini) chuan, “A neitu pa hian dawr hawn ni bak a nghah peih kan ring lo” a ti a, sap rama rei lo te zuk cham avanga lehkhabu chhah tak ziak Pu PL-a kam chhuak kan la hre lo. Mamuana hi a thik a nih ngei rin a ni a, dawr hawnna-ah pawh hian a hmel hmuh a ni lo!!!
Similar Posts:
- Dawr kang ral
- misual.com hi dawr ni ta se
- Mizo vs Vai Sumdawng
- Mualpui lamah Sonia Gandhi-in stadium thar tur lung a phum
- Pathiannia infiam lo turin ngen
July 20th, 2007 at 8:07 am
A dawra thil lei tur chuan a sawmin min rawn sawm. A hawnna a tel tur erawh chuan…………………….. Mahse Stevie G poster min leitir(ka duh tho) a, lung a awi tho e. Darrokima te ang paw’n Fabregas an lei ngam a nih chuan Stevie G poster te chu Gerrarda-pa hian a lei ngam tur a ni hrim hrim. VCP, a hawngtupa hian eng club nge a tran ang le??????
Report this comment
July 20th, 2007 at 9:09 am
Y2Goal han sawirik takah chuan lung te pawh a leng rum rum a lawm le. A la rei loh tehreng nen a kum chiah ka’n hriatchhuah zawh loh chu a, a subscribe-na tur sum ka nei si lo, ka chhiar ve ziah duh si, kan veng agent hnenah a sem lai chanve min sem tir turin ka dil, a lo phal ve mai bawk a. A tira ka phur a nuam ka nuam ka tih thin vei nen khan kum khat dawn hnuah kha chuan a buaithlak duh khawp mai. A chhuah ni zing karah sem nghal ka duh thin si, dar 7 hmain a lo thleng ngai si lo, tution kal ngai bawk, 9:30 a school thlen hman ngai bawk, chaw ei hmanhmawh lo mi ka lo ni bawk nen, Y2Goal chhuah ni kha chuan ka buai thei teh mai asin.
Aizawl ka lo haw hunah Manchester United thil engemaw ber ka la rawn lei ve ang.
Report this comment
July 20th, 2007 at 10:02 am
VCP Rosiamngheta hian fiamthu a duh ve hmel khawp hi mawle.. theologian turn politician zingah chuan ho ber pawl a ni awm e… theologian pastor tlinglo ai chuan tling turn politician hi an fuh zawk ang e!!! te ka tia
Report this comment
July 20th, 2007 at 12:16 pm
U-Mamuana….kan VENGggggggggggg
tunlai chu Chhinga-Veng ho an van lar ve…
Youth Icon – Esther
Soup Mod – tu te unau nge khah??
Mizoram Gorkha Miss – Tapan-a (RIP) nau
Y2Goal – U-Mamuana
internet all time superstar – virgochhas
akekekkekekkekekkekekkekekkekke
Report this comment
July 20th, 2007 at 12:20 pm
ti daih i la eng bu ber nge khah? Sydney Sheldon ziak ah khan, a changtunu kha real estate lam a tih kha…
kha ta a soi a’real estate ah chuan thil pawimawh hmasa pathum chu 1] location, 2] location and 3] location’ a tih kha
dawr ah poh hian a ni in ka hria…David’s Kitchen bul ah chuan chep pawh ni se “Chite lui kam a dawr” tih te ai chuan an lun in an in hralh thei daih zawk ang…
“Best of Luck U-Mamuan”
haw veleh han tlawh sak ve tur nih hi
Thierry Henry pawh an nu nen an in thren sia…U-Mamuana hian a nick te a lo hriat palh tak hlauh in :D…a Yahoo ID te pawh a hre mial mai thei sin
*hihihihhihihi*
Report this comment
July 20th, 2007 at 1:49 pm
i soi ho ram ram tre!!
Keicu a thil xor vel hi ka lakpui nia..a man po..shhh!! soi hrih lo phot te ang..!! 
Report this comment
July 20th, 2007 at 9:36 pm
Rosiamngheta chu lung a va ti leng ve…Beckham jersey te hi eng zat man nge niang le?
Report this comment
July 20th, 2007 at 9:39 pm
Tetea sawi hi dik ka ring tlat, dawrah athut reng peih ka ring lo. !!!
A dawr kawngkharah khian ding se, Mi dang luhna a leng ang em? ngaihtuah peih te tan.hahah kekek!!!!!!!!!!
Report this comment
July 20th, 2007 at 10:44 pm
Good Luck U Mamuan Dawrnghah laiin SMS thon sek leh chhiara nuih vur vur loh tur Customer i ti ti ang
Report this comment
July 27th, 2007 at 10:24 pm
ka pu,i dawrah cuan sas ne sports guds tam zawk a????
Report this comment